[537] 5. Mah±sutasomaj±takavaººan±

Kasm± tuva½ rasaka edis±n²ti ida½ satth± jetavane viharanto aªgulim±lattheradamana½ ±rabbha kathesi. Tassa uppatti ca pabbajj± ca upasampad± ca aªgulim±lasuttavaººan±ya½ (ma. ni. aµµha. 2.34 ±dayo) vuttanayena vitth±rato veditabb±. So pana saccakiriy±ya m³¼hagabbh±ya itthiy± sotthibh±va½ katv± tato paµµh±ya sulabhapiº¹o hutv± vivekamanubr³hanto aparabh±ge arahatta½ patv± abhiññ±tova as²tiy± mah±ther±na½ abbhantaro ahosi. Tasmi½ k±le dhammasabh±ya½ katha½ samuµµh±pesu½– “±vuso, aho vata bhagavat± tath±r³pa½ ludda½ lohitap±ºi½ mah±cora½ aªgulim±la½ adaº¹ena asatthena dametv± nibbisevana½ karontena dukkara½ kata½, aho buddh± n±ma dukkarak±rino”ti. Satth± gandhakuµiya½ µhitova dibbasotena ta½ katha½ sutv± “ajja mama gamana½ bahupak±ra½ bhavissati, mah±dhammadesan± pavattissat²”ti ñatv± anopam±ya buddhal²l±ya dhammasabha½ gantv± varapaññatt±sane nis²ditv± “k±ya nuttha, bhikkhave, etarahi kath±ya sannisinn±”ti pucchitv± “im±ya n±m±”ti vutte “anacchariya½, bhikkhave, id±neva param±bhisambodhi½ pattena may± etassa damana½, sv±ha½ pubbacariya½ caranto padesañ±ºe µhitopi eta½ damesin”ti vatv± tehi y±cito at²ta½ ±hari.

At²te kururaµµhe indapatthanagare korabyo n±ma r±j± dhammena rajja½ k±resi. Tad± bodhisatto tassa aggamahesiy± kucchimhi nibbatti. Dasam±se atikkante suvaººavaººa½ putta½ vij±yi, sutavittat±ya pana na½ “sutasomo”ti sañj±ni½su. Tamena½ r±j± vayappatta½ nikkhasahassa½ datv± dis±p±mokkhassa ±cariyassa santike sippuggahaºatth±ya takkasila½ pesesi. So ±cariyabh±ga½ ±d±ya nagar± nikkhamitv± magga½ paµipajji. Tad± b±r±ºasiya½ k±sirañño putto brahmadattakum±ropi tatheva vatv± pitar± pesito nagar± nikkhamitv± tameva magga½ paµipajji. Atha sutasomo magga½ gantv± nagaradv±re s±l±ya phalake vissamatth±ya nis²di. Brahmadattakum±ropi gantv± tena saddhi½ ekaphalake nis²di. Atha na½ sutasomo paµisanth±ra½ karonto “samma, maggakilantosi, kuto ±gacchas²”ti pucchitv± “b±r±ºasito”ti vutte “kassa puttos²”ti vatv± “k±sirañño puttomh²”ti vutte “ko n±mos²”ti vatv± “aha½ brahmadattakum±ro n±m±”ti vutte “kena k±raºena idh±gatos²”ti pucchi. So “sippuggahaºatth±y±”ti vatv± “tvampi maggakilantosi, kuto ±gacchas²”ti teneva nayena itara½ pucchi. Sopi tassa sabba½ ±cikkhi. Te ubhopi “maya½ khattiy±, ek±cariyasseva santike sippuggahaºatth±ya gacch±m±”ti aññamañña½ mittabh±va½ katv± nagara½ pavisitv± ±cariyakula½ gantv± ±cariya½ vanditv± attano j±ti-±di½ kathetv± sippuggahaºatth±ya ±gatabh±va½ kathesu½. So “s±dh³”ti sampaµicchi. Te ±cariyabh±ga½ datv± sippa½ paµµhapesu½.

Na kevalañca te dveva, aññepi tad± jambud²pe ekasatamatt± r±japutt± tassa santike sippa½ uggaºhanti. Sutasomo tesa½ jeµµhantev±siko hutv± sippa½ upadisanto nacirasseva nipphatti½ p±puºi. So aññassa santika½ agantv± “sah±yo me”ti brahmadattassa kum±rasseva santika½ gantv± tassa piµµhi-±cariyo hutv± sippa½ sikkh±pesi. Itaresampi anukkamena sippa½ niµµhita½. Te anuyoga½ datv± ±cariya½ vanditv± sutasoma½ pariv±retv± nikkhami½su. Atha ne sutasomo maggantare µhatv± uyyojento “tumhe attano attano pit³na½ sippa½ dassetv± rajjesu patiµµhahissatha, patiµµhit± ca pana mamov±da½ kareyy±th±”ti ±ha. “Ki½ ±cariy±”ti? “Pakkhadivasesu uposathik± hutv± m± gh±ta½ kareyy±th±”ti. Te “s±dh³”ti sampaµicchi½su. Bodhisattopi aªgavijj±p±µhakatt± “an±gate b±r±ºasiya½ brahmadattakum±ra½ niss±ya mah±bhaya½ uppajjissat²”ti ñatv± te eva½ ovaditv± uyyojesi. Te sabbepi attano attano janapada½ gantv± pit³na½ sippa½ dassetv± rajjesu patiµµh±ya patiµµhitabh±vañceva ov±de vattanabh±vañca j±n±petu½ paºº±k±rena saddhi½ paºº±ni pahiºi½su. Mah±satto ta½ pavatti½ sutv± “appamatt±va hoth±”ti paºº±ni paµipesesi.

Tesu b±r±ºasir±j± vin± ma½sena bhatta½ na bhuñjati. Uposathadivasatth±yapissa ma½sa½ gahetv± µhapesi. Athekadivasa½ eva½ µhapitama½sa½ bhattak±rakassa pam±dena r±jagehe koleyyakasunakh± kh±di½su. Bhattak±rako ta½ ma½sa½ aditv± kah±paºamuµµhi½ ±d±ya carantopi ma½sa½ upp±detu½ asakkonto “sace ama½sakabhatta½ upan±mess±mi, j²vita½ me natthi, ki½ nu kho kariss±m²”ti cintetv± “attheso up±yo”ti vik±le ±makasus±na½ gantv± muhuttamatassa purisassa ³ruma½sa½ ±haritv± supakka½ pacitv± bhatta½ upan±mesi. Rañño ma½sakhaº¹a½ jivhagge µhapitamattameva satta rasaharaºisahass±ni phari, sakalasar²ra½ khobhetv± aµµh±si. Ki½k±raº±? Pubbe cassa sevanat±ya. So kira at²t±nantare attabh±ve yakkho hutv± bahu½ manussama½sa½ kh±ditapubbo, tenassa ta½ piya½ ahosi So “sac±ha½ tuºh²yeva bhuñjiss±mi, na me aya½ ima½ ma½sa½ kathessat²”ti cintetv± saha khe¼ena bh³miya½ p±tesi. “Niddosa½, deva, kh±d±h²”ti vutte manusse paµikkam±petv± “ahametassa niddosabh±va½ j±n±mi, ki½ n±meta½ ma½san”ti pucchi. “Purimadivasesu paribhogama½sameva, dev±”ti. “Nanu aññasmi½ k±le aya½ raso natth²”ti? “Ajja supakka½, dev±”ti. “Nanu pubbepi evameva pacas²”ti. Atha na½ tuºh²bh³ta½ ñatv± “sabh±va½ kathehi, no ce kathesi, j²vita½ te natth²”ti ±ha. So abhaya½ y±citv± yath±bh³ta½ kathesi. R±j± “m± saddamak±si, pakatiy± pacanakama½sa½ tva½ kh±ditv± mayha½ manussama½sameva pac±h²”ti ±ha. “Nanu dukkara½, dev±”ti? “M± bh±yi, na dukkaran”ti. “Nibaddha½ kuto labhiss±mi, dev±”ti? “Nanu bandhan±g±re bah³ manuss±”ti. So tato paµµh±ya tath± ak±si.

Aparabh±ge bandhan±g±re manussesu kh²ºesu “id±ni ki½ kariss±mi, dev±”ti ±ha. “Antar±magge sahassabhaº¹ika½ khipitv± yo ta½ gaºh±ti, ta½ ‘coro’ti gahetv± m±reh²”ti ±ha. So tath± ak±si. Aparabh±ge r±jabhayena sahassabhaº¹ika½ olokentampi adisv± “id±ni ki½ kariss±m²”ti ±ha. “Yad± bherivel±ya nagara½ ±kula½ hoti, tad± tva½ pana ekasmi½ gharasandhimhi v± v²thiya½ v± catukke v± µhatv± manusse m±retv± ma½sa½ gaºh±h²”ti. So tato paµµh±ya tath± katv± th³lama½sa½ ±d±ya gacchati. Tesu tesu µh±nesu ka¼evar±ni dissanti. Mama m±t± na paññ±yati, mama pit± na paññ±yati, mama bh±t± bhagin² ca na paññ±yati, manuss±na½ paridevanasaddo s³yati. N±gar± bh²tatasit± “ime manusse s²ho nu kho kh±dati, byaggho nu kho kh±dati, yakkho nu kho kh±dat²”ti olokent± pah±ramukha½ disv± “eko manussakh±dako coro ime kh±dat²”ti maññanti. Mah±jan± r±jaªgaºe sannipatitv± upakkosi½su. R±j± “ki½, t±t±”ti pucchi. “Deva imasmi½ nagare manussakh±dako coro atthi, ta½ gaºh±peth±”ti ±ha½su. “Aha½ katha½ ta½ j±niss±mi, ki½ aha½ nagara½ rakkhantopi car±m²”ti.

Mah±jan± “r±j± nagarena anatthiko, k±¼ahatthisen±patissa ±cikkhiss±m±”ti gantv± tassa ta½ kathetv± “cora½ pariyesitu½ vaµµat²”ti vadi½su. So “s±dhu satt±ha½ ±gametha, pariyesitv± cora½ dass±m²”ti mah±jane uyyojetv± purise ±º±pesi, “t±t±, nagare kira manussakh±dako coro atthi, tumhe tesu tesu µh±nesu nil²yitv± ta½ gaºhath±”ti. Te “s±dh³”ti sampaµicchitv± tato paµµh±ya nagara½ pariggaºhanti. Bhattak±rakopi ekasmi½ gharasandhimhi sampaµicchanno hutv± eka½ itthi½ m±retv± ghanaghanama½sa½ ±d±ya pacchiya½ p³retu½ ±rabhi. Atha na½ te puris± gahetv± pothetv± pacch±b±ha½ bandhitv± “gahito manussakh±dako coro”ti mah±sadda½ kari½su. Mah±jano ta½ pariv±resi. Atha na½ suµµhu bandhitv± ma½sapacchi½ g²v±ya bandhitv± ±d±ya sen±patissa dassesu½. Sen±pati ta½ disv± “ki½ nu kho esa ima½ ma½sa½ kh±dati, ud±hu aññena ma½sena missetv± vikkiº±ti, ud±hu aññassa vacanena m±ret²”ti cintetv± tamattha½ pucchanto paµhama½ g±tham±ha–

371. “Kasm± tuva½ rasaka edis±ni, karosi kamm±ni sud±ruº±ni;

han±si itth² purise ca m³¼ho, ma½sassa hetu adu dhanassa k±raº±”ti.

Tattha rasak±ti bhattak±raºa½ ±lapati.

Ito para½ utt±nasambandh±ni vacanapaµivacan±ni p±¼ivaseneva veditabb±ni–

372. “Na attahet³ na dhanassa k±raº±, na puttad±rassa sah±yañ±tina½;

bhatt± ca me bhagav± bh³mip±lo, so kh±dati ma½sa½ bhadantedisa½.

373. “Sace tuva½ bhatturatthe payutto, karosi kamm±ni sud±ruº±ni;

p±tova antepura½ p±puºitv±, lapeyy±si me r±jino sammukhe ta½.

374. “Tath± kariss±mi aha½ bhadante, yath± tuva½ bh±sasi k±¼ahatthi;

p±tova antepura½ p±puºitv±, vakkh±mi te r±jino sammukhe tan”ti.

Tattha bhagav±ti g±rav±dhivacana½. Sace tuvanti “sacca½ nu kho bhaºati, ud±hu maraºabhayena mus± bhaºat²”ti v²ma½santo evam±ha. Tattha sud±ruº±n²ti manussagh±takamm±ni. Sammukhe tanti sammukhe µhatv± eva½ vadeyy±s²ti. So sampaµicchanto g±tham±ha.

Atha na½ sen±pati g±¼habandhanameva say±petv± vibh±t±ya rattiy± amaccehi ca n±garehi ca saddhi½ mantetv± sabbesu ekacchandesu j±tesu sabbaµµh±nesu ±rakkha½ µhapetv± nagara½ hatthagata½ katv± rasakassa g²v±ya½ ma½sapacchi½ bandhitv± ±d±ya r±janivesana½ p±y±si. Sakalanagara½ viravi. R±j± hiyyo bhuttap±tar±so s±yam±sampi alabhitv± “rasako id±ni ±gacchissati, id±ni ±gacchassat²”ti nisinnova ta½ ratti½ v²tin±metv± “ajjapi rasako n±gacchati, n±gar±nañca mah±saddo s³yati, ki½ n³ kho etan”ti v±tap±nena olokento ta½ tath± ±n²yam±na½ disv± “p±kaµa½ ida½ k±raºa½ j±tan”ti cintetv± sati½ upaµµhapetv± pallaªkeyeva nis²di. K±¼ahatthipi na½ upasaªkamitv± anuyuñji, sopissa kathesi. Tamattha½ pak±sento satth± ±ha–

375. “Tato raty± vivas±ne, s³riyuggamana½ pati;

k±¼o rasakam±d±ya, r±j±na½ upasaªkami;
upasaªkamma r±j±na½, ida½ vacanamabravi.

376. “Sacca½ kira mah±r±ja, rasako pesito tay±.

Hanati itthipurise, tuva½ ma½s±ni kh±dasi.

377. “Evameva tath± k±¼a, rasako pesito may±;

mama attha½ karontassa, kimeta½ paribh±sas²”ti.

Tattha k±¼±ti k±¼ahatthi. Evamev±ti tena sen±patin± tejavantena anuyutto r±j± mus± vattu½ asakkonto evam±ha. Tattha tath±ti ida½ purimassa vevacana½. Mama atthanti mama vu¹¹hi½. Karontass±ti karonta½. Kimetanti kasm± eta½. Paribh±sas²ti aho dukkara½ karosi, k±¼ahatthi tva½ n±ma añña½ cora½ aggahetv± mama pesanak±raka½ gaºh±s²ti tassa bhaya½ janento kathesi.