[476] 3. Javanaha½saj±takavaººan±

Idheva ha½sa nipat±ti ida½ satth± jetavane viharanto da¼hadhammadhanuggahasuttantadesana½ (sa½. ni. 2.228) ±rabbha kathesi. Bhagavat± hi–

“Seyyath±pi, bhikkhave, catt±ro da¼hadhamm± dhanuggah± susikkhit± katahatth± kat³p±san± catuddis± µhit± assu, atha puriso ±gaccheyya ‘aha½ imesa½ catunna½ da¼hadhamm±na½ dhanuggah±na½ susikkhit±na½ katahatth±na½ kat³p±san±na½ catuddis± kaº¹e khitte apatiµµhite pathaviya½ gahetv± ±hariss±m²’ti. “Ta½ ki½ maññatha, bhikkhave, ‘javano puriso paramena javena samann±gato’ti ala½ vacan±y±”ti? “Eva½ bhante”ti. Yath± ca, bhikkhave, tassa purisassa javo, yath± ca candimas³riy±na½ javo, tato s²ghataro. Yath± ca, bhikkhave, tassa purisassa javo, yath± ca candimas³riy±na½ javo, yath± ca y± devat± candimas³riy±na½ purato dh±vanti, t±sa½ devat±na½ javo, tato s²ghatara½ ±yusaªkh±r± kh²yanti, tasm±tiha, bhikkhave, eva½ sikkhitabba½ ‘appamatt± vihariss±m±’ti. Evañhi vo, bhikkhave, sikkhitabban”ti–

Imassa suttassa kathitadivasato dutiyadivase bhikkh³ dhammasabh±ya½ katha½ samuµµh±pesu½ “±vuso, satth± attano buddhavisaye µhatv± imesa½ satt±na½ ±yusaªkh±re ittare dubbale katv± parid²pento puthujjanabhikkh³ ativiya sant±sa½ p±pesi, aho buddhabala½ n±m±”ti. Satth± ±gantv± “k±ya nuttha, bhikkhave, etarahi kath±ya sannisinn±”ti pucchitv± “im±ya n±m±”ti vutte “anacchariya½, bhikkhave, sv±ha½ id±ni sabbaññuta½ patto ±yusaªkh±r±na½ ittarabh±va½ dassetv± bhikkh³ sa½vejetv± dhamma½ desemi, may± hi pubbe ahetukaha½sayoniya½ nibbattenapi ±yusaªkh±r±na½ ittarabh±va½ dassetv± b±r±ºasir±j±na½ ±di½ katv± sakalar±japarisa½ sa½vejetv± dhammo desito”ti vatv± at²ta½ ±hari.

At²te b±r±ºasiya½ brahmadatte rajja½ k±rente bodhisatto javanaha½sayoniya½ nibbattitv± navutiha½sasahassaparivuto cittak³µe paµivasati. So ekadivasa½ jambud²patale ekasmi½ sare sapariv±ro saya½j±tas±li½ kh±ditv± ±k±se suvaººakilañja½ pattharanto viya mahantena pariv±rena b±r±ºasinagarassa matthakena mandamand±ya vil±sagatiy± cittak³µa½ gacchati. Atha na½ b±r±ºasir±j± disv± “imin±pi m±disena raññ± bhavitabban”ti amacc±na½ vatv± tasmi½ sineha½ upp±detv± m±l±gandhavilepana½ gahetv± mah±satta½ oloketv± sabbat³riy±ni paggaºh±pesi. Mah±satto attano sakk±ra½ karonta½ disv± ha½se pucchi “r±j± mama evar³pa½ sakk±ra½ karonto ki½ pacc±s²sat²”ti? “Tumhehi saddhi½ mittabh±va½ dev±”ti. “Tena hi rañño amhehi saddhi½ mittabh±vo hot³”ti raññ± saddhi½ mittabh±va½ katv± pakk±mi. Athekadivasa½ rañño uyy±na½ gatak±le anotattadaha½ gantv± ekena pakkhena udaka½, ekena candanacuººa½ ±d±ya ±gantv± r±j±na½ tena udakena nh±petv± candanacuººena okiritv± mah±janassa passantasseva sapariv±ro cittak³µa½ agam±si. Tato paµµh±ya r±j± mah±satta½ daµµhuk±mo hutv± “sah±yo me ajja ±gamissati, sah±yo me ajja ±gamissat²”ti ±gamanamagga½ olokento acchati.

Tad± mah±sattassa kaniµµh± dve ha½sapotak± “s³riyena saddhi½ javiss±m±”ti mantetv± mah±sattassa ±rocesu½ “maya½ s³riyena saddhi½ javiss±m±”ti. “T±t±, s³riyajavo n±ma s²gho, s³riyena saddhi½ javitu½ na sakkhissatha, antar±va vinassissatha, m± gamitth±”ti. Te dutiyampi tatiyampi y±ci½su, bodhisattopi te y±vatatiya½ v±resiyeva. Te m±nathaddh± attano bala½ aj±nant± mah±sattassa an±cikkhitv±va “s³riyena saddhi½ javiss±m±”ti s³riye anuggateyeva gantv± yugandharamatthake nis²di½su. Mah±satto te adisv± “kaha½ nu kho gat±”ti pucchitv± ta½ pavatti½ sutv± cintesi “te s³riyena saddhi½ javitu½ na sakkhissanti, antar±va vinassissanti, j²vita½ tesa½ dass±m²”ti. Sopi gantv± yugandharamatthakeyeva nis²di. Atha uggate s³riyamaº¹ale ha½sapotak± uppatitv± s³riyena saddhi½ pakkhandi½su, mah±sattopi tehi saddhi½ pakkhandi. Kaniµµhabh±tiko y±va pubbaºhasamay± javitv± kilami, pakkhasandh²su aggi-uµµh±nak±lo viya ahosi. So bodhisattassa sañña½ ad±si “bh±tika, na sakkom²”ti. Atha na½ mah±satto “m± bh±yi, j²vita½ te dass±m²”ti pakkhapañjarena parikkhipitv± ass±setv± cittak³µapabbata½ netv± ha½s±na½ majjhe µhapetv± puna pakkhanditv± s³riya½ patv± itarena saddhi½ p±y±si. Sopi y±va upakaµµhamajjhanhik± s³riyena saddhi½ javitv± kilami, pakkhasandh²su aggi-uµµh±nak±lo viya ahosi. Tad± bodhisattassa sañña½ ad±si “bh±tika, na sakkom²”ti. Tampi mah±satto tatheva samass±setv± pakkhapañjaren±d±ya cittak³µameva agam±si. Tasmi½ khaºe s³riyo nabhamajjha½ p±puºi.

Atha mah±satto “mama ajja sar²rabala½ v²ma½siss±m²”ti cintetv± ekavegena pakkhanditv± yugandharamatthake nis²ditv± tato uppatitv± ekavegena s³riya½ p±puºitv± k±lena purato, k±lena pacchato javitv± cintesi “mayha½ s³riyena saddhi½ javana½ n±ma niratthaka½ ayonisomanasik±rasambh³ta½, ki½ me imin±, b±r±ºasi½ gantv± mama sah±yakassa rañño atthayutta½ dhammayutta½ katha½ kathess±m²”ti. So nivattitv± s³riye nabhamajjha½ anatikkanteyeva sakalacakkav±¼agabbha½ antantena anusa½y±yitv± vega½ parih±pento sakalajambud²pa½ antantena anusa½y±yitv± b±r±ºasi½ p±puºi. Dv±dasayojanika½ sakalanagara½ ha½sacchanna½ viya ahosi, chidda½ n±ma na paññ±yi, anukkamena vege parih±yante ±k±se chidd±ni paññ±yi½su. Mah±satto vega½ parih±petv± ±k±sato otaritv± s²hapañjarassa abhimukhaµµh±ne aµµh±si. R±j± “±gato me sah±yo”ti somanassappatto tassa nis²danatth±ya kañcanap²µha½ paññapetv± “samma, pavisa, idha nis²d±”ti vatv± paµhama½ g±tham±ha–

27. “Idheva ha½sa nipata, piya½ me tava dassana½;

issarosi anuppatto, yamidhatthi paveday±”ti.

Tattha “idh±”ti kañcanap²µha½ sandh±y±ha. Nipat±ti nis²da. Issaros²ti tva½ imassa µh±nassa issaro s±mi hutv± ±gatos²ti vadati. Yamidhatthi paveday±ti ya½ imasmi½ nivesane atthi, ta½ aparisaªkanto amh±ka½ katheh²ti.

Mah±satto kañcanap²µhe nis²di. R±j± satap±kasahassap±kehi telehi tassa pakkhantar±ni makkhetv± kañcanataµµake madhul±je ca madhurodakañca sakkharodakañca d±petv± madhurapaµisanth±ra½ katv± “samma, tva½ ekakova ±gatosi, kuhi½ agamitth±”ti pucchi. So ta½ pavatti½ vitth±rena kathesi. Atha na½ r±j± ±ha “samma, mamapi s³riyena saddhi½ javitavega½ dasseh²”ti. Mah±r±ja, na sakk± so vego dassetunti. Tena hi me sarikkhakamatta½ dasseh²ti. S±dhu, mah±r±ja, sarikkhakamatta½ dassess±mi, akkhaºavedh² dhanuggahe sannip±teh²ti. R±j± sannip±tesi. Mah±satto catt±ro dhanuggahe gahetv± nivesan± oruyha r±jaªgaºe sil±thambha½ nikhaº±petv± attano g²v±ya½ ghaºµa½ bandh±petv± sil±thambhamatthake nis²ditv± catt±ro dhanuggahe thambha½ niss±ya catuddis±bhimukhe µhapetv± “mah±r±ja, ime catt±ro jan± ekappah±reneva catuddis±bhimukh± catt±ri kaº¹±ni khipantu, t±ni aha½ pathavi½ appatt±neva ±haritv± etesa½ p±dam³le p±tess±mi. Mama kaº¹agahaºatth±ya gatabh±va½ ghaºµasaddasaññ±ya j±neyy±si, ma½ pana na passissas²”ti vatv± tehi ekappah±reneva khittakaº¹±ni ±haritv± tesa½ p±dam³le p±tetv± sil±thambhamatthake nisinnameva att±na½ dassetv± “diµµho te, mah±r±ja, mayha½ vego”ti vatv± “mah±r±ja, aya½ vego mayha½ neva uttamo, majjhimo, paritto l±makavego esa, eva½ s²gho, mah±r±ja, amh±ka½ vego”ti ±ha.

Atha na½ r±j± pucchi “samma, atthi pana tumh±ka½ vegato añño s²ghataro vego”ti? “¾ma, mah±r±ja, amh±ka½ uttamavegatopi sataguºena sahassaguºena satasahassaguºena imesa½ satt±na½ ±yusaªkh±r± s²ghatara½ kh²yanti bhijjanti, khaya½ gacchant²”ti khaºikanirodhavasena r³padhamm±na½ nirodha½ dasseti, tato n±madhamm±na½. R±j± mah±sattassa katha½ sutv± maraºabhayabh²to sati½ paccupaµµh±petu½ asakkonto bh³miya½ pati, mah±jano utr±sa½ patto ahosi. Rañño mukha½ udakena siñcitv± sati½ labh±pesi. Atha na½ mah±satto “mah±r±ja, m± bh±yi, maraºassati½ bh±vehi, dhamma½ car±hi, d±n±d²ni puññ±ni karohi, appamatto hohi, dev±”ti ovadi. Atha r±j± “s±mi, maya½ tumh±disena ñ±ºabalasampannena ±cariyena vin± vasitu½ na sakkhiss±ma, cittak³µa½ agantv± mayha½ dhamma½ desento mayha½ ov±d±cariyo hutv± idheva vas±h²”ti y±canto dve g±th± abh±si–

28. “Savanena ekassa piy± bhavanti, disv± panekassa viyeti chando;

disv± ca sutv± ca piy± bhavanti, kaccinnu me p²yasi dassanena.

29. “Savanena piyo mesi, bhiyyo c±gamma dassana½;

eva½ piyadassano me, vasa ha½sa mamantike”ti.

T±sa½ attho– samma ha½sar±ja savanena ekassa ekacce piy± honti, “eva½ guºo n±m±”ti sutv± savanena piy±yati, ekassa pana ekacce disv±va chando vigacchati, pema½ antaradh±yati kh±ditu½ ±gat± yakkh± viya upaµµhahanti, ekassa ekacce disv± ca sutv± c±ti ubhayath±pi piy± honti, tena ta½ pucch±mi. Kaccinnu me p²yasi dassanen±ti kacci nu tva½ ma½ piy±yasi, mayha½ pana tva½ savanena piyova, dassana½ pan±gamma atipiyova. Eva½ mama piyadassano sam±no cittak³µa½ agantv± idha mama santike vas±ti.

Bodhisatto ±ha–

30. “Vaseyy±ma tav±g±re, nicca½ sakkatap³jit±;

matto ca ekad± vajje, ha½sar±ja½ pacantu me”ti.

Tattha matto ca ekad±ti mah±r±ja, maya½ tava ghare nicca½ p³jit± vaseyy±ma, tva½ pana kad±ci sur±madamatto ma½sakh±danattha½ “ha½sar±ja½ pacantu me”ti vadeyy±si, atha eva½ tava anuj²vino ma½ m±retv± paceyyu½, tad±ha½ ki½ kariss±m²ti.

Athassa r±j± “tena hi majjameva na piviss±m²”ti paµiñña½ d±tu½ ima½ g±tham±ha–

31. “Dhiratthu ta½ majjap±na½, ya½ me piyatara½ tay±;

na c±pi majja½ piss±mi, y±va me vacchas² ghare”ti.

Tato para½ bodhisatto cha g±th± ±ha–

32. “Suvij±na½ siªg±l±na½, sakuº±nañca vassita½;

manussavassita½ r±ja, dubbij±natara½ tato.

33. “Api ce maññat² poso, ñ±ti mitto sakh±ti v±;

yo pubbe sumano hutv±, pacch± sampajjate diso.

34. “Yasmi½ mano nivisati, avid³re sah±pi so;

santikepi hi so d³re, yasmi½ n±visate mano.

35. “Antopi so hoti pasannacitto, p±ra½ samuddassa pasannacitto;

antopi so hoti paduµµhacitto, p±ra½ samuddassa paduµµhacitto.

36. “Sa½vasant± vivasanti, ye dis± te rathesabha;

±r± santo sa½vasanti, manas± raµµhava¹¹hana.

37. “Aticira½ niv±sena, piyo bhavati appiyo;

±manta kho ta½ gacch±ma, pur± te homa appiy±”ti.

Tattha vassitanti mah±r±ja, tiracch±nagat± ujuhaday±, tena tesa½ vassita½ suvij±na½, manuss± pana kakkha¼±, tasm± tesa½ vacana½ dubbij±nataranti attho. Yo pubbeti yo puggalo paµhamameva attamano hutv± “tva½ mayha½ ñ±tako mitto p±ºasamo sakh±”ti api eva½ maññati, sveva pacch± diso ver² sampajjati, eva½ dubbij±na½ n±ma manussahadayanti. Nivisat²ti mah±r±ja, yasmi½ puggale pemavasena mano nivisati, so d³re vasantopi avid³re sah±pi vasatiyeva n±ma. Yasmi½ pana puggale mano na nivisati apeti, so santike vasantopi d³reyeva.

Antopi so hot²ti mah±r±ja, yo sah±yo pasannacitto, so cittena all²natt± p±ra½ samuddassa vasantopi antoyeva hoti. Yo pana paduµµhacitto, so cittena anall²natt± anto vasantopi p±ra½ samuddassa n±ma. Ye dis± teti ye verino paccatthik±, te ekato vasant±pi d³re vasantiyeva n±ma. Santo pana paº¹it± ±r± µhit±pi mett±bh±vitena manas± ±vajjent± sa½vasantiyeva. Pur± te hom±ti y±va tava appiy± na homa, t±vadeva ta½ ±mantetv± gacch±m±ti vadati.

Atha na½ r±j± ±ha–

38. “Eva½ ce y±cam±n±na½, añjali½ n±vabujjhasi;

paric±rak±na½ sata½, vacana½ na karosi no;
eva½ ta½ abhiy±c±ma, puna kayir±si pariy±yan”ti.

Tattha eva½ ceti sace ha½sar±ja, eva½ añjali½ paggayha y±cam±n±na½ amh±ka½ ima½ añjali½ n±vabujjhasi, tava paric±rak±na½ sam±n±na½ vacana½ na karosi, atha na½ eva½ y±c±ma. Puna kayir±si pariy±yanti k±lena k±la½ idha ±gaman±ya v±ra½ kareyy±s²ti attho.

Tato bodhisatto ±ha–

39. “Eva½ ce no viharata½, antar±yo na hessati;

tuyha½ c±pi mah±r±ja, mayhañca raµµhava¹¹hana;
appeva n±ma passemu, ahoratt±namaccaye”ti.

Tattha eva½ ce noti mah±r±ja, m± cintayittha, sace amh±kampi eva½ viharant±na½ j²vitantar±yo na bhavissati, appeva n±ma ubho aññamañña½ passiss±ma, apica tva½ may± dinna½ ov±dameva mama µh±ne µhapetv± eva½ ittaraj²vite lokasanniv±se appamatto hutv± d±n±d²ni puññ±ni karonto dasa r±jadhamme akopetv± dhammena rajja½ k±rehi, evañhi me ov±da½ karonto ma½ passissatiyev±ti. Eva½ mah±satto r±j±na½ ovaditv± cittak³µapabbatameva gato.

Satth± ima½ dhammadesana½ ±haritv± “eva½, bhikkhave, pubbe tiracch±nayoniya½ nibbattenapi may± ±yusaªkh±r±na½ dubbalabh±va½ dassetv± dhammo desito”ti vatv± j±taka½ samodh±nesi– “tad± r±j± ±nando ahosi, kaniµµho moggall±no, majjhimo s±riputto, sesaha½sagaº± buddhaparis±, javanaha½so pana ahameva ahosin”ti.

Javanaha½saj±takavaººan± tatiy±.