[87] 7. Maªgalaj±takavaººan±

Yassa maªgal± sam³hat±ti ida½ satth± ve¼uvane viharanto eka½ s±µakalakkhaºabr±hmaºa½ ±rabbha kathesi. R±jagahav±siko kireko br±hmaºo kotuhalamaªgaliko t²su ratanesu appasanno micch±diµµhiko a¹¹ho mahaddhano mah±bhogo, tassa samugge µhapita½ s±µakayuga½ m³sik± kh±di½su. Athassa s²sa½ nh±yitv± “s±µake ±harath±”ti vuttak±le m³sik±ya kh±ditabh±va½ ±rocayi½su. So cintesi “sace ida½ m³sik±daµµha½ s±µakayuga½ imasmi½ gehe bhavissati, mah±vin±so bhavissati. Idañhi avamaªgala½ k±¼akaººisadisa½ puttadh²t±d²na½ v± d±sakammakar±d²na½ v± na sakk± d±tu½. Yo hi ida½ gaºhissati, sabbassa mah±vin±so bhavissati, ±makasus±ne ta½ cha¹¹±pess±mi, na kho pana sakk± d±sakammakar±d²na½ hatthe d±tu½. Te hi ettha lobha½ upp±detv± ima½ gahetv± vin±sa½ p±puºeyyu½, puttassa ta½ hatthe dass±m²”ti. So putta½ pakkos±petv± tamattha½ ±rocetv± “tvampi na½, t±ta, hatthena aphusitv± daº¹akena gahetv± ±makasus±ne cha¹¹etv± s²sa½ nh±yitv± eh²”ti pesesi.

Satth±pi kho ta½ divasa½ pacc³sasamaye bodhaneyyabandhave olokento imesa½ pit±putt±na½ sot±pattiphalassa upanissaya½ disv± migav²thi½ gahetv± migaluddako viya gantv± ±makasus±nadv±re nis²di chabbaººabuddharasmiyo vissajjento. M±ºavopi pitu vacana½ sampaµicchitv± ajagarasappa½ viya ta½ yugas±µaka½ yaµµhikoµiy± gahetv± ±makasus±nadv±ra½ p±puºi. Atha na½ satth± “ki½ karosi m±ºav±”ti ±ha. “Bho gotama, ida½ s±µakayuga½ m³sik±daµµha½ k±¼akaººisadisa½ hal±halavis³pama½, mama pit± ‘añño eta½ cha¹¹ento lobha½ upp±detv± gaºheyy±’ti bhayena ma½ pahiºi, ahameta½ cha¹¹etv± s²sa½ nh±yiss±m²ti ±gatomhi, bho gotam±”ti. “Tena hi cha¹¹eh²”ti. M±ºavo cha¹¹esi, satth± “amh±ka½ d±ni vaµµat²”ti tassa sammukh±va gaºhi. “Avamaªgala½, bho gotama, eta½ k±¼akaººisadisa½, m± gaºhi m± gaºh²”ti tasmi½ v±rayam±neyeva ta½ gahetv± ve¼uvan±bhimukho p±y±si.

M±ºavo vegena gantv± pitu ±rocesi “t±ta, may± ±makasus±ne cha¹¹ita½ s±µakayuga½ samaºo gotamo ‘amh±ka½ vaµµat²’ti may± v±riyam±nopi gahetv± ve¼uvana½ gato”ti. Br±hmaºo cintesi “ta½ s±µakayuga½ avamaªgala½ k±¼akaººisadisa½, ta½ va¼añjento samaºopi gotamo nassissati, vih±ropi nassissati, tato amh±ka½ garah± bhavissati, samaºassa gotamassa aññe bah³ s±µake datv± ta½ cha¹¹±pess±m²”ti. So bah³ s±µake g±h±petv± puttena saddhi½ ve¼uvana½ gantv± satth±ra½ disv± ekamanta½ µhito evam±ha “sacca½ kira vo, bho gotama, ±makasus±ne s±µakayuga½ gahitan”ti? “Sacca½, br±hmaº±”ti. “Bho gotama, ta½ s±µakayuga½ avamaªgala½, tumhe ta½ paribhuñjam±n± nassissatha, sakalavih±ropi nassissati. Sace vo niv±sana½ v± p±rupana½ v± nappahoti, ime s±µake gahetv± ta½ cha¹¹±peth±”ti. Atha na½ satth± “maya½ br±hmaºa pabbajit± n±ma, amh±ka½ ±makasus±ne antarav²thiya½ saªk±raµµh±ne nh±natitthe mah±maggeti evar³pesu µh±nesu cha¹¹it± v± patit± v± pilotik± vaµµati, tva½ pana na id±neva eva½laddhiko, pubbepi eva½laddhikoyev±”ti vatv± tena y±cito at²ta½ ±hari.

At²te magadharaµµhe r±jagahanagare dhammiko magadhar±j± rajja½ k±resi. Tad± bodhisatto ekasmi½ udiccabr±hmaºakule nibbattitv± viññuta½ patto isipabbajja½ pabbajitv± abhiññ± ca sam±pattiyo ca nibbattetv± himavante vasam±no ekasmi½ k±le himavantato nikkhamitv± r±jagahanagare r±juyy±na½ patv± tattha vasitv± dutiyadivase bhikkh±c±ratth±ya nagara½ p±visi. R±j± ta½ disv± pakkos±petv± p±s±de nis²d±petv± bhojetv± uyy±neyeva vasanatth±ya paµiñña½ gaºhi. Bodhisatto rañño nivesane bhuñjitv± uyy±ne vasati. Tasmi½ k±le r±jagahanagare dussalakkhaºabr±hmaºo n±ma ahosi. Tassa samugge µhapita½ s±µakayuganti sabba½ purimasadisameva.

M±ºave pana sus±na½ gacchante bodhisatto paµhamatara½ gantv± sus±nadv±re nis²ditv± tena cha¹¹ita½ s±µakayuga½ gahetv± uyy±na½ agam±si. M±ºavo gantv± pitu ±rocesi. Pit± “r±jakul³pako t±paso nasseyy±”ti bodhisattassa santika½ gantv± “t±pasa, tay± gahitas±µake cha¹¹ehi, m± nass²”ti ±ha. T±paso “amh±ka½ sus±ne cha¹¹itapilotik± vaµµati, na maya½ kotuhalamaªgalik±, kotuhalamaªgala½ n±meta½ na buddhapaccekabuddhabodhisattehi vaººita½, tasm± paº¹itena n±ma kotuhalamaªgalikena na bhavitabban”ti br±hmaºassa dhamma½ desesi. Br±hmaºo dhamma½ sutv± diµµhi½ bhinditv± bodhisatta½ saraºa½ gato. Bodhisattopi aparih²najjh±no brahmalokapar±yaºo ahosi.

Satth±pi ima½ at²ta½ ±haritv± abhisambuddho hutv± br±hmaºassa dhamma½ desento ima½ g±tham±ha–

87. “Yassa maªgal± sam³hat±, upp±t± supin± ca lakkhaº± ca;

so maªgaladosav²tivatto, yugayog±dhigato na j±tumet²”ti.

Tattha yassa maªgal± sam³hat±ti yassa arahato kh²º±savassa diµµhamaªgala½, sutamaªgala½, mutamaªgalanti ete maªgal± samucchinn±. Upp±t± supin± ca lakkhaº± c±ti “evar³po candagg±ho bhavissati, evar³po s³riyagg±ho bhavissati, evar³po nakkhattagg±ho bhavissati, evar³po ukk±p±to bhavissati, evar³po dis±¹±ho bhavissat²”ti ime pañca mah±-upp±t±, n±nappak±r± supin±, subhagalakkhaºa½, dubbhagalakkhaºa½, itthilakkhaºa½, purisalakkhaºa½, d±silakkhaºa½, d±salakkhaºa½, asilakkhaºa½, hatthilakkhaºa½, assalakkhaºa½, usabhalakkhaºa½, ±vudhalakkhaºa½, vatthalakkhaºanti evam±dik±ni lakkhaº±ni ime ca diµµhiµµh±n± yassa sam³hat±, na etehi upp±t±d²hi attano maªgala½ v± avamaªgala½ v± pacceti. So maªgaladosav²tivattoti so kh²º±savo sabbamaªgaladose v²tivatto atikkanto pajahitv± µhito. Yugayog±dhigatoti “kodho ca upan±ho ca, makkho ca pa¼±so c±”ti-±din± (vibha. 833) nayena dve dve ekato ±gatakiles± yug± n±ma. K±mayogo, bhavayogo, diµµhiyogo, avijj±yogoti ime sa½s±re yojanabh±vato catt±ro yog± n±ma. Te yuge ca yoge c±ti yugayoge adhigato abhibhavitv± gato v²tivatto samatikkanto kh²º±savo bhikkhu. Na j±tumet²ti puna paµisandhivasena eka½seneva ima½ loka½ na eti n±gacchat²ti.

Eva½ satth± im±ya g±th±ya br±hmaºassa dhamma½ desetv± sacc±ni pak±sesi, saccapariyos±ne br±hmaºo saddhi½ puttena sot±pattiphale patiµµhahi. Satth± j±taka½ samodh±nesi– “tad± eteva pit±putt± id±ni pit±putt± ahesu½, t±paso pana ahameva ahosin”ti.

Maªgalaj±takavaººan± sattam±.