4. Raµµhap±lattherag±th±vaººan±

Passa cittakatanti-±dik± ±yasmato raµµhap±lattherassa g±th±. K± uppatti? Aya½ kira padumuttarassa bhagavato uppattito puretarameva ha½savat²nagare gahapatimah±s±lakule nibbattitv± vayappatto pitu accayena ghar±v±se patiµµhito ratanakoµµh±g±rakammikena dassita½ aparim±ºa½ kulava½s±nugata½ dhana½ disv± “ima½ ettaka½ dhanar±si½ mayha½ pitu-ayyakapayyak±dayo attan± saddhi½ gahetv± gantu½ n±sakkhi½su, may± pana gahetv± gantu½ vaµµat²”ti cintetv± kapaºaddhik±d²na½ mah±d±na½ ad±si. So abhiññ±l±bhi½ eka½ t±pasa½ upaµµhahanto tena devalok±dhipacce niyojito y±vaj²va½ puññ±ni katv± tato cuto devaloke nibbattitv± dibbasampatti½ anubhavanto tattha y±vat±yuka½ µhatv± tato cuto manussaloke bhinna½ raµµha½ sandh±retu½ samatthassa kulassa ekaputtako hutv± nibbatti.

Tena ca samayena padumuttaro bhagav± loke uppajjitv± pavattitavaradhammacakko veneyyasatte nibb±namah±nagarasaªkh±ta½ khemantabh³mi½ samp±pesi. Atha so kulaputto anukkamena viññuta½ patto ekadivasa½ up±sakehi saddhi½ vih±ra½ gantv± satth±ra½ dhamma½ desenta½ disv± pasannacitto parisapariyante nis²di. Tena kho pana samayena satth± eka½ bhikkhu½ saddh±pabbajit±na½ aggaµµh±ne µhapesi. Ta½ disv± so pasannam±naso tadatth±ya citta½ µhapetv± satasahassabhikkhuparivutassa bhagavato mahat± sakk±rena satt±ha½ mah±d±na½ pavattetv± paºidh±na½ ak±si. Satth± tassa anantar±yena ijjhanabh±va½ disv± “an±gate gotamassa n±ma samm±sambuddhassa s±sane saddh±pabbajit±na½ aggo bhavissat²”ti by±k±si. So satth±ra½ bhikkhusaªghañca vanditv± uµµh±y±san± pakk±mi. So tattha y±vat±yuka½ puññ±ni katv± tato cavitv± devamanussesu sa½saranto ito dvenavute kappe phussassa bhagavato k±le satthu vem±tikabh±tikesu t²su r±japuttesu satth±ra½ upaµµhahantesu tesa½ puññakiriy±ya kicca½ ak±si.

Eva½ tattha tattha bhave ta½ ta½ bahu½ kusala½ upacinitv± sugat²suyeva sa½saranto imasmi½ buddhupp±de kururaµµhe thullakoµµhikanigame raµµhap±laseµµhino gehe nibbatti, tassa bhinna½ raµµha½ sandh±retu½ samatthe kule nibbattatt± raµµhap±loti va½s±nugatameva n±ma½ ahosi. So mahat± pariv±rena va¹¹hanto anukkamena yobbanapatto m±t±pit³hi patir³pena d±rena sa½yojito mahante ca yase patiµµh±pito dibbasampattisadisa½ sampatti½ paccanubhoti. Atha bhagav± kururaµµhe janapadac±rika½ caranto thullakoµµhika½ anup±puºi. Ta½ sutv± raµµhap±lo kulaputto satth±ra½ upasaªkamitv± satthu santike dhamma½ sutv± paµiladdhasaddho pabbajituk±mo satt±ha½ bhattaccheda½ katv± kicchena kasirena m±t±pitaro anuj±n±petv± satth±ra½ upasaªkamitv± pabbajja½ y±citv± satthu ±ºattiy± aññatarassa therassa santike pabbajitv± yonisomanasik±rena kamma½ karonto vipassana½ va¹¹hetv± arahatta½ p±puºi. Tena vutta½ apad±ne (apa. thera 1.2.97-111)–

“Padumuttarassa bhagavato, lokajeµµhassa t±dino;
varan±go may± dinno, ²s±danto ur³¼hav±.
“Setacchatto pasobhito, sakappano sahatthipo;
aggh±petv±na ta½ sabba½, saªgh±r±ma½ ak±rayi½.
“Catupaññ±sasahass±ni, p±s±de k±rayi½ aha½;
mahoghad±na½ karitv±na, niyy±desi½ mahesino.
“Anumodi mah±v²ro, sayambh³ aggapuggalo;
sabbe jane h±sayanto, desesi amata½ pada½.
“Ta½ me buddho viy±k±si, jalajuttaran±mako;
bhikkhusaªghe nis²ditv±, im± g±th± abh±satha.
“Catupaññ±sasahass±ni, p±s±de k±ray² aya½;
kathayiss±mi vip±ka½, suºotha mama bh±sato.
“Aµµh±rasasahass±ni, k³µ±g±r± bhavissare;
byamhuttamamhi nibbatt±, sabbasoººamay± ca te.
“Paññ±sakkhattu½ devindo, devarajja½ karissati;
aµµhapaññ±sakkhattuñca, cakkavatt² bhavissati.
“Kappasatasahassamhi, okk±kakulasambhavo;
gotamo n±ma gottena, satth± loke bhavissati.
“Devalok± cavitv±na, sukkam³lena codito;
a¹¹he kule mah±bhoge, nibbattissati t±vade.
“So pacch± pabbajitv±na, sukkam³lena codito;
raµµhap±loti n±mena, hessati satthu s±vako.
“Padh±napahitatto so, upasanto nir³padhi;
sabb±save pariññ±ya, nibb±yissatin±savo.
“Uµµh±ya abhinikkhamma, jahit± bhogasampad±;
khe¼apiº¹eva bhogamhi, pema½ mayha½ na vijjati.
“V²riya½ me dhuradhorayha½, yogakkhem±dhiv±hana½;
dh±remi antima½ deha½, samm±sambuddhas±sane.
“Paµisambhid± catasso, vimokkh±pi ca aµµhime;
cha¼abhiññ± sacchikat±, kata½ buddhassa s±sanan”ti.

Arahatta½ pana patv± satth±ra½ anuj±n±petv± m±t±pitaro passitu½ thullakoµµhika½ gantv±, tattha sapad±na½ piº¹±ya caranto pitu nivesane ±bhidosika½ kumm±sa½ labhitv± ta½ amata½ viya paribhuñjanto, pitar± nimantito sv±tan±ya adhiv±setv±, dutiyadivase pitu nivesane piº¹ap±ta½ paribhuñjitv± alaªkatapaµiyatte itth±g±rajane upagantv± “k²dis± n±ma t±, ayyaputta, acchar±yo, y±sa½ tva½ hetu brahmacariya½ caras²”ti-±d²ni (ma. ni. 2.301) vatv±, palobhanakamma½ k±tu½ ±raddhe tassa adhipp±ya½ parivattetv± aniccat±dipaµisa½yutta½ dhamma½ kathento–

769. “Passa cittakata½ bimba½, aruk±ya½ samussita½;

±tura½ bahusaªkappa½, yassa natthi dhuva½ µhiti.

770. “Passa cittakata½ r³pa½, maºin± kuº¹alena ca;

aµµhi½ tacena onaddha½, saha vatthehi sobhati.

771. “Alattakakat± p±d±, mukha½ cuººakamakkhita½;

ala½ b±lassa moh±ya, no ca p±ragavesino.

772. “Aµµh±padakat± kes±, nett± añjanamakkhit±;

ala½ b±lassa moh±ya, no ca p±ragavesino.

773. “Añjan²va nav± citt±, p³tik±yo alaªkato;

ala½ b±lassa moh±ya, no ca p±ragavesino.

774. “Odahi migavo p±sa½, n±sad± v±gura½ migo;

bhutv± niv±pa½ gacch±ma, kandante migabandhake.

775. “Chinno p±so migavassa, n±sad± v±gura½ migo;

bhutv± niv±pa½ gacch±ma, socante migaluddake”ti.– Im± g±th± abh±si.

Tattha cittakatanti citta½ kata½ cittakata½, vatth±bharaºam±l±d²hi vicitta½ katanti attho. Bimbanti d²gh±dibh±vena yuttaµµh±nesu d²gh±d²hi aªgapaccaªgehi maº¹ita½ attabh±va½. Aruk±yanti navanna½ vaºamukh±na½ lomak³p±nañca vasena vissandam±na-asuci½, sabbaso ca arubh³ta½ vaºabh³ta½ ar³na½ v± k±ya½. Samussitanti t²hi aµµhisatehi samussita½. ¾turanti sabbak±la½ iriy±pathantar±d²hi pariharitabbat±ya nicca½ gil±na½. Bahusaªkappanti b±lajanena abh³ta½ ±ropetv± bahudh± saªkappitabba½. Yassa natthi dhuva½ µhit²ti yassa k±yassa dhuvabh±vo µhitisabh±vo natthi, eka½sato bhedanavikiraºaviddha½sanadhammoyeva. Ta½ pass±ti sam²pe µhita½ jana½, att±nameva v± sandh±ya vadati.

R³panti sar²ra½. Sar²rampi hi “aµµhiñca paµicca, nh±ruñca paµicca, ma½sañca paµicca, cammañca paµicca, ±k±so pariv±rito ‘r³pantveva saªkha½ gacchat²”ti-±d²su (ma. ni. 1.306) r³panti vuccati. Maºin± kuº¹alena c±ti s²s³pag±di-±bharaºagatena maºin± kuº¹alena cittakata½. Aµµhi½ tacena onaddhanti allacammena pariyonaddha½ atirekatisatapabheda½ aµµhi½ pass±ti yojan±. Kuº¹alena c±ti ca-saddena ses±bharaº±laªk±re saªgaºh±ti. Saha vatthehi sobhat²ti tayida½ r³pa½ maºin± cittakatampi vatthehi paµicch±ditameva sobhati, na apaµicch±ditanti attho. Ye pana “aµµhitacen±”ti paµhanti, tesa½ aµµhitacena½ onaddha½ sobhati, onaddhatt± aµµhitacen±ti attho.

Alattakakat±ti alattakena katarañjan± l±kh±ya sa½rañjit±. P±d±ti caraº±. Mukha½ cuººakamakkhitanti mukha½ cuººakena makkhita½, ya½ maº¹anamanuyutt± s±sapakakkena mukhap²¼ak±d²ni haritv± loºamattik±ya duµµhalohita½ haritv± mukhacuººakavilepana½ karonti, ta½ sandh±ya vutta½. Alanti b±lassa andhaputhujjanassa no ca p±ragavesino vaµµ±bhiratassa moh±ya sammohan±ya samattha½ tassa citta½ mohetu½ pariyatta½, p±ragavesino pana vivaµµ±bhiratassa no ala½ na pariyatta½.

Aµµh±padakat±ti aµµhapad±k±rena kat± sañcit± purimabh±ge kese kappetv± nal±µassa paµicch±danavasena kat± kesaracan± aµµhapada½ n±ma, ya½ “alakan”tipi vuccati. Nett± añjanamakkhit±ti ubhopi nayan±ni anto dv²su antesu ca yath± añjanacch±y± dissati, eva½ añjitañjan±ni.

Añjan²va nav± citt±, p³tik±yo alaªkatoti yath± añjan² añjanan±¼ik± nav± abhinav± m±l±kammamakaradant±divasena citt± bahi maµµh± ujjal± dassan²y±, anto pana na dassan²y± hoti, evameva t±sa½ k±yo nh±nabbhañjanavatth±laªk±rehi alaªkato bahi ujjalo, anto pana p³ti n±nappak±ra-asuc²hi bharito tiµµhat²ti attho.

Odah²ti o¹¹esi. Migavoti, migaluddako. P±santi, daº¹av±gura½. N±sad±ti na saªghaµµesi. V±guranti p±sa½. Niv±panti mig±na½ kh±danatth±ya khitta½ tiº±digh±sa½. Upam± kho aya½ therena kat± atthassa viññ±pan±ya. Ayañhettha attho– yath± mig±na½ m±raºatth±ya daº¹av±gura½ o¹¹etv± tattha niv±pa½ vikiriya migaluddake nil²ne µhite tattheko javaparakkamasampanno cheko migo p±sa½ aphusanto eva yath±sukha½ niv±pa½ kh±ditv±, “vañcesi vata migo”ti migaluddake viravante eva gacchati. Aparo migo balav± cheko javasampannova tattha gantv± niv±pa½ kh±ditv± tattha tattha p±sa½ chinditv±, “vañcesi vata migo, p±so chinno”ti migaluddake socante eva gacchati, eva½ mayampi pubbe puthujjanak±le m±t±pit³hi ±sajjanatth±ya niyy±dite bhoge bhuñjitv± tattha tattha asajjam±n± nikkhant±. Id±ni pana sabbaso chinnakiles± ap±s± hutv± µhit±, tehi dinnabhojana½ bhuñjitv± tesu socantesu eva gacch±m±ti.

Eva½ thero migaluddaka½ viya m±t±pitaro, hiraññasuvaººa½ itth±g±rañca v±guraj±la½ viya, attan± pubbe bhuttabhoge ca id±ni bhuttabhojanañca niv±patiºa½ viya, att±na½ mah±miga½ viya ca katv± dasseti. Im± g±th± vatv± veh±sa½ abbhuggantv± rañño korabyassa mig±jina-uyy±ne maªgalasil±paµµe nis²di. Therassa kira pit± sattasu dv±rakoµµhakesu agga¼a½ d±petv± malle ±º±pesi “nikkhamitu½ m± detha, k±s±y±ni apanetv± setak±ni niv±seth±”ti, tasm± thero ±k±sena agam±si. Atha r±j± korabyo therassa tattha nisinnabh±va½ sutv± ta½ upasaªkamitv± sammodan²ya½ katha½ s±raº²ya½ v²tis±retv± “idha, bho raµµhap±la, pabbajanto by±dhip±rijuñña½ v± jar±bhogañ±tip±rijuñña½ v± patto pabbajati. Tva½ pana kiñcipi p±rijuñña½ anupagato eva kasm± pabbajito”ti pucchi. Athassa thero, “upaniyyati loko addhuvo, at±ºo loko anabhissaro, assako loko sabba½ pah±ya gaman²ya½, ³no loko atitto taºh±d±so”ti (ma. ni. 2.305) imesa½ catunna½ dhammuddes±na½ att±na½ vivittabh±va½ kathetv± tass± desan±ya anug²ti½ kathento–

776. “Pass±mi loke sadhane manusse, laddh±na vitta½ na dadanti moh±;

luddh± dhana½ sannicaya½ karonti, bhiyyova k±me abhipatthayanti.

777. “R±j± pasayhappathavi½ vijetv±, sas±garanta½ mahim±vasanto;

ora½ samuddassa atittar³po, p±ra½ samuddassapi patthayetha.

778. “R±j± ca aññe ca bah³ manuss±, av²tataºh± maraºa½ upenti;

³n±va hutv±na jahanti deha½, k±mehi lokamhi na hatthi titti.

779. “Kandanti na½ ñ±t² pakiriya kese, ‘aho vat± no amar±’ti c±hu;

vatthena na½ p±ruta½ n²haritv±, cita½ samodh±ya tato ¹ahanti.

780. “So ¹ayhati s³lehi tujjam±no, ekena vatthena pah±ya bhoge;

na m²yam±nassa bhavanti t±º±, ñ±t² ca mitt± atha v± sah±y±.

781. “D±y±dak± tassa dhana½ haranti, satto pana gacchati yenakamma½;

na m²yam±na½ dhanamanveti kiñci, putt± ca d±r± ca dhanañca raµµha½.

782. “Na d²gham±yu½ labhate dhanena, na c±pi vittena jara½ vihanti;

appa½ hida½ j²vitam±hu dh²r±, asassata½ vippariº±madhamma½.

783. “A¹¹h± dalidd± ca phusanti phassa½, b±lo ca dh²ro ca tatheva phuµµho;

b±lo hi b±ly± vadhitova seti, dh²ro ca no vedhati phassaphuµµho.

784. “Tasm± hi paññ±va dhanena seyy±, y±ya vos±namidh±dhigacchati;

abyositatt± hi bhav±bhavesu, p±p±ni kamm±ni karoti moh±.

785. “Upeti gabbhañca parañca loka½, sa½s±ram±pajja parampar±ya;

tassappapañño abhisaddahanto, upeti gabbhañca parañca loka½.

786. “Coro yath± sandhimukhe gah²to, sakammun± haññati p±padhammo;

eva½ paj± pecca paramhi loke, sakammun± haññati p±padhammo.

787. “K±m± hi citr± madhur± manoram±, vir³par³pena mathenti citta½;

±d²nava½ k±maguºesu disv±, tasm± aha½ pabbajitomhi r±ja.

788. “Dumapphal±n²va patanti m±ºav±, dahar± ca vu¹¹h± ca sar²rabhed±;

etampi disv± pabbajitomhi r±ja, apaººaka½ s±maññameva seyyo.

789. “Saddh±y±ha½ pabbajito, upeto jinas±sane;

avañjh± mayha½ pabbajj±, anaºo bhuñj±mi bhojana½.

790. “K±me ±dittato disv±, j±tar³p±ni satthato;

gabbhavokkantito dukkha½, nirayesu mahabbhaya½.

791. “Etam±d²nava½ ñatv±, sa½vega½ alabhi½ tad±;

soha½ viddho tad± santo, sampatto ±savakkhaya½.

792. “Pariciººo may± satth±, kata½ buddhassa s±sana½;

ohito garuko bh±ro, bhavanetti sam³hat±.

793. “Yassatth±ya pabbajito, ag±rasm±nag±riya½;

so me attho anuppatto, sabbasa½yojanakkhayo”ti.– Im± g±th± avoca.

Tattha pass±mi loketi aha½, mah±r±ja, imasmi½ loke sadhane dhanasampanne a¹¹he manusse pass±mi, te pana laddh±na vitta½ dhana½ labhitv± bhogasampattiya½ µhit± samaºabr±hmaº±d²su kassaci kiñcipi na dadanti. Kasm±? Moh± kammassakat±paññ±ya abh±vato. Luddh± lobh±bhibh³t± yath±laddha½ dhana½ sannicaya½ sabbaso nicetabba½ nidhetabba½ karonti. Bhiyyova yath±dhigatak±mato upari k±me k±maguºe “tath±ha½ edise ca bhoge paµilabheyyan”ti abhipatthayanti pacc±s²santi tajjañca v±y±ma½ karonti.

Bhiyyo k±mapatthan±ya ud±haraºa½ dassento “r±j±”ti-±dim±ha. Tattha pasayhappathavi½ vijetv±ti attano va½s±nugata½ pathavi½ balakk±rena abhivijiya. ¾vasantoti pas±sento. Ora½ samuddass±ti anavasesa½ samuddassa orabh±ga½ labhitv±pi tena atittar³po p±ra½ samuddassa d²pantarampi patthayeyya.

Av²tataºh±ti avigatataºh±. Ðn±v±ti aparipuººamanorath±va. K±mehi lokamhi na hatthi titt²ti taºh±vipann±na½ imasmi½ loke vatthuk±mehi titti n±ma natthi.

Kandanti nanti matapurisa½ uddissa tassa guºe kittent± kandana½ karonti. Aho vat± no amar±ti c±h³ti aho vata amh±ka½ ñ±t² amar± siyunti ca kathenti, g±th±sukhatthañhettha vat±-iti d²gha½ katv± vutta½.

So ¹ayhati s³lehi tujjam±noti so matasatto chava¹±hakehi samm± jh±petu½ s³lehi tujjam±no. T±º±ti paritt±ºakar±.

Yenakammanti yath±kamma½. Dhananti dhan±yitabba½ ya½kiñci vatthu. Puna dhananti hiraññasuvaººa½ sandh±ya vadati.

“Na d²gham±yun”ti-±din± k±maguºassa jar±ya ca paµik±r±bh±va½ vatv± puna tassa ekantikabh±va½ dassetu½ “appa½ h²”ti-±di vutta½. Phusant²ti aniµµhaphassa½ phusanti p±puºanti, tattha a¹¹hadaliddat± ak±raºanti dasseti. Phassa½ b±lo ca dh²ro ca tatheva phuµµhoti yath± b±lo iµµh±niµµhasamphassa½ phuµµho, tatheva dh²ro iµµh±niµµhaphassa½ phuµµho hoti, na ettha b±lapaº¹it±na½ koci viseso. Aya½ pana viseso, b±lo hi b±ly± vadhitova set²ti b±lapuggalo kenaci dukkhadhammena phuµµho socanto kilamanto uratt±¼i½ kandanto b±labh±vena vadhito p²¼itova hutv± seti sayati. Ito cito ca ±vaµµanto vivaµµanto virodhento vedhati phassaphuµµhoti dh²ro pana paº¹ito dukkhasamphassena samphuµµho na vedhati kampanamattampi tassa na hot²ti.

Tasm±ti yasm± b±lapaº¹it±na½ lokadhamme edis² pavatti, tasm± hi paññ±va dhanena seyy±, y±ya vos±namidh±dhigacchat²ti paññ±va dhanato p±sa½satar±, y±ya paññ±ya vos±na½ bhavassa pariyos±nabh³ta½ nibb±na½ adhigacchati. Abyositatt± h²ti anadhigataniµµhatt±. Bhav±bhaves³ti mahant±mahantesu bhavesu.

Upeti gabbhañca parañca loka½, sa½s±ram±pajja parampar±y±ti yo p±p±ni katv± apar±para½ sa½saraºam±pajjitv± upeti gabbhañca parañca loka½ gabbhaseyy±ya paralokuppattiy± ca na muccati, tassa p±pakammak±rino puggalassa kiriya½ abhisaddahanto “att± ca me hot²”ti pattiy±yanto aññopi appapañño b±lo yath± paµipajjitv± upeti gabbhañca parañca loka½, na tato parimuccati.

Coro yath±ti yath± coro p±padhammo gharasandhi½ chindanto sandhimukhe ±rakkhakapurisehi gahito sakammun± tena attano sandhicchedakammun± k±raºabh³tena kas±d²hi t±¼an±divasena haññati r±japurisehi b±dhiyyati bajjhati ca. Eva½ paj±ti evamaya½ sattaloko idha p±p±ni karitv± pecca patv± tena kammun± paramhi loke niray±d²su haññati, pañcavidhabandhanakammak±raº±divasena b±dhiyyati.

Evamet±hi ek±dasahi g±th±hi yath±raha½ catt±ro dhammuddese pak±setv± id±ni k±mesu sa½s±re ca ±d²nava½ disv± saddh±ya attano pabbajitabh±va½ pabbajitakiccassa ca matthakappatti½ vibh±vento “k±m± h²”ti-±dim±ha. Tattha k±m±ti vatthuk±m± man±piy± r³p±dayo dhamm±, kilesak±m± sabbepi r±gappabhed±. Idha pana vatthuk±m± veditabb±. Te hi r³p±divasena anekappak±rat±ya citr±. Lokass±davasena iµµh±k±rat±ya madhur±. B±laputhujjan±na½ mana½ rament²ti manoram±. Vir³par³pen±ti vividhar³pena, anekavidhasabh±ven±ti attho. Te hi r³p±divasena citr±, n²l±divasena vividhar³p±. Eva½ tena vir³par³pena tath± tath± ass±da½ dassetv± mathenti citta½ pabbajj±ya abhiramitu½ na dent²ti imin± appass±dabahudukkhat±din± ±d²nava½ k±maguºesu disv± tasm± ta½nimitta½ aha½ pabbajito amhi. Dumapphal±ni pakkak±le aparipakkak±le ca yattha katthaci par³pakkamato sarasato v± patanti, eva½ satt± dahar± ca vu¹¹h± ca sar²rassa bhed± patantiyeva. Etampi disv±ti eva½ aniccatampi paññ±cakkhun± disv±, na kevala½ appass±dat±dit±ya ±d²navamev±ti adhipp±yo. Apaººakanti aviraddhanaka½ s±maññameva samaºabh±vova seyyo uttaritaro.

Saddh±y±ti kamma½ kammaphala½ buddhasubuddhata½ dhammasudhammata½ saªghasuppaµipattiñca saddahitv±. Upeto jinas±saneti satthu s±sane samm±paµipatti½ upagato. Avañjh± mayha½ pabbajj± arahattassa adhigatatt±. Tato eva anaºo bhuñj±mi bhojana½ nikkilesavasena s±mibh±vato s±miparibhogena paribhuñjanato.

K±me ±dittato disv±ti vatthuk±me kilesak±me ca ek±dasahi agg²hi ±dittabh±vato disv±. J±tar³p±ni satthatoti kat±katappabhed± sabbasuvaººavikatiyo anatth±vahat±ya nisitasatthato. Gabbhavokkantito dukkhanti gabbhavokkantito paµµh±ya sabbasa½s±rapavattidukkha½. Nirayesu mahabbhayanti sa-ussadesu aµµhasu mah±nirayesu labbham±na½ mah±bhayañca sabbattha disv±ti yojan±.

Etam±d²nava½ ñatv±ti eta½ k±m±na½ ±dittat±di½ sa½s±re ±d²nava½ dosa½ ñatv±. Sa½vega½ alabhi½ tad±ti tasmi½ satthu santike dhammassa sutak±le bhav±dike sa½vega½ alattha½. Viddho tad± santoti tasmi½ gahaµµhak±le r±gasall±d²hi viddho sam±no id±ni satthu s±sana½ ±gamma sampatto ±savakkhaya½, viddho v± catt±ri sacc±ni, paµividdhoti attho. Sesa½ antarantar±d²su vuttatt± suviññeyyameva.

Eva½ thero rañño korabyassa dhamma½ desetv± satthu santikameva gato. Satth± ca aparabh±ge ariyagaºamajjhe nisinno thera½ saddh±pabbajit±na½ aggaµµh±ne µhapes²ti.

Raµµhap±lattherag±th±vaººan± niµµhit±.