Aparampi catubbidha½ uppanna½ samud±c±ruppanna½, ±rammaº±dhigahituppanna½, avikkhambhituppanna½ asamuggh±tituppannanti. Tattha sampati vattam±na½yeva samud±c±ruppanna½ n±ma. Saki½ cakkh³ni umm²letv± ±rammaºe nimitte gahite anussarit±nussaritakkhaºe kiles± nuppajjissant²ti na vattabb±. Kasm±? ¾rammaºassa adhigahitatt±. Yath± ki½? Yath± kh²rarukkhassa kuµh±riy± ±hat±hataµµh±ne kh²ra½ na nikkhamissat²ti na vattabba½, eva½. Ida½ ±rammaº±dhigahituppanna½ n±ma. Sam±pattiy± avikkhambhit± kiles± pana imasmi½ n±ma µh±ne nuppajjissant²ti na vattabb±. Kasm±? Avikkhambhitatt±. Yath± ki½? Yath± sace kh²rarukkhe kuµh±riy± ±haneyyu½, imasmi½ n±ma µh±ne kh²ra½ na nikkhameyy±ti na vattabba½, eva½. Ida½ avikkhambhituppanna½ n±ma. Maggena asamuggh±titakiles± pana bhavagge nibbattass±pi uppajjant²ti purimanayeneva vitth±retabba½. Ida½ asamuggh±tituppanna½ n±ma.

Imesu uppannesu vattam±nuppanna½ bhutv±vigatuppanna½ ok±sakatuppanna½ samud±c±ruppannanti catubbidha½ uppanna½ na maggavajjha½, bh³miladdhuppanna½ ±rammaº±dhigahituppanna½ avikkhambhituppanna½ asamuggh±tituppannanti catubbidha½ maggavajjha½. Maggo hi uppajjam±no ete kilese pajahati. So ye kilese pajahati, te at²t± v± an±gat± v± paccuppann± v±ti na vattabb±. Vuttampi ceta½–

“Hañci at²te kilese pajahati, tena hi kh²ºa½ khepeti, niruddha½ nirodheti, vigata½ vigameti atthaªgata½ atthaªgameti. At²ta½ ya½ natthi, ta½ pajahati. Hañci an±gate kilese pajahati, tena hi aj±ta½ pajahati, anibbatta½, anuppanna½, ap±tubh³ta½ pajahati. An±gata½ ya½ natthi, ta½ pajahati, hañci paccuppanne kilese pajahati, tena hi ratto r±ga½ pajahati duµµho dosa½, m³¼ho moha½, vinibaddho m±na½, par±maµµho diµµhi½, vikkhepagato uddhacca½, aniµµhaªgato vicikiccha½, th±magato anusaya½ pajahati. Kaºhasukkadhamm± yuganaddh± samameva vattanti. Sa½kilesik± maggabh±van± hoti…pe… tena hi natthi maggabh±van±, natthi phalasacchikiriy±, natthi kilesappah±na½, natthi dhamm±bhisamayoti. Atthi maggabh±van±…pe… atthi dhamm±bhisamayoti. Yath± katha½ viya, seyyath±pi taruºo rukkho aj±taphalo…pe… ap±tubh³t±yeva na p±tubhavant²”ti.

Iti p±¼iya½ aj±taphalarukkho ±gato, j±taphalarukkhena pana d²petabba½. Yath± hi saphalo taruºambarukkho, tassa phal±ni manuss± paribhuñjeyyu½, ses±ni p±tetv± pacchiyo p³reyyu½ Athañño puriso ta½ pharasun± chindeyya, tenassa neva at²t±ni phal±ni n±sit±ni honti, na an±gatapaccuppann±ni n±sit±ni. At²t±ni hi manussehi paribhutt±ni, an±gat±ni anibbatt±ni, na sakk± n±setu½. Yasmi½ pana samaye so chinno, tad± phal±niyeva natth²ti paccuppann±nipi an±sit±ni. Sace pana rukkho acchinno, athassa pathav²rasañca ±porasañca ±gamma y±ni phal±ni nibbatteyyu½, t±ni n±sit±ni honti. T±ni hi aj±t±neva na j±yanti, anibbatt±neva na nibbattanti, ap±tubh³t±neva na p±tubhavanti, evameva maggo n±pi at²t±dibhede kilese pajahati, n±pi na pajahati. Yesañhi kiles±na½ maggena khandhesu apariññ±tesu uppatti siy±, maggena uppajjitv± khandh±na½ pariññ±tatt± te kiles± aj±t±va na j±yanti, anibbatt±va na nibbattanti, ap±tubh³t±va na p±tubhavanti, taruºaputt±ya itthiy± puna avij±yanattha½, by±dhit±na½ rogav³pasamanattha½ p²tabhesajjehi c±pi ayamattho vibh±vetabbo. Eva½ maggo ye kilese pajahati, te at²t± v± an±gat± v± paccuppann± v±ti na vattabb±, na ca maggo kilese na pajahati. Ye pana maggo kilese pajahati, te sandh±ya “uppann±na½ p±pak±nan”ti-±di vutta½.

Na kevalañca maggo kileseyeva pajahati, kiles±na½ pana appah²natt± ye ca uppajjeyyu½ up±dinnakakkhandh±, tepi pajahatiyeva. Vuttampi ceta½– “sot±pattimaggañ±ºena abhisaªkh±raviññ±ºassa nirodhena satta bhave µhapetv± anamatagge sa½s±re ye uppajjeyyu½ n±mañca r³pañca, etthete nirujjhant²”ti (c³¼ani. 6) vitth±ro. Iti maggo up±dinna-anup±dinnato vuµµh±ti. Bhavavasena pana sot±pattimaggo ap±yabhavato vuµµh±ti, sakad±g±mimaggo sugatibhavekadesato, an±g±mimaggo sugatik±mabhavato, arahattamaggo r³p±r³pabhavato vuµµh±ti. Sabbabhavehi vuµµh±tiyev±tipi vadanti.

Atha maggakkhaºe katha½ anuppann±na½ upp±d±ya bh±van± hoti, katha½ v± uppann±na½ µhitiy±ti. Maggappavattiy±yeva. Maggo hi pavattam±no pubbe anuppannapubbatt± anuppanno n±ma vuccati. An±gatapubbañhi µh±na½ ±gantv± ananubh³tapubba½ v± ±rammaºa½ anubhavitv± vatt±ro bhavanti “an±gataµµh±na½ ±gatamh±, ananubh³ta½ ±rammaºa½ anubhav±m±”ti. Y± cassa pavatti, ayameva µhiti n±m±ti µhitiy± bh±vet²tipi vattu½ vaµµati.

Iddhip±desu saªkhepakath± cetokhilasutte (ma. ni. 1.185 ±dayo) vutt±. Upasamam±na½ gacchati, kiles³pasamattha½ v± gacchat²ti upasamag±m². Sambujjham±n± gacchati, maggasambodhatth±ya v± gacchat²ti sambodhag±m².

Vivekanissit±d²ni sabb±savasa½vare vutt±ni. Ayamettha saªkhepo, vitth±rato pan±ya½ bodhipakkhiyakath± visuddhimagge vutt±.

248. Vimokkhakath±ya½ vimokkheti kenaµµhena vimokkh±, adhimuccanaµµhena. Ko pan±ya½ adhimuccanaµµho n±ma? Paccan²kadhammehi ca suµµhu muccanaµµho, ±rammaºe ca abhirativasena suµµhu muccanaµµho, pitu-aªke vissaµµhaªgapaccaªgassa d±rakassa sayana½ viya aniggahitabh±vena nir±saªkat±ya ±rammaºe pavatt²ti vutta½ hoti. Aya½ panattho pacchimavimokkhe natthi, purimesu sabbesu atthi. R³p² r³p±ni passat²ti ettha ajjhattakes±d²su n²lakasiº±divasena upp±dita½ r³pajjh±na½ r³pa½, tadassa atth²ti r³p². Bahiddh± r³p±ni passat²ti bahiddh±pi n²lakasiº±d²ni r³p±ni jh±nacakkhun± passati. Imin± ajjhatta bahiddh±vatthukesu kasiºesu upp±ditajjh±nassa puggalassa catt±ripi r³p±vacarajjh±n±ni dassit±ni.

Ajjhatta½ ar³pasaññ²ti ajjhatta½ na r³pasaññ², attano kes±d²su anupp±ditar³p±vacarajjh±noti attho. Imin± bahiddh± parikamma½ katv± bahiddh±va upp±ditajjh±nassa r³p±vacarajjh±n±ni dassit±ni. Subhanteva adhimutto hot²ti imin± suvisuddhesu n²l±d²su vaººakasiºesu jh±n±ni dassit±ni. Tattha kiñc±pi anto-appan±ya½ subhanti ±bhogo natthi, yo pana suvisuddha½ subhakasiºa½ ±rammaºa½ katv± viharati, so yasm± subhanti adhimutto hot²ti vattabbata½ ±pajjati, tasm± eva½ desan± kat±. Paµisambhid±magge pana “katha½ subhanteva adhimutto hot²ti vimokkho. Idha bhikkhu mett±sahagatena cetas± eka½ disa½ pharitv± viharati…pe… mett±ya bh±vitatt± satt± appaµik³l± honti. Karuº±sahagatena, mudit±sahagatena, upekkh±sahagatena cetas± eka½ disa½ pharitv± viharati…pe… upekkh±ya bh±vitatt± satt± appaµik³l± honti. Eva½ subhanteva adhimutto hot²ti vimokkho”ti (paµi. ma. 1.212) vutta½.

Sabbaso r³pasaññ±nanti-±d²su ya½ vattabba½, ta½ sabba½ visuddhimagge vuttameva. Aya½ aµµhamo vimokkhoti aya½ catunna½ khandh±na½ sabbaso vissaµµhatt± vimuttatt± aµµhamo uttamo vimokkho n±ma.

249. Abhibh±yatanakath±ya½ abhibh±yatan±n²ti abhibhavanak±raº±ni. Ki½ abhibhavanti? Paccan²kadhammepi ±rammaº±nipi. T±ni hi paµipakkhabh±vena paccan²kadhamme abhibhavanti, puggalassa ñ±ºuttarit±ya ±rammaº±ni. Ajjhatta½ r³pasaññ²ti-±d²su pana ajjhattar³pe parikammavasena ajjhatta½ r³pasaññ² n±ma hoti. Ajjhattañca n²laparikamma½ karonto kese v± pitte v± akkhit±rak±ya v± karoti, p²taparikamma½ karonto mede v± chaviy± v± hatthatalap±datalesu v± akkh²na½ p²taµµh±ne v± karoti, lohitaparikamma½ karonto ma½se v± lohite v± jivh±ya v± akkh²na½ rattaµµh±ne v± karoti, od±taparikamma½ karonto aµµhimhi v± dante v± nakhe v± akkh²na½ setaµµh±ne v± karoti. Ta½ pana sun²la½ sup²taka½ sulohitaka½ su-od±ta½ na hoti, asuvisuddhameva hoti.

Eko bahiddh± r³p±ni passat²ti yasseta½ parikamma½ ajjhatta½ uppanna½ hoti, nimitta½ pana bahiddh±, so eva½ ajjhatta½ parikammassa bahiddh± ca appan±ya vasena– “ajjhatta½ r³pasaññ² eko bahiddh± r³p±ni passat²”ti vuccati. Paritt±n²ti ava¹¹hit±ni. Suvaººadubbaºº±n²ti suvaºº±ni v± hontu dubbaºº±ni v±, parittavaseneva idamabhibh±yatana½ vuttanti veditabba½. T±ni abhibhuyy±ti yath± n±ma sampannagahaºiko kaµacchumatta½ bhatta½ labhitv± “kimettha bhuñjitabba½ atth²”ti saªka¹¹hitv± ekakaba¼ameva karoti, evameva½ ñ±ºuttariko puggalo visadañ±ºo– “kimettha parittake ±rammaºe sam±pajjitabba½ atthi, n±ya½ mama bh±ro”ti t±ni r³p±ni abhibhavitv± sam±pajjati, saha nimittupp±denevettha appana½ p±pet²ti attho. J±n±mi pass±m²ti imin± panassa ±bhogo kathito, so ca kho sam±pattito vuµµhitassa, na antosam±pattiya½. Eva½saññ² hot²ti ±bhogasaññ±yapi jh±nasaññ±yapi eva½saññ² hoti. Abhibhavasaññ± hissa antosam±pattiya½ atthi, ±bhogasaññ± pana sam±pattito vuµµhitasseva.

Appam±º±n²ti va¹¹hitappam±º±ni, mahant±n²ti attho. Abhibhuyy±ti ettha pana yath± mahagghaso puriso eka½ bhattava¹¹hitaka½ labhitv± “aññ±pi hotu, aññ±pi hotu, kimes± mayha½ karissat²”ti ta½ na mahantato passati, evameva ñ±ºuttaro puggalo visadañ±ºo “kimettha sam±pajjitabba½, nayida½ appam±ºa½, na mayha½ cittekaggat±karaºe bh±ro atth²”ti t±ni abhibhavitv± sam±pajjati, saha nimittupp±denevettha appana½ p±pet²ti attho.

Ajjhatta½ ar³pasaññ²ti al±bhit±ya v± anatthikat±ya v± ajjhattar³pe parikammasaññ±virahito. Eko bahiddh± r³p±ni passat²ti yassa parikammampi nimittampi bahiddh±va uppanna½, so eva½ bahiddh± parikammassa ceva appan±ya ca vasena– “ajjhatta½ ar³pasaññ² eko bahiddh± r³p±ni passat²”ti vuccati. Sesamettha catutth±bhibh±yatane vuttanayameva. Imesu pana cat³su paritta½ vitakkacaritavasena ±gata½, appam±ºa½ mohacaritavasena, suvaººa½ dosacaritavasena, dubbaººa½ r±gacaritavasena. Etesañhi et±ni sapp±y±ni. S± ca nesa½ sapp±yat± vitth±rato visuddhimaggecariyaniddese vutt±.

Pañcama-abhibh±yatan±d²su n²l±n²ti sabbasaªg±hikavasena vutta½. N²lavaºº±n²ti vaººavasena. N²lanidassan±n²ti nidassanavasena. Apaññ±yam±navivar±ni asambhinnavaºº±ni ekan²l±neva hutv± dissant²ti vutta½ hoti. N²lanibh±s±n²ti ida½ pana obh±savasena vutta½, n²lobh±s±ni n²lapabh±yutt±n²ti attho. Etena nesa½ suvisuddhata½ dasseti. Visuddhavaººavaseneva hi im±ni catt±ri abhibh±yatan±ni vutt±ni. Um±pupphanti etañhi puppha½ siniddha½ mudu½ dissam±nampi n²lameva hoti. Girikaººikapupph±d²ni pana dissam±n±ni setadh±tuk±ni honti. Tasm± idameva gahita½, na t±ni. B±r±ºaseyyakanti b±r±ºasiya½ bhava½. Tattha kira kapp±sopi mudu, suttakantik±yopi tantav±y±pi chek±, udakampi suci siniddha½, tasm± vattha½ ubhatobh±gavimaµµha½ hoti, dv²su passesu maµµha½ mudu siniddha½ kh±yati. P²t±n²ti-±d²su imin±va nayena attho veditabbo. “N²lakasiºa½ uggaºhanto n²lasmi½ nimitta½ gaºh±ti pupphasmi½ v± vatthasmi½ v± vaººadh±tuy± v±”ti-±dika½ panettha kasiºakaraºañceva parikammañca appan±vidh±nañca sabba½ visuddhimagge vitth±rato vuttameva.

Abhiññ±vos±nap±ramippatt±ti ito pubbesu satipaµµh±n±d²su te dhamme bh±vetv± arahattappatt±va abhiññ±vos±nap±ramippatt± n±ma honti, imesu pana aµµhasu abhibh±yatanesu ciººavas²bh±v±yeva abhiññ±vos±nap±ramippatt± n±ma.

250. Kasiºakath±ya½ sakalaµµhena kasiº±ni, tad±rammaº±na½ dhamm±na½ khettaµµhena adhiµµh±naµµhena v± ±yatan±ni. Uddhanti upari gaganatal±bhimukha½. Adhoti heµµh± bh³mital±bhimukha½. Tiriyanti khettamaº¹alamiva samant± paricchinditv±. Ekacco hi uddhameva kasiºa½ va¹¹heti, ekacco adho, ekacco samantato. Tena tena k±raºena eva½ pas±reti ±lokamiva r³padassanak±mo. Tena vutta½– “pathav²kasiºameko sañj±n±ti uddha½adhotiriyan”ti. Advayanti dis±-anudis±su advaya½. Ida½ pana ekassa aññabh±v±nupagamanattha½ vutta½. Yath± hi udaka½ paviµµhassa sabbadis±su udakameva hoti anañña½, evameva½ pathav²kasiºa½ pathav²kasiºameva hoti, natthi tassa añño kasiºasambhedoti. Esa nayo sabbattha. Appam±ºanti ida½ tassa tassa pharaºa-appam±ºavasena vutta½. Tañhi cetas± pharanto sakalameva pharati, ayamassa ±di, ida½ majjhanti pam±ºa½ gaºh±t²ti. Viññ±ºakasiºanti cettha kasiºuggh±µim±k±se pavatta½ viññ±ºa½. Tattha kasiºavasena kasiºuggh±µim±k±se, kasiºuggh±µim±k±savasena tattha pavattaviññ±ºe uddha½adhotiriyat± veditabb±. Ayamettha saªkhepo. Kammaµµh±nabh±van±nayena panet±ni pathav²kasiº±d²ni vitth±rato visuddhimagge vutt±neva. Idh±pi ciººavasibh±veneva abhiññ±vos±nap±ramippatt± hont²ti veditabb±. Tath± ito anantaresu cat³su jh±nesu. Ya½ panettha vattabba½, ta½ mah±-assapurasutte vuttameva.

252. Vipassan±ñ±ºe pana r³p²ti-±d²namattho vuttoyeva. Ettha sitamettha paµibaddhanti ettha c±tumah±bh³tike k±ye nissitañca paµibaddhañca. Subhoti sundaro. J±tim±ti suparisuddha-±karasamuµµhito. Suparikammakatoti suµµhu kataparikammo apan²tap±s±ºasakkharo. Acchoti tanucchavi. Vippasannoti suµµhu vippasanno. Sabb±k±rasampannoti dhovana vedhan±d²hi sabbehi ±k±rehi sampanno. N²lanti-±d²hi vaººasampatti½ dasseti. T±disañhi ±vuta½ p±kaµa½ hoti.

Evameva khoti ettha eva½ upam±sa½sandana½ veditabba½– maºi viya hi karajak±yo. ¾vutasutta½ viya vipassan±ñ±ºa½. Cakkhum± puriso viya vipassan±l±bh² bhikkhu. Hatthe karitv± paccavekkhato “aya½ kho maº²”ti maºino ±vibh³tak±lo viya vipassan±ñ±ºa½ abhin²haritv± nisinnassa bhikkhuno c±tumah±bh³tikak±yassa ±vibh³tak±lo. “Tatrida½ sutta½ ±vutan”ti suttassa ±vibh³tak±lo viya vipassan±ñ±ºa½ abhin²haritv± nisinnassa bhikkhuno tad±rammaº±na½ phassapañcamak±na½ v± sabbacittacetasik±na½ v± vipassan±ñ±ºasseva v± ±vibh³tak±loti.

Ki½ paneta½ ñ±ºassa ±vibh³ta½, puggalass±ti. ѱºassa, tassa pana ±vibh±vatt± puggalassa ±vibh³t±va honti. Idañca vipassan±ñ±ºa½ maggassa anantara½, eva½ santepi yasm± abhiññ±v±re ±raddhe etassa antar±v±ro natthi, tasm± idheva dassita½. Yasm± ca anicc±divasena akatasammasanassa dibb±ya sotadh±tuy± bheravasadda½ suºanto pubbeniv±s±nussatiy± bherave khandhe anussarato dibbena cakkhun± bheravar³pa½ passato bhayasant±so uppajjati, na anicc±divasena katasammasanassa, tasm± abhiññ±pattassa bhayavinodakahetusamp±danatthampi ida½ idheva dassita½. Idh±pi arahattavaseneva abhiññ±vos±nap±ramippattat± veditabb±.

253. Manomayiddhiya½ ciººavasit±ya. Tattha manomayanti manena nibbatta½. Sabbaªgapaccaªginti sabbehi aªgehi ca paccaªgehi ca samann±gata½. Ah²nindriyanti saºµh±navasena avikalindriya½. Iddhimat± nimmitar³pañhi sace iddhim± od±to, tampi od±ta½. Sace aviddhakaººo, tampi aviddhakaººanti eva½ sabb±k±rehi tena sadisameva hoti. Muñjamh± ²sikanti-±di upamattayampi ta½ sadisabh±vadassanatthameva vutta½. Muñjasadis± eva hi tassa anto ²sik± hoti. Kosasadisoyeva asi, vaµµ±ya kosiy± vaµµa½ asimeva pakkhipanti, patthaµ±ya patthaµa½.

Karaº¹±ti idampi ahikañcukassa n±ma½, na vil²vakaraº¹akassa. Ahikañcuko hi ahin± sadisova hoti. Tattha kiñc±pi “puriso ahi½ karaº¹± uddhareyy±”ti hatthena uddharam±no viya dassito, atha kho cittenevassa uddharaºa½ veditabba½. Ayañhi ahi n±ma saj±tiya½ µhito, kaµµhantara½ v± rukkhantara½ v± niss±ya, tacato sar²ranikka¹¹hanapayogasaªkh±tena th±mena, sar²ra½ kh±dam±na½ viya pur±ºataca½ jigucchantoti imehi cat³hi k±raºehi sayameva kañcuka½ jah±ti, na sakk± tato aññena uddharitu½. Tasm± cittena uddharaºa½ sandh±ya ida½ vuttanti veditabba½. Iti muñj±disadisa½ imassa bhikkhuno sar²ra½, ²sik±disadisa½ nimmitar³panti idamettha opammasa½sandana½. Nimm±navidh±na½ panettha parato ca iddhividh±dipañca-abhiññ±kath± sabb±k±rena visuddhimagge vitth±rit±ti tattha vuttanayeneva veditabb±. Upam±mattameva hi idha adhika½.

Tattha chekakumbhak±r±dayo viya iddhividhañ±ºal±bh² bhikkhu daµµhabbo. Suparikammakatamattik±dayo viya iddhividhañ±ºa½ daµµhabba½. Icchiticchitabh±janavikati-±dikaraºa½ viya tassa bhikkhuno vikubbana½ daµµhabba½. Idh±pi ciººavasit±vaseneva abhiññ±vos±nap±ramippattat± veditabb±. Tath± ito par±su cat³su abhiññ±su.

255. Tattha dibbasotadh±tu-upam±ya½ saªkhadhamoti saªkhadhamako. Appakasirenev±ti niddukkheneva. Viññ±peyy±ti j±n±peyya. Tattha eva½ c±tuddis± viññ±pente saªkhadhamake “saªkhasaddo ayan”ti vavatth±pent±na½ satt±na½ tassa saªkhasaddassa ±vibh³tak±lo viya yogino d³rasantikabhed±na½ dibb±nañceva m±nusak±nañca sadd±na½ ±vibh³tak±lo daµµhabbo.

256. Cetopariyañ±ºa-upam±ya½ daharoti taruºo. Yuv±ti yobbanena samann±gato. Maº¹anakaj±tikoti yuv±pi sam±no na alasiyo kiliµµhavatthasar²ro, atha kho maº¹anakapakatiko, divasassa dve tayo v±re nh±yitv± suddhavattha-paridahana-alaªk±rakaraºas²loti attho. Sakaºikanti k±¼atilakavaªka-mukhad³sip²¼ak±d²na½ aññatarena sadosa½. Tattha yath± tassa mukhanimitta½ paccavekkhato mukhadoso p±kaµo hoti, eva½ cetopariyañ±º±ya citta½ abhin²haritv± nisinnassa bhikkhuno paresa½ so¼asavidha½ citta½ p±kaµa½ hot²ti veditabba½. Pubbeniv±sa-upam±d²su ya½ vattabba½, ta½ sabba½ mah±-assapure vuttameva.

259. Aya½ kho ud±yi pañcamo dhammoti ek³nav²sati pabb±ni paµipad±vasena eka½ dhamma½ katv± pañcamo dhammoti vutto. Yath± hi aµµhakan±garasutte (ma. ni. 2.17 ±dayo) ek±dasa pabb±ni pucch±vasena ekadhammo kato, evamidha ek³nav²sati pabb±ni paµipad±vasena eko dhammo katoti veditabb±ni. Imesu ca pana ek³nav²satiy± pabbesu paµip±µiy± aµµhasu koµµh±sesu vipassan±ñ±ºe ca ±savakkhayañ±ºe ca arahattavasena abhiññ±vos±nap±ramippattat± veditabb±, sesesu ciººavasibh±vavasena. Sesa½ sabbattha utt±namev±ti.

Papañcas³daniy± majjhimanik±yaµµhakath±ya

Mah±sakulud±yisuttavaººan± niµµhit±.