Eka½sabh±vitasam±dhivaººan±

366-371. Eka½s±y±ti tadatthe catutth²vacana½, eka½satthanti attho. A½sasaddo cettha koµµh±sapariy±yo, so ca adhik±rato dibbar³padassanadibbasaddasavanavasena veditabboti ±ha “ekakoµµh±s±y±”ti-±di. V±-saddo cettha vikappane eka½sassev±dhippetatt±. Anudis±y±ti puratthimadakkhiº±dibhed±ya catubbidh±ya anudis±ya. Ubhayakoµµh±s±y±ti dibbar³padassanattha½, dibbasaddasavanatthañca. Bh±vitoti yath± dibbacakkhuñ±ºa½, dibbasotañ±ºañca samadhigata½ hoti, eva½ bh±vito. Tayida½ visu½ visu½ parikammakaraºena ijjhant²su vattabba½ natthi, ekajjha½ ijjhant²supi kameneva kiccasiddhi bhavati ekajjha½ kiccasiddhiy± asambhavato. P±¼iyampi hi “dibb±nañca r³p±na½ dassan±ya, dibb±nañca sadd±na½ savan±y±”ti ida½ ekassa ubhayasamatthat±sandassanameva, na ekajjha½ kiccasiddhisambhavasandassana½. “Eka½sabh±vito sam±dhi het³”ti imin± sunakkhatto dibbacakkhuñ±º±ya eva parikammassa katatt± vijjam±nampi dibbasadda½ n±ssos²ti dasseti.

372. Dibbacakkhuñ±ºato dibbasotañ±ºameva seµµhanti maññam±no mah±li etamattha½ pucchat²ti ±ha “ida½ dibbasotena…pe… maññe”ti. Apaººakanti avirajjhanaka½, anavajja½ v±. Sam±dhiyeva bh±vetabbaµµhena sam±dhibh±van± “Dibbasotañ±ºa½ seµµhan”ti maññam±nena ca tena dibbacakkhuñ±ºampi dibbasoteneva saha gahetv± “et±sa½ n³na bhante”ti-±din± puthuvacanena pucchitanti dassetu½ “ubhaya½sabh±vit±na½ sam±dh²nan”ti vutta½. B±hir± et± sam±dhibh±van± aniyy±nikatt±. T± hi ito b±hirak±nampi ijjhanti. Na ajjhattik± bhagavat± s±mukka½sikabh±vena appaveditatt±. Na hi te sacc±ni viya s±mukka½sik±. Yadatthanti yesa½ atth±ya, abhedepi bhedavacanameta½, yassa v± visesanabh³tassa atth±ya. Teti ariyaphaladhamme. “Tan”tipi adhun± p±µho. Te hi sacchik±tabb±, “atthi kho mah±li aññeva dhamm±…pe… yesa½ sacchikiriy±hetu bhikkh³ mayi brahmacariya½ carant²”ti sacchik±tabbadhamm± ca idha vutt±.