Y± panes± bodhisatt±na½ m±tukucchi-okkaman±d²su dasasahassilokadh±tukampan±d²na½ pavatti, aya½ dhammaniy±mo n±ma. Tesu idha dhammaniy±mo adhippeto. Tasm± tamevattha½ dassento dhammat± es± bhikkhaveti-±dim±ha.

18. Tattha kucchi½ okkamat²ti ettha kucchi½ okkanto hot²ti ayamevattho Okkante hi tasmi½ eva½ hoti, na okkamam±ne. Appam±ºoti vu¹¹hippam±ºo, vipuloti attho. U¼±roti tasseva vevacana½. U¼±r±ni u¼±r±ni kh±dan²y±ni kh±dant²ti-±d²su (ma. ni. 1.399) hi madhura½ u¼±ranti vutta½. U¼±r±ya khalu bhava½ vacch±yano samaºa½ gotama½ pasa½s±ya pasa½sat²ti-±d²su (ma. ni. 1.288) seµµha½ u¼±ranti vutta½. Idha pana vipula½ adhippeta½. Dev±na½ dev±nubh±vanti ettha dev±na½ ayam±nubh±vo nivatthavatthassa pabh± dv±dasayojan±ni pharati, tath± sar²rassa, tath± alaªk±rassa, tath± vim±nassa, ta½ atikkamitv±ti attho.

Lokantarik±ti tiººa½ tiººa½ cakkav±¼±na½ antar± ekeko lokantariko hoti, tiººa½ sakaµacakk±na½ v± tiººa½ patt±na½ v± aññamañña½ ±hacca µhapit±na½ majjhe ok±so viya. So pana lokantarikanirayo parim±ºato aµµhayojanasahasso hoti. Agh±ti niccavivaµ±. Asa½vut±ti heµµh±pi appatiµµh±. Andhak±r±ti tamabh³t±. Andhak±ratimis±ti cakkhuviññ±ºuppattiniv±raºato andhabh±vakaraºatimisena samann±gat±. Tattha kira cakkhuviññ±ºa½ na j±yati. Eva½mahiddhik±ti candimas³riy± kira ekappah±reneva t²su d²pesu paññ±yanti, eva½ mahiddhik±. Ekek±ya dis±ya nava nava yojanasatasahass±ni andhak±ra½ vidhamitv± ±loka½ dassenti, eva½mah±nubh±v±. ¾bh±ya n±nubhont²ti attano pabh±ya nappahonti. Te kira cakkav±¼apabbatassa vemajjhena vicaranti, cakkav±¼apabbatañca atikkamma lokantarikaniray±. Tasm± te tattha ±bh±ya nappahonti.

Yepi tattha satt±ti yepi tasmi½ lokantarikamah±niraye satt± uppann±. Ki½ pana kamma½ katv± tattha uppajjant²ti. Bh±riya½ d±ruºa½ m±t±pit³na½ dhammikasamaºabr±hmaº±nañca upari apar±dha½, aññañca divase divase p±ºavadh±dis±hasikakamma½ katv± uppajjanti, tambapaººid²pe abhayacoran±gacor±dayo viya. Tesa½ attabh±vo tig±vutiko hoti, vaggul²na½ viya d²ghanakh± honti. Te rukkhe vagguliyo viya nakhehi cakkav±¼apabbate lagganti. Yad± sa½sappant± aññamaññassa hatthap±sa½ gat± honti, atha “bhakkho no laddho”ti maññam±n± tattha v±vaµ± viparivattitv± lokasandh±raka-udake patanti, v±te paharantepi madhukaphal±ni viya chijjitv± udake patanti, patitamatt±va accantakh±re udake piµµhapiº¹i viya vil²yanti.

Aññepi kira bho santi satt±ti bho yath± maya½ mah±dukkha½ anubhav±ma, eva½ aññe kira satt±pi ima½ dukkhamanubhavanatth±ya idh³papann±ti ta½ divasa½ passanti. Aya½ pana obh±so ekay±gup±namattampi na tiµµhati, acchar±saªgh±µamattameva vijjobh±so viya niccharitv±– “ki½ idan”ti bhaºant±na½yeva antaradh±yati. Saªkampat²ti samantato kampati. Itaradvaya½ purimapadasseva vevacana½. Puna appam±ºo c±ti-±di nigamanattha½ vutta½.

19. Catt±ro na½ devaputt± c±tuddisa½ rakkh±ya upagacchant²ti ettha catt±roti catunna½ mah±r±j±na½ vasena vutta½. Dasasahassacakkav±¼esu pana catt±ro catt±ro katv± catt±l²sasahass±ni honti. Tattha imasmi½ cakkav±¼e mah±r±j±no khaggahatth± bodhisattassa ±rakkhatth±ya upagantv± sirigabbha½ paviµµh±, itare gabbhadv±rato paµµh±ya avaruddhake pa½supis±cak±diyakkhagaºe paµikkam±petv± y±va cakkav±¼± ±rakkha½ gaºhi½su.

Kimatth±ya pan±ya½ rakkh±? Nanu paµisandhikkhaºe kalalak±lato paµµh±ya sacepi koµisatasahassam±r± koµisatasahassasineru½ ukkhipitv± bodhisattassa v± bodhisattam±tuy± v± antar±yakaraºattha½ ±gaccheyyu½, sabbe antar±va antaradh±yeyyu½. Vuttampi ceta½ bhagavat± ruhirupp±davatthusmi½– “aµµh±nameta½, bhikkhave, anavak±so, ya½ parupakkamena tath±gata½ j²vit± voropeyya. Anupakkamena, bhikkhave, tath±gat± parinibb±yanti. Gacchatha, tumhe bhikkhave, yath±vih±ra½, arakkhiy±, bhikkhave tath±gat±”ti (c³¼ava. 341). Evameva, tena parupakkamena na tesa½ j²vitantar±yo atthi, santi kho pana amanuss± vir³p± duddasik± bheravar³p± migapakkhino, yesa½ r³pa½ v± disv± sadda½ v± sutv± bodhisattam±tu bhaya½ v± sant±so v± uppajjeyya, tesa½ niv±raºatth±ya rakkha½ aggahesu½. Apica bodhisattassa puññatejena sañj±tag±rav± attano g±ravacodit±pi te evamaka½su.

Ki½ pana te antogabbha½ pavisitv± µhit± catt±ro mah±r±j±no bodhisattassa m±tuy± att±na½ dassenti, na dassent²ti? Nah±namaº¹anabhojan±disar²rakiccak±le na dassenti, sirigabbha½ pavisitv± varasayane nipannak±le pana dassenti. Tattha kiñc±pi amanussadassana½ n±ma manuss±na½ sappaµibhaya½ hoti, bodhisattassa m±t± pana attano ceva puttassa ca puññ±nubh±vena te disv± na bh±yati, pakati-antepurap±lakesu viya ass± etesu citta½ uppajjati.

20. Pakatiy± s²lavat²ti sabh±veneva s²lasampann±. Anuppanne kira buddhe manuss± t±pasaparibb±jak±na½ santike vanditv± ukkuµika½ nis²ditv± s²la½ gaºhanti. Bodhisattam±t±pi k±ladevilassa isino santike s²la½ gaºh±ti. Bodhisatte pana kucchigate aññassa p±dam³le nis²ditu½ n±ma na sakk±, sam±n±sane nis²ditv± gahitas²lampi ±vajjanakaraºamatta½ hoti. Tasm± sayameva s²la½ aggahes²ti vutta½ hoti.

21. Purises³ti bodhisattassa pitara½ ±di½ katv± kesuci manussesu puris±dhipp±yacitta½ nuppajjati. Bodhisattam±tur³pa½ pana kusal± sippik± potthakamm±d²supi k±tu½ na sakkonti. Ta½ disv± purisassa r±go nuppajjat²ti na sakk± vattu½, sace pana ta½ rattacitto upasaªkamituk±mo hoti, p±d± na vahanti, dibbasaªkhalik± viya bajjhanti. Tasm± “anatikkaman²y±”ti-±di vutta½.

22. Pañcanna½ k±maguº±nanti pubbe k±maguº³pasañhitanti imin± puris±dhipp±yavasena vatthupaµikkhepo kato, idha ±rammaºappaµil±bho dassito. Tad± kira deviy± evar³po putto kucchi½ upapannoti sutv± samantato r±j±no mahaggha-±bharaºat³riy±divasena pañcadv±r±rammaºavatthubh³ta½ paºº±k±ra½ pesenti. Bodhisattassa ca bodhisattam±tu ca katakammassa ussannatt± l±bhasakk±rassa pam±ºaparicchedo natthi.

23. Akilantak±y±ti yath± aññ± itthiyo gabbhabh±rena kilamanti hatthap±d± uddhum±tat±d²ni p±puºanti, eva½ tass± koci kilamatho n±hosi. Tirokucchigatanti antokucchigata½. Passat²ti kalal±dik±la½ atikkamitv± sañj±ta-aªgapaccaªga-ah²nindriyabh±va½ upagata½yeva passati. Kimattha½ passati? Sukhav±sattha½yeva. Yatheva hi m±t± puttena saddhi½ nipann± v± nisinn± v±– “hattha½ v±ssa p±da½ v± olambanta½ ukkhipitv± saºµhapess±m²”ti sukhav±sattha½ putta½ oloketi, eva½ bodhisattam±t±pi ya½ ta½ m±tu uµµh±nagamanaparivattananisajj±d²su uºhas²taloºikatittakakaµuk±h±ra-ajjhoharaºak±lesu ca gabbhassa dukkha½ uppajjati, “atthi nu kho me ta½ puttass±”ti sukhav±sattha½ olokayam±n± pallaªka½ ±bhujitv± nisinna½ bodhisatta½ passati. Yath± hi aññe antokucchigat± pakk±saya½ avattharitv± ±m±saya½ ukkhipitv± udarapaµala½ piµµhito katv± piµµhikaº¹aka½ niss±ya ukkuµika½ dv²su muµµh²su hanuka½ µhapetv± deve vassante rukkhasusire makkaµ± viya nis²danti, na eva½ bodhisatto, bodhisatto pana piµµhikaº¹aka½ piµµhito katv± dhamm±sane dhammakathiko viya pallaªka½ ±bhujitv± puratth±bhimukho nis²dati. Pubbekatakamma½ panass± vatthu½ sodheti, suddhe vatthumhi sukhumacchavilakkhaºa½ nibbattati. Atha na½ kucchitaco paµicch±detu½ na sakkoti, olokentiy± bahiµhito viya paññ±yati. Tamattha½ upam±ya vibh±vento bhagav± seyyath±p²ti-±dim±ha. Bodhisatto pana antokucchigato m±tara½ na passati. Na hi antokucchiya½ cakkhuviññ±ºa½ uppajjati.

24. K±laªkarot²ti na vij±tabh±vapaccay±, ±yuparikkhayeneva. Bodhisattena vasitaµµh±nañhi cetiyakuµisadisa½ hoti, aññesa½ aparibhog±raha½, na ca sakk± bodhisattam±tara½ apanetv± añña½ aggamahesiµµh±ne µhapetunti tattaka½yeva bodhisattam±tu ±yuppam±ºa½ hoti, tasm± tad± k±laªkaroti. Katarasmi½ pana vaye k±la½ karot²ti? Majjhimavaye. Paµhamavayasmiñhi satt±na½ attabh±ve chandar±go balav± hoti, tena tad± sañj±tagabbh± itth² gabbha½ anurakkhitu½ na sakkoti, gabbho bahv±b±dho hoti. Majjhimavayassa pana dve koµµh±se atikkamma tatiye koµµh±se vatthu visada½ hoti, visade vatthumhi nibbattad±rak± arog± honti, tasm± bodhisattam±t±pi paµhamavaye sampatti½ anubhavitv± majjhimavayassa tatiye koµµh±se vij±yitv± k±la½ karot²ti ayamettha dhammat±.

25. Nava v± dasa v±ti ettha v± saddassa vikappanavasena satta v± aµµha v± ek±dasa v± dv±dasa v±ti evam±d²na½ saªgaho veditabbo. Tattha sattam±saj±to j²vati, s²tuºhakkhamo pana na hoti. Aµµham±saj±to na j²vati, avases± j²vanti.

27. Dev± paµhama½ paµiggaºhant²ti kh²º±sav± suddh±v±sabrahm±no paµiggaºhanti. Katha½ paµiggaºhanti? “S³tivesa½ gaºhitv±”ti eke. Ta½ pana paµikkhipitv± ida½ vutta½– ‘tad± bodhisattam±t± suvaººakhacita½ vattha½ niv±setv± macchakkhisadisa½ duk³lapaµa½ y±va p±dant± p±rupitv± aµµh±si. Athass± sallahukagabbhavuµµh±na½ ahosi, dhamakaraºato udakanikkhamanasadisa½. Atha te pakatibrahmaveseneva upasaªkamitv± paµhama½ suvaººaj±lena paµiggahesu½. Tesa½ hatthato catt±ro mah±r±j±no ajinappaveºiy± paµiggahesu½. Tato manuss± duk³lacumbaµakena paµiggahesu½’. Tena vutta½– “dev± paµhama½ paµiggaºhanti, pacch± manuss±”ti.

28. Catt±ro na½ devaputt±ti catt±ro mah±r±j±no. Paµiggahetv±ti ajinappaveºiy± paµiggahetv±. Mahesakkhoti mah±tejo mah±yaso lakkhaºasampanno.

29. Visadova nikkhamat²ti yath± aññe satt± yonimagge laggant± bhaggavibhagg± nikkhamanti, na eva½ nikkhamati, alaggo hutv± nikkhamat²ti attho uden±ti udakena. Kenaci asucin±ti yath± aññe satt± kammajav±tehi uddha½p±d± adhosir± yonimagge pakkhitt± sataporisa½ narakapap±ta½ patant± viya, t±¼acchiddena nikka¹¹hiyam±n± hatth² viya mah±dukkha½ anubhavant± n±n±-asucimakkhit±va nikkhamanti, na eva½ bodhisatto. Bodhisattañhi kammajav±t± uddhap±da½ adhosira½ k±tu½ na sakkonti. So dhamm±sanato otaranto dhammakathiko viya, nisseºito otaranto puriso viya ca dve hatthe ca dve p±de ca pas±retv± µhitakova m±tukucchisambhavena kenaci asucin± amakkhitova nikkhamati.

Udakassa dh±r±ti udakavaµµiyo. T±su s²t± suvaººakaµ±he patati uºh± rajatakaµ±he. Idañca pathavitale kenaci asucin± asammissa½ tesa½ p±n²yaparibhojan²ya-udakañceva aññehi as±dh±raºa½ k²¼±-udakañca dassetu½ vutta½, aññassa pana suvaººarajataghaµehi ±hariyam±na-udakassa ceva ha½savattak±dipokkharaº²gatassa ca udakassa paricchedo natthi.

31. Sampatij±toti muhuttaj±to. P±¼iya½ pana m±tukucchito nikkhantamatto viya dassito, na eva½ daµµhabba½. Nikkhantamattañhi na½ paµhama½ brahm±no suvaººaj±lena paµiggaºhi½su, tesa½ hatthato catt±ro mah±r±j±no ajinappaveºiy±, tesa½ hatthato manuss± duk³lacumbaµakena. Manuss±na½ hatthato muccitv± pathaviya½ patiµµhito. Setamhi chatte anudh±riyam±neti dibbasetacchatte anudh±riyam±namhi. Ettha ca chattassa pariv±r±ni khagg±d²ni pañca r±jakakudhabhaº¹±nipi ±gat±neva. P±¼iya½ pana r±jagamane r±j± viya chattameva vutta½. Tesu chattameva paññ±yati, na chattagg±hako. Tath± khaggat±lavaºµamorahatthakav±¼ab²jan²-uºh²samatt±yeva paññ±yanti, na tesa½ g±hak±. Sabb±ni kira t±ni adissam±nar³p± devat± gaºhi½su. Vuttañceta½–

“Anekas±khañca sahassamaº¹ala½,
chatta½ mar³ dh±rayumantalikkhe;
suvaººadaº¹± vipatanti c±mar±,
na dissare c±marachattag±hak±”ti. (Su. ni. 693).

Sabb± ca dis±ti ida½ sattapadav²tih±r³pari µhitassa viya sabbadis±nuvilokana½ vutta½, na kho paneva½ daµµhabba½. Mah±satto hi manuss±na½ hatthato muccitv± paµhaviya½ patiµµhito puratthima½ disa½ olokesi. Anek±ni cakkav±¼asahass±ni ekaªgaº±ni ahesu½. Tattha devamanuss± gandham±l±d²hi p³jayam±n±– “mah±purisa, idha tumhehi sadisopi natthi, kuto uttaritaro”ti ±ha½su. Eva½ catasso dis±, catasso anudis±, heµµh±, upar²ti dasa dis± anuviloketv± attan± sadisa½ adisv±– “aya½ uttar± dis±”ti uttar±bhimukho sattapadav²tih±rena agam±s²ti evamettha attho veditabbo. ¾sabhinti uttama½. Aggoti guºehi sabbapaµhamo. Itar±ni dve pad±ni etasseva vevacan±ni. Ayamantim± j±ti, natthi d±ni punabbhavoti padadvayena imasmi½ attabh±ve pattabba½ arahatta½ by±k±si.

Ettha ca samehi p±dehi pathaviy± patiµµh±na½ caturiddhip±dapaµil±bhassa pubbanimitta½, uttar±bhimukhabh±vo mah±jana½ ajjhottharitv± abhibhavitv± gamanassa pubbanimitta½, sattapadagamana½ sattabojjhaªgaratanapaµil±bhassa pubbanimitta½, dibbasetacchattadh±raºa½ vimuttivarachattapaµil±bhassa pubbanimitta½, pañcar±jakakudhabhaº¹±na½ paµil±bho pañcahi vimutt²hi vimuccanassa pubbanimitta½, sabbadis±nuvilokana½ an±varaºañ±ºapaµil±bhassa pubbanimitta½, ±sabhiv±c±bh±sana½ appaµivattiyadhammacakkappavattanassa pubbanimitta½, “ayamantim± j±t²”ti s²han±do anup±dises±ya nibb±nadh±tuy± parinibb±nassa pubbanimittanti veditabba½ Ime v±r± p±¼iya½ ±gat±, sambahulav±ro pana n±gato, ±haritv± d²petabbo.

Mah±purisassa hi j±tadivase dasasahassilokadh±tu kampi. Dasasahassilokadh±tumhi devat± ekacakkav±¼e sannipati½su. Paµhama½ dev± paµiggaºhi½su, pacch± manuss±. Tantibaddh± v²º± cammabaddh± bheriyo ca kenaci av±dit± sayameva vajji½su. Manuss±na½ andubandhan±d²ni khaº¹±khaº¹a½ chijji½su. Sabbarog± v³pasami½su, ambilena dhotatambamala½ viya vigacchi½su. Jaccandh± r³p±ni passi½su. Jaccabadhir± sadda½ suºi½su. P²µhasapp² javasampann± ahesu½. J±tija¼±nampi e¼am³g±na½ sati patiµµh±si. Videsapakkhand± n±v± supaµµana½ p±puºi½su. ¾k±saµµhakabh³maµµhakaratan±ni sakatejobh±sit±ni ahesu½. Verino mettacitta½ paµilabhi½su. Av²cimhi aggi nibb±yi. Lokantaresu ±loko udap±di. Nad²su jala½ nappavattati. Mah±samudde madhurasa½ udaka½ ahosi. V±to na v±yi. ¾k±sapabbatarukkhagat± sakuº± bhassitv± pathavigat± ahesu½. Cando ativiroci. S³riyo na uºho, na s²talo, nimmalo utusampanno ahosi. Devat± attano attano vim±nadv±re µhatv± apphoµanase¼anacelukkhep±d²hi mah±k²¼aka½ k²¼i½su. C±tudd²pikamah±megho vassi. Mah±jana½ neva khud± na pip±s± p²¼esi. Dv±rakav±µ±ni sayameva vivari½su. Pupph³pagaphal³pag± rukkh± pupphaphal±ni gaºhi½su. Dasasahassilokadh±tu ekaddhajam±l± ahosi.

Tatr±pi dasasahassilokadh±tukampo sabbaññutaññ±ºapaµil±bhassa pubbanimitta½. Devat±na½ ekacakkav±¼e sannip±to dhammacakkappavattanak±le ekappah±reneva sannipatitv± dhamma½ paµiggaºhanassa pubbanimitta½. Paµhama½ devat±na½ paµiggahaºa½ catunna½ r³p±vacarajjh±n±na½ paµil±bhassa pubbanimitta½. Pacch± manuss±na½ paµiggahaºa½ catunna½ ar³p±vacarajjh±n±na½ paµil±bhassa pubbanimitta½. Tantibaddhav²º±na½ saya½ vajjana½ anupubbavih±rapaµil±bhassa pubbanimitta½. Cammabaddhabher²na½ vajjana½ mahatiy± dhammabheriy± anuss±vanassa pubbanimitta½. Andubandhan±d²na½ chedo asmim±nasamucchedassa pubbanimitta½. Mah±janassa rogavigamo catusaccapaµil±bhassa pubbanimitta½. Jaccandh±na½ r³padassana½ dibbacakkhupaµil±bhassa pubbanimitta½ Badhir±na½ saddassavana½ dibbasotadh±tupaµil±bhassa pubbanimitta½. P²µhasapp²na½ javasampad± caturiddhip±dapaµil±bhassa pubbanimitta½. Ja¼±na½ satipatiµµh±na½ catusatipaµµh±napaµil±bhassa pubbanimitta½. Videsapakkhandan±v±na½ supaµµanasamp±puºana½ catupaµisambhid±dhigamassa pubbanimitta½. Ratan±na½ sakatejobh±sitatta½ ya½ lokassa dhammobh±sa½ dassessati, tassa pubbanimitta½.

Ver²na½ mettacittapaµil±bho catubrahmavih±rapaµil±bhassa pubbanimitta½. Av²cimhi agginibb±yana½ ek±dasa-agginibb±yanassa pubbanimitta½. Lokantarik±loko avijjandhak±ra½ vidhamitv± ñ±º±lokadassanassa pubbanimitta½. Mah±samuddassa madhurat± nibb±narasena ekarasabh±vassa pubbanimitta½. V±tassa av±yana½ dv±saµµhidiµµhigatabhindanassa pubbanimitta½. Sakuº±na½ pathavigamana½ mah±janassa ov±da½ sutv± p±ºehi saraºagamanassa pubbanimitta½. Candassa ativirocana½ bahujanakantat±ya pubbanimitta½. S³riyassa uºhas²tavivajjana-utusukhat± k±yikacetasikasukhappattiy± pubbanimitta½. Devat±na½ vim±nadv±resu µhatv± apphoµan±d²hi k²¼ana½ buddhabh±va½ patv± ud±na½ ud±nassa pubbanimitta½. C±tudd²pikamah±meghavassana½ mahato dhammameghavassanassa pubbanimitta½. Khud±p²¼anassa abh±vo k±yagat±sati-amatapaµil±bhassa pubbanimitta½. Pip±s±p²¼anassa abh±vo vimuttisukhena sukhitabh±vassa pubbanimitta½. Dv±rakav±µ±na½ sayameva vivaraºa½ aµµhaªgikamaggadv±ravivaraºassa pubbanimitta½. Rukkh±na½ pupphaphalaggahaºa½ vimuttipupphehi pupphitassa ca s±maññaphalabh±rabharitabh±vassa ca pubbanimitta½. Dasasahassilokadh±tuy± ekaddhajam±lit± ariyaddhajam±lam±lit±ya pubbanimittanti veditabba½. Aya½ sambahulav±ro n±ma.

Ettha pañha½ pucchanti– “yad± mah±puriso pathaviya½ patiµµhahitv± uttar±bhimukho padas± gantv± ±sabhi½ v±ca½ abh±si, tad± ki½ pathaviy± gato, ud±hu ±k±sena; dissam±no gato, ud±hu adissam±no; acelako gato, ud±hu alaªkatapaµiyatto; daharo hutv± gato ud±hu mahallako; pacch±pi ki½ t±disova ahosi, ud±hu puna b±lad±rako”ti? Aya½ pana pañho heµµh±lohap±s±de samuµµhito tipiµakac³¼±bhayattherena vissajjitova. Thero kira ettha niyatipubbekatakamma-issaranimm±nav±davasena ta½ ta½ bahu½ vatv± avas±ne eva½ by±kari– “mah±puriso pathaviy± gato, mah±janassa pana ±k±sena gacchanto viya ahosi. Dissam±no gato, mah±janassa pana adissam±no viya ahosi. Acelako gato, mah±janassa pana alaªkatapaµiyatto viya upaµµh±si. Daharova gato, mah±janassa pana so¼asavassuddesiko viya ahosi. Pacch± pana b±lad±rakova ahosi, na t±diso”ti. Paris± cassa– “buddhena viya hutv± bho therena pañho kathito”ti attaman± ahosi. Lokantarikav±ro vuttanayo eva.

Im± ca pana ±dito paµµh±ya kathit± sabbadhammat± sabbabodhisatt±na½ hont²ti veditabb±.