Dasa-iddhikath±

369. Iddhividh±ya citta½ abhin²harati abhininn±met²ti ettha ijjhanaµµhena iddhi, nipphatti-atthena paµil±bhaµµhena c±ti vutta½ hoti. Yañhi nipphajjati paµilabbhati ca, ta½ ijjhat²ti vuccati. Yath±ha “k±ma½ k±mayam±nassa, tassa ceta½ samijjhat²”ti (su. ni. 772). Tath± “nekkhamma½ ijjhat²ti iddhi, paµiharat²ti p±µih±riya½. Arahattamaggo ijjhat²ti iddhi, paµiharat²ti p±µih±riyan”ti (paµi. ma. 3.32).

Aparo nayo, ijjhanaµµhena iddhi. Up±yasampad±yetamadhivacana½. Up±yasampad± hi ijjhati adhippetaphalappasavanato. Yath±ha– “aya½ kho citto gahapati s²lav± kaly±ºadhammo, sace paºidahissati ‘an±gatamaddh±na½ r±j± assa½ cakkavatt²’ti, tassa kho aya½ ijjhissati s²lavato cetopaºidhi visuddhatt±”ti (sa½. ni. 4.352).

Aparo nayo, et±ya satt± ijjhant²ti iddhi. Ijjhant²ti iddh± vuddh± ukka½sagat± hont²ti vutta½ hoti. S± dasavidh±. Yath±ha “kati iddhiyoti dasa iddhiyo”. Puna capara½ ±ha “katam± dasa iddhiyo Adhiµµh±n± iddhi, vikubban± iddhi, manomay± iddhi, ñ±ºavipph±r± iddhi, sam±dhivipph±r± iddhi, ariy± iddhi, kammavip±kaj± iddhi, puññavato iddhi, vijj±may± iddhi, tattha tattha samm±payogapaccay± ijjhanaµµhena iddh²”ti (paµi. ma. 3.9).

370. Tattha “pakatiy± eko bahuka½ ±vajjati. Sata½ v± sahassa½ v± satasahassa½ v± ±vajjitv± ñ±ºena adhiµµh±ti ‘bahuko hom²”’ti (paµi. ma. 3.10) eva½ vibhajitv± dassit± iddhi adhiµµh±navasena nipphannatt± adhiµµh±n± iddhi n±ma.

371. “So pakativaººa½ vijahitv± kum±rakavaººa½ v± dasseti n±gavaººa½ v±…pe… vividhampi sen±by³ha½ dasset²”ti (paµi. ma. 3.13) eva½ ±gat± iddhi pakativaººavijahanavik±ravasena pavattatt± vikubban± iddhi n±ma.

372. “Idha bhikkhu imamh± k±y± añña½ k±ya½ abhinimmin±ti r³pi½ manomayan”ti (paµi. ma. 3.14) imin± nayena ±gat± iddhi sar²rabbhantare aññasseva manomayassa sar²rassa nipphattivasena pavattatt± manomay± iddhi n±ma.

373. ѱºuppattito pana pubbe v± pacch± v± ta½khaºe v± ñ±º±nubh±vanibbatto viseso ñ±ºavipph±r± iddhi n±ma. Vuttañheta½– “anicc±nupassan±ya niccasaññ±ya pah±naµµho ijjhat²ti ñ±ºavipph±r± iddhi…pe… arahattamaggena sabbakiles±na½ pah±naµµho ijjhat²ti ñ±ºavipph±r± iddhi. ¾yasmato b±kkulassa ñ±ºavipph±r± iddhi. ¾yasmato sa½kiccassa ñ±ºavipph±r± iddhi. ¾yasmato bh³tap±lassa ñ±ºavipph±r± iddh²”ti (paµi. ma. 3.15).

Tattha ±yasm± b±kkulo daharova maªgaladivase nadiy± nh±piyam±no dh±tiy± pam±dena sote patito. Tamena½ maccho gilitv± b±r±ºas²tittha½ agam±si. Tatra ta½ macchabandho gahetv± seµµhibhariy±ya vikkiºi. S± macche sineha½ upp±detv± ahameva na½ paciss±m²ti ph±lent² macchakucchiya½ suvaººabimba½ viya d±raka½ disv± putto me laddhoti somanassaj±t± ahosi. Iti macchakucchiya½ arogabh±vo ±yasmato b±kkulassa pacchimabhavikassa tena attabh±vena paµilabhitabba-arahattamaggañ±º±nubh±vena nibbattatt± ñ±ºavipph±r± iddhi n±ma. Vatthu pana vitth±rena kathetabba½.

Sa½kiccattherassa pana gabbhagatasseva m±t± k±lamak±si. Tass± citaka½ ±ropetv± s³lehi vijjhitv± jh±piyam±n±ya d±rako s³lakoµiy± akkhik³µe pah±ra½ labhitv± sadda½ ak±si. Tato d±rako j²vat²ti ot±retv± kucchi½ ph±letv± d±raka½ ayyik±ya ada½su. So t±ya paµijaggito vuddhimanv±ya pabbajitv± saha paµisambhid±hi arahatta½ p±puºi. Iti vuttanayeneva d±rucitak±ya arogabh±vo ±yasmato sa½kiccassa ñ±ºavipph±r± iddhi n±ma.

Bh³tap±lad±rakassa pana pit± r±jagahe daliddamanusso. So d±r³na½ atth±ya sakaµena aµavi½ gantv± d±rubh±ra½ katv± s±ya½ nagaradv±rasam²pa½ patto. Athassa goº± yuga½ ossajjitv± nagara½ pavisi½su. So sakaµam³le puttaka½ nis²d±petv± goº±na½ anupada½ gacchanto nagarameva p±visi. Tassa anikkhantasseva dv±ra½ pihita½. D±rakassa v±¼ayakkh±nucaritepi bahinagare tiy±maratti½ arogabh±vo vuttanayeneva ñ±ºavipph±r± iddhi n±ma. Vatthu pana vitth±retabba½.

374. Sam±dhito pubbe v± pacch± v± ta½khaºe v± samath±nubh±vanibbatto viseso sam±dhivipph±r± iddhi. Vuttañheta½ “paµhamajjh±nena n²varaº±na½ pah±naµµho ijjhat²ti sam±dhivipph±r± iddhi…pe… nevasaññ±n±saññ±yatanasam±pattiy± ±kiñcaññ±yatanasaññ±ya pah±naµµho ijjhat²ti sam±dhivipph±r± iddhi. ¾yasmato s±riputtassa sam±dhivipph±r± iddhi, ±yasmato sañj²vassa, ±yasmato kh±ºukoº¹aññassa, uttar±ya up±sik±ya, s±m±vatiy± up±sik±ya sam±dhivipph±r± iddh²”ti (paµi. ma. 3.16).

Tattha yad± ±yasmato s±riputtassa mah±moggall±nattherena saddhi½ kapotakandar±ya½ viharato juºh±ya rattiy± navoropitehi kesehi ajjhok±se nisinnassa eko duµµhayakkho sah±yakena yakkhena v±riyam±nopi s²se pah±ramad±si. Yassa meghassa viya gajjato saddo ahosi. Tad± thero tassa paharaºasamaye sam±patti½ appesi. Athassa tena pah±rena na koci ±b±dho ahosi Aya½ tass±yasmato sam±dhivipph±r± iddhi. Vatthu pana ud±ne (ud±. 34) ±gatameva.

Sañj²vatthera½ pana nirodhasam±panna½ k±lakatoti sallakkhetv± gop±lak±dayo tiºakaµµhagomay±ni saªka¹¹hetv± aggi½ ada½su. Therassa c²vare a½sumattampi najjh±yittha. Ayamassa anupubbasam±pattivasena pavattasamath±nubh±vanibbattatt± sam±dhivipph±r± iddhi. Vatthu pana sutte (ma. ni. 1.507) ±gatameva.

Kh±ºukoº¹aññatthero pana pakatiy±va sam±pattibahulo. So aññatarasmi½ araññe ratti½ sam±patti½ appetv± nis²di. Pañcasat± cor± bhaº¹aka½ thenetv± gacchant± “id±ni amh±ka½ anupatha½ ±gacchant± natth²”ti vissamituk±m± bhaº¹aka½ oropayam±n± “kh±ºuko ayan”ti maññam±n± therasseva upari sabbabhaº¹ak±ni µhapesu½. Tesa½ vissamitv± gacchant±na½ paµhama½ µhapitabhaº¹akassa gahaºak±le k±laparicchedavasena thero vuµµh±si. Te therassa calan±k±ra½ disv± bh²t± viravi½su. Thero “m± bh±yittha up±sak±, bhikkhu ahan”ti ±ha. Te ±gantv± vanditv± theragatena pas±dena pabbajitv± saha paµisambhid±hi arahatta½ p±puºi½su (dha. pa. aµµha. 1.1). Ayamettha pañcahi bhaº¹akasatehi ajjhotthaµassa therassa ±b±dh±bh±vo sam±dhivipph±r± iddhi.

Uttar± pana up±sik± puººaseµµhissa dh²t±. Tass± sirim± n±ma gaºik± iss±pakat± tattatelakaµ±ha½ s²se ±siñci. Uttar± ta½khaºaññeva metta½ sam±pajji. Tela½ pokkharapattato udakabindu viya vivaµµam±na½ agam±si. Ayamass± sam±dhivipph±r± iddhi. Vatthu pana vitth±retabba½.

S±m±vat² n±ma udenassa rañño aggamahes². M±gaº¹iyabr±hmaºo attano dh²t±ya aggamahesiµµh±na½ patthayam±no tass± v²º±ya ±s²visa½ pakkhip±petv± r±j±na½ ±ha “mah±r±ja, s±m±vat² ta½ m±retuk±m± v²º±ya ±s²visa½ gahetv± pariharat²”ti. R±j± ta½ disv± kupito s±m±vati½ vadhiss±m²ti dhanu½ ±ropetv± visap²ta½ khurappa½ sannayhi. S±m±vat² sapariv±r± r±j±na½ mett±ya phari. R±j± neva sara½ khipitu½ na oropetu½ sakkonto vedham±no aµµh±si. Tato na½ dev² ±ha “ki½, mah±r±ja, kilamas²”ti? “¾ma kilam±m²”ti. “Tena hi dhanu½ oropeh²”ti. Saro rañño p±dam³leyeva pati. Tato na½ dev² “mah±r±ja, appaduµµhassa nappadussitabban”ti ovadi. Iti rañño sara½ muñcitu½ avisahanabh±vo s±m±vatiy± up±sik±ya sam±dhivipph±r± iddh²ti.

375. Paµikk³l±d²su appaµikk³lasaññivih±r±dik± pana ariy± iddhi n±ma. Yath±ha– “katam± ariy± iddhi? Idha– bhikkhu sace ±kaªkhati ‘paµikk³le appaµikk³lasaññ² vihareyyan’ti, appaµikk³lasaññ² tattha viharati…pe… upekkhako tattha viharati sato sampaj±no”ti (paµi. ma. 3.17). Ayañhi cetovasippatt±na½ ariy±na½yeva sambhavato ariy± iddh²ti vuccati.

Et±ya hi samann±gato kh²º±savo bhikkhu paµikk³le aniµµhe vatthusmi½ mett±pharaºa½ v± dh±tumanasik±ra½ v± karonto appaµikk³lasaññ² viharati. Appaµikk³le iµµhe vatthusmi½ asubhapharaºa½ v± aniccanti manasik±ra½ v± karonto paµikk³lasaññ² viharati. Tath± paµikk³l±paµikk³lesu tadeva mett±pharaºa½ v± dh±tumanasik±ra½ v± karonto appaµikk³lasaññ² viharati. Appaµikk³lapaµikk³lesu ca tadeva asubhapharaºa½ v± aniccanti manasik±ra½ v± karonto paµikk³lasaññ² viharati. Cakkhun± r³pa½ disv± neva sumano hot²ti-±din± nayena vutta½ pana cha¼aªgupekkha½ pavattayam±no paµikk³le ca appaµikk³le ca tadubhaya½ abhinivajjitv± upekkhako viharati sato sampaj±no. Paµisambhid±yañhi “katha½ paµikk³le appaµikk³lasaññ² viharati? Aniµµhasmi½ vatthusmi½ mett±ya v± pharati dh±tuso v± upasa½harat²”ti-±din± (paµi. ma. 3.17) nayena ayameva attho vibhatto. Aya½ cetovasippatt±na½ ariy±na½yeva sambhavato ariy± iddh²ti vuccati.

376. Pakkh²-±d²na½ pana veh±sagaman±dik± kammavip±kaj± iddhi n±ma. Yath±ha– “katam± kammavip±kaj± iddhi? Sabbesa½ pakkh²na½ sabbesa½ dev±na½ ekacc±na½ manuss±na½ ekacc±nañca vinip±tik±na½ aya½ kammavip±kaj± iddh²”ti (paµi. ma. 3.18). Ettha hi sabbesa½ pakkh²na½ jh±na½ v± vipassana½ v± vin±yeva ±k±sena gamana½. Tath± sabbesa½ dev±na½ paµhamakappik±nañca ekacc±na½ manuss±na½. Tath± piyaªkaram±t± (sa½. ni. 1.240) yakkhin² uttaram±t± phussamitt± dhammagutt±ti evam±d²na½ ekacc±na½ vinip±tik±na½ ±k±sena gamana½ kammavip±kaj± iddh²ti.

377. Cakkavatti-±d²na½ veh±sagaman±dik± pana puññavato iddhi n±ma. Yath±ha “katam± puññavato iddhi? R±j± cakkavatt² veh±sa½ gacchati saddhi½ caturaªginiy± sen±ya antamaso assabandhagobandhapurise up±d±ya. Jotikassa gahapatissa puññavato iddhi. Jaµilakassa gahapatissa puññavato iddhi. Ghositassa gahapatissa puññavato iddhi. Meº¹akassa gahapatissa puññavato iddhi. Pañcanna½ mah±puññ±na½ puññavato iddh²”ti. Saªkhepato pana parip±ka½ gate puññasambh±re ijjhanakaviseso puññavato iddhi.

Ettha ca jotikassa gahapatissa pathavi½ bhinditv± maºip±s±do uµµhahi. Catusaµµhi ca kapparukkh±ti ayamassa puññavato iddhi. Jaµilakassa as²tihattho suvaººapabbato nibbatti. Ghositassa sattasu µh±nesu m±raºatth±ya upakkame katepi arogabh±vo puññavato iddhi. Meº¹akassa ekakar²samatte padese sattaratanamay±na½ meº¹ak±na½ p±tubh±vo puññavato iddhi. Pañca mah±puññ± n±ma meº¹akaseµµhi, tassa bhariy± candapadumasir², putto dhanañcayaseµµhi, suºis± sumanadev², d±so puººo n±m±ti. Tesu seµµhissa s²sa½ nh±tassa ±k±sa½ ullokanak±le a¹¹hate¼asakoµµhasahass±ni ±k±sato rattas±l²na½ p³renti. Bhariy±ya n±¼ikodanamattampi gahetv± sakalajambud²pav±sike parivisam±n±ya bhatta½ na kh²yati. Puttassa sahassatthavika½ gahetv± sakalajambud²pav±sik±nampi dentassa kah±paº± na kh²yanti. Suºis±ya eka½ v²hitumba½ gahetv± sakalajambud²pav±sik±nampi bh±jayam±n±ya dhañña½ na kh²yati. D±sassa ekena naªgalena kasato ito satta ito satt±ti cuddasa magg± honti. Aya½ nesa½ puññavato iddhi.