[68] 8. S±ketaj±takavaººan±

Yasmi½ mano nivisat²ti ida½ satth± s±keta½ niss±ya añjanavane viharanto eka½ br±hmaºa½ ±rabbha kathesi. Bhagavato kira bhikkhusaªghaparivutassa s±keta½ piº¹±ya pavisanak±le eko s±ketanagarav±s² mahallakabr±hmaºo nagarato bahi gacchanto antaradv±re dasabala½ disv± p±desu patitv± gopphakesu g±¼ha½ gahetv± “t±ta, nanu n±ma puttehi jiººak±le m±t±pitaro paµijaggitabb±, kasm± ettaka½ k±la½ amh±ka½ att±na½ na dassesi? May± t±va diµµhosi, m±tara½ pana passitu½ eh²”ti satth±ra½ gahetv± attano geha½ agam±si. Satth± tattha gantv± nis²di paññatte ±sane saddhi½ bhikkhusaªghena. Br±hmaº²pi ±gantv± satthu p±desu patitv± “t±ta, ettaka½ k±la½ kaha½ gatosi, nanu n±ma m±t±pitaro mahallakak±le upaµµh±tabb±”ti paridevi. Puttadh²taropi “etha, bh±tara½ vandath±”ti vand±pesi. Ubho tuµµham±nas± mah±d±na½ ada½su. Satth± bhattakicca½ niµµh±petv± tesa½ dvinnampi jan±na½ jar±sutta½ (su. ni. 810 ±dayo) kathesi. Suttapariyos±ne ubhopi an±g±miphale patiµµhahi½su. Satth± uµµh±y±san± añjanavanameva agam±si.

Bhikkh³ dhammasabh±ya½ sannisinn± katha½ samuµµh±pesu½ “±vuso, br±hmaºo ‘tath±gatassa pit± suddhodano, m±t± mah±m±y±’ti j±n±ti, j±nantova saddhi½ br±hmaºiy± tath±gata½ ‘amh±ka½ putto’ti vadati, satth±pi adhiv±seti. Ki½ nu kho k±raºan”ti? Satth± tesa½ katha½ sutv± “bhikkhave, ubhopi te attano puttameva ‘putto’ti vadant²”ti vatv± at²ta½ ±hari.

Bhikkhave, aya½ br±hmaºo at²te nirantara½ pañca j±tisat±ni mayha½ pit± ahosi, pañca j±tisat±ni c³¼apit±, pañca j±tisat±ni mah±pit±. Es±pi br±hmaº² nirantarameva pañca j±tisat±ni m±t± ahosi, pañca j±tisat±ni c³¼am±t±, pañca j±tisat±ni mah±m±t±. Ev±ha½ diya¹¹haj±tisahassa½ br±hmaºassa hatthe sa½va¹¹ho, diya¹¹haj±tisahassa½ br±hmaºiy± hatthe sa½va¹¹hoti t²ºi j±tisahass±ni kathetv± abhisambuddho hutv± ima½ g±tham±ha–

68. “Yasmi½ mano nivisati, cittañc±pi pas²dati;

adiµµhapubbake pose, k±ma½ tasmimpi vissase”ti.

Tattha yasmi½ mano nivisat²ti yasmi½ puggale diµµhamatteyeva citta½ patiµµh±ti. Cittañc±pi pas²dat²ti yasmi½ diµµhamatte citta½ pas²dati, muduka½ hoti. Adiµµhapubbake poseti pakatiy± tasmi½ attabh±ve adiµµhapubbepi puggale. K±ma½ tasmimpi vissaseti anubh³tapubbasineheneva tasmimpi puggale eka½sena vissase, viss±sa½ ±pajjatiyev±ti attho.

Eva½ satth± ima½ dhammadesana½ ±haritv± anusandhi½ ghaµetv± j±taka½ samodh±nesi– “tad± br±hmaºo ca br±hmaº² ca ete eva ahesu½, putto pana ahameva ahosin”ti.

S±ketaj±takavaººan± aµµham±.