[152] 2. Siªg±laj±takavaººan±

Asamekkhitakammantanti ida½ satth± k³µ±g±ras±l±ya½ viharanto ves±liv±sika½ eka½ nh±pitaputta½ ±rabbha kathesi. Tassa kira pit± r±j³na½ r±jorodh±na½ r±jakum±r±na½ r±jakum±rik±nañca massukaraºakesasaºµhapana-aµµhapadaµµhapan±d²ni sabbakicc±ni karoti saddho pasanno tisaraºagato sam±dinnapañcas²lo, antarantare satthu dhamma½ suºanto k±la½ v²tin±meti. So ekasmi½ divase r±janivesane kamma½ k±tu½ gacchanto attano putta½ gahetv± gato. So tattha eka½ devacchar±paµibh±ga½ alaªkatapaµiyatta½ licchavikum±rika½ disv± kilesavasena paµibaddhacitto hutv± pitar± saddhi½ r±janivesan± nikkhamitv± “eta½ kum±rika½ labham±no j²viss±mi, alabham±nassa me ettheva maraºan”ti ±h±rupaccheda½ katv± mañcaka½ parissajitv± nipajji.
Atha na½ pit± upasaªkamitv± “t±ta, avatthumhi chandar±ga½ m± kari, h²najacco tva½ nh±pitaputto, licchavikum±rik± khattiyadh²t± j±tisampann±, na s± tuyha½ anucchavik±, añña½ te j±tigottehi sadisa½ kum±rika½ ±ness±m²”ti ±ha. So pitu katha½ na gaºhi. Atha na½ m±t± bh±t± bhagin² c³¼apit± c³¼am±t±ti sabbepi ñ±tak± ceva mittasuhajj± ca sannipatitv± saññ±pent±pi saññ±petu½ n±sakkhi½su. So tattheva sussitv± parisussitv± j²vitakkhaya½ p±puºi. Athassa pit± sar²rakiccapetakicc±ni katv± tanusoko “satth±ra½ vandiss±m²”ti bahu½ gandham±l±vilepana½ gahetv± mah±vana½ gantv± satth±ra½ p³jetv± vanditv± ekamanta½ nisinno “ki½ nu kho, up±saka, bah³ni divas±ni na dissas²”ti vutte tamattha½ ±rocesi. Satth± “na kho, up±saka, id±neva tava putto avatthusmi½ chandar±ga½ upp±detv± vin±sa½ p±puºi, pubbepi pattoyev±”ti vatv± tena y±cito at²ta½ ±hari.
At²te b±r±ºasiya½ brahmadatte rajja½ k±rente bodhisatto himavantapadese s²hayoniya½ nibbatti. Tassa cha kaniµµhabh±taro ek± ca bhagin² ahosi, sabbepi kañcanaguh±ya½ vasanti. Tass± pana guh±ya avid³re rajatapabbate ek± phalikaguh± atthi, tattheko siªg±lo vasati. Aparabh±ge s²h±na½ m±t±pitaro k±lamaka½su. Te bhagini½ s²hapotika½ kañcanaguh±ya½ µhapetv± gocar±ya pakkamitv± ma½sa½ ±haritv± tass± denti. So siªg±lo ta½ s²hapotika½ disv± paµibaddhacitto ahosi. Tass± pana m±t±pit³na½ dharam±nak±le ok±sa½ n±lattha, so sattannampi tesa½ gocar±ya pakkantak±le phalikaguh±ya otaritv± kañcanaguh±ya dv±ra½ gantv± s²hapotik±ya purato lok±misapaµisa½yutta½ evar³pa½ rahassakatha½ kathesi– “s²hapotike, ahampi catuppado, tvampi catuppad±, tva½ me paj±pat² hohi, aha½ te pati bhaviss±mi, te maya½ samagg± sammodam±n± vasiss±ma, tva½ ito paµµh±ya ma½ kilesavasena saªgaºh±h²”ti. S± tassa vacana½ sutv± cintesi– “aya½ siªg±lo catuppad±na½ antare h²no paµikuµµho caº¹±lasadiso, maya½ uttamar±jakulasammat±, esa kho may± saddhi½ asabbhi½ ananucchavika½ katha½ katheti, aha½ evar³pa½ katha½ sutv± j²vitena ki½ kariss±mi, n±s±v±ta½ sannirujjhitv± mariss±m²”ti. Athass± etadahosi– “mayha½ evameva maraºa½ ayutta½, bh±tik± t±va me ±gacchantu, tesa½ kathetv± mariss±m²”ti. Siªg±lopi tass± santik± paµivacana½ alabhitv± “id±ni es± mayha½ kujjhat²”ti domanassappatto phalikaguh±ya½ pavisitv± nipajji.
Atheko s²hapotako mahi½sav±raº±d²su aññatara½ vadhitv± ma½sa½ kh±ditv± bhaginiy± bh±ga½ ±haritv± “amma, ma½sa½ kh±dass³”ti ±ha. “Bh±tika, n±ha½ ma½sa½ kh±d±mi, mariss±m²”ti. “Ki½ k±raº±”ti? S± ta½ pavatti½ ±cikkhi. “Id±ni kaha½ so siªg±lo”ti ca vutte phalikaguh±ya½ nipanna½ siªg±la½ “±k±se nipanno”ti maññam±n± “bh±tika, ki½ na passasi, eso rajatapabbate ±k±se nipanno”ti. S²hapotako tassa phalikaguh±ya½ nipannabh±va½ aj±nanto “±k±se nipanno”ti saññ² hutv± “m±ress±mi nan”ti s²havegena pakkhanditv± phalikaguha½ hadayeneva pahari. So hadayena phalitena tattheva j²vitakkhaya½ patv± pabbatap±de pati. Ath±paro ±gacchi, s± tassapi tatheva kathesi. Sopi tatheva katv± j²vitakkhaya½ patv± pabbatap±de pati.
Eva½ chasupi bh±tikesu matesu sabbapacch± bodhisatto ±gacchi. S± tassapi ta½ k±raºa½ ±rocetv± “id±ni so kuhin”ti vutte “eso rajatapabbatamatthake ±k±se nipanno”ti ±ha. Bodhisatto cintesi– “siªg±l±na½ ±k±se patiµµh± n±ma natthi, phalikaguh±ya½ nipannako bhavissat²”ti. So pabbatap±da½ otaritv± cha bh±tike mate disv± “ime attano b±lat±ya pariggaºhanapaññ±ya abh±vena phalikaguhabh±va½ aj±nitv± hadayena paharitv± mat± bhavissanti, asamekkhitv± atiturita½ karont±na½ kamma½ n±ma evar³pa½ hot²”ti vatv± paµhama½ g±tham±ha–
3. “Asamekkhitakammanta½, turit±bhinip±tina½;
s±ni kamm±ni tappenti, uºha½vajjhohita½ mukhe”ti.
Tattha asamekkhitakammanta½, turit±bhinip±tinanti yo puggalo ya½ kamma½ kattuk±mo hoti, tattha dosa½ asamekkhitv± anupadh±retv± turito hutv± vegeneva ta½ kamma½ k±tu½ abhinipatati pakkhandati paµipajjati, ta½ asamekkhitakammanta½ turit±bhinip±tina½ eva½ s±ni kamm±ni tappenti, socenti kilamenti. Yath± ki½? Uºha½vajjhohita½ mukheti, yath± bhuñjantena “ida½ s²tala½ ida½ uºhan”ti anupadh±retv± uºha½ ajjhoharaº²ya½ mukhe ajjhoharita½ µhapita½ mukhampi kaºµhampi kucchimpi dahati soceti kilameti, eva½ tath±r³pa½ puggala½ s±ni kamm±ni tappenti.
Iti so s²ho ima½ g±tha½ vatv± “mama bh±tik± anup±yakusalat±ya ‘siªg±la½ m±ress±m±’ti ativegena pakkhanditv± saya½ mat±, aha½ pana evar³pa½ akatv± siªg±lassa phalikaguh±ya½ nipannasseva hadaya½ ph±less±m²”ti siªg±lassa ±rohana-orohanamagga½ sallakkhetv± tadabhimukho hutv± tikkhattu½ s²han±da½ nadi, pathaviy± saddhi½ ±k±sa½ ekaninn±da½ ahosi. Siªg±lassa phalikaguh±ya½ nipannasseva s²tatasitassa hadaya½ phali, so tattheva j²vitakkhaya½ p±puºi.
Satth± “eva½ so siªg±lo s²han±da½ sutv± j²vitakkhaya½ patto”ti vatv± abhisambuddho hutv± dutiya½ g±tham±ha–
4. “S²ho ca s²han±dena, daddara½ abhin±dayi;
sutv± s²hassa nigghosa½, siªg±lo daddare vasa½;
bh²to sant±sam±p±di, hadayañcassa apphal²”ti.
Tattha s²hoti catt±ro s²h±– tiºas²ho, paº¹us²ho, k±¼as²ho, surattahatthap±do kesaras²hoti. Tesu kesaras²ho idha adhippeto. Daddara½ abhin±day²ti tena asanip±tasaddasadisena bheravatarena s²han±dena ta½ rajatapabbata½ abhin±dayi ekaninn±da½ ak±si. Daddare vasanti phalikamissake rajatapabbate vasanto. Bh²to sant±sam±p±d²ti maraºabhayena bh²to cittutr±sa½ ±p±di. Hadayañcassa apphal²ti tena cassa bhayena hadaya½ phal²ti.
Eva½ s²ho siªg±la½ j²vitakkhaya½ p±petv± bh±taro ekasmi½ µh±ne paµicch±detv± tesa½ matabh±va½ bhaginiy± ±cikkhitv± ta½ samass±setv± y±vaj²va½ kañcanaguh±ya½ vasitv± yath±kamma½ gato.
Satth± ima½ dhammadesana½ ±haritv± sacc±ni pak±setv± j±taka½ samodh±nesi, saccapariyos±ne up±sako sot±pattiphale patiµµhahi. “Tad± siªg±lo nh±pitaputto ahosi, s²hapotik± licchavikum±rik±, cha kaniµµhabh±taro aññatarather± ahesu½, jeµµhabh±tikas²ho pana ahameva ahosin”ti.

Siªg±laj±takavaººan± dutiy±.