3. Sabhojanasikkh±pada½

279. Tatiye “sayaniyaghare”ti vattabbe yak±ralopa½ katv± “sayanighare”ti vuttanti ±ha “sayanighare”ti. Yatoti ettha tosaddo paµham±d²su atthesu dissati. “Yatonid±nan”ti-±d²su (su. ni. 275) paµhamatthe. “Antar±ye asesato”ti-±d²su (dha. sa. aµµha. ganth±rambhakath± 7) dutiyatthe “Aniccato”ti-±d²su (paµµh±. 1.1.409) tatiyatthe. “M±tito pitito”ti-±d²su (d². ni. 1.311) pańcamyatthe. “Ya½ parato d±napaccay±”ti-±d²su (j±. 2.22.585) chaµµhyatthe. “Purato pacchato”ti-±d²su (p±ci. 576) sattamyatthe. “Padamato”ti-±d²su k±raŗatthe dissati. Idh±pi k±raŗattheyev±ti ±ha “yasm±”ti. Yasm± k±raŗ± ayyassa bhikkh± dinn±, tasm± gacchatha bhante tumheti attho. Yanti bhikkha½. Voti tumhehi. Adhipp±yoti purisassa ajjh±sayo. “Pariyuµµhito”ti s±mańńato vuttepi atthapakaraŗ±dito r±gapariyuµµhitov±dhippetoti ±ha “r±gapariyuµµhito”ti, r±gena paribhavitv± uµµhitoti attho.

280. Sabhojananti ettha sak±ro sahasaddak±riyo ca ak±ruk±r±na½ asar³patt± ak±rato uk±rassa lopo ca t²su padesu pacchim±na½ dvinna½ pad±na½ tulyatthanissitasam±so ca pubbapadena saha bhedanissitab±hiratthasam±so ca hoti, iti imamattha½ dassento ±ha “saha ubhohi janeh²”ti. Atha v± bhuńjitabbanti bhojana½, sa½ vijjati bhojana½ asmi½ kuleti sabhojananti dassento ±ha “atha v±”ti-±di. H²ti sacca½. Tenev±ti teneva ańńamańńa½ bhuńjitabbatt±. Ass±ti “sabhojane”tipadassa. Ghareti ettha pubbo sayanisaddo lopoti ±ha “sayanighare”ti. Imin± “datto”ti-±d²su viya pubbapadalopasam±sa½ dasseti. PiµµhasaŖgh±µass±ti ettha piµµhasaŖgh±µo n±ma na ańńassa yassa kassaci, atha kho sayanigharagabbhassev±ti ±ha “tassa sayanigharagabbhass±”ti. Yath± v± tath± v±ti yena v± te na v± ±k±rena. Katass±ti piµµhiva½sa½ ±ropetv± v± an±ropetv± v± katass±ti. Tatiya½.

284. Catutthapańcamesu yath± ca sabhojanasikkh±pada½ paµhamap±r±jikasamuµµh±na½, evameva t±nip²ti yojan±ti. Catutthapańcam±ni.