6. R±hulatthera-apad±navaººan±

Padumuttarassa bhagavatoti-±dika½ ±yasmato r±hulattherassa apad±na½. Ayampi ±yasm± purimajinavaresu kat±dhik±ro tattha tattha bhave vivaµµ³panissay±ni puññ±ni upacinanto padumuttarassa bhagavato k±le kulagehe nibbatto viññuta½ patv± satthu dhammadesana½ suºanto satth±ra½ eka½ bhikkhu½ sikkh±k±m±na½ aggaµµh±ne µhapenta½ disv± sayampi ta½ µh±nantara½ patthento sen±sanavisodhanavijjotan±dika½ u¼±ra½ puñña½ katv± paºidh±na½ ak±si. So tato cavitv± devamanussesu sa½saranto ubhayasampattiyo anubhavitv± imasmi½ buddhupp±de amh±ka½ bodhisatta½ paµicca yasodhar±ya deviy± kucchimhi nibbattitv± r±huloti laddhan±mo mahat± khattiyapariv±rena va¹¹hi. Tassa pabbajj±vidh±na½ khandhake (mah±va. 105) ±gatameva. So pabbajitv± satthu santike anekehi suttapadehi suladdhov±do paripakkañ±ºo vipassana½ ussukk±petv± arahatta½ p±puºi. Arah± pana hutv± attano paµipatti½ paccavekkhitv± añña½ by±karonto–

“Ubhayeneva sampanno, r±hulabhaddoti ma½ vid³;
yañcamhi putto buddhassa, yañca dhammesu cakkhum±.
“Yañca me ±sav± kh²º±, yañca natthi punabbhavo;
arah± dakkhiºeyyomhi, tevijjo amataddaso.
“K±mandh± j±lapacchann±, taºh±chadanach±dit±;
pamattabandhun± bandh±, macch±va kumin± mukhe.
“Ta½ k±ma½ ahamujjhitv±, chetv± m±rassa bandhana½;
sam³la½ taºhamabbuyha, s²tibh³tosmi nibbuto”ti. (Therag±. 295-298).

Catasso g±th± abh±si. Tattha ubhayeneva sampannoti j±tisampad± paµipattisampad±ti ubhayasampattiy±pi sampanno samann±gato. R±hulabhaddoti ma½ vid³ti “r±hulabhaddo”ti ma½ sabrahmac±rino sañj±nanti. Tassa hi j±tas±sana½ sutv± bodhisattena, “r±hu, j±to, bandhana½ j±tan”ti vuttavacana½ up±d±ya suddhodanamah±r±j± “r±hulo”ti n±ma½ gaºhi. Tattha ±dito pitar± vuttapariy±yameva gahetv± ±ha– “r±hulabhaddoti ma½ vid³”ti. Bhaddoti pasa½s±vacanameva. Aparabh±ge satth± ta½ sikkh±k±mabh±vena aggaµµh±ne µhapesi “etadagga½, bhikkhave, mama s±vak±na½ bhikkh³na½ sikkh±k±m±na½ yadida½ r±hulo”ti (a. ni. 1.209).

68. Eva½ so patta-etadaggaµµh±no attano pubbakamma½ saritv± somanassaj±to pubbacarit±pad±na½ pak±sento padumuttarassa bhagavatoti-±dim±ha. Sattabh³mimhi p±s±deti pas±da½ somanassa½ janet²ti p±s±do. Upar³pari µhit± satta bh³miyo yasmi½ p±s±de soya½ sattabh³mi, tasmi½ sattabh³mimhi p±s±de. ¾d±sa½ santhari½ ahanti ±d±satala½ nipph±detv± lokajeµµhassa bhagavato t±dino aha½ santhara½ ad±si½, santharitv± p³jesinti attho.

69. Kh²º±savasahasseh²ti arahantasahassehi parikiººo parivuto. Dvipadindo dvipad±na½ indo s±mi nar±sabho mah±muni gandhakuµi½ tehi saha up±gami p±vis²ti attho.

70. Virocento gandhakuµinti ta½ gandhakuµi½ sobhayam±no dev±na½ devo devadevo nar±na½ ±sabho nar±sabho jeµµho satth± bhikkhusaªghamajjhe nis²ditv± im± by±karaºag±th±yo abh±satha kathes²ti sambandho.

71. Yen±ya½ jotit± seyy±ti yena up±sakena aya½ p±s±dasaªkh±t± seyy± jotit± pabh±sit± pajjalit±. ¾d±sova ka½salohamaya½ ±d±satala½ iva suµµhu sama½ katv± santhat±. Ta½ up±saka½ kittayiss±mi p±kaµa½ kariss±m²ti attho. Sesa½ suviññeyyameva.

81. Aµµh±nameta½ ya½ t±d²ti ya½ yena k±raºena t±d² iµµh±niµµhesu akampiyasabh±vatt± t±d² ag±re ghar±v±se rati½ all²nabh±va½ ajjhag± p±puºi, eta½ k±raºa½ aµµh±na½ ak±raºanti attho.

82. Nikkhamitv± ag±rasm±ti ghar±v±sato nikkhamitv± ta½ tiºadalamiva pariccajitv± subbato susikkhito pabbajissati. R±hulo n±ma n±men±ti suddhodanamah±r±jena pesita½ kum±rassa j±tas±sana½ sutv± pitar± siddhatthena, “r±hu j±to, bandhana½ j±tan”ti vuttan±matt± r±hulo n±m±ti attho. “Yath± candas³riy±na½ vim±napabh±ya kiliµµhakaraºena r±hu asurindo upeti gacchati, evamev±ya½ mama abhinikkhamanapabbajj±d²na½ antar±ya½ karontoriva j±to”ti adhipp±yena, “r±hu j±toti ±h±”ti daµµhabba½. Arah± so bhavissat²ti so t±diso upanissayasampanno vipassan±ya½ yuttappayutto arah± kh²º±savo bhavissat²ti attho.

83. Kik²va aº¹a½ rakkheyy±ti aº¹a½ b²ja½ rakkham±n± kik² sakuº² iva appamatto s²la½ rakkheyya, c±mar² viya v±ladhinti v±la½ rakkham±n± kaº¹akesu v±le laggante bhindanabhayena an±ka¹¹hitv± maram±n± c±mar² viya j²vitampi pariccajitv± s²la½ abhinditv± rakkheyya. Nipako s²lasampannoti nepakka½ vuccati paññ±, tena nepakkena samann±gato nipako khaº¹achidd±dibh±va½ ap±petv± rakkhaºato s²lasampanno bhavissat²ti eva½ so bhagav± by±karaºamak±si. So eva½ patta-arahattaphalo ekadivasa½ vivekaµµh±ne nisinno somanassavasena eva½ rakkhi½ mah±mun²ti-±dim±ha. Ta½ suviññeyyamev±ti.

R±hulatthera-apad±navaººan± samatt±.