21. Pabbh±rav±s²tissattheravatthu

Asa½saµµhanti ima½ dhammadesana½ satth± jetavane viharanto pabbh±rav±s²tissatthera½ ±rabbha kathesi.

So kira satthu santike kammaµµh±na½ gahetv± arańńa½ pavisitv± sapp±ya½ sen±sana½ olokento eka½ leŗapabbh±ra½ p±puŗi, sampattakkhaŗeyevassa citta½ ekaggata½ labhi. So “aha½ idha vasanto pabbajitakicca½ nipph±detu½ sakkhiss±m²”ti cintesi. Leŗepi adhivatth± devat± “s²lav± bhikkhu ±gato, imin± saddhi½ ekaµµh±ne vasitu½ dukkha½. Aya½ pana idha ekarattimeva vasitv± pakkamissat²”ti cintetv± putte ±d±ya nikkhami. Thero punadivase p±tova gocarag±ma½ piŗ¹±ya p±visi. Atha na½ ek± up±sik± disv±va puttasineha½ paµilabhitv± gehe nis²d±petv± bhojetv± att±na½ niss±ya tem±sa½ vasanatth±ya y±ci. Sopi “sakk± may± ima½ niss±ya bhavanissaraŗa½ k±tun”ti adhiv±setv± tameva leŗa½ agam±si. Devat± ta½ ±gacchanta½ disv± “addh± kenaci nimantito bhavissati, sve v± parasuve v± gamissat²”ti cintesi.

Eva½ a¹¹ham±samatte atikkante “aya½ idheva mańńe antovassa½ vasissati, s²lavat± pana saddhi½ ekaµµh±ne puttakehi saddhi½ vasitu½ dukkara½, imańca ‘nikkham±’ti vattu½ na sakk±, atthi nu kho imassa s²le khalitan”ti dibbena cakkhun± olokent² upasampadam±¼akato paµµh±ya tassa s²le khalita½ adisv± “parisuddhamassa s²la½, kińcidevassa katv± ayasa½ upp±dess±m²”ti tassa upaµµh±kakule up±sik±ya jeµµhaputtassa sar²re adhimuccitv± g²va½ parivattesi. Tassa akkh²ni nikkhami½su, mukhato khe¼o pagghari. Up±sik± ta½ disv± “ki½ idan”ti viravi. Atha na½ devat± adissam±nar³p± evam±ha– “may± esa gahito, balikammenapi me attho natthi, tumh±ka½ pana kul³paka½ thera½ laµµhimadhuka½ y±citv± tena tela½ pacitv± imassa natthukamma½ detha, ev±ha½ ima½ muńciss±m²”ti. Nassatu v± esa maratu v±, na sakkhiss±maha½ ayya½ laµµhimadhuka½ y±citunti. Sace laµµhimadhuka½ y±citu½ na sakkotha, n±sik±yassa hiŖgucuŗŗa½ pakkhipitu½ vadeth±ti. Idampi vattu½ na sakkom±ti. Tena hissa p±dadhovana-udaka½ ±d±ya s²se ±sińcath±ti. Up±sik± “sakk± ida½ k±tun”ti vel±ya ±gata½ thera½ nis²d±petv± y±gukhajjaka½ datv± antarabhatte nisinnassa p±de dhovitv± udaka½ gahetv±, “bhante, ida½ udaka½ d±rakassa s²se ±sińc±m±”ti ±pucchitv± “tena hi ±sińcath±”ti vutte tath± ak±si. S± devat± t±vadeva ta½ muńcitv± gantv± leŗadv±re aµµh±si.

Theropi bhattakicc±vas±ne uµµh±y±san± avissaµµhakammaµµh±nat±ya dvatti½s±k±ra½ sajjh±yantova pakk±mi. Atha na½ leŗadv±ra½ pattak±le s± devat± “mah±vejja m± idha pavis±”ti ±ha. So tattheva µhatv± “k±si tvan”ti ±ha. Aha½ idha adhivatth± devat±ti. Thero “atthi nu kho may± vejjakammassa kataµµh±nan”ti upasampadam±¼akato paµµh±ya olokento attano s²le tilaka½ v± k±¼aka½ v± adisv± “aha½ may± vejjakammassa kataµµh±na½ na pass±mi, kasm± eva½ vades²”ti ±ha. Na passas²ti. ¾ma, na pass±m²ti? ¾cikkh±mi teti. ¾ma, ±cikkh±h²ti. Tiµµhatu t±va d³re kata½, ajjeva tay± amanussagahitassa upaµµh±kaputtassa p±dadhovana-udaka½ s²se ±sitta½, n±sittanti? ¾ma, ±sittanti. Ki½ eta½ na passas²ti? Eta½ sandh±ya tva½ vades²ti? ¾ma, eta½ sandh±ya vad±m²ti. Thero cintesi– “aho vata me samm± paŗihito att±, s±sanassa anur³pa½ vata me carita½, devat±pi mama catup±risuddhis²le tilaka½ v± k±¼aka½ v± adisv± d±rakassa s²se ±sittap±dadhovanamatta½ addas±”ti tassa s²la½ ±rabbha balavap²ti uppajji. So ta½ vikkhambhetv± p±duddh±rampi akatv± tattheva arahatta½ patv± “m±disa½ parisuddha½ samaŗa½ d³setv± m± idha vanasaŗ¹e vasi, tvameva nikkham±h²”ti devata½ ovadanto ima½ ud±na½ ud±nesi–

“Visuddho vata me v±so, nimmala½ ma½ tapassina½;
m± tva½ visuddha½ d³sesi, nikkhama pavan± tuvan”ti.

So tattheva tem±sa½ vasitv± vutthavasso satthu santika½ gantv± bhikkh³hi “ki½, ±vuso, pabbajitakicca½ te matthaka½ p±pitan”ti puµµho tasmi½ leŗe vass³pagamanato paµµh±ya sabba½ ta½ pavatti½ bhikkh³na½ ±rocetv±, “±vuso, tva½ devat±ya eva½ vuccam±no na kujjh²”ti vutte “na kujjhin”ti ±ha. Bhikkh³ tath±gatassa ±rocesu½, “bhante, aya½ bhikkhu ańńa½ by±karoti, devat±ya ida½ n±ma vuccam±nopi na kujjhinti vadat²”ti. Satth± tesa½ katha½ sutv± “neva, bhikkhave, mama putto kujjhati, etassa gih²hi v± pabbajitehi v± sa½saggo n±ma natthi, asa½saµµho esa appiccho santuµµho”ti vatv± dhamma½ desento ima½ g±tham±ha–

404. “Asa½saµµha½ gahaµµhehi, an±g±rehi c³bhaya½;

anokas±rimappiccha½, tamaha½ br³mi br±hmaŗan”ti.

Tattha asa½saµµhanti dassanasavanasamullapanaparibhogak±yasa½sagg±na½ abh±vena asa½saµµha½. Ubhayanti gih²hi ca an±g±rehi c±ti ubhayehipi asa½saµµha½ Anokas±rinti an±layac±ri½ ta½ evar³pa½ aha½ br±hmaŗa½ vad±m²ti attho.

Desan±vas±ne bah³ sot±pattiphal±d²ni p±puŗi½s³ti.

Pabbh±rav±s²tissattheravatthu ekav²satima½.