உபோஸதா²தி³புச்சா²விஸ்ஸஜ்ஜனா

ஆதி³மஜ்ஜ²ந்தபுச்ச²னங்

332. உபோஸத²கம்மஸ்ஸ கோ ஆதி³, கிங் மஜ்ஜே², கிங் பரியோஸானங்? பவாரணாகம்மஸ்ஸ கோ ஆதி³, கிங் மஜ்ஜே², கிங் பரியோஸானங்? தஜ்ஜனீயகம்மஸ்ஸ கோ ஆதி³, கிங் மஜ்ஜே², கிங் பரியோஸானங்? நியஸ்ஸகம்மஸ்ஸ…பே॰… பப்³பா³ஜனீயகம்மஸ்ஸ…பே॰… படிஸாரணீயகம்மஸ்ஸ…பே॰… உக்கே²பனீயகம்மஸ்ஸ…பே॰… பரிவாஸதா³னஸ்ஸ…பே॰… மூலாயபடிகஸ்ஸனாய…பே॰… மானத்ததா³னஸ்ஸ…பே॰… அப்³பா⁴னஸ்ஸ…பே॰… உபஸம்பதா³கம்மஸ்ஸ கோ ஆதி³, கிங் மஜ்ஜே², கிங் பரியோஸானங்? தஜ்ஜனீயகம்மஸ்ஸ படிப்பஸ்ஸத்³தி⁴யா கோ ஆதி³, கிங் மஜ்ஜே², கிங் பரியோஸானங்? நியஸ்ஸகம்மஸ்ஸ படிப்பஸ்ஸத்³தி⁴யா கோ ஆதி³, கிங் மஜ்ஜே², கிங் பரியோஸானங்? பப்³பா³ஜனீயகம்மஸ்ஸ படிப்பஸ்ஸத்³தி⁴யா கோ ஆதி³, கிங் மஜ்ஜே², கிங் பரியோஸானங்? படிஸாரணீயகம்மஸ்ஸ படிப்பஸ்ஸத்³தி⁴யா கோ ஆதி³, கிங் மஜ்ஜே², கிங் பரியோஸானங்? உக்கே²பனீயகம்மஸ்ஸ படிப்பஸ்ஸத்³தி⁴யா கோ ஆதி³, கிங் மஜ்ஜே², கிங் பரியோஸானங்? ஸதிவினயஸ்ஸ கோ ஆதி³, கிங் மஜ்ஜே, கிங் பரியோஸானங்? அமூள்ஹவினயஸ்ஸ கோ ஆதி³, கிங் மஜ்ஜே², கிங் பரியோஸானங்? தஸ்ஸபாபியஸிகாய கோ ஆதி³, கிங் மஜ்ஜே², கிங் பரியோஸானங்? திணவத்தா²ரகஸ்ஸ கோ ஆதி³, கிங் மஜ்ஜே², கிங் பரியோஸானங்? பி⁴க்கு²னோவாத³கஸம்முதியா கோ ஆதி³, கிங் மஜ்ஜே², கிங் பரியோஸானங்? திசீவரேன அவிப்பவாஸஸம்முதியா கோ ஆதி³, கிங் மஜ்ஜே², கிங் பரியோஸானங்? ஸந்த²தஸம்முதியா கோ ஆதி³, கிங் மஜ்ஜே², கிங் பரியோஸானங்? ரூபியச²ட்³ட³கஸம்முதியா கோ ஆதி³, கிங் மஜ்ஜே², கிங் பரியோஸானங்? ஸாடியக்³கா³ஹாபகஸம்முதியோ கோ ஆதி³, கிங் மஜ்ஜே², கிங் பரியோஸானங்? பத்தக்³கா³ஹாபகஸம்முதியா கோ ஆதி³, கிங் மஜ்ஜே², கிங் பரியோஸானங்? த³ண்ட³ஸம்முதியா கோ ஆதி³, கிங் மஜ்ஜே², கிங் பரியோஸானங்? ஸிக்காஸம்முதியா கோ ஆதி³, கிங் மஜ்ஜே², கிங் பரியோஸானங்? த³ண்ட³ஸிக்காஸம்முதியா கோ ஆதி³, கிங் மஜ்ஜே², கிங் பரியோஸானங்?

ஆதி³மஜ்ஜ²ந்தவிஸ்ஸஜ்ஜனா

333. உபோஸத²கம்மஸ்ஸ கோ ஆதி³, கிங் மஜ்ஜே², கிங் பரியோஸானந்தி? உபோஸத²கம்மஸ்ஸ ஸாமக்³கீ³ ஆதி³, கிரியா மஜ்ஜே², நிட்டா²னங் பரியோஸானங்.

பவாரணாகம்மஸ்ஸ கோ ஆதி³, கிங் மஜ்ஜே², கிங் பரியோஸானந்தி? பவாரணாகம்மஸ்ஸ ஸாமக்³கீ³ ஆதி³, கிரியா மஜ்ஜே², நிட்டா²னங் பரியோஸானங்.

தஜ்ஜனீயகம்மஸ்ஸ கோ ஆதி³, கிங் மஜ்ஜே², கிங் பரியோஸானந்தி? தஜ்ஜனீயகம்மஸ்ஸ வத்து² ச புக்³க³லோ ச ஆதி³, ஞத்தி மஜ்ஜே², கம்மவாசா பரியோஸானங்.

நியஸ்ஸகம்மஸ்ஸ…பே॰… பப்³பா³ஜனீயகம்மஸ்ஸ…பே॰… படிஸாரணீயகம்மஸ்ஸ…பே॰… உக்கே²பனீயகம்மஸ்ஸ…பே॰… பரிவாஸதா³னஸ்ஸ…பே॰… மூலாயபடிகஸ்ஸனாய…பே॰… மானத்ததா³னஸ்ஸ…பே॰… அப்³பா⁴னஸ்ஸ கோ ஆதி³, கிங் மஜ்ஜே², கிங் பரியோஸானந்தி? அப்³பா⁴னஸ்ஸ வத்து² ச புக்³க³லோ ச ஆதி³, ஞத்தி மஜ்ஜே², கம்மவாசா பரியோஸானங்.

உபஸம்பதா³கம்மஸ்ஸ கோ ஆதி³, கிங் மஜ்ஜே², கிங் பரியோஸானந்தி? உபஸம்பதா³கம்மஸ்ஸ புக்³க³லோ ஆதி³, ஞத்தி மஜ்ஜே², கம்மவாசா பரியோஸானங்.

தஜ்ஜனீயகம்மஸ்ஸ படிப்பஸ்ஸத்³தி⁴யா கோ ஆதி³, கிங் மஜ்ஜே², கிங் பரியோஸானந்தி? தஜ்ஜனீயகம்மஸ்ஸ படிப்பஸ்ஸத்³தி⁴யா ஸம்மாவத்தனா ஆதி³, ஞத்தி மஜ்ஜே², கம்மவாசா பரியோஸானங்.

நியஸ்ஸகம்மஸ்ஸ…பே॰… பப்³பா³ஜனீயகம்மஸ்ஸ…பே॰… படிஸாரணீயகம்மஸ்ஸ…பே॰… உக்கே²பனீயகம்மஸ்ஸ படிப்பஸ்ஸத்³தி⁴யா கோ ஆதி³, கிங் மஜ்ஜே², கிங் பரியோஸானந்தி? உக்கே²பனீயகம்மஸ்ஸ படிப்பஸ்ஸத்³தி⁴யா ஸம்மாவத்தனா ஆதி³, ஞத்தி மஜ்ஜே², கம்மவாசா பரியோஸானங்.

ஸதிவினயஸ்ஸ கோ ஆதி³ , கிங் மஜ்ஜே², கிங் பரியோஸானந்தி? ஸதிவினயஸ்ஸ வத்து² ச புக்³க³லோ ச ஆதி³, ஞத்தி மஜ்ஜே², கம்மவாசா பரியோஸானங்.

அமூள்ஹவினயஸ்ஸ …பே॰… தஸ்ஸபாபியஸிகாய…பே॰… திணவத்தா²ரகஸ்ஸ…பே॰… பி⁴க்கு²னோவாத³கஸம்முதியா…பே॰… திசீவரேன அவிப்பவாஸஸம்முதியா…பே॰… ஸந்த²தஸம்முதியா…பே॰… ரூபியச²ட்³ட³கஸம்முதியா…பே॰… ஸாடியக்³கா³ஹாபகஸம்முதியா…பே॰… பத்தக்³கா³ஹாபகஸம்முதியா…பே॰… த³ண்ட³ஸம்முதியா…பே॰… ஸிக்காஸம்முதியா…பே॰… த³ண்ட³ஸிக்காஸம்முதியா கோ ஆதி³, கிங் மஜ்ஜே², கிங் பரியோஸானந்தி? த³ண்ட³ஸிக்காஸம்முதியா வத்து² ச புக்³க³லோ ச ஆதி³, ஞத்தி மஜ்ஜே², கம்மவாசா பரியோஸானங்.

உபோஸதா²தி³புச்சா²விஸ்ஸஜ்ஜனா நிட்டி²தா.

அத்த²வஸபகரணங்

334. அ॰ நி॰ 10.334; பரி॰ 22 த³ஸ அத்த²வஸே படிச்ச ததா²க³தேன ஸாவகானங் ஸிக்கா²பத³ங் பஞ்ஞத்தங் – ஸங்க⁴ஸுட்டு²தாய, ஸங்க⁴பா²ஸுதாய, து³ம்மங்கூனங் புக்³க³லானங் நிக்³க³ஹாய, பேஸலானங் பி⁴க்கூ²னங் பா²ஸுவிஹாராய, தி³ட்ட²த⁴ம்மிகானங் ஆஸவானங் ஸங்வராய, ஸம்பராயிகானங் ஆஸவானங் படிகா⁴தாய, அப்பஸன்னானங் பஸாதா³ய, பஸன்னானங் பி⁴ய்யோபா⁴வாய, ஸத்³த⁴ம்மட்டி²தியா வினயானுக்³க³ஹாய.

யங் ஸங்க⁴ஸுட்டு² தங் ஸங்க⁴பா²ஸு. யங் ஸங்க⁴பா²ஸு தங் து³ம்மங்கூனங் புக்³க³லானங் நிக்³க³ஹாய. யங் து³ம்மங்கூனங் புக்³க³லானங் நிக்³க³ஹாய தங் பேஸலானங் பி⁴க்கூ²னங் பா²ஸுவிஹாராய. யங் பேஸலானங் பி⁴க்கூ²னங் பா²ஸுவிஹாராய தங் தி³ட்ட²த⁴ம்மிகானங் ஆஸவானங் ஸங்வராய. யங் தி³ட்ட²த⁴ம்மிகானங் ஆஸவானங் ஸங்வராய தங் ஸம்பராயிகானங் ஆஸவானங் படிகா⁴தாய. யங் ஸம்பராயிகானங் ஆஸவானங் படிகா⁴தாய தங் அப்பஸன்னானங் பஸாதா³ய. யங் அப்பஸன்னானங் பஸாதா³ய தங் பஸன்னானங் பி⁴ய்யோபா⁴வாய. யங் பஸன்னானங் பி⁴ய்யோபா⁴வாய தங் ஸத்³த⁴ம்மட்டி²தியா. யங் ஸத்³த⁴ம்மட்டி²தியா தங் வினயானுக்³க³ஹாய.

யங் ஸங்க⁴ஸுட்டு² தங் ஸங்க⁴பா²ஸு. யங் ஸங்க⁴ஸுட்டு² தங் து³ம்மங்கூனங் புக்³க³லானங் நிக்³க³ஹாய. யங் ஸங்க⁴ஸுட்டு² தங் பேஸலானங் பி⁴க்கூ²னங் பா²ஸுவிஹாராய. யங் ஸங்க⁴ஸுட்டு² தங் தி³ட்ட²த⁴ம்மிகானங் ஆஸவானங் ஸங்வராய. யங் ஸங்க⁴ஸுட்டு² தங் ஸம்பராயிகானங் ஆஸவானங் படிகா⁴தாய. யங் ஸங்க⁴ஸுட்டு² தங் அப்பஸன்னானங் பஸாதா³ய. யங் ஸங்க⁴ஸுட்டு² தங் பஸன்னானங் பி⁴ய்யோபா⁴வாய. யங் ஸங்க⁴ஸுட்டு² தங் ஸத்³த⁴ம்மட்டி²தியா. யங் ஸங்க⁴ஸுட்டு² தங் வினயானுக்³க³ஹாய.

யங் ஸங்க⁴பா²ஸு தங் து³ம்மங்கூனங் புக்³க³லானங் நிக்³க³ஹாய. யங் ஸங்க⁴பா²ஸு தங் பேஸலானங் பி⁴க்கூ²னங் பா²ஸுவிஹாராய . யங் ஸங்க⁴பா²ஸு தங் தி³ட்ட²த⁴ம்மிகானங் ஆஸவானங் ஸங்வராய. யங் ஸங்க⁴பா²ஸு தங் ஸம்பராயிகானங் ஆஸவானங் படிகா⁴தாய. யங் ஸங்க⁴பா²ஸு தங் அப்பஸன்னானங் பஸாதா³ய. யங் ஸங்க⁴பா²ஸு தங் பஸன்னானங் பி⁴ய்யோபா⁴வாய. யங் ஸங்க⁴பா²ஸு தங் ஸத்³த⁴ம்மட்டி²தியா. யங் ஸங்க⁴பா²ஸு தங் வினயானுக்³க³ஹாய. யங் ஸங்க⁴பா²ஸு தங் ஸங்க⁴ஸுட்டு².

யங் து³ம்மங்கூனங் புக்³க³லானங் நிக்³க³ஹாய…பே॰… யங் பேஸலானங் பி⁴க்கூ²னங் பா²ஸுவிஹாராய… யங் தி³ட்ட²த⁴ம்மிகானங் ஆஸவானங் ஸங்வராய… யங் ஸம்பராயிகானங் ஆஸவானங் படிகா⁴தாய… யங் அப்பஸன்னானங் பஸாதா³ய… யங் பஸன்னானங் பி⁴ய்யோபா⁴வாய… யங் ஸத்³த⁴ம்மட்டி²தியா… யங் வினயானுக்³க³ஹாய தங் ஸங்க⁴ஸுட்டு². யங் வினயானுக்³க³ஹாய தங் ஸங்க⁴பா²ஸு. யங் வினயானுக்³க³ஹாய தங் து³ம்மங்கூனங் புக்³க³லானங் நிக்³க³ஹாய. யங் வினயானுக்³க³ஹாய தங் பேஸலானங் பி⁴க்கூ²னங் பா²ஸுவிஹாராய. யங் வினயானுக்³க³ஹாய தங் தி³ட்ட²த⁴ம்மிகானங் ஆஸவானங் ஸங்வராய. யங் வினயானுக்³க³ஹாய தங் ஸம்பராயிகானங் ஆஸவானங் படிகா⁴தாய. யங் வினயானுக்³க³ஹாய தங் அப்பஸன்னானங் பஸாதா³ய. யங் வினயானுக்³க³ஹாய தங் பஸன்னானங் பி⁴ய்யோபா⁴வாய. யங் வினயானுக்³க³ஹாய தங் ஸத்³த⁴ம்மட்டி²தியாதி.

அத்த²ஸதங் த⁴ம்மஸதங், த்³வே ச நிருத்திஸதானி;

சத்தாரி ஞாணஸதானி, அத்த²வஸே பகரணேதி.

அத்த²வஸபகரணங் நிட்டி²தங்.

மஹாவக்³கோ³ நிட்டி²தோ.

தஸ்ஸுத்³தா³னங் –

பட²மங் அட்ட²புச்சா²யங், பச்சயேஸு புனட்ட² ச;

பி⁴க்கூ²னங் ஸோளஸ ஏதே, பி⁴க்கு²னீனஞ்ச ஸோளஸ.

பெய்யாலஅந்தரா பே⁴தா³, ஏகுத்தரிகமேவ ச;

பவாரணத்த²வஸிகா, மஹாவக்³க³ஸ்ஸ ஸங்க³ஹோதி.

அத்த²வஸபகரணங் நிட்டி²தங்.