3. வஸ்ஸூபனாயிகக்க²ந்த⁴கோ

107. வஸ்ஸூபனாயிகானுஜானநா

184. தேன ஸமயேன பு³த்³தோ⁴ ப⁴க³வா ராஜக³ஹே விஹரதி வேளுவனே கலந்த³கனிவாபே. தேன கோ² பன ஸமயேன ப⁴க³வதா பி⁴க்கூ²னங் வஸ்ஸாவாஸோ அபஞ்ஞத்தோ ஹோதி. தேஇத⁴ பி⁴க்கூ² ஹேமந்தம்பி கி³ம்ஹம்பி வஸ்ஸம்பி சாரிகங் சரந்தி. மனுஸ்ஸா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஸமணா ஸக்யபுத்தியா ஹேமந்தம்பி கி³ம்ஹம்பி வஸ்ஸம்பி சாரிகங் சரிஸ்ஸந்தி, ஹரிதானி திணானி ஸம்மத்³த³ந்தா, ஏகிந்த்³ரியங் ஜீவங் விஹேடெ²ந்தா, ப³ஹூ கு²த்³த³கே பாணே ஸங்கா⁴தங் ஆபாதெ³ந்தா. இமே ஹி நாம அஞ்ஞதித்தி²யா து³ரக்கா²தத⁴ம்மா வஸ்ஸாவாஸங் அல்லீயிஸ்ஸந்தி ஸங்கஸாயிஸ்ஸந்தி. இமே ஹி நாம ஸகுந்தகா ருக்க²க்³கே³ஸு குலாவகானி கரித்வா வஸ்ஸாவாஸங் அல்லீயிஸ்ஸந்தி ஸங்கஸாயிஸ்ஸந்தி ஸங்காஸயிஸ்ஸந்தி (ஸீ॰ ஸ்யா॰). இமே பன ஸமணா ஸக்யபுத்தியா ஹேமந்தம்பி கி³ம்ஹம்பி வஸ்ஸம்பி சாரிகங் சரந்தி, ஹரிதானி திணானி ஸம்மத்³த³ந்தா, ஏகிந்த்³ரியங் ஜீவங் விஹேடெ²ந்தா, ப³ஹூ கு²த்³த³கே பாணே ஸங்கா⁴தங் ஆபாதெ³ந்தா’’தி. அஸ்ஸோஸுங் கோ² பி⁴க்கூ² தேஸங் மனுஸ்ஸானங் உஜ்ஜா²யந்தானங் கி²ய்யந்தானங் விபாசெந்தானங். அத² கோ² தே பி⁴க்கூ² ப⁴க³வதோ ஏதமத்த²ங் ஆரோசேஸுங். அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘அனுஜானாமி, பி⁴க்க²வே, வஸ்ஸங் உபக³ந்து’’ந்தி. அத² கோ² பி⁴க்கூ²னங் ஏதத³ஹோஸி – ‘‘கதா³ நு கோ² வஸ்ஸங் உபக³ந்தப்³ப³’’ந்தி? ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே, வஸ்ஸானே வஸ்ஸங் உபக³ந்துந்தி.

அத² கோ² பி⁴க்கூ²னங் ஏதத³ஹோஸி – ‘‘கதி நு கோ² வஸ்ஸூபனாயிகா’’தி? ப⁴க³வதோ ஏதமத்த²ங்

ஆரோசேஸுங். த்³வேமா, பி⁴க்க²வே, வஸ்ஸூபனாயிகா – புரிமிகா, பச்சி²மிகா. அபரஜ்ஜுக³தாய ஆஸாள்ஹியா புரிமிகா உபக³ந்தப்³பா³, மாஸக³தாய ஆஸாள்ஹியா பச்சி²மிகா உபக³ந்தப்³பா³ – இமா கோ², பி⁴க்க²வே, த்³வே வஸ்ஸூபனாயிகாதி.

வஸ்ஸூபனாயிகானுஜானநா நிட்டி²தா.

108. வஸ்ஸானே சாரிகாபடிக்கே²பாதி³

185. தேன கோ² பன ஸமயேன ச²ப்³ப³க்³கி³யா பி⁴க்கூ² வஸ்ஸங் உபக³ந்த்வா அந்தராவஸ்ஸங் சாரிகங் சரந்தி. மனுஸ்ஸா ததே²வ உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஸமணா ஸக்யபுத்தியா ஹேமந்தம்பி கி³ம்ஹம்பி வஸ்ஸம்பி சாரிகங் சரிஸ்ஸந்தி, ஹரிதானி திணானி ஸம்மத்³த³ந்தா, ஏகிந்த்³ரியங் ஜீவங் விஹேடெ²ந்தா, ப³ஹூ கு²த்³த³கே பாணே ஸங்கா⁴தங் ஆபாதெ³ந்தா. இமே ஹி நாம அஞ்ஞதித்தி²யா து³ரக்கா²தத⁴ம்மா வஸ்ஸாவாஸங் அல்லீயிஸ்ஸந்தி ஸங்கஸாயிஸ்ஸந்தி. இமே ஹி நாம ஸகுந்தகா ருக்க²க்³கே³ஸு குலாவகானி கரித்வா வஸ்ஸாவாஸங் அல்லீயிஸ்ஸந்தி ஸங்கஸாயிஸ்ஸந்தி. இமே பன ஸமணா ஸக்யபுத்தியா ஹேமந்தம்பி கி³ம்ஹம்பி வஸ்ஸம்பி சாரிகங் சரந்தி, ஹரிதானி திணானி ஸம்மத்³த³ந்தா, ஏகிந்த்³ரியங் ஜீவங் விஹேடெ²ந்தா, ப³ஹூ கு²த்³த³கே பாணே ஸங்கா⁴தங் ஆபாதெ³ந்தா’’தி. அஸ்ஸோஸுங் கோ² பி⁴க்கூ² தேஸங் மனுஸ்ஸானங் உஜ்ஜா²யந்தானங் கி²ய்யந்தானங் விபாசெந்தானங். யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ச²ப்³ப³க்³கி³யா பி⁴க்கூ² வஸ்ஸங் உபக³ந்த்வா அந்தராவஸ்ஸங் சாரிகங் சரிஸ்ஸந்தீ’’தி? அத² கோ² தே பி⁴க்கூ² ப⁴க³வதோ ஏதமத்த²ங் ஆரோசேஸுங். அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘ந, பி⁴க்க²வே, வஸ்ஸங் உபக³ந்த்வா புரிமங் வா தேமாஸங் பச்சி²மங் வா தேமாஸங் அவஸித்வா சாரிகா பக்கமிதப்³பா³. யோ பக்கமெய்ய, ஆபத்தி து³க்கடஸ்ஸா’’தி.

186. தேன கோ² பன ஸமயேன ச²ப்³ப³க்³கி³யா பி⁴க்கூ² ந இச்ச²ந்தி வஸ்ஸங் உபக³ந்துங். ப⁴க³வதோ ஏதமத்த²ங் ஆரோசேஸுங். ந, பி⁴க்க²வே, வஸ்ஸங் ந உபக³ந்தப்³ப³ங். யோ ந உபக³ச்செ²ய்ய, ஆபத்தி து³க்கடஸ்ஸாதி.

தேன கோ² பன ஸமயேன ச²ப்³ப³க்³கி³யா பி⁴க்கூ² தத³ஹு வஸ்ஸூபனாயிகாய வஸ்ஸங் அனுபக³ந்துகாமா ஸஞ்சிச்ச ஆவாஸங் அதிக்கமந்தி. ப⁴க³வதோ ஏதமத்த²ங் ஆரோசேஸுங். ந, பி⁴க்க²வே, தத³ஹு வஸ்ஸூபனாயிகாய வஸ்ஸங் அனுபக³ந்துகாமேன ஸஞ்சிச்ச ஆவாஸோ அதிக்கமிதப்³போ³. யோ அதிக்கமெய்ய, ஆபத்தி து³க்கடஸ்ஸாதி.

தேன கோ² பன ஸமயேன ராஜா மாக³தோ⁴ ஸேனியோ பி³ம்பி³ஸாரோ வஸ்ஸங் உக்கட்³டி⁴துகாமோ

பி⁴க்கூ²னங் ஸந்திகே தூ³தங் பாஹேஸி – யதி³ பனாய்யா ஆக³மே ஜுண்ஹே வஸ்ஸங் உபக³ச்செ²ய்யுந்தி. ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே, ராஜூனங் அனுவத்திதுந்தி.

வஸ்ஸானே சாரிகாபடிக்கே²பாதி³ நிட்டி²தா.

109. ஸத்தாஹகரணீயானுஜானநா

187. அத² கோ² ப⁴க³வா ராஜக³ஹே யதா²பி⁴ரந்தங் விஹரித்வா யேன ஸாவத்தி² தேன சாரிகங் பக்காமி. அனுபுப்³பே³ன சாரிகங் சரமானோ யேன ஸாவத்தி² தத³வஸரி. தத்ர ஸுத³ங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன கோஸலேஸு ஜனபதே³ உதே³னேன உபாஸகேன ஸங்க⁴ங் உத்³தி³ஸ்ஸ விஹாரோ காராபிதோ ஹோதி. ஸோ பி⁴க்கூ²னங் ஸந்திகே தூ³தங் பாஹேஸி – ‘‘ஆக³ச்ச²ந்து ப⁴த³ந்தா, இச்சா²மி தா³னஞ்ச தா³துங், த⁴ம்மஞ்ச ஸோதுங், பி⁴க்கூ² ச பஸ்ஸிது’’ந்தி. பி⁴க்கூ² ஏவமாஹங்ஸு – ‘‘ப⁴க³வதா, ஆவுஸோ, பஞ்ஞத்தங் ‘ந வஸ்ஸங் உபக³ந்த்வா புரிமங் வா தேமாஸங் பச்சி²மங் வா தேமாஸங் அவஸித்வா சாரிகா பக்கமிதப்³பா³’தி. ஆக³மேது உதே³னோ உபாஸகோ, யாவ பி⁴க்கூ² வஸ்ஸங் வஸந்தி. வஸ்ஸங்வுட்டா² ஆக³மிஸ்ஸந்தி. ஸசே பனஸ்ஸ அச்சாயிகங் கரணீயங், தத்தே²வ ஆவாஸிகானங் பி⁴க்கூ²னங் ஸந்திகே விஹாரங் பதிட்டா²பேதூ’’தி. உதே³னோ உபாஸகோ உஜ்ஜா²யதி கி²ய்யதி விபாசேதி – ‘‘கத²ஞ்ஹி நாம ப⁴த³ந்தா மயா பஹிதே ந ஆக³ச்சி²ஸ்ஸந்தி. அஹஞ்ஹி தா³யகோ காரகோ ஸங்கு⁴பட்டா²கோ’’தி. அஸ்ஸோஸுங் கோ² பி⁴க்கூ² உதே³னஸ்ஸ உபாஸகஸ்ஸ உஜ்ஜா²யந்தஸ்ஸ கி²ய்யந்தஸ்ஸ விபாசெந்தஸ்ஸ. அத² கோ² தே பி⁴க்கூ² ப⁴க³வதோ ஏதமத்த²ங் ஆரோசேஸுங். அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே த⁴ம்மிங் கத²ங் கத்வா பி⁴க்கூ² ஆமந்தேஸி – ‘‘அனுஜானாமி, பி⁴க்க²வே, ஸத்தன்னங் ஸத்தாஹகரணீயேன பஹிதே க³ந்துங், ந த்வேவ அப்பஹிதே. பி⁴க்கு²ஸ்ஸ, பி⁴க்கு²னியா, ஸிக்க²மானாய, ஸாமணேரஸ்ஸ, ஸாமணேரியா, உபாஸகஸ்ஸ, உபாஸிகாய – அனுஜானாமி, பி⁴க்க²வே, இமேஸங் ஸத்தன்னங் ஸத்தாஹகரணீயேன பஹிதே க³ந்துங், ந த்வேவ அப்பஹிதே. ஸத்தாஹங் ஸன்னிவத்தோ காதப்³போ³’’.

188. இத⁴ பன, பி⁴க்க²வே, உபாஸகேன ஸங்க⁴ங் உத்³தி³ஸ்ஸ விஹாரோ காராபிதோ ஹோதி. ஸோ சே பி⁴க்கூ²னங் ஸந்திகே தூ³தங் பஹிணெய்ய – ‘‘ஆக³ச்ச²ந்து ப⁴த³ந்தா, இச்சா²மி தா³னஞ்ச தா³துங், த⁴ம்மஞ்ச ஸோதுங், பி⁴க்கூ² ச பஸ்ஸிது’’ந்தி, க³ந்தப்³ப³ங், பி⁴க்க²வே, ஸத்தாஹகரணீயேன, பஹிதே, ந த்வேவ அப்பஹிதே. ஸத்தாஹங் ஸன்னிவத்தோ காதப்³போ³.

இத⁴ பன, பி⁴க்க²வே, உபாஸகேன ஸங்க⁴ங் உத்³தி³ஸ்ஸ அட்³ட⁴யோகோ³ காராபிதோ ஹோதி…பே॰… பாஸாதோ³ காராபிதோ ஹோதி… ஹம்மியங் காராபிதங் ஹோதி… கு³ஹா காராபிதா ஹோதி… பரிவேணங் காராபிதங் ஹோதி… கொட்ட²கோ காராபிதோ ஹோதி… உபட்டா²னஸாலா காராபிதா ஹோதி… அக்³கி³ஸாலா காராபிதா ஹோதி… கப்பியகுடி காராபிதா ஹோதி… வச்சகுடி காராபிதா ஹோதி… சங்கமோ காராபிதோ ஹோதி … சங்கமனஸாலா காராபிதா ஹோதி… உத³பானோ காராபிதோ ஹோதி … உத³பானஸாலா காராபிதா ஹோதி… ஜந்தாக⁴ரங் காராபிதங் ஹோதி… ஜந்தாக⁴ரஸாலா காராபிதா ஹோதி… பொக்க²ரணீ காராபிதா ஹோதி… மண்ட³போ காராபிதோ ஹோதி… ஆராமோ காராபிதோ ஹோதி… ஆராமவத்து² காராபிதங் ஹோதி. ஸோ சே பி⁴க்கூ²னங் ஸந்திகே தூ³தங் பஹிணெய்ய – ‘‘ஆக³ச்ச²ந்து ப⁴த³ந்தா, இச்சா²மி தா³னஞ்ச தா³துங், த⁴ம்மஞ்ச ஸோதுங், பி⁴க்கூ² ச பஸ்ஸிது’’ந்தி, க³ந்தப்³ப³ங், பி⁴க்க²வே, ஸத்தாஹகரணீயேன, பஹிதே, ந த்வேவ அப்பஹிதே. ஸத்தாஹங் ஸன்னிவத்தோ காதப்³போ³.

இத⁴ பன, பி⁴க்க²வே, உபாஸகேன ஸம்ப³ஹுலே பி⁴க்கூ² உத்³தி³ஸ்ஸ…பே॰… ஏகங் பி⁴க்கு²ங் உத்³தி³ஸ்ஸ விஹாரோ காராபிதோ ஹோதி… அட்³ட⁴யோகோ³ காராபிதோ ஹோதி… பாஸாதோ³ காராபிதோ ஹோதி … ஹம்மியங் காராபிதங் ஹோதி… கு³ஹா காராபிதா ஹோதி… பரிவேணங் காராபிதங் ஹோதி… கொட்ட²கோ காராபிதோ ஹோதி… உபட்டா²னஸாலா காராபிதா ஹோதி… அக்³கி³ஸாலா காராபிதா ஹோதி… கப்பியகுடி காராபிதா ஹோதி… வச்சகுடி காராபிதா ஹோதி… சங்கமோ காராபிதோ ஹோதி… சங்கமனஸாலா காராபிதா ஹோதி… உத³பானோ காராபிதோ ஹோதி… உத³பானஸாலா காராபிதா ஹோதி… ஜந்தாக⁴ரங் காராபிதங் ஹோதி… ஜந்தாக⁴ரஸாலா காராபிதா ஹோதி… பொக்க²ரணீ காராபிதா ஹோதி… மண்ட³போ காராபிதோ ஹோதி… ஆராமோ காராபிதோ ஹோதி… ஆராமவத்து² காராபிதங் ஹோதி. ஸோ சே பி⁴க்கூ²னங் ஸந்திகே தூ³தங் பஹிணெய்ய – ‘‘ஆக³ச்ச²ந்து ப⁴த³ந்தா, இச்சா²மி தா³னஞ்ச தா³துங், த⁴ம்மஞ்ச ஸோதுங், பி⁴க்கூ² ச பஸ்ஸிது’’ந்தி, க³ந்தப்³ப³ங், பி⁴க்க²வே, ஸத்தாஹகரணீயேன, பஹிதே, ந த்வேவ அப்பஹிதே. ஸத்தாஹங் ஸன்னிவத்தோ காதப்³போ³.

இத⁴ பன, பி⁴க்க²வே, உபாஸகேன பி⁴க்கு²னிஸங்க⁴ங் உத்³தி³ஸ்ஸ…பே॰… ஸம்ப³ஹுலா பி⁴க்கு²னியோ உத்³தி³ஸ்ஸ…பே॰… ஏகங் பி⁴க்கு²னிங் உத்³தி³ஸ்ஸ…பே॰… ஸம்ப³ஹுலா ஸிக்க²மானாயோ உத்³தி³ஸ்ஸ…பே॰… ஏகங் ஸிக்க²மானங் உத்³தி³ஸ்ஸ…பே॰… ஸம்ப³ஹுலே ஸாமணேரே உத்³தி³ஸ்ஸ…பே॰… ஏகங் ஸாமணேரங் உத்³தி³ஸ்ஸ…பே॰… ஸம்ப³ஹுலா ஸாமணேரியோ உத்³தி³ஸ்ஸ…பே॰… ஏகங் ஸாமணேரிங் உத்³தி³ஸ்ஸ விஹாரோ காராபிதோ ஹோதி…பே॰… அட்³ட⁴யோகோ³ காராபிதோ ஹோதி… பாஸாதோ³ காராபிதோ ஹோதி… ஹம்மியங் காராபிதங் ஹோதி… கு³ஹா காராபிதா ஹோதி… பரிவேணங் காராபிதங் ஹோதி… கொட்ட²கோ காராபிதோ ஹோதி… உபட்டா²னஸாலா காராபிதா ஹோதி… அக்³கி³ஸாலா காராபிதா ஹோதி … கப்பியகுடி காராபிதா ஹோதி… சங்கமோ காராபிதோ ஹோதி… சங்கமனஸாலா காராபிதா ஹோதி… உத³பானோ காராபிதோ ஹோதி… உத³பானஸாலா காராபிதா ஹோதி… பொக்க²ரணீ காராபிதா ஹோதி… மண்ட³போ காராபிதோ ஹோதி… ஆராமோ காராபிதோ ஹோதி… ஆராமவத்து² காராபிதங் ஹோதி. ஸோ சே பி⁴க்கூ²னங் ஸந்திகே தூ³தங் பஹிணெய்ய – ‘‘ஆக³ச்ச²ந்து ப⁴த³ந்தா, இச்சா²மி தா³னஞ்ச தா³துங் , த⁴ம்மஞ்ச ஸோதுங், பி⁴க்கூ² ச பஸ்ஸிது’’ந்தி, க³ந்தப்³ப³ங், பி⁴க்க²வே, ஸத்தாஹகரணீயேன, பஹிதே, ந த்வேவ அப்பஹிதே. ஸத்தாஹங் ஸன்னிவத்தோ காதப்³போ³.

189. இத⁴ பன, பி⁴க்க²வே, உபாஸகேன அத்தனோ அத்தா²ய நிவேஸனங் காராபிதங் ஹோதி…பே॰… ஸயனிக⁴ரங் காராபிதங் ஹோதி… உதோ³ஸிதோ காராபிதோ ஹோதி… அட்டோ காராபிதோ ஹோதி… மாளோ காராபிதோ ஹோதி… ஆபணோ காராபிதோ ஹோதி… ஆபணஸாலா காராபிதா ஹோதி… பாஸாதோ³ காராபிதோ ஹோதி… ஹம்மியங் காராபிதங் ஹோதி… கு³ஹா காராபிதா ஹோதி… பரிவேணங் காராபிதங் ஹோதி… கொட்ட²கோ காராபிதோ ஹோதி… உபட்டா²னஸாலா காராபிதா ஹோதி… அக்³கி³ஸாலா காராபிதா ஹோதி… ரஸவதீ காராபிதா ஹோதி… சங்கமோ காராபிதோ ஹோதி… சங்கமனஸாலா காராபிதா ஹோதி… உத³பானோ காராபிதோ ஹோதி… உத³பானஸாலா காராபிதா ஹோதி… பொக்க²ரணீ காராபிதா ஹோதி… மண்ட³போ காராபிதோ ஹோதி… ஆராமோ காராபிதோ ஹோதி … ஆராமவத்து² காராபிதங் ஹோதி… புத்தஸ்ஸ வா வாரெய்யங் ஹோதி… தீ⁴துயா வா வாரெய்யங் ஹோதி… கி³லானோ வா ஹோதி… அபி⁴ஞ்ஞாதங் வா ஸுத்தந்தங் ப⁴ணதி. ஸோ சே பி⁴க்கூ²னங் ஸந்திகே தூ³தங் பஹிணெய்ய – ‘ஆக³ச்ச²ந்து ப⁴த³ந்தா, இமங் ஸுத்தந்தங் பரியாபுணிஸ்ஸந்தி, புராயங் ஸுத்தந்தோ ந பலுஜ்ஜதீ’தி. அஞ்ஞதரங் வா பனஸ்ஸ கிச்சங் ஹோதி – கரணீயங் வா, ஸோ சே பி⁴க்கூ²னங் ஸந்திகே தூ³தங் பஹிணெய்ய – ‘‘ஆக³ச்ச²ந்து ப⁴த³ந்தா, இச்சா²மி தா³னஞ்ச தா³துங், த⁴ம்மஞ்ச ஸோதுங், பி⁴க்கூ² ச பஸ்ஸிது’’ந்தி, க³ந்தப்³ப³ங், பி⁴க்க²வே, ஸத்தாஹகரணீயேன, பஹிதே, ந த்வேவ அப்பஹிதே. ஸத்தாஹங் ஸன்னிவத்தோ காதப்³போ³.

190. இத⁴ பன, பி⁴க்க²வே, உபாஸிகாய ஸங்க⁴ங் உத்³தி³ஸ்ஸ விஹாரோ காராபிதோ ஹோதி. ஸா சே பி⁴க்கூ²னங் ஸந்திகே தூ³தங் பஹிணெய்ய – ‘‘ஆக³ச்ச²ந்து அய்யா, இச்சா²மி தா³னஞ்ச தா³துங், த⁴ம்மஞ்ச ஸோதுங், பி⁴க்கூ² ச பஸ்ஸிது’’ந்தி, க³ந்தப்³ப³ங், பி⁴க்க²வே, ஸத்தாஹகரணீயேன, பஹிதே, ந த்வேவ அப்பஹிதே. ஸத்தாஹங் ஸன்னிவத்தோ காதப்³போ³.

இத⁴ பன, பி⁴க்க²வே, உபாஸிகாய ஸங்க⁴ங் உத்³தி³ஸ்ஸ அட்³ட⁴யோகோ³ காராபிதோ ஹோதி…பே॰… பாஸாதோ³ காராபிதோ ஹோதி… ஹம்மியங் காராபிதங் ஹோதி… கு³ஹா காராபிதா ஹோதி… பரிவேணங் காராபிதங் ஹோதி… கொட்ட²கோ காராபிதோ ஹோதி… உபட்டா²னஸாலா காராபிதா ஹோதி… அக்³கி³ஸாலா காராபிதா ஹோதி… கப்பியகுடி காராபிதா ஹோதி… வச்சகுடி காராபிதா ஹோதி… சங்கமோ காராபிதோ ஹோதி… சங்கமனஸாலா காராபிதா ஹோதி… உத³பானோ காராபிதோ ஹோதி… உத³பானஸாலா காராபிதா ஹோதி… ஜந்தாக⁴ரங் காராபிதங் ஹோதி… ஜந்தாக⁴ரஸாலா காராபிதா ஹோதி… பொக்க²ரணீ காராபிதா ஹோதி… மண்ட³போ காராபிதோ ஹோதி… ஆராமோ காராபிதோ ஹோதி… ஆராமவத்து² காராபிதங் ஹோதி. ஸா சே பி⁴க்கூ²னங் ஸந்திகே தூ³தங் பஹிணெய்ய – ‘‘ஆக³ச்ச²ந்து அய்யா, இச்சா²மி தா³னஞ்ச தா³துங், த⁴ம்மஞ்ச ஸோதுங், பி⁴க்கூ² ச பஸ்ஸிது’’ந்தி, க³ந்தப்³ப³ங், பி⁴க்க²வே, ஸத்தாஹகரணீயேன, பஹிதே, ந த்வேவ அப்பஹிதே. ஸத்தாஹங் ஸன்னிவத்தோ காதப்³போ³.

இத⁴ பன, பி⁴க்க²வே, உபாஸிகாய ஸம்ப³ஹுலே பி⁴க்கூ² உத்³தி³ஸ்ஸ…பே॰… ஏகங் பி⁴க்கு²ங் உத்³தி³ஸ்ஸ…பே॰… பி⁴க்கு²னிஸங்க⁴ங் உத்³தி³ஸ்ஸ…பே॰… ஸம்ப³ஹுலா பி⁴க்கு²னியோ உத்³தி³ஸ்ஸ…பே॰… ஏகங் பி⁴க்கு²னிங் உத்³தி³ஸ்ஸ…பே॰… ஸம்ப³ஹுலா ஸிக்க²மானாயோ உத்³தி³ஸ்ஸ…பே॰… ஏகங் ஸிக்க²மானங் உத்³தி³ஸ்ஸ…பே॰… ஸம்ப³ஹுலே ஸாமணேரே உத்³தி³ஸ்ஸ…பே॰… ஏகங் ஸாமணேரங் உத்³தி³ஸ்ஸ…பே॰… ஸம்ப³ஹுலா ஸாமணேரியோ உத்³தி³ஸ்ஸ…பே॰… ஏகங் ஸாமணேரிங் உத்³தி³ஸ்ஸ…பே॰….

191. இத⁴ பன, பி⁴க்க²வே, உபாஸிகாய அத்தனோ அத்தா²ய நிவேஸனங் காராபிதங் ஹோதி…பே॰… ஸயனிக⁴ரங் காராபிதங் ஹோதி… உதோ³ஸிதோ காராபிதோ ஹோதி… அட்டோ காராபிதோ ஹோதி… மாளோ காராபிதோ ஹோதி… ஆபணோ காராபிதோ ஹோதி… ஆபணஸாலா காராபிதா ஹோதி… பாஸாதோ³ காராபிதோ ஹோதி… ஹம்மியங் காராபிதங் ஹோதி… கு³ஹா காராபிதா ஹோதி… பரிவேணங் காராபிதங் ஹோதி… கொட்ட²கோ காராபிதோ ஹோதி… உபட்டா²னஸாலா காராபிதா ஹோதி… அக்³கி³ஸாலா காராபிதா ஹோதி… ரஸவதீ காராபிதா ஹோதி… சங்கமோ காராபிதோ ஹோதி… சங்கமனஸாலா காராபிதா ஹோதி… உத³பானோ காராபிதோ ஹோதி … உத³பானஸாலா காராபிதா ஹோதி… பொக்க²ரணீ காராபிதா ஹோதி… மண்ட³போ காராபிதோ ஹோதி… ஆராமோ காராபிதோ ஹோதி… ஆராமவத்து² காராபிதங் ஹோதி… புத்தஸ்ஸ வா வாரெய்யங் ஹோதி… தீ⁴துயா வா வாரெய்யங் ஹோதி… கி³லானா வா ஹோதி… அபி⁴ஞ்ஞாதங் வா ஸுத்தந்தங் ப⁴ணதி. ஸா சே பி⁴க்கூ²னங் ஸந்திகே தூ³தங் பஹிணெய்ய – ‘‘ஆக³ச்ச²ந்து அய்யா, இமங் ஸுத்தந்தங் பரியாபுணிஸ்ஸந்தி, புராயங் ஸுத்தந்தோ பலுஜ்ஜதீ’’தி. அஞ்ஞதரங் வா பனஸ்ஸா கிச்சங் ஹோதி கரணீயங் வா, ஸா சே பி⁴க்கூ²னங் ஸந்திகே தூ³தங் பஹிணெய்ய – ‘‘ஆக³ச்ச²ந்து அய்யா, இச்சா²மி தா³னஞ்ச தா³துங், த⁴ம்மஞ்ச ஸோதுங், பி⁴க்கூ² ச பஸ்ஸிது’’ந்தி, க³ந்தப்³ப³ங், பி⁴க்க²வே, ஸத்தாஹகரணீயேன, பஹிதே, ந த்வேவ அப்பஹிதே. ஸத்தாஹங் ஸன்னிவத்தோ காதப்³போ³.

192. இத⁴ பன, பி⁴க்க²வே, பி⁴க்கு²னா ஸங்க⁴ங் உத்³தி³ஸ்ஸ…பே॰… பி⁴க்கு²னியா ஸங்க⁴ங் உத்³தி³ஸ்ஸ… ஸிக்க²மானாய ஸங்க⁴ங் உத்³தி³ஸ்ஸ… ஸாமணேரேன ஸங்க⁴ங் உத்³தி³ஸ்ஸ… ஸாமணேரியா ஸங்க⁴ங் உத்³தி³ஸ்ஸ … ஸம்ப³ஹுலே பி⁴க்கூ² உத்³தி³ஸ்ஸ… ஏகங் பி⁴க்கு²ங் உத்³தி³ஸ்ஸ… பி⁴க்கு²னிஸங்க⁴ங் உத்³தி³ஸ்ஸ… ஸம்ப³ஹுலா பி⁴க்கு²னியோ உத்³தி³ஸ்ஸ… ஏகங் பி⁴க்கு²னிங் உத்³தி³ஸ்ஸ… ஸம்ப³ஹுலா ஸிக்க²மானாயோ உத்³தி³ஸ்ஸ… ஏகங் ஸிக்க²மானங் உத்³தி³ஸ்ஸ… ஸம்ப³ஹுலே ஸாமணேரே உத்³தி³ஸ்ஸ… ஏகங் ஸாமணேரங் உத்³தி³ஸ்ஸ… ஸம்ப³ஹுலா ஸாமணேரியோ உத்³தி³ஸ்ஸ… ஏகங் ஸாமணேரிங் உத்³தி³ஸ்ஸ… அத்தனோ அத்தா²ய விஹாரோ காராபிதோ ஹோதி…பே॰… அட்³ட⁴யோகோ³ காராபிதோ ஹோதி… பாஸாதோ³ காராபிதோ ஹோதி… ஹம்மியங் காராபிதங் ஹோதி… கு³ஹா காராபிதா ஹோதி… பரிவேணங் காராபிதங் ஹோதி … கொட்ட²கோ காராபிதோ ஹோதி… உபட்டா²னஸாலா காராபிதா ஹோதி… அக்³கி³ஸாலா காராபிதா ஹோதி… கப்பியகுடி காராபிதா ஹோதி… சங்கமோ காராபிதோ ஹோதி… சங்கமனஸாலா காராபிதா ஹோதி… உத³பானோ காராபிதோ ஹோதி… உத³பானஸாலா காராபிதா ஹோதி… பொக்க²ரணீ காராபிதா ஹோதி… மண்ட³போ காராபிதோ ஹோதி… ஆராமோ காராபிதோ ஹோதி… ஆராமவத்து² காராபிதங் ஹோதி. ஸா சே பி⁴க்கூ²னங் ஸந்திகே தூ³தங் பஹிணெய்ய… ‘‘ஆக³ச்ச²ந்து அய்யா, இச்சா²மி தா³னஞ்ச தா³துங், த⁴ம்மஞ்ச ஸோதுங், பி⁴க்கூ² ச பஸ்ஸிது’’ந்தி, க³ந்தப்³ப³ங், பி⁴க்க²வே, ஸத்தாஹகரணீயேன, பஹிதே, ந த்வேவ அப்பஹிதே. ஸத்தாஹங் ஸன்னிவத்தோ காதப்³போ³தி.

ஸத்தாஹகரணீயானுஜானதா நிட்டி²தா.

110. பஞ்சன்னங் அப்பஹிதேபி அனுஜானநா

193. தேன கோ² பன ஸமயேன அஞ்ஞதரோ பி⁴க்கு² கி³லானோ ஹோதி. ஸோ பி⁴க்கூ²னங் ஸந்திகே தூ³தங் பாஹேஸி – ‘‘அஹஞ்ஹி கி³லானோ, ஆக³ச்ச²ந்து பி⁴க்கூ², இச்சா²மி பி⁴க்கூ²னங் ஆக³த’’ந்தி. ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே, பஞ்சன்னங் ஸத்தாஹகரணீயேன அப்பஹிதேபி க³ந்துங், பகே³வ பஹிதே. பி⁴க்கு²ஸ்ஸ, பி⁴க்கு²னியா, ஸிக்க²மானாய, ஸாமணேரஸ்ஸ, ஸாமணேரியா – அனுஜானாமி, பி⁴க்க²வே, இமேஸங் பஞ்சன்னங் ஸத்தாஹகரணீயேன அப்பஹிதேபி க³ந்துங், பகே³வ பஹிதே. ஸத்தாஹங் ஸன்னிவத்தோ காதப்³போ³.

இத⁴ பன, பி⁴க்க²வே, பி⁴க்கு² கி³லானோ ஹோதி. ஸோ சே பி⁴க்கூ²னங் ஸந்திகே தூ³தங் பஹிணெய்ய – ‘‘அஹஞ்ஹி கி³லானோ, ஆக³ச்ச²ந்து பி⁴க்கூ², இச்சா²மி பி⁴க்கூ²னங் ஆக³த’’ந்தி, க³ந்தப்³ப³ங், பி⁴க்க²வே, ஸத்தாஹகரணீயேன, அப்பஹிதேபி, பகே³வ பஹிதே – ‘‘கி³லானப⁴த்தங் வா பரியேஸிஸ்ஸாமி, கி³லானுபட்டா²கப⁴த்தங் வா பரியேஸிஸ்ஸாமி, கி³லானபே⁴ஸஜ்ஜங் வா பரியேஸிஸ்ஸாமி, புச்சி²ஸ்ஸாமி வா, உபட்ட²ஹிஸ்ஸாமி வா’’தி. ஸத்தாஹங் ஸன்னிவத்தோ காதப்³போ³.

இத⁴ பன, பி⁴க்க²வே, பி⁴க்கு²ஸ்ஸ அனபி⁴ரதி உப்பன்னா ஹோதி. ஸோ சே பி⁴க்கூ²னங் ஸந்திகே தூ³தங் பஹிணெய்ய – ‘‘அனபி⁴ரதி மே உப்பன்னா, ஆக³ச்ச²ந்து பி⁴க்கூ², இச்சா²மி பி⁴க்கூ²னங் ஆக³த’’ந்தி, க³ந்தப்³ப³ங், பி⁴க்க²வே, ஸத்தாஹகரணீயேன, அப்பஹிதேபி, பகே³வ பஹிதே – ‘‘அனபி⁴ரதங் வூபகாஸெஸ்ஸாமி வா, வூபகாஸாபெஸ்ஸாமி வா, த⁴ம்மகத²ங் வாஸ்ஸ கரிஸ்ஸாமீ’’தி. ஸத்தாஹங் ஸன்னிவத்தோ காதப்³போ³.

இத⁴ பன, பி⁴க்க²வே, பி⁴க்கு²ஸ்ஸ குக்குச்சங் உப்பன்னங் ஹோதி. ஸோ சே பி⁴க்கூ²னங் ஸந்திகே தூ³தங் பஹிணெய்ய – ‘‘குக்குச்சங் மே உப்பன்னங், ஆக³ச்ச²ந்து பி⁴க்கூ², இச்சா²மி பி⁴க்கூ²னங் ஆக³த’’ந்தி, க³ந்தப்³ப³ங், பி⁴க்க²வே, ஸத்தாஹகரணீயேன, அப்பஹிதேபி, பகே³வ பஹிதே – ‘‘குக்குச்சங் வினோதெ³ஸ்ஸாமி வா, வினோதா³பெஸ்ஸாமி வா, த⁴ம்மகத²ங் வாஸ்ஸ கரிஸ்ஸாமீ’’தி. ஸத்தாஹங் ஸன்னிவத்தோ காதப்³போ³.

இத⁴ பன, பி⁴க்க²வே, பி⁴க்கு²ஸ்ஸ தி³ட்டி²க³தங் உப்பன்னங் ஹோதி. ஸோ சே பி⁴க்கூ²னங் ஸந்திகே தூ³தங் பஹிணெய்ய – ‘‘தி³ட்டி²க³தங் மே உப்பன்னங், ஆக³ச்ச²ந்து பி⁴க்கூ², இச்சா²மி பி⁴க்கூ²னங் ஆக³த’’ந்தி, க³ந்தப்³ப³ங், பி⁴க்க²வே, ஸத்தாஹகரணீயேன, அப்பஹிதேபி, பகே³வ பஹிதே – ‘‘தி³ட்டி²க³தங் விவேசெஸ்ஸாமி வா, விவேசாபெஸ்ஸாமி வா, த⁴ம்மகத²ங் வாஸ்ஸ கரிஸ்ஸாமீ’’தி. ஸத்தாஹங் ஸன்னிவத்தோ காதப்³போ³.

இத⁴ பன, பி⁴க்க²வே, பி⁴க்கு² க³ருத⁴ம்மங் அஜ்ஜா²பன்னோ ஹோதி பரிவாஸாரஹோ. ஸோ சே பி⁴க்கூ²னங் ஸந்திகே தூ³தங் பஹிணெய்ய – ‘‘அஹஞ்ஹி க³ருத⁴ம்மங் அஜ்ஜா²பன்னோ பரிவாஸாரஹோ, ஆக³ச்ச²ந்து பி⁴க்கூ², இச்சா²மி பி⁴க்கூ²னங் ஆக³த’’ந்தி, க³ந்தப்³ப³ங், பி⁴க்க²வே, ஸத்தாஹகரணீயேன, அப்பஹிதேபி, பகே³வ பஹிதே – ‘‘பரிவாஸதா³னங் உஸ்ஸுக்கங் கரிஸ்ஸாமி வா, அனுஸ்ஸாவெஸ்ஸாமி வா, க³ணபூரகோ வா ப⁴விஸ்ஸாமீ’’தி. ஸத்தாஹங் ஸன்னிவத்தோ காதப்³போ³.

இத⁴ பன, பி⁴க்க²வே, பி⁴க்கு² மூலாய படிகஸ்ஸனாரஹோ ஹோதி. ஸோ சே பி⁴க்கூ²னங் ஸந்திகே தூ³தங் பஹிணெய்ய – ‘‘அஹஞ்ஹி மூலாய படிகஸ்ஸனாரஹோ, ஆக³ச்ச²ந்து பி⁴க்கூ², இச்சா²மி பி⁴க்கூ²னங் ஆக³த’’ந்தி, க³ந்தப்³ப³ங், பி⁴க்க²வே, ஸத்தாஹகரணீயேன, அப்பஹிதேபி, பகே³வ பஹிதே – ‘‘மூலாய படிகஸ்ஸனங் உஸ்ஸுக்கங் கரிஸ்ஸாமி வா, அனுஸ்ஸாவெஸ்ஸாமி வா, க³ணபூரகோ வா ப⁴விஸ்ஸாமீ’’தி. ஸத்தாஹங் ஸன்னிவத்தோ காதப்³போ³.

இத⁴ பன, பி⁴க்க²வே, பி⁴க்கு² மானத்தாரஹோ ஹோதி. ஸோ சே பி⁴க்கூ²னங் ஸந்திகே தூ³தங் பஹிணெய்ய – ‘‘அஹஞ்ஹி மானத்தாரஹோ, ஆக³ச்ச²ந்து பி⁴க்கூ², இச்சா²மி பி⁴க்கூ²னங் ஆக³த’’ந்தி, க³ந்தப்³ப³ங், பி⁴க்க²வே, ஸத்தாஹகரணீயேன, அப்பஹிதேபி, பகே³வ பஹிதே – ‘‘மானத்ததா³னங் உஸ்ஸுக்கங் கரிஸ்ஸாமி வா, அனுஸ்ஸாவெஸ்ஸாமி வா, க³ணபூரகோ வா ப⁴விஸ்ஸாமீ’’தி. ஸத்தாஹங் ஸன்னிவத்தோ காதப்³போ³.

இத⁴ பன, பி⁴க்க²வே, பி⁴க்கு² அப்³பா⁴னாரஹோ ஹோதி. ஸோ சே பி⁴க்கூ²னங் ஸந்திகே தூ³தங் பஹிணெய்ய – ‘‘அஹஞ்ஹி அப்³பா⁴னாரஹோ, ஆக³ச்ச²ந்து பி⁴க்கூ², இச்சா²மி பி⁴க்கூ²னங் ஆக³த’’ந்தி, க³ந்தப்³ப³ங், பி⁴க்க²வே, ஸத்தாஹகரணீயேன, அப்பஹிதேபி, பகே³வ பஹிதே – ‘‘அப்³பா⁴னங் உஸ்ஸுக்கங் கரிஸ்ஸாமி வா, அனுஸ்ஸாவெஸ்ஸாமி வா, க³ணபூரகோ வா ப⁴விஸ்ஸாமீ’’தி. ஸத்தாஹங் ஸன்னிவத்தோ காதப்³போ³.

இத⁴ பன, பி⁴க்க²வே, பி⁴க்கு²ஸ்ஸ ஸங்கோ⁴ கம்மங் கத்துகாமோ ஹோதி தஜ்ஜனீயங் வா, நியஸ்ஸங் வா, பப்³பா³ஜனீயங் வா, படிஸாரணீயங் வா, உக்கே²பனீயங் வா. ஸோ சே பி⁴க்கூ²னங் ஸந்திகே தூ³தங் பஹிணெய்ய – ‘‘ஸங்கோ⁴ மே கம்மங் கத்துகாமோ, ஆக³ச்ச²ந்து பி⁴க்கூ², இச்சா²மி பி⁴க்கூ²னங் ஆக³த’’ந்தி, க³ந்தப்³ப³ங், பி⁴க்க²வே, ஸத்தாஹகரணீயேன, அப்பஹிதேபி, பகே³வ பஹிதே – ‘‘கிந்தி நு கோ² ஸங்கோ⁴ கம்மங் ந கரெய்ய, லஹுகாய வா பரிணாமெய்யா’’தி. ஸத்தாஹங் ஸன்னிவத்தோ காதப்³போ³.

கதங் வா பனஸ்ஸ ஹோதி ஸங்கே⁴ன கம்மங் தஜ்ஜனீயங் வா நியஸ்ஸங் வா பப்³பா³ஜனீயங் வா படிஸாரணீயங் வா உக்கே²பனீயங் வா. ஸோ சே பி⁴க்கூ²னங் ஸந்திகே தூ³தங் பஹிணெய்ய ‘‘ஸங்கோ⁴ மே கம்மங் அகாஸி, ஆக³ச்ச²ந்து பி⁴க்கூ², இச்சா²மி பி⁴க்கூ²னங் ஆக³த’’ந்தி, க³ந்தப்³ப³ங், பி⁴க்க²வே, ஸத்தாஹகரணீயேன, அப்பஹிதேபி, பகே³வ பஹிதே – ‘‘கிந்தி நு கோ² ஸம்மா வத்தெய்ய, லோமங் பாதெய்ய, நெத்தா²ரங் வத்தெய்ய, ஸங்கோ⁴ தங் கம்மங் படிப்பஸ்ஸம்பெ⁴ய்யா’’தி. ஸத்தாஹங் ஸன்னிவத்தோ காதப்³போ³.

194. இத⁴ பன, பி⁴க்க²வே, பி⁴க்கு²னீ கி³லானா ஹோதி. ஸா சே பி⁴க்கூ²னங் ஸந்திகே தூ³தங் பஹிணெய்ய – ‘‘அஹஞ்ஹி கி³லானா, ஆக³ச்ச²ந்து அய்யா, இச்சா²மி அய்யானங் ஆக³த’’ந்தி, க³ந்தப்³ப³ங், பி⁴க்க²வே, ஸத்தாஹகரணீயேன, அப்பஹிதேபி, பகே³வ பஹிதே – ‘‘கி³லானப⁴த்தங் வா பரியேஸிஸ்ஸாமி, கி³லானுபட்டா²கப⁴த்தங் வா பரியேஸிஸ்ஸாமி, கி³லானபே⁴ஸஜ்ஜங் வா பரியேஸிஸ்ஸாமி, புச்சி²ஸ்ஸாமி வா, உபட்ட²ஹிஸ்ஸாமி வா’’தி. ஸத்தாஹங் ஸன்னிவத்தோ காதப்³போ³.

இத⁴ பன, பி⁴க்க²வே, பி⁴க்கு²னியா அனபி⁴ரதி உப்பன்னா ஹோதி. ஸா சே பி⁴க்கூ²னங் ஸந்திகே தூ³தங் பஹிணெய்ய – ‘‘அனபி⁴ரதி மே உப்பன்னா, ஆக³ச்ச²ந்து அய்யா, இச்சா²மி அய்யானங் ஆக³த’’ந்தி, க³ந்தப்³ப³ங், பி⁴க்க²வே, ஸத்தாஹகரணீயேன, அப்பஹிதேபி, பகே³வ பஹிதே – ‘‘அனபி⁴ரதங் வூபகாஸெஸ்ஸாமி வா, வூபகாஸாபெஸ்ஸாமி வா, த⁴ம்மகத²ங் வாஸ்ஸா கரிஸ்ஸாமீ’’தி. ஸத்தாஹங் ஸன்னிவத்தோ காதப்³போ³.

இத⁴ பன, பி⁴க்க²வே, பி⁴க்கு²னியா குக்குச்சங் உப்பன்னங் ஹோதி. ஸா சே பி⁴க்கூ²னங் ஸந்திகே தூ³தங் பஹிணெய்ய – ‘‘குக்குச்சங் மே உப்பன்னங், ஆக³ச்ச²ந்து அய்யா, இச்சா²மி அய்யானங் ஆக³த’’ந்தி, க³ந்தப்³ப³ங், பி⁴க்க²வே, ஸத்தாஹகரணீயேன, அப்பஹிதேபி, பகே³வ பஹிதே – ‘‘குக்குச்சங் வினோதெ³ஸ்ஸாமி வா, வினோதா³பெஸ்ஸாமி வா, த⁴ம்மகத²ங் வாஸ்ஸா கரிஸ்ஸாமீ’’தி. ஸத்தாஹங் ஸன்னிவத்தோ காதப்³போ³.

இத⁴ பன, பி⁴க்க²வே, பி⁴க்கு²னியா தி³ட்டி²க³தங் உப்பன்னங் ஹோதி. ஸா சே பி⁴க்கூ²னங் ஸந்திகே தூ³தங் பஹிணெய்ய – ‘‘தி³ட்டி²க³தங் மே உப்பன்னங், ஆக³ச்ச²ந்து அய்யா, இச்சா²மி அய்யானங் ஆக³த’’ந்தி, க³ந்தப்³ப³ங், பி⁴க்க²வே, ஸத்தாஹகரணீயேன, அப்பஹிதேபி, பகே³வ பஹிதே – ‘‘தி³ட்டி²க³தங் விவேசெஸ்ஸாமி வா, விவேசாபெஸ்ஸாமி வா, த⁴ம்மகத²ங் வாஸ்ஸா கரிஸ்ஸாமீ’’தி. ஸத்தாஹங் ஸன்னிவத்தோ காதப்³போ³.

இத⁴ பன, பி⁴க்க²வே, பி⁴க்கு²னீ க³ருத⁴ம்மங் அஜ்ஜா²பன்னா ஹோதி மானத்தாரஹா. ஸா சே பி⁴க்கூ²னங் ஸந்திகே தூ³தங் பஹிணெய்ய – ‘‘அஹஞ்ஹி க³ருத⁴ம்மங் அஜ்ஜா²பன்னா மானத்தாரஹா , ஆக³ச்ச²ந்து அய்யா, இச்சா²மி அய்யானங் ஆக³த’’ந்தி, க³ந்தப்³ப³ங், பி⁴க்க²வே, ஸத்தாஹகரணீயேன, அப்பஹிதேபி, பகே³வ பஹிதே – ‘‘மானத்ததா³னங் உஸ்ஸுக்கங் கரிஸ்ஸாமீ’’தி. ஸத்தாஹங் ஸன்னிவத்தோ காதப்³போ³.

இத⁴ பன, பி⁴க்க²வே, பி⁴க்கு²னீ மூலாய படிகஸ்ஸனாரஹா ஹோதி. ஸா சே பி⁴க்கூ²னங் ஸந்திகே தூ³தங் பஹிணெய்ய – ‘‘அஹஞ்ஹி மூலாய படிகஸ்ஸனாரஹா, ஆக³ச்ச²ந்து அய்யா, இச்சா²மி அய்யானங் ஆக³த’’ந்தி, க³ந்தப்³ப³ங், பி⁴க்க²வே, ஸத்தாஹகரணீயேன, அப்பஹிதேபி, பகே³வ பஹிதே – ‘‘மூலாய படிகஸ்ஸனங் உஸ்ஸுக்கங் கரிஸ்ஸாமீ’’தி. ஸத்தாஹங் ஸன்னிவத்தோ காதப்³போ³.

இத⁴ பன, பி⁴க்க²வே, பி⁴க்கு²னீ அப்³பா⁴னாரஹா ஹோதி. ஸா சே பி⁴க்கூ²னங் ஸந்திகே தூ³தங் பஹிணெய்ய – ‘‘அஹஞ்ஹி அப்³பா⁴னாரஹா, ஆக³ச்ச²ந்து அய்யா, இச்சா²மி அய்யானங் ஆக³த’’ந்தி, க³ந்தப்³ப³ங் , பி⁴க்க²வே, ஸத்தாஹகரணீயேன, அப்பஹிதேபி, பகே³வ பஹிதே – ‘‘அப்³பா⁴னங் உஸ்ஸுக்கங் கரிஸ்ஸாமீ’’தி. ஸத்தாஹங் ஸன்னிவத்தோ காதப்³போ³.

இத⁴ பன, பி⁴க்க²வே, பி⁴க்கு²னியா ஸங்கோ⁴ கம்மங் கத்துகாமோ ஹோதி – தஜ்ஜனீயங் வா, நியஸ்ஸங் வா, பப்³பா³ஜனீயங் வா, படிஸாரணீயங் வா, உக்கே²பனீயங் வா. ஸா சே பி⁴க்கூ²னங் ஸந்திகே தூ³தங் பஹிணெய்ய – ‘‘ஸங்கோ⁴ மே கம்மங் கத்துகாமோ, ஆக³ச்ச²ந்து அய்யா, இச்சா²மி அய்யானங் ஆக³த’’ந்தி, க³ந்தப்³ப³ங், பி⁴க்க²வே, ஸத்தாஹகரணீயேன, அப்பஹிதேபி, பகே³வ பஹிதே – ‘‘கிந்தி நு கோ² ஸங்கோ⁴ கம்மங் ந கரெய்ய, லஹுகாய வா பரிணாமெய்யா’’தி. ஸத்தாஹங் ஸன்னிவத்தோ காதப்³போ³.

கதங் வா பனஸ்ஸா ஹோதி ஸங்கே⁴ன கம்மங் – தஜ்ஜனீயங் வா , நியஸ்ஸங் வா, பப்³பா³ஜனீயங் வா, படிஸாரணீயங் வா, உக்கே²பனீயங் வா. ஸா சே பி⁴க்கூ²னங் ஸந்திகே தூ³தங் பஹிணெய்ய – ‘‘ஸங்கோ⁴ மே கம்மங் அகாஸி, ஆக³ச்ச²ந்து அய்யா, இச்சா²மி அய்யானங் ஆக³த’’ந்தி, க³ந்தப்³ப³ங், பி⁴க்க²வே, ஸத்தாஹகரணீயேன, அப்பஹிதேபி, பகே³வ பஹிதே – ‘‘கிந்தி நு கோ² ஸம்மா வத்தெய்ய, லோமங் பாதெய்ய, நெத்தா²ரங் வத்தெய்ய, ஸங்கோ⁴ தங் கம்மங் படிப்பஸ்ஸம்பெ⁴ய்யா’’தி. ஸத்தாஹங் ஸன்னிவத்தோ காதப்³போ³.

195. இத⁴ பன, பி⁴க்க²வே, ஸிக்க²மானா கி³லானா ஹோதி. ஸா சே பி⁴க்கூ²னங் ஸந்திகே தூ³தங் பஹிணெய்ய – ‘‘அஹஞ்ஹி கி³லானா, ஆக³ச்ச²ந்து அய்யா, இச்சா²மி அய்யானங் ஆக³த’’ந்தி – க³ந்தப்³ப³ங், பி⁴க்க²வே, ஸத்தாஹகரணீயேன, அப்பஹிதேபி, பகே³வ பஹிதே – ‘‘கி³லானப⁴த்தங் வா பரியேஸிஸ்ஸாமி, கி³லானுபட்டா²கப⁴த்தங் வா பரியேஸிஸ்ஸாமி, கி³லானபே⁴ஸஜ்ஜங் வா பரியேஸிஸ்ஸாமி, புச்சி²ஸ்ஸாமி வா, உபட்ட²ஹிஸ்ஸாமி வா’’தி. ஸத்தாஹங் ஸன்னிவத்தோ காதப்³போ³.

இத⁴ பன, பி⁴க்க²வே, ஸிக்க²மானாய அனபி⁴ரதி உப்பன்னா ஹோதி…பே॰… ஸிக்க²மானாய குக்குச்சங் உப்பன்னங் ஹோதி… ஸிக்க²மானாய தி³ட்டி²க³தங் உப்பன்னங் ஹோதி… ஸிக்க²மானாய ஸிக்கா² குபிதா ஹோதி. ஸா சே பி⁴க்கூ²னங் ஸந்திகே தூ³தங் பஹிணெய்ய – ‘‘ஸிக்கா² மே குபிதா, ஆக³ச்ச²ந்து அய்யா, இச்சா²மி அய்யானங் ஆக³த’’ந்தி, க³ந்தப்³ப³ங், பி⁴க்க²வே, ஸத்தாஹகரணீயேன, அப்பஹிதேபி, பகே³வ பஹிதே – ‘‘ஸிக்கா²ஸமாதா³னங் உஸ்ஸுக்கங் கரிஸ்ஸாமீ’’தி. ஸத்தாஹங் ஸன்னிவத்தோ காதப்³போ³.

இத⁴ பன, பி⁴க்க²வே, ஸிக்க²மானா உபஸம்பஜ்ஜிதுகாமா ஹோதி. ஸா சே பி⁴க்கூ²னங் ஸந்திகே தூ³தங் பஹிணெய்ய – ‘‘அஹஞ்ஹி உபஸம்பஜ்ஜிதுகாமா, ஆக³ச்ச²ந்து அய்யா , இச்சா²மி அய்யானங் ஆக³த’’ந்தி க³ந்தப்³ப³ங், பி⁴க்க²வே, ஸத்தாஹகரணீயேன, அப்பஹிதேபி, பகே³வ பஹிதே – உபஸம்பத³ங் உஸ்ஸுக்கங் கரிஸ்ஸாமி வா, அனுஸ்ஸாவெஸ்ஸாமி வா, க³ணபூரகோ வா ப⁴விஸ்ஸாமீதி. ஸத்தாஹங் ஸன்னிவத்தோ காதப்³போ³.

196. இத⁴ பன, பி⁴க்க²வே, ஸாமணேரோ கி³லானோ ஹோதி. ஸோ சே பி⁴க்கூ²னங் ஸந்திகே தூ³தங் பஹிணெய்ய – ‘‘அஹஞ்ஹி கி³லானோ, ஆக³ச்ச²ந்து பி⁴க்கூ² , இச்சா²மி பி⁴க்கூ²னங் ஆக³த’’ந்தி, க³ந்தப்³ப³ங், பி⁴க்க²வே, ஸத்தாஹகரணீயேன, அப்பஹிதேபி, பகே³வ பஹிதே – ‘‘கி³லானப⁴த்தங் வா பரியேஸிஸ்ஸாமி, கி³லானுபட்டா²கப⁴த்தங் வா பரியேஸிஸ்ஸாமி, கி³லானபே⁴ஸஜ்ஜங் வா பரியேஸிஸ்ஸாமி, புச்சி²ஸ்ஸாமி வா, உபட்ட²ஹிஸ்ஸாமி வா’’தி. ஸத்தாஹங் ஸன்னிவத்தோ காதப்³போ³.

இத⁴ பன, பி⁴க்க²வே, ஸாமணேரஸ்ஸ அனபி⁴ரதி உப்பன்னா ஹோதி…பே॰… ஸாமணேரஸ்ஸ குக்குச்சங் உப்பன்னங் ஹோதி… ஸாமணேரஸ்ஸ தி³ட்டி²க³தங் உப்பன்னங் ஹோதி… ஸாமணேரோ வஸ்ஸங் புச்சி²துகாமோ ஹோதி. ஸோ சே பி⁴க்கூ²னங் ஸந்திகே தூ³தங் பஹிணெய்ய – ‘‘அஹஞ்ஹி வஸ்ஸங் புச்சி²துகாமோ, ஆக³ச்ச²ந்து பி⁴க்கூ², இச்சா²மி பி⁴க்கூ²னங் ஆக³த’’ந்தி, க³ந்தப்³ப³ங், பி⁴க்க²வே, ஸத்தாஹகரணீயேன, அப்பஹிதேபி, பகே³வ பஹிதே – ‘‘புச்சி²ஸ்ஸாமி வா, ஆசிக்கி²ஸ்ஸாமி வா’’தி. ஸத்தாஹங் ஸன்னிவத்தோ காதப்³போ³.

இத⁴ பன, பி⁴க்க²வே, ஸாமணேரோ உபஸம்பஜ்ஜிதுகாமோ ஹோதி. ஸோ சே பி⁴க்கூ²னங் ஸந்திகே தூ³தங் பஹிணெய்ய – ‘‘அஹஞ்ஹி உபஸம்பஜ்ஜிதுகாமோ, ஆக³ச்ச²ந்து பி⁴க்கூ², இச்சா²மி பி⁴க்கூ²னங் ஆக³த’’ந்தி, க³ந்தப்³ப³ங், பி⁴க்க²வே, ஸத்தாஹகரணீயேன, அப்பஹிதேபி, பகே³வ பஹிதே – ‘‘உபஸம்பத³ங் உஸ்ஸுக்கங் கரிஸ்ஸாமி வா, அனுஸ்ஸாவெஸ்ஸாமி வா, க³ணபூரகோ வா ப⁴விஸ்ஸாமீ’’தி. ஸத்தாஹங் ஸன்னிவத்தோ காதப்³போ³.

197. இத⁴ பன, பி⁴க்க²வே, ஸாமணேரீ கி³லானா ஹோதி. ஸா சே பி⁴க்கூ²னங் ஸந்திகே தூ³தங் பஹிணெய்ய – ‘‘அஹஞ்ஹி கி³லானா, ஆக³ச்ச²ந்து அய்யா, இச்சா²மி அய்யானங் ஆக³த’’ந்தி , க³ந்தப்³ப³ங், பி⁴க்க²வே, ஸத்தாஹகரணீயேன, அப்பஹிதேபி, பகே³வ பஹிதே – ‘‘கி³லானப⁴த்தங் வா பரியேஸிஸ்ஸாமி, கி³லானுபட்டா²கப⁴த்தங் வா பரியேஸிஸ்ஸாமி, கி³லானபே⁴ஸஜ்ஜங் வா பரியேஸிஸ்ஸாமி, புச்சி²ஸ்ஸாமி வா, உபட்ட²ஹிஸ்ஸாமி வா’’தி. ஸத்தாஹங் ஸன்னிவத்தோ காதப்³போ³.

இத⁴ பன, பி⁴க்க²வே, ஸாமணேரியா அனபி⁴ரதி உப்பன்னா ஹோதி…பே॰… ஸாமணேரியா குக்குச்சங் உப்பன்னங் ஹோதி… ஸாமணேரியா தி³ட்டி²க³தங் உப்பன்னங் ஹோதி… ஸாமணேரீ வஸ்ஸங் புச்சி²துகாமா ஹோதி. ஸா சே பி⁴க்கூ²னங் ஸந்திகே தூ³தங் பஹிணெய்ய – ‘‘அஹஞ்ஹி வஸ்ஸங் புச்சி²துகாமா, ஆக³ச்ச²ந்து அய்யா, இச்சா²மி அய்யானங் ஆக³த’’ந்தி, க³ந்தப்³ப³ங், பி⁴க்க²வே, ஸத்தாஹகரணீயேன, அப்பஹிதேபி, பகே³வ பஹிதே – ‘‘புச்சி²ஸ்ஸாமி வா, ஆசிக்கி²ஸ்ஸாமி வா’’தி. ஸத்தாஹங் ஸன்னிவத்தோ காதப்³போ³.

இத⁴ பன, பி⁴க்க²வே, ஸாமணேரீ ஸிக்க²ங் ஸமாதி³யிதுகாமா ஹோதி. ஸா சே பி⁴க்கூ²னங் ஸந்திகே தூ³தங் பஹிணெய்ய – ‘‘அஹஞ்ஹி ஸிக்க²ங் ஸமாதி³யிதுகாமா, ஆக³ச்ச²ந்து அய்யா, இச்சா²மி அய்யானங் ஆக³த’’ந்தி, க³ந்தப்³ப³ங், பி⁴க்க²வே, ஸத்தாஹகரணீயேன, அப்பஹிதேபி, பகே³வ பஹிதே – ‘‘ஸிக்கா²ஸமாதா³னங் உஸ்ஸுக்கங் கரிஸ்ஸாமீ’’தி. ஸத்தாஹங் ஸன்னிவத்தோ காதப்³போ³தி.

பஞ்சன்னங் அப்பஹிதேபி அனுஜானநா நிட்டி²தா.

111. ஸத்தன்னங் அப்பஹிதேபி அனுஜானநா

198. தேன கோ² பன ஸமயேன அஞ்ஞதரஸ்ஸ பி⁴க்கு²னோ மாதா கி³லானா ஹோதி. ஸா புத்தஸ்ஸ ஸந்திகே தூ³தங் பாஹேஸி – ‘‘அஹஞ்ஹி கி³லானா, ஆக³ச்ச²து மே புத்தோ, இச்சா²மி புத்தஸ்ஸ ஆக³த’’ந்தி. அத² கோ² தஸ்ஸ பி⁴க்கு²னோ ஏதத³ஹோஸி – ‘‘ப⁴க³வதா பஞ்ஞத்தங் ஸத்தன்னங் ஸத்தாஹகரணீயேன பஹிதே க³ந்துங், ந த்வேவ அப்பஹிதே; பஞ்சன்னங் ஸத்தாஹகரணீயேன அப்பஹிதேபி க³ந்துங், பகே³வ பஹிதேதி. அயஞ்ச மே மாதா கி³லானா, ஸா ச அனுபாஸிகா, கத²ங் நு கோ² மயா படிபஜ்ஜிதப்³ப³’’ந்தி? ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே, ஸத்தன்னங் ஸத்தாஹகரணீயேன அப்பஹிதேபி க³ந்துங், பகே³வ பஹிதே. பி⁴க்கு²ஸ்ஸ, பி⁴க்கு²னியா, ஸிக்க²மானாய, ஸாமணேரஸ்ஸ, ஸாமணேரியா, மாதுயா ச பிதுஸ்ஸ ச – அனுஜானாமி, பி⁴க்க²வே, இமேஸங் ஸத்தன்னங் ஸத்தாஹகரணீயேன அப்பஹிதேபி க³ந்துங், பகே³வ பஹிதே. ஸத்தாஹங் ஸன்னிவத்தோ காதப்³போ³.

இத⁴ பன, பி⁴க்க²வே, பி⁴க்கு²ஸ்ஸ மாதா கி³லானா ஹோதி. ஸா சே புத்தஸ்ஸ ஸந்திகே தூ³தங் பஹிணெய்ய – ‘‘அஹஞ்ஹி கி³லானா, ஆக³ச்ச²து மே புத்தோ, இச்சா²மி புத்தஸ்ஸ ஆக³த’’ந்தி, க³ந்தப்³ப³ங், பி⁴க்க²வே, ஸத்தாஹகரணீயேன, அப்பஹிதேபி, பகே³வ பஹிதே – ‘‘கி³லானப⁴த்தங் வா பரியேஸிஸ்ஸாமி, கி³லானுபட்டா²கப⁴த்தங் வா பரியேஸிஸ்ஸாமி, கி³லானபே⁴ஸஜ்ஜங் வா பரியேஸிஸ்ஸாமி, புச்சி²ஸ்ஸாமி வா, உபட்ட²ஹிஸ்ஸாமி வா’’தி. ஸத்தாஹங் ஸன்னிவத்தோ காதப்³போ³.

இத⁴ பன, பி⁴க்க²வே, பி⁴க்கு²ஸ்ஸ பிதா கி³லானோ ஹோதி. ஸோ சே புத்தஸ்ஸ ஸந்திகே தூ³தங் பஹிணெய்ய – ‘‘அஹஞ்ஹி கி³லானோ, ஆக³ச்ச²து மே புத்தோ, இச்சா²மி புத்தஸ்ஸ ஆக³த’’ந்தி, க³ந்தப்³ப³ங், பி⁴க்க²வே, ஸத்தாஹகரணீயேன, அப்பஹிதேபி, பகே³வ பஹிதே – ‘‘கி³லானப⁴த்தங் வா பரியேஸிஸ்ஸாமி, கி³லானுபட்டா²கப⁴த்தங் வா பரியேஸிஸ்ஸாமி, கி³லானபே⁴ஸஜ்ஜங் வா பரியேஸிஸ்ஸாமி, புச்சி²ஸ்ஸாமி வா, உபட்ட²ஹிஸ்ஸாமி வா’’தி. ஸத்தாஹங் ஸன்னிவத்தோ காதப்³போ³.

ஸத்தன்னங் அப்பஹிதேபி அனுஜானநா நிட்டி²தா.

112. பஹிதேயேவ அனுஜானநா

199 . இத⁴ பன, பி⁴க்க²வே, பி⁴க்கு²ஸ்ஸ பா⁴தா கி³லானோ ஹோதி. ஸோ சே பா⁴துனோ ஸந்திகே தூ³தங் பஹிணெய்ய – ‘‘அஹஞ்ஹி கி³லானோ, ஆக³ச்ச²து மே பா⁴தா, இச்சா²மி பா⁴துனோ ஆக³த’’ந்தி, க³ந்தப்³ப³ங், பி⁴க்க²வே , ஸத்தாஹகரணீயேன, பஹிதே, ந த்வேவ அப்பஹிதே. ஸத்தாஹங் ஸன்னிவத்தோ காதப்³போ³.

இத⁴ பன, பி⁴க்க²வே, பி⁴க்கு²ஸ்ஸ ப⁴கி³னீ கி³லானா ஹோதி. ஸா சே பா⁴துனோ ஸந்திகே தூ³தங் பஹிணெய்ய – ‘‘அஹஞ்ஹி கி³லானா, ஆக³ச்ச²து மே பா⁴தா, இச்சா²மி பா⁴துனோ ஆக³த’’ந்தி, க³ந்தப்³ப³ங், பி⁴க்க²வே, ஸத்தாஹகரணீயேன, பஹிதே, ந த்வேவ அப்பஹிதே. ஸத்தாஹங் ஸன்னிவத்தோ காதப்³போ³.

இத⁴ பன, பி⁴க்க²வே, பி⁴க்கு²ஸ்ஸ ஞாதகோ கி³லானோ ஹோதி. ஸோ சே பி⁴க்கு²ஸ்ஸ ஸந்திகே தூ³தங் பஹிணெய்ய – ‘‘அஹஞ்ஹி கி³லானோ, ஆக³ச்ச²து ப⁴த³ந்தோ, இச்சா²மி ப⁴த³ந்தஸ்ஸ ஆக³த’’ந்தி, க³ந்தப்³ப³ங், பி⁴க்க²வே, ஸத்தாஹகரணீயேன, பஹிதே, ந த்வேவ அப்பஹிதே. ஸத்தாஹங் ஸன்னிவத்தோ காதப்³போ³.

இத⁴ பன, பி⁴க்க²வே, பி⁴க்கு²க³திகோ கி³லானோ ஹோதி. ஸோ சே பி⁴க்கூ²னங் ஸந்திகே தூ³தங் பஹிணெய்ய – ‘‘அஹஞ்ஹி கி³லானோ, ஆக³ச்ச²ந்து ப⁴த³ந்தா, இச்சா²மி ப⁴த³ந்தானங் ஆக³த’’ந்தி, க³ந்தப்³ப³ங், பி⁴க்க²வே, ஸத்தாஹகரணீயேன, பஹிதே, ந த்வேவ அப்பஹிதே. ஸத்தாஹங் ஸன்னிவத்தோ காதப்³போ³.

தேன கோ² பன ஸமயேன ஸங்க⁴ஸ்ஸ விஹாரோ உந்த்³ரியதி. அஞ்ஞதரேன உபாஸகேன அரஞ்ஞே ப⁴ண்ட³ங் சே²தா³பிதங் ஹோதி. ஸோ பி⁴க்கூ²னங் ஸந்திகே தூ³தங் பாஹேஸி – ‘‘ஸசே ப⁴த³ந்தா தங் ப⁴ண்ட³ங் ஆவஹாபெய்யுங், த³ஜ்ஜாஹங் தங் ப⁴ண்ட³’’ந்தி. ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே, ஸங்க⁴கரணீயேன க³ந்துங். ஸத்தாஹங் ஸன்னிவத்தோ காதப்³போ³தி.

பஹிதேயேவ அனுஜானநா நிட்டி²தா.

வஸ்ஸாவாஸபா⁴ணவாரோ நிட்டி²தோ.

113. அந்தராயே அனாபத்திவஸ்ஸச்சே²த³வாரோ

200. தேன கோ² பன ஸமயேன கோஸலேஸு ஜனபதே³ அஞ்ஞதரஸ்மிங் ஆவாஸே வஸ்ஸூபக³தா பி⁴க்கூ² வாளேஹி உப்³பா³ள்ஹா ஹொந்தி. க³ண்ஹிங்ஸுபி பரிபாதிங்ஸுபி. ப⁴க³வதோ ஏதமத்த²ங் ஆரோசேஸுங்.

இத⁴ பன, பி⁴க்க²வே, வஸ்ஸூபக³தா பி⁴க்கூ² வாளேஹி உப்³பா³ள்ஹா ஹொந்தி. க³ண்ஹந்திபி பரிபாதெந்திபி. ஏஸேவ அந்தராயோதி பக்கமிதப்³ப³ங். அனாபத்தி வஸ்ஸச்சே²த³ஸ்ஸ.

இத⁴ பன, பி⁴க்க²வே, வஸ்ஸூபக³தா பி⁴க்கூ² ஸரீஸபேஹி உப்³பா³ள்ஹா ஹொந்தி. ட³ங்ஸந்திபி பரிபாதெந்திபி. ஏஸேவ அந்தராயோதி பக்கமிதப்³ப³ங். அனாபத்தி வஸ்ஸச்சே²த³ஸ்ஸ .

இத⁴ பன, பி⁴க்க²வே, வஸ்ஸூபக³தா பி⁴க்கூ² சோரேஹி உப்³பா³ள்ஹா ஹொந்தி. விலும்பந்திபி ஆகோடெந்திபி. ஏஸேவ அந்தராயோதி பக்கமிதப்³ப³ங். அனாபத்தி வஸ்ஸச்சே²த³ஸ்ஸ.

இத⁴ பன, பி⁴க்க²வே, வஸ்ஸூபக³தா பி⁴க்கூ² பிஸாசேஹி உப்³பா³ள்ஹா ஹொந்தி. ஆவிஸந்திபி ஹனந்திபி ஓஜம்பி ஹரந்தி (ஸீ॰), ஹரந்திபி (ஸ்யா॰). ஏஸேவ அந்தராயோதி பக்கமிதப்³ப³ங். அனாபத்தி வஸ்ஸச்சே²த³ஸ்ஸ.

இத⁴ பன, பி⁴க்க²வே, வஸ்ஸூபக³தானங் பி⁴க்கூ²னங் கா³மோ அக்³கி³னா த³ட்³டோ⁴ ஹோதி. பி⁴க்கூ² பிண்ட³கேன கிலமந்தி. ஏஸேவ அந்தராயோதி பக்கமிதப்³ப³ங். அனாபத்தி வஸ்ஸச்சே²த³ஸ்ஸ.

இத⁴ பன, பி⁴க்க²வே, வஸ்ஸூபக³தானங் பி⁴க்கூ²னங் ஸேனாஸனங் அக்³கி³னா த³ட்³ட⁴ங் ஹோதி. பி⁴க்கூ² ஸேனாஸனேன கிலமந்தி. ஏஸேவ அந்தராயோதி பக்கமிதப்³ப³ங். அனாபத்தி வஸ்ஸச்சே²த³ஸ்ஸ.

இத⁴ பன, பி⁴க்க²வே, வஸ்ஸூபக³தானங் பி⁴க்கூ²னங் கா³மோ உத³கேன வூள்ஹோ ஹோதி. பி⁴க்கூ² பிண்ட³கேன கிலமந்தி. ஏஸேவ அந்தராயோதி பக்கமிதப்³ப³ங். அனாபத்தி வஸ்ஸச்சே²த³ஸ்ஸ.

இத⁴ பன, பி⁴க்க²வே, வஸ்ஸூபக³தானங் பி⁴க்கூ²னங் ஸேனாஸனங் உத³கேன வூள்ஹங் ஹோதி. பி⁴க்கூ² ஸேனாஸனேன கிலமந்தி. ஏஸேவ அந்தராயோதி பக்கமிதப்³ப³ங். அனாபத்தி வஸ்ஸச்சே²த³ஸ்ஸாதி.

201. தேன கோ² பன ஸமயேன அஞ்ஞதரஸ்மிங் ஆவாஸே வஸ்ஸூபக³தானங் பி⁴க்கூ²னங் கா³மோ சோரேஹி வுட்டா²ஸி. ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே, யேன கா³மோ தேன க³ந்துந்தி.

கா³மோ த்³வேதா⁴ பி⁴ஜ்ஜித்த². ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே, யேன ப³ஹுதரா தேன க³ந்துந்தி.

ப³ஹுதரா அஸ்ஸத்³தா⁴ ஹொந்தி அப்பஸன்னா. ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே, யேன ஸத்³தா⁴ பஸன்னா தேன க³ந்துந்தி.

தேன கோ² பன ஸமயேன கோஸலேஸு ஜனபதே³ அஞ்ஞதரஸ்மிங் ஆவாஸே வஸ்ஸூபக³தா பி⁴க்கூ² ந லபி⁴ங்ஸு லூக²ஸ்ஸ வா பணீதஸ்ஸ வா போ⁴ஜனஸ்ஸ யாவத³த்த²ங் பாரிபூரிங். ப⁴க³வதோ ஏதமத்த²ங் ஆரோசேஸுங்.

இத⁴ பன, பி⁴க்க²வே, வஸ்ஸூபக³தா பி⁴க்கூ² ந லப⁴ந்தி லூக²ஸ்ஸ வா பணீதஸ்ஸ வா போ⁴ஜனஸ்ஸ யாவத³த்த²ங் பாரிபூரிங். ஏஸேவ அந்தராயோதி பக்கமிதப்³ப³ங். அனாபத்தி வஸ்ஸச்சே²த³ஸ்ஸ.

இத⁴ பன, பி⁴க்க²வே, வஸ்ஸூபக³தா பி⁴க்கூ² லப⁴ந்தி லூக²ஸ்ஸ வா பணீதஸ்ஸ வா போ⁴ஜனஸ்ஸ யாவத³த்த²ங் பாரிபூரிங், ந லப⁴ந்தி ஸப்பாயானி போ⁴ஜனானி. ஏஸேவ அந்தராயோதி பக்கமிதப்³ப³ங். அனாபத்தி வஸ்ஸச்சே²த³ஸ்ஸ.

இத⁴ பன, பி⁴க்க²வே, வஸ்ஸூபக³தா பி⁴க்கூ² லப⁴ந்தி லூக²ஸ்ஸ வா பணீதஸ்ஸ வா போ⁴ஜனஸ்ஸ யாவத³த்த²ங் பாரிபூரிங், லப⁴ந்தி ஸப்பாயானி போ⁴ஜனானி , ந லப⁴ந்தி ஸப்பாயானி பே⁴ஸஜ்ஜானி. ஏஸேவ அந்தராயோதி பக்கமிதப்³ப³ங். அனாபத்தி வஸ்ஸச்சே²த³ஸ்ஸ.

இத⁴ பன, பி⁴க்க²வே, வஸ்ஸூபக³தா பி⁴க்கூ² லப⁴ந்தி லூக²ஸ்ஸ வா பணீதஸ்ஸ வா போ⁴ஜனஸ்ஸ யாவத³த்த²ங் பாரிபூரிங், லப⁴ந்தி ஸப்பாயானி போ⁴ஜனானி, லப⁴ந்தி ஸப்பாயானி பே⁴ஸஜ்ஜானி, ந லப⁴ந்தி பதிரூபங் உபட்டா²கங். ஏஸேவ அந்தராயோதி பக்கமிதப்³ப³ங். அனாபத்தி வஸ்ஸச்சே²த³ஸ்ஸ.

இத⁴ பன, பி⁴க்க²வே, வஸ்ஸூபக³தங் பி⁴க்கு²ங் இத்தீ² நிமந்தேதி – ‘‘ஏஹி, ப⁴ந்தே, ஹிரஞ்ஞங் வா தே தே³மி, ஸுவண்ணங் வா தே தே³மி, கெ²த்தங் வா தே தே³மி, வத்து²ங் வா தே தே³மி, கா³வுங் வா தே தே³மி, கா³விங் வா தே தே³மி, தா³ஸங் வா தே தே³மி, தா³ஸிங் வா தே தே³மி, தீ⁴தரங் வா தே தே³மி ப⁴ரியத்தா²ய, அஹங் வா தே ப⁴ரியா ஹோமி, அஞ்ஞங் வா தே ப⁴ரியங் ஆனேமீ’’தி. தத்ர சே பி⁴க்கு²னோ ஏவங் ஹோதி, ‘லஹுபரிவத்தங் கோ² சித்தங் வுத்தங் ப⁴க³வதா, ஸியாபி மே ப்³ரஹ்மசரியஸ்ஸ அந்தராயோ’தி, பக்கமிதப்³ப³ங். அனாபத்தி வஸ்ஸச்சே²த³ஸ்ஸ.

இத⁴ பன, பி⁴க்க²வே, வஸ்ஸூபக³தங் பி⁴க்கு²ங் வேஸீ நிமந்தேதி…பே॰… து²ல்லகுமாரீ நிமந்தேதி… பண்ட³கோ நிமந்தேதி… ஞாதகா நிமந்தெந்தி… ராஜானோ நிமந்தெந்தி… சோரா நிமந்தெந்தி… து⁴த்தா நிமந்தெந்தி – ‘‘ஏஹி, ப⁴ந்தே, ஹிரஞ்ஞங் வா தே தே³ம, ஸுவண்ணங் வா தே தே³ம, கெ²த்தங் வா தே தே³ம, வத்து²ங் வா தே தே³ம , கா³வுங் வா தே தே³ம, கா³விங் வா தே தே³ம, தா³ஸங் வா தே தே³ம, தா³ஸிங் வா தே தே³ம, தீ⁴தரங் வா தே தே³ம ப⁴ரியத்தா²ய, அஞ்ஞங் வா தே ப⁴ரியங் ஆனேமா’’தி. தத்ர சே பி⁴க்கு²னோ ஏவங் ஹோதி, ‘லஹுபரிவத்தங் கோ² சித்தங் வுத்தங் ப⁴க³வதா, ஸியாபி மே ப்³ரஹ்மசரியஸ்ஸ அந்தராயோ’தி, பக்கமிதப்³ப³ங். அனாபத்தி வஸ்ஸச்சே²த³ஸ்ஸ.

இத⁴ பன, பி⁴க்க²வே, வஸ்ஸூபக³தோ பி⁴க்கு² அஸ்ஸாமிகங் நிதி⁴ங் பஸ்ஸதி. தத்ர சே பி⁴க்கு²னோ ஏவங் ஹோதி, ‘லஹுபரிவத்தங் கோ² சித்தங் வுத்தங் ப⁴க³வதா, ஸியாபி மே ப்³ரஹ்மசரியஸ்ஸ அந்தராயோ’தி, பக்கமிதப்³ப³ங். அனாபத்தி வஸ்ஸச்சே²த³ஸ்ஸ.

அந்தராயே அனாபத்திவஸ்ஸச்சே²த³வாரோ நிட்டி²தோ.

114. ஸங்க⁴பே⁴தே³ அனாபத்திவஸ்ஸச்சே²த³வாரோ

202. இத⁴ பன, பி⁴க்க²வே, வஸ்ஸூபக³தோ பி⁴க்கு² பஸ்ஸதி ஸம்ப³ஹுலே பி⁴க்கூ² ஸங்க⁴பே⁴தா³ய பரக்கமந்தே. தத்ர சே பி⁴க்கு²னோ ஏவங் ஹோதி, ‘க³ருகோ கோ² ஸங்க⁴பே⁴தோ³ வுத்தோ ப⁴க³வதா; மா மயி ஸம்முகீ²பூ⁴தே ஸங்கோ⁴ பி⁴ஜ்ஜீ’தி, பக்கமிதப்³ப³ங். அனாபத்தி வஸ்ஸச்சே²த³ஸ்ஸ.

இத⁴ பன, பி⁴க்க²வே, வஸ்ஸூபக³தோ பி⁴க்கு² ஸுணாதி – ‘‘அஸுகஸ்மிங் கிர ஆவாஸே ஸம்ப³ஹுலா பி⁴க்கூ² ஸங்க⁴பே⁴தா³ய பரக்கமந்தீ’’தி. தத்ர சே பி⁴க்கு²னோ ஏவங் ஹோதி, ‘க³ருகோ கோ² ஸங்க⁴பே⁴தோ³ வுத்தோ ப⁴க³வதா; மா மயி ஸம்முகீ²பூ⁴தே ஸங்கோ⁴ பி⁴ஜ்ஜீ’தி, பக்கமிதப்³ப³ங். அனாபத்தி வஸ்ஸச்சே²த³ஸ்ஸ.

இத⁴ பன, பி⁴க்க²வே, வஸ்ஸூபக³தோ பி⁴க்கு² ஸுணாதி – ‘‘அஸுகஸ்மிங் கிர ஆவாஸே ஸம்ப³ஹுலா பி⁴க்கூ² ஸங்க⁴பே⁴தா³ய பரக்கமந்தீ’’தி. தத்ர சே பி⁴க்கு²னோ ஏவங் ஹோதி – ‘‘தே கோ² மே பி⁴க்கூ² மித்தா. த்யாஹங் வக்கா²மி ‘க³ருகோ கோ², ஆவுஸோ, ஸங்க⁴பே⁴தோ³ வுத்தோ ப⁴க³வதா; மாயஸ்மந்தானங் ஸங்க⁴பே⁴தோ³ ருச்சித்தா²’தி. கரிஸ்ஸந்தி மே வசனங், ஸுஸ்ஸூஸிஸ்ஸந்தி, ஸோதங் ஓத³ஹிஸ்ஸந்தீ’’தி, பக்கமிதப்³ப³ங். அனாபத்தி வஸ்ஸச்சே²த³ஸ்ஸ.

இத⁴ பன, பி⁴க்க²வே, வஸ்ஸூபக³தோ பி⁴க்கு² ஸுணாதி – ‘‘அஸுகஸ்மிங் கிர ஆவாஸே ஸம்ப³ஹுலா பி⁴க்கூ² ஸங்க⁴பே⁴தா³ய பரக்கமந்தீ’’தி. தத்ர சே பி⁴க்கு²னோ ஏவங் ஹோதி – ‘‘தே கோ² மே பி⁴க்கூ² ந மித்தா; அபி ச யே தேஸங் மித்தா, தே மே மித்தா. த்யாஹங் வக்கா²மி. தே வுத்தா தே வக்க²ந்தி ‘க³ருகோ கோ², ஆவுஸோ, ஸங்க⁴பே⁴தோ³ வுத்தோ ப⁴க³வதா; மாயஸ்மந்தானங் ஸங்க⁴பே⁴தோ³ ருச்சித்தா²’தி. கரிஸ்ஸந்தி தேஸங் வசனங், ஸுஸ்ஸூஸிஸ்ஸந்தி, ஸோதங் ஓத³ஹிஸ்ஸந்தீ’’தி, பக்கமிதப்³ப³ங். அனாபத்தி வஸ்ஸச்சே²த³ஸ்ஸ.

இத⁴ பன, பி⁴க்க²வே, வஸ்ஸூபக³தோ பி⁴க்கு² ஸுணாதி – ‘‘அஸுகஸ்மிங் கிர ஆவாஸே ஸம்ப³ஹுலேஹி பி⁴க்கூ²ஹி ஸங்கோ⁴ பி⁴ன்னோ’’தி. தத்ர சே பி⁴க்கு²னோ ஏவங் ஹோதி – ‘‘தே கோ² மே பி⁴க்கூ² மித்தா. த்யாஹங் வக்கா²மி ‘க³ருகோ கோ², ஆவுஸோ, ஸங்க⁴பே⁴தோ³ வுத்தோ ப⁴க³வதா; மாயஸ்மந்தானங் ஸங்க⁴பே⁴தோ³ ருச்சித்தா²’தி. கரிஸ்ஸந்தி மே வசனங், ஸுஸ்ஸூஸிஸ்ஸந்தி, ஸோதங் ஓத³ஹிஸ்ஸந்தீ’’தி, பக்கமிதப்³ப³ங். அனாபத்தி வஸ்ஸச்சே²த³ஸ்ஸ.

இத⁴ பன, பி⁴க்க²வே, வஸ்ஸூபக³தோ பி⁴க்கு² ஸுணாதி – ‘‘அஸுகஸ்மிங் கிர ஆவாஸே ஸம்ப³ஹுலேஹி பி⁴க்கூ²ஹி ஸங்கோ⁴ பி⁴ன்னோ’’தி. தத்ர சே பி⁴க்கு²னோ ஏவங் ஹோதி – ‘‘தே கோ² மே பி⁴க்கூ² ந மித்தா; அபி ச, யே தேஸங் மித்தா தே மே மித்தா. த்யாஹங் வக்கா²மி. தே வுத்தா தே வக்க²ந்தி ‘க³ருகோ கோ², ஆவுஸோ, ஸங்க⁴பே⁴தோ³ வுத்தோ ப⁴க³வதா; மாயஸ்மந்தானங் ஸங்க⁴பே⁴தோ³ ருச்சித்தா²’தி. கரிஸ்ஸந்தி தேஸங் வசனங், ஸுஸ்ஸூஸிஸ்ஸந்தி , ஸோதங் ஓத³ஹிஸ்ஸந்தீ’’தி, பக்கமிதப்³ப³ங். அனாபத்தி வஸ்ஸச்சே²த³ஸ்ஸ.

இத⁴ பன, பி⁴க்க²வே, வஸ்ஸூபக³தோ பி⁴க்கு² ஸுணாதி – ‘‘அமுகஸ்மிங் கிர ஆவாஸே ஸம்ப³ஹுலா பி⁴க்கு²னியோ ஸங்க⁴பே⁴தா³ய பரக்கமந்தீ’’தி. தத்ர சே பி⁴க்கு²னோ ஏவங் ஹோதி – ‘‘தா கோ² மே பி⁴க்கு²னியோ மித்தா. தாஹங் வக்கா²மி ‘க³ருகோ கோ², ப⁴கி³னியோ, ஸங்க⁴பே⁴தோ³ வுத்தோ ப⁴க³வதா; மா ப⁴கி³னீனங் ஸங்க⁴பே⁴தோ³ ருச்சித்தா²’தி. கரிஸ்ஸந்தி மே வசனங், ஸுஸ்ஸூஸிஸ்ஸந்தி, ஸோதங் ஓத³ஹிஸ்ஸந்தீ’’தி, பக்கமிதப்³ப³ங். அனாபத்தி வஸ்ஸச்சே²த³ஸ்ஸ.

இத⁴ பன, பி⁴க்க²வே, வஸ்ஸூபக³தோ பி⁴க்கு² ஸுணாதி – ‘‘அமுகஸ்மிங் கிர ஆவாஸே ஸம்ப³ஹுலா பி⁴க்கு²னியோ ஸங்க⁴பே⁴தா³ய பரக்கமந்தீ’’தி. தத்ர சே பி⁴க்கு²னோ ஏவங் ஹோதி – ‘‘தா கோ² மே பி⁴க்கு²னியோ ந மித்தா. அபி ச, யா தாஸங் மித்தா, தா மே மித்தா. தாஹங் வக்கா²மி. தா வுத்தா தா வக்க²ந்தி ‘க³ருகோ கோ², ப⁴கி³னியோ, ஸங்க⁴பே⁴தோ³ வுத்தோ ப⁴க³வதா. மா ப⁴கி³னீனங் ஸங்க⁴பே⁴தோ³ ருச்சித்தா²’தி. கரிஸ்ஸந்தி தாஸங் வசனங், ஸுஸ்ஸூஸிஸ்ஸந்தி, ஸோதங் ஓத³ஹிஸ்ஸந்தீ’’தி, பக்கமிதப்³ப³ங். அனாபத்தி வஸ்ஸச்சே²த³ஸ்ஸதி.

இத⁴ பன, பி⁴க்க²வே, வஸ்ஸூபக³தோ பி⁴க்கு² ஸுணாதி – ‘‘அமுகஸ்மிங் கிர ஆவாஸே ஸம்ப³ஹுலாஹி பி⁴க்கு²னீஹி ஸங்கோ⁴ பி⁴ன்னோ’’தி. தத்ர சே பி⁴க்கு²னோ ஏவங் ஹோதி – ‘‘தா கோ² மே பி⁴க்கு²னியோ மித்தா. தாஹங் வக்கா²மி ‘க³ருகோ கோ², ப⁴கி³னியோ, ஸங்க⁴பே⁴தோ³ வுத்தோ ப⁴க³வதா. மா ப⁴கி³னீனங் ஸங்க⁴பே⁴தோ³ ருச்சித்தா²’தி. கரிஸ்ஸந்தி மே வசனங், ஸுஸ்ஸூஸிஸ்ஸந்தி, ஸோதங் ஓத³ஹிஸ்ஸந்தீ’’தி, பக்கமிதப்³ப³ங். அனாபத்தி வஸ்ஸச்சே²த³ஸ்ஸதி.

இத⁴ பன, பி⁴க்க²வே, வஸ்ஸூபக³தோ பி⁴க்கு² ஸுணாதி – ‘‘அமுகஸ்மிங் கிர ஆவாஸே ஸம்ப³ஹுலாஹி பி⁴க்கு²னீஹி ஸங்கோ⁴ பி⁴ன்னோ’’தி. தத்ர சே பி⁴க்கு²னோ ஏவங் ஹோதி – ‘‘தா கோ² மே பி⁴க்கு²னியோ ந மித்தா. அபி ச, யா தாஸங் மித்தா தா மே மித்தா. தாஹங் வக்கா²மி. தா வுத்தா தா வக்க²ந்தி ‘க³ருகோ கோ², ப⁴கி³னியோ அய்யாயோ (ஸீ॰), ஸங்க⁴பே⁴தோ³ வுத்தோ ப⁴க³வதா; மா ப⁴கி³னீனங் அய்யானங் (ஸீ॰) ஸங்க⁴பே⁴தோ³ ருச்சித்தா²’தி. கரிஸ்ஸந்தி தாஸங் வசனங், ஸுஸ்ஸூஸிஸ்ஸந்தி, ஸோதங் ஓத³ஹிஸ்ஸந்தீ’’தி, பக்கமிதப்³ப³ங். அனாபத்தி வஸ்ஸச்சே²த³ஸ்ஸாதி.

ஸங்க⁴பே⁴தே³ அனாபத்திவஸ்ஸச்சே²த³வாரோ நிட்டி²தோ.

115. வஜாதீ³ஸு வஸ்ஸூபக³மனங்

203. தேன கோ² பன ஸமயேன அஞ்ஞதரோ பி⁴க்கு² வஜே வஸ்ஸங் உபக³ந்துகாமோ ஹோதி. ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே, வஜே வஸ்ஸங் உபக³ந்துந்தி. வஜோ வுட்டா²ஸி. ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே, யேன வஜோ தேன க³ந்துந்தி.

தேன கோ² பன ஸமயேன அஞ்ஞதரோ பி⁴க்கு² உபகட்டா²ய வஸ்ஸூபனாயிகாய ஸத்தே²ன க³ந்துகாமோ ஹோதி. ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே, ஸத்தே² வஸ்ஸங் உபக³ந்துந்தி.

தேன கோ² பன ஸமயேன அஞ்ஞதரோ பி⁴க்கு² உபகட்டா²ய வஸ்ஸூபனாயிகாய நாவாய க³ந்துகாமோ ஹோதி. ப⁴க³வதோ ஏதமத்த²ங் ஆரோசேஸுங். அனுஜானாமி, பி⁴க்க²வே, நாவாய வஸ்ஸங் உபக³ந்துந்தி.

வஜாதீ³ஸு வஸ்ஸூபக³மனங் நிட்டி²தங்.

116. வஸ்ஸங் அனுபக³ந்தப்³ப³ட்டா²னானி

204. தேன கோ² பன ஸமயேன பி⁴க்கூ² ருக்க²ஸுஸிரே வஸ்ஸங் உபக³ச்ச²ந்தி. மனுஸ்ஸா உஜ்ஜா²யந்தி கி²ய்யந்தி விபாசெந்தி – ‘‘ஸெய்யதா²பி பிஸாசில்லிகா’’தி. ப⁴க³வதோ ஏதமத்த²ங் ஆரோசேஸுங். ந, பி⁴க்க²வே, ருக்க²ஸுஸிரே வஸ்ஸங் உபக³ந்தப்³ப³ங். யோ உபக³ச்செ²ய்ய, ஆபத்தி து³க்கடஸ்ஸாதி.

தேன கோ² பன ஸமயேன பி⁴க்கூ² ருக்க²விடபி⁴யா வஸ்ஸங் உபக³ச்ச²ந்தி. மனுஸ்ஸா உஜ்ஜா²யந்தி கி²ய்யந்தி விபாசெந்தி – ‘‘ஸெய்யதா²பி மிக³லுத்³த³கா’’தி. ப⁴க³வதோ ஏதமத்த²ங் ஆரோசேஸுங். ந, பி⁴க்க²வே, ருக்க²விடபி⁴யா வஸ்ஸங் உபக³ந்தப்³ப³ங். யோ உபக³ச்செ²ய்ய, ஆபத்தி து³க்கடஸ்ஸாதி.

தேன கோ² பன ஸமயேன பி⁴க்கூ² அஜ்ஜோ²காஸே வஸ்ஸங் உபக³ச்ச²ந்தி. தே³வே வஸ்ஸந்தே ருக்க²மூலம்பி நிப்³ப³கோஸம்பி உபதா⁴வந்தி. ப⁴க³வதோ ஏதமத்த²ங் ஆரோசேஸுங். ந, பி⁴க்க²வே, அஜ்ஜோ²காஸே வஸ்ஸங் உபக³ந்தப்³ப³ங். யோ உபக³ச்செ²ய்ய, ஆபத்தி து³க்கடஸ்ஸாதி.

தேன கோ² பன ஸமயேன பி⁴க்கூ² அஸேனாஸனிகா வஸ்ஸங் உபக³ச்ச²ந்தி. ஸீதேனபி கிலமந்தி, உண்ஹேனபி கிலமந்தி. ப⁴க³வதோ ஏதமத்த²ங் ஆரோசேஸுங். ந, பி⁴க்க²வே, அஸேனாஸனிகேன வஸ்ஸங் உபக³ந்தப்³ப³ங். யோ உபக³ச்செ²ய்ய, ஆபத்தி து³க்கடஸ்ஸாதி.

தேன கோ² பன ஸமயேன பி⁴க்கூ² ச²வகுடிகாய வஸ்ஸங் உபக³ச்ச²ந்தி. மனுஸ்ஸா உஜ்ஜா²யந்தி கி²ய்யந்தி விபாசெந்தி – ‘‘ஸெய்யதா²பி ச²வடா³ஹகா’’தி. ப⁴க³வதோ ஏதமத்த²ங் ஆரோசேஸுங். ந, பி⁴க்க²வே, ச²வகுடிகாய வஸ்ஸங் உபக³ந்தப்³ப³ங். யோ உபக³ச்செ²ய்ய, ஆபத்தி து³க்கடஸ்ஸாதி.

தேன கோ² பன ஸமயேன பி⁴க்கூ² ச²த்தே வஸ்ஸங் உபக³ச்ச²ந்தி. மனுஸ்ஸா உஜ்ஜா²யந்தி கி²ய்யந்தி விபாசெந்தி – ‘‘ஸெய்யதா²பி கோ³பாலகா’’தி. ப⁴க³வதோ ஏதமத்த²ங் ஆரோசேஸுங். ந, பி⁴க்க²வே, ச²த்தே வஸ்ஸங் உபக³ந்தப்³ப³ங். யோ உபக³ச்செ²ய்ய, ஆபத்தி து³க்கடஸ்ஸாதி.

தேன கோ² பன ஸமயேன பி⁴க்கூ² சாடியா வஸ்ஸங் உபக³ச்ச²ந்தி. மனுஸ்ஸா உஜ்ஜா²யந்தி கி²ய்யந்தி விபாசெந்தி – ‘‘ஸெய்யதா²பி தித்தி²யா’’தி. ப⁴க³வதோ ஏதமத்த²ங் ஆரோசேஸுங். ந, பி⁴க்க²வே, சாடியா வஸ்ஸங் உபக³ந்தப்³ப³ங். யோ உபக³ச்செ²ய்ய, ஆபத்தி து³க்கடஸ்ஸாதி.

வஸ்ஸங் அனுபக³ந்தப்³ப³ட்டா²னானி நிட்டி²தா.

117. அத⁴ம்மிககதிகா

205. தேன கோ² பன ஸமயேன ஸாவத்தி²யா ஸங்கே⁴ன ஏவரூபா கதிகா கதா ஹோதி – அந்தராவஸ்ஸங் ந பப்³பா³ஜேதப்³ப³ந்தி. விஸாகா²ய மிகா³ரமாதுயா நத்தா பி⁴க்கூ² உபஸங்கமித்வா பப்³ப³ஜ்ஜங் யாசி. பி⁴க்கூ² ஏவமாஹங்ஸு – ‘‘ஸங்கே⁴ன கோ², ஆவுஸோ, ஏவரூபா கதிகா கதா ‘அந்தராவஸ்ஸங் ந பப்³பா³ஜேதப்³ப³’ந்தி. ஆக³மேஹி, ஆவுஸோ, யாவ பி⁴க்கூ² வஸ்ஸங் வஸந்தி. வஸ்ஸங்வுட்டா² பப்³பா³ஜெஸ்ஸந்தீ’’தி. அத² கோ² தே பி⁴க்கூ² வஸ்ஸங்வுட்டா² விஸாகா²ய மிகா³ரமாதுயா நத்தாரங் ஏதத³வோசுங் – ‘‘ஏஹி, தா³னி, ஆவுஸோ, பப்³ப³ஜாஹீ’’தி. ஸோ ஏவமாஹ – ‘‘ஸசாஹங், ப⁴ந்தே, பப்³ப³ஜிதோ அஸ்ஸங், அபி⁴ரமெய்யாமஹங் அபி⁴ரமெய்யங் சாஹங் (ஸீ॰). ந தா³னாஹங், ப⁴ந்தே, பப்³ப³ஜிஸ்ஸாமீ’’தி. விஸாகா² மிகா³ரமாதா உஜ்ஜா²யதி கி²ய்யதி விபாசேதி – ‘‘கத²ஞ்ஹி நாம அய்யா ஏவரூபங் கதிகங் கரிஸ்ஸந்தி ‘ந அந்தராவஸ்ஸங் பப்³பா³ஜேதப்³ப³’ந்தி. கங் காலங் த⁴ம்மோ ந சரிதப்³போ³’’தி? அஸ்ஸோஸுங் கோ² பி⁴க்கூ² விஸாகா²ய மிகா³ரமாதுயா உஜ்ஜா²யந்தியா கி²ய்யந்தியா விபாசெந்தியா. அத² கோ² தே பி⁴க்கூ² ப⁴க³வதோ ஏதமத்த²ங் ஆரோசேஸுங். ந, பி⁴க்க²வே, ஏவரூபா கதிகா காதப்³பா³ – ‘ந அந்தராவஸ்ஸங் பப்³பா³ஜேதப்³ப³’ந்தி. யோ கரெய்ய, ஆபத்தி து³க்கடஸ்ஸாதி.

அத⁴ம்மிககதிகா நிட்டி²தா.

118. படிஸ்ஸவது³க்கடாபத்தி

206. தேன கோ² பன ஸமயேன ஆயஸ்மதா உபனந்தே³ன ஸக்யபுத்தேன ரஞ்ஞோ பஸேனதி³ஸ்ஸ கோஸலஸ்ஸ வஸ்ஸாவாஸோ படிஸ்ஸுதோ ஹோதி புரிமிகாய. ஸோ தங் ஆவாஸங் க³ச்ச²ந்தோ அத்³த³ஸ அந்தராமக்³கே³ த்³வே ஆவாஸே ப³ஹுசீவரகே. தஸ்ஸ ஏதத³ஹோஸி – ‘‘யங்னூனாஹங் இமேஸு த்³வீஸு ஆவாஸேஸு வஸ்ஸங் வஸெய்யங். ஏவங் மே ப³ஹுங் சீவரங் ப³ஹுசீவரங் (க॰) உப்பஜ்ஜிஸ்ஸதீ’’தி. ஸோ தேஸு த்³வீஸு ஆவாஸேஸு வஸ்ஸங் வஸி. ராஜா பஸேனதி³ கோஸலோ உஜ்ஜா²யதி கி²ய்யதி விபாசேதி – ‘‘கத²ஞ்ஹி நாம அய்யோ உபனந்தோ³ ஸக்யபுத்தோ அம்ஹாகங் வஸ்ஸாவாஸங் படிஸ்ஸுணித்வா விஸங்வாதெ³ஸ்ஸதி. நனு ப⁴க³வதா அனேகபரியாயேன முஸாவாதோ³ க³ரஹிதோ, முஸாவாதா³ வேரமணீ பஸத்தா²’’தி. அஸ்ஸோஸுங் கோ² பி⁴க்கூ² ரஞ்ஞோ பஸேனதி³ஸ்ஸ கோஸலஸ்ஸ உஜ்ஜா²யந்தஸ்ஸ கி²ய்யந்தஸ்ஸ விபாசெந்தஸ்ஸ. யே தே பி⁴க்கூ² அப்பிச்சா²…பே॰… தே உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம ஆயஸ்மா உபனந்தோ³ ஸக்யபுத்தோ ரஞ்ஞோ பஸேனதி³ஸ்ஸ கோஸலஸ்ஸ வஸ்ஸாவாஸங் படிஸ்ஸுணித்வா விஸங்வாதெ³ஸ்ஸதி. நனு ப⁴க³வதா அனேகபரியாயேன முஸாவாதோ³ க³ரஹிதோ, முஸாவாதா³ வேரமணீ பஸத்தா²’’தி. அத² கோ² தே பி⁴க்கூ² ப⁴க³வதோ ஏதமத்த²ங் ஆரோசேஸுங்…பே॰… அத² கோ² ப⁴க³வா ஏதஸ்மிங் நிதா³னே ஏதஸ்மிங் பகரணே பி⁴க்கு²ஸங்க⁴ங் ஸன்னிபாதாபெத்வா ஆயஸ்மந்தங் உபனந்த³ங் ஸக்யபுத்தங் படிபுச்சி² – ‘‘ஸச்சங் கிர த்வங், உபனந்த³, ரஞ்ஞோ பஸேனதி³ஸ்ஸ கோஸலஸ்ஸ வஸ்ஸாவாஸங் படிஸ்ஸுணித்வா விஸங்வாதே³ஸீ’’தி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம த்வங், மோக⁴புரிஸ, ரஞ்ஞோ பஸேனதி³ஸ்ஸ கோஸலஸ்ஸ வஸ்ஸாவாஸங் படிஸ்ஸுணித்வா விஸங்வாதெ³ஸ்ஸஸி. நனு மயா, மோக⁴புரிஸ, அனேகபரியாயேன முஸாவாதோ³ க³ரஹிதோ, முஸாவாதா³ வேரமணீ பஸத்தா². நேதங், மோக⁴புரிஸ, அப்பஸன்னானங் வா பஸாதா³ய…பே॰… விக³ரஹித்வா…பே॰… த⁴ம்மிங் கத²ங் கத்வா பி⁴க்கூ² ஆமந்தேஸி –

207. இத⁴ பன, பி⁴க்க²வே, பி⁴க்கு²னா வஸ்ஸாவாஸோ படிஸ்ஸுதோ ஹோதி புரிமிகாய. ஸோ தங் ஆவாஸங் க³ச்ச²ந்தோ பஸ்ஸதி அந்தராமக்³கே³ த்³வே ஆவாஸே ப³ஹுசீவரகே. தஸ்ஸ ஏவங் ஹோதி – ‘‘யங்னூனாஹங் இமேஸு த்³வீஸு ஆவாஸேஸு வஸ்ஸங் வஸெய்யங். ஏவங் மே ப³ஹுங் சீவரங் உப்பஜ்ஜிஸ்ஸதீ’’தி. ஸோ தேஸு த்³வீஸு ஆவாஸேஸு வஸ்ஸங் வஸதி. தஸ்ஸ, பி⁴க்க²வே, பி⁴க்கு²னோ புரிமிகா ச ந பஞ்ஞாயதி, படிஸ்ஸவே ச ஆபத்தி து³க்கடஸ்ஸ.

இத⁴ பன, பி⁴க்க²வே, பி⁴க்கு²னா வஸ்ஸாவாஸோ படிஸ்ஸுதோ ஹோதி புரிமிகாய. ஸோ தங் ஆவாஸங் க³ச்ச²ந்தோ ப³ஹித்³தா⁴ உபோஸத²ங் கரோதி, பாடிபதே³ பாடிபதே³ன (க॰) விஹாரங் உபேதி, ஸேனாஸனங் பஞ்ஞபேதி, பானீயங் பரிபோ⁴ஜனீயங் உபட்டா²பேதி, பரிவேணங் ஸம்மஜ்ஜதி. ஸோ தத³ஹேவ அகரணீயோ பக்கமதி. தஸ்ஸ, பி⁴க்க²வே, பி⁴க்கு²னோ புரிமிகா ச ந பஞ்ஞாயதி, படிஸ்ஸவே ச ஆபத்தி து³க்கடஸ்ஸ.

இத⁴ பன, பி⁴க்க²வே, பி⁴க்கு²னா வஸ்ஸாவாஸோ படிஸ்ஸுதோ ஹோதி புரிமிகாய. ஸோ தங் ஆவாஸங் க³ச்ச²ந்தோ ப³ஹித்³தா⁴ உபோஸத²ங் கரோதி, பாடிபதே³ விஹாரங் உபேதி, ஸேனாஸனங் பஞ்ஞபேதி, பானீயங் பரிபோ⁴ஜனீயங் உபட்டா²பேதி, பரிவேணங் ஸம்மஜ்ஜதி. ஸோ தத³ஹேவ ஸகரணீயோ பக்கமதி. தஸ்ஸ , பி⁴க்க²வே, பி⁴க்கு²னோ புரிமிகா ச ந பஞ்ஞாயதி, படிஸ்ஸவே ச ஆபத்தி து³க்கடஸ்ஸ.

இத⁴ பன, பி⁴க்க²வே, பி⁴க்கு²னா வஸ்ஸாவாஸோ படிஸ்ஸுதோ ஹோதி புரிமிகாய. ஸோ தங் ஆவாஸங் க³ச்ச²ந்தோ ப³ஹித்³தா⁴ உபோஸத²ங் கரோதி, பாடிபதே³ விஹாரங் உபேதி, ஸேனாஸனங் பஞ்ஞபேதி, பானீயங் பரிபோ⁴ஜனீயங் உபட்டா²பேதி, பரிவேணங் ஸம்மஜ்ஜதி. ஸோ த்³வீஹதீஹங் வஸித்வா அகரணீயோ பக்கமதி. தஸ்ஸ, பி⁴க்க²வே, பி⁴க்கு²னோ புரிமிகா ச ந பஞ்ஞாயதி, படிஸ்ஸவே ச ஆபத்தி து³க்கடஸ்ஸ.

இத⁴ பன, பி⁴க்க²வே, பி⁴க்கு²னா வஸ்ஸாவாஸோ படிஸ்ஸுதோ ஹோதி புரிமிகாய. ஸோ தங் ஆவாஸங் க³ச்ச²ந்தோ ப³ஹித்³தா⁴ உபோஸத²ங் கரோதி, பாடிபதே³ விஹாரங் உபேதி, ஸேனாஸனங் பஞ்ஞபேதி, பானீயங் பரிபோ⁴ஜனீயங் உபட்டா²பேதி, பரிவேணங் ஸம்மஜ்ஜதி. ஸோ த்³வீஹதீஹங் வஸித்வா ஸகரணீயோ பக்கமதி. தஸ்ஸ, பி⁴க்க²வே, பி⁴க்கு²னோ புரிமிகா ச ந பஞ்ஞாயதி, படிஸ்ஸவே ச ஆபத்தி து³க்கடஸ்ஸ.

இத⁴ பன, பி⁴க்க²வே, பி⁴க்கு²னா வஸ்ஸாவாஸோ படிஸ்ஸுதோ ஹோதி புரிமிகாய. ஸோ தங் ஆவாஸங் க³ச்ச²ந்தோ ப³ஹித்³தா⁴ உபோஸத²ங் கரோதி, பாடிபதே³ விஹாரங் உபேதி, ஸேனாஸனங் பஞ்ஞபேதி, பானீயங் பரிபோ⁴ஜனீயங் உபட்டா²பேதி, பரிவேணங் ஸம்மஜ்ஜதி. ஸோ த்³வீஹதீஹங் வஸித்வா ஸத்தாஹகரணீயேன பக்கமதி. ஸோ தங் ஸத்தாஹங் ப³ஹித்³தா⁴ வீதினாமேதி. தஸ்ஸ, பி⁴க்க²வே, பி⁴க்கு²னோ புரிமிகா ச ந பஞ்ஞாயதி, படிஸ்ஸவே ச ஆபத்தி து³க்கடஸ்ஸ.

இத⁴ பன, பி⁴க்க²வே, பி⁴க்கு²னா வஸ்ஸாவாஸோ படிஸ்ஸுதோ ஹோதி புரிமிகாய. ஸோ தங் ஆவாஸங் க³ச்ச²ந்தோ ப³ஹித்³தா⁴ உபோஸத²ங் கரோதி, பாடிபதே³ விஹாரங் உபேதி, ஸேனாஸனங் பஞ்ஞபேதி, பானீயங் பரிபோ⁴ஜனீயங் உபட்டா²பேதி, பரிவேணங் ஸம்மஜ்ஜதி. ஸோ த்³வீஹதீஹங் வஸித்வா ஸத்தாஹகரணீயேன பக்கமதி . ஸோ தங் ஸத்தாஹங் அந்தோ ஸன்னிவத்தங் கரோதி. தஸ்ஸ, பி⁴க்க²வே, பி⁴க்கு²னோ புரிமிகா ச பஞ்ஞாயதி, படிஸ்ஸவே ச அனாபத்தி.

இத⁴ பன, பி⁴க்க²வே , பி⁴க்கு²னா வஸ்ஸாவாஸோ படிஸ்ஸுதோ ஹோதி புரிமிகாய. ஸோ தங் ஆவாஸங் க³ச்ச²ந்தோ ப³ஹித்³தா⁴ உபோஸத²ங் கரோதி, பாடிபதே³ விஹாரங் உபேதி, ஸேனாஸனங் பஞ்ஞபேதி, பானீயங் பரிபோ⁴ஜனீயங் உபட்டா²பேதி , பரிவேணங் ஸம்மஜ்ஜதி. ஸோ ஸத்தாஹங் அனாக³தாய பவாரணாய ஸகரணீயோ பக்கமதி. ஆக³ச்செ²ய்ய வா ஸோ, பி⁴க்க²வே, பி⁴க்கு² தங் ஆவாஸங் ந வா ஆக³ச்செ²ய்ய, தஸ்ஸ, பி⁴க்க²வே, பி⁴க்கு²னோ புரிமிகா ச பஞ்ஞாயதி, படிஸ்ஸவே ச அனாபத்தி.

இத⁴ பன, பி⁴க்க²வே, பி⁴க்கு²னா வஸ்ஸாவாஸோ படிஸ்ஸுதோ ஹோதி புரிமிகாய. ஸோ தங் ஆவாஸங் க³ந்த்வா உபோஸத²ங் கரோதி, பாடிபதே³ விஹாரங் உபேதி, ஸேனாஸனங் பஞ்ஞபேதி, பானீயங் பரிபோ⁴ஜனீயங் உபட்டா²பேதி, பரிவேணங் ஸம்மஜ்ஜதி. ஸோ தத³ஹேவ அகரணீயோ பக்கமதி. தஸ்ஸ, பி⁴க்க²வே, பி⁴க்கு²னோ புரிமிகா ச ந பஞ்ஞாயதி, படிஸ்ஸவே ச ஆபத்தி து³க்கடஸ்ஸ.

இத⁴ பன, பி⁴க்க²வே, பி⁴க்கு²னா வஸ்ஸாவாஸோ படிஸ்ஸுதோ ஹோதி புரிமிகாய. ஸோ தங் ஆவாஸங் க³ந்த்வா உபோஸத²ங் கரோதி, பாடிபதே³ விஹாரங் உபேதி, ஸேனாஸனங் பஞ்ஞபேதி, பானீயங் பரிபோ⁴ஜனீயங் உபட்டா²பேதி, பரிவேணங் ஸம்மஜ்ஜதி. ஸோ தத³ஹேவ ஸகரணீயோ பக்கமதி…பே॰… ஸோ த்³வீஹதீஹங் வஸித்வா அகரணீயோ பக்கமதி…பே॰… ஸோ த்³வீஹதீஹங் வஸித்வா ஸகரணீயோ பக்கமதி…பே॰… ஸோ த்³வீஹதீஹங் வஸித்வா ஸத்தாஹகரணீயேன பக்கமதி. ஸோ தங் ஸத்தாஹங் ப³ஹித்³தா⁴ வீதினாமேதி. தஸ்ஸ, பி⁴க்க²வே, பி⁴க்கு²னோ புரிமிகா ச ந பஞ்ஞாயதி, படிஸ்ஸவே ச ஆபத்தி து³க்கடஸ்ஸ…பே॰… ஸோ த்³வீஹதீஹங் வஸித்வா ஸத்தாஹகரணீயேன பக்கமதி. ஸோ தங் ஸத்தாஹங் அந்தோ ஸன்னிவத்தங் கரோதி. தஸ்ஸ, பி⁴க்க²வே, பி⁴க்கு²னோ புரிமிகா ச பஞ்ஞாயதி, படிஸ்ஸவே ச அனாபத்தி…பே॰… ஸோ ஸத்தாஹங் அனாக³தாய பவாரணாய ஸகரணீயோ பக்கமதி. ஆக³ச்செ²ய்ய வா ஸோ, பி⁴க்க²வே, பி⁴க்கு² தங் ஆவாஸங் ந வா ஆக³ச்செ²ய்ய, தஸ்ஸ, பி⁴க்க²வே, பி⁴க்கு²னோ புரிமிகா ச பஞ்ஞாயதி, படிஸ்ஸவே ச அனாபத்தி.

208. இத⁴ பன, பி⁴க்க²வே, பி⁴க்கு²னா வஸ்ஸாவாஸோ படிஸ்ஸுதோ ஹோதி பச்சி²மிகாய. ஸோ தங் ஆவாஸங் க³ச்ச²ந்தோ ப³ஹித்³தா⁴ உபோஸத²ங் கரோதி, பாடிபதே³ விஹாரங் உபேதி, ஸேனாஸனங் பஞ்ஞபேதி, பானீயங் பரிபோ⁴ஜனீயங் உபட்டா²பேதி, பரிவேணங் ஸம்மஜ்ஜதி. ஸோ தத³ஹேவ அகரணீயோ பக்கமதி. தஸ்ஸ, பி⁴க்க²வே, பி⁴க்கு²னோ பச்சி²மிகா ச ந பஞ்ஞாயதி, படிஸ்ஸவே ச ஆபத்தி து³க்கடஸ்ஸ.

இத⁴ பன, பி⁴க்க²வே, பி⁴க்கு²னா வஸ்ஸாவாஸோ படிஸ்ஸுதோ ஹோதி பச்சி²மிகாய. ஸோ தங் ஆவாஸங் க³ச்ச²ந்தோ ப³ஹித்³தா⁴ உபோஸத²ங் கரோதி, பாடிபதே³ விஹாரங் உபேதி, ஸேனாஸனங் பஞ்ஞபேதி, பானீயங் பரிபோ⁴ஜனீயங் உபட்டா²பேதி, பரிவேணங் ஸம்மஜ்ஜதி. ஸோ தத³ஹேவ ஸகரணீயோ பக்கமதி. தஸ்ஸ, பி⁴க்க²வே, பி⁴க்கு²னோ பச்சி²மிகா ச ந பஞ்ஞாயதி, படிஸ்ஸவே ச ஆபத்தி து³க்கடஸ்ஸ.

இத⁴ பன, பி⁴க்க²வே, பி⁴க்கு²னா வஸ்ஸாவாஸோ படிஸ்ஸுதோ ஹோதி பச்சி²மிகாய. ஸோ தங் ஆவாஸங் க³ச்ச²ந்தோ ப³ஹித்³தா⁴ உபோஸத²ங் கரோதி, பாடிபதே³ விஹாரங் உபேதி, ஸேனாஸனங் பஞ்ஞபேதி, பானீயங் பரிபோ⁴ஜனீயங் உபட்டா²பேதி, பரிவேணங் ஸம்மஜ்ஜதி. ஸோ த்³வீஹதீஹங் வஸித்வா அகரணீயோ பக்கமதி . தஸ்ஸ, பி⁴க்க²வே, பி⁴க்கு²னோ பச்சி²மிகா ச ந பஞ்ஞாயதி, படிஸ்ஸவே ச ஆபத்தி து³க்கடஸ்ஸ.

இத⁴ பன, பி⁴க்க²வே, பி⁴க்கு²னா வஸ்ஸாவாஸோ படிஸ்ஸுதோ ஹோதி பச்சி²மிகாய. ஸோ தங் ஆவாஸங் க³ச்ச²ந்தோ ப³ஹித்³தா⁴ உபோஸத²ங் கரோதி, பாடிபதே³ விஹாரங் உபேதி, ஸேனாஸனங் பஞ்ஞபேதி, பானீயங் பரிபோ⁴ஜனீயங் உபட்டா²பேதி, பரிவேணங் ஸம்மஜ்ஜதி. ஸோ த்³வீஹதீஹங் வஸித்வா ஸகரணீயோ பக்கமதி. தஸ்ஸ, பி⁴க்க²வே, பி⁴க்கு²னோ பச்சி²மிகா ச ந பஞ்ஞாயதி, படிஸ்ஸவே ச ஆபத்தி து³க்கடஸ்ஸ.

இத⁴ பன, பி⁴க்க²வே, பி⁴க்கு²னா வஸ்ஸாவாஸோ படிஸ்ஸுதோ ஹோதி பச்சி²மிகாய. ஸோ தங் ஆவாஸங் க³ச்ச²ந்தோ ப³ஹித்³தா⁴ உபோஸத²ங் கரோதி, பாடிபதே³ விஹாரங் உபேதி, ஸேனாஸனங் பஞ்ஞபேதி, பானீயங் பரிபோ⁴ஜனீயங் உபட்டா²பேதி, பரிவேணங் ஸம்மஜ்ஜதி. ஸோ த்³வீஹதீஹங் வஸித்வா ஸத்தாஹகரணீயேன பக்கமதி. ஸோ தங் ஸத்தாஹங் ப³ஹித்³தா⁴ வீதினாமேதி. தஸ்ஸ, பி⁴க்க²வே, பி⁴க்கு²னோ பச்சி²மிகா ச ந பஞ்ஞாயதி, படிஸ்ஸவே ச ஆபத்தி து³க்கடஸ்ஸ.

இத⁴ பன, பி⁴க்க²வே, பி⁴க்கு²னா வஸ்ஸாவாஸோ படிஸ்ஸுதோ ஹோதி பச்சி²மிகாய. ஸோ தங் ஆவாஸங் க³ச்ச²ந்தோ ப³ஹித்³தா⁴ உபோஸத²ங் கரோதி, பாடிபதே³ விஹாரங் உபேதி, ஸேனாஸனங் பஞ்ஞபேதி, பானீயங் பரிபோ⁴ஜனீயங் உபட்டா²பேதி, பரிவேணங் ஸம்மஜ்ஜதி. ஸோ த்³வீஹதீஹங் வஸித்வா ஸத்தாஹகரணீயேன பக்கமதி. ஸோ தங் ஸத்தாஹங் அந்தோ ஸன்னிவத்தங் கரோதி. தஸ்ஸ, பி⁴க்க²வே, பி⁴க்கு²னோ பச்சி²மிகா ச பஞ்ஞாயதி, படிஸ்ஸவே ச அனாபத்தி.

இத⁴ பன, பி⁴க்க²வே, பி⁴க்கு²னா வஸ்ஸாவாஸோ படிஸ்ஸுதோ ஹோதி பச்சி²மிகாய. ஸோ தங் ஆவாஸங் க³ச்ச²ந்தோ ப³ஹித்³தா⁴ உபோஸத²ங் கரோதி, பாடிபதே³ விஹாரங் உபேதி, ஸேனாஸனங் பஞ்ஞபேதி, பானீயங் பரிபோ⁴ஜனீயங் உபட்டா²பேதி, பரிவேணங் ஸம்மஜ்ஜதி. ஸோ ஸத்தாஹங் அனாக³தாய கோமுதி³யா சாதுமாஸினியா ஸகரணீயோ பக்கமதி. ஆக³ச்செ²ய்ய வா ஸோ, பி⁴க்க²வே, பி⁴க்கு² தங் ஆவாஸங் ந வா ஆக³ச்செ²ய்ய, தஸ்ஸ, பி⁴க்க²வே, பி⁴க்கு²னோ பச்சி²மிகா ச பஞ்ஞாயதி, படிஸ்ஸவே ச அனாபத்தி.

இத⁴ பன, பி⁴க்க²வே, பி⁴க்கு²னா வஸ்ஸாவாஸோ படிஸ்ஸுதோ ஹோதி பச்சி²மிகாய. ஸோ தங் ஆவாஸங் க³ந்த்வா உபோஸத²ங் கரோதி, பாடிபதே³ விஹாரங் உபேதி, ஸேனாஸனங் பஞ்ஞபேதி, பானீயங் பரிபோ⁴ஜனீயங் உபட்டா²பேதி, பரிவேணங் ஸம்மஜ்ஜதி. ஸோ தத³ஹேவ அகரணீயோ பக்கமதி. தஸ்ஸ, பி⁴க்க²வே, பி⁴க்கு²னோ பச்சி²மிகா ச ந பஞ்ஞாயதி, படிஸ்ஸவே ச ஆபத்தி து³க்கடஸ்ஸ.

இத⁴ பன, பி⁴க்க²வே, பி⁴க்கு²னா வஸ்ஸாவாஸோ படிஸ்ஸுதோ ஹோதி பச்சி²மிகாய. ஸோ தங் ஆவாஸங் க³ந்த்வா உபோஸத²ங் கரோதி, பாடிபதே³ விஹாரங் உபேதி, ஸேனாஸனங் பஞ்ஞபேதி, பானீயங் பரிபோ⁴ஜனீயங் உபட்டா²பேதி, பரிவேணங் ஸம்மஜ்ஜதி. ஸோ தத³ஹேவ ஸகரணீயோ பக்கமதி…பே॰… ஸோ த்³வீஹதீஹங் வஸித்வா அகரணீயோ பக்கமதி …பே॰… ஸோ த்³வீஹதீஹங் வஸித்வா ஸகரணீயோ பக்கமதி…பே॰… ஸோ த்³வீஹதீஹங் வஸித்வா ஸத்தாஹகரணீயேன பக்கமதி. ஸோ தங் ஸத்தாஹங் ப³ஹித்³தா⁴ வீதினாமேதி. தஸ்ஸ, பி⁴க்க²வே, பி⁴க்கு²னோ பச்சி²மிகா ச ந பஞ்ஞாயதி, படிஸ்ஸவே ச ஆபத்தி து³க்கடஸ்ஸ…பே॰… ஸோ த்³வீஹதீஹங் வஸித்வா ஸத்தாஹகரணீயேன பக்கமதி. ஸோ தங் ஸத்தாஹங் அந்தோ ஸன்னிவத்தங் கரோதி. தஸ்ஸ பி⁴க்க²வே, பி⁴க்கு²னோ பச்சி²மிகா ச பஞ்ஞாயதி, படிஸ்ஸவே ச அனாபத்தி.

இத⁴ பன, பி⁴க்க²வே, பி⁴க்கு²னா வஸ்ஸாவாஸோ படிஸ்ஸுதோ ஹோதி பச்சி²மிகாய. ஸோ தங் ஆவாஸங் க³ந்த்வா உபோஸத²ங் கரோதி, பாடிபதே³ விஹாரங் உபேதி, ஸேனாஸனங் பஞ்ஞபேதி, பானீயங் பரிபோ⁴ஜனீயங் உபட்டா²பேதி, பரிவேணங் ஸம்மஜ்ஜதி. ஸோ ஸத்தாஹங் அனாக³தாய கோமுதி³யா சாதுமாஸினியா ஸகரணீயோ பக்கமதி. ஆக³ச்செ²ய்ய வா ஸோ, பி⁴க்க²வே, பி⁴க்கு² தங் ஆவாஸங் ந வா ஆக³ச்செ²ய்ய, தஸ்ஸ, பி⁴க்க²வே, பி⁴க்கு²னோ பச்சி²மிகா ச பஞ்ஞாயதி, படிஸ்ஸவே ச அனாபத்தீதி.

படிஸ்ஸவது³க்கடாபத்தி நிட்டி²தா.

வஸ்ஸூபனாயிகக்க²ந்த⁴கோ ததியோ.

119. தஸ்ஸுத்³தா³னங்

உபக³ந்துங் கதா³ சேவ, கதி அந்தராவஸ்ஸ ச;

ந இச்ச²ந்தி ச ஸஞ்சிச்ச, உக்கட்³டி⁴துங் உபாஸகோ.

கி³லானோ மாதா ச பிதா, பா⁴தா ச அத² ஞாதகோ;

பி⁴க்கு²க³திகோ விஹாரோ, வாளா சாபி ஸரீஸபா.

சோரோ சேவ பிஸாசா ச, த³ட்³டா⁴ தது³ப⁴யேன ச;

வூள்ஹோத³கேன வுட்டா²ஸி, ப³ஹுதரா ச தா³யகா.

லூக²ப்பணீதஸப்பாய, பே⁴ஸஜ்ஜுபட்ட²கேன ச;

இத்தீ² வேஸீ குமாரீ ச, பண்ட³கோ ஞாதகேன ச.

ராஜா சோரா து⁴த்தா நிதி⁴, பே⁴த³அட்ட²விதே⁴ன பே⁴தா³ அட்ட²விதே⁴ன (ஸீ॰ ஸ்யா॰) ச;

வஜஸத்தா² ச நாவா ச, ஸுஸிரே விடபி⁴யா ச.

அஜ்ஜோ²காஸே வஸ்ஸாவாஸோ, அஸேனாஸனிகேன ச;

ச²வகுடிகா ச²த்தே ச, சாடியா ச உபெந்தி தே.

கதிகா படிஸ்ஸுணித்வா, ப³ஹித்³தா⁴ ச உபோஸதா²;

புரிமிகா பச்சி²மிகா, யதா²ஞாயேன யோஜயே.

அகரணீ பக்கமதி, ஸகரணீ ததே²வ ச;

த்³வீஹதீஹா ச புன ச த்³வீஹதீஹங் வஸித்வான (ஸீ॰), ஸத்தாஹகரணீயேன ச.

ஸத்தாஹனாக³தா சேவ, ஆக³ச்செ²ய்ய ந எய்ய வா;

வத்து²த்³தா³னே அந்தரிகா, தந்திமக்³க³ங் நிஸாமயேதி.

இமம்ஹி க²ந்த⁴கே வத்தூ²னி த்³வேபண்ணாஸ.

வஸ்ஸூபனாயிகக்க²ந்த⁴கோ நிட்டி²தோ.