Tatiyap±r±jikakath±

241. Manussaj±ti½ j±nanto, j²vit± yo viyojaye;
nikkhipeyyassa sattha½ v±, vadeyya maraºe guºa½.
242. Deseyya maraº³p±ya½, hot±yampi par±jito;
asandheyyova so ñeyyo, dvedh± bhinnasil± viya.
243. Vutt± p±º±tip±tassa, payog± cha mahesin±;
s±hatthiko tath±ºatti-nissaggith±var±dayo.
244. Tattha k±yena v± k±ya-paµibaddhena v± saya½;
m±rentassa para½ gh±to, aya½ s±hatthiko mato.
245. “Eva½ tva½ paharitv± ta½, m±reh²”ti ca bhikkhuno;
parass±º±pana½ n±ma, ayam±ºattiko nayo.
246. D³ra½ m±retuk±massa, usu-±dinip±tana½;
k±yena paµibaddhena, aya½ nissaggiyo vidhi.
247. Asañc±rimup±yena, m±raºattha½ parassa ca;
op±t±dividh±na½ tu, payogo th±varo aya½.
248. Para½ m±retuk±massa, vijj±ya jappana½ pana;
aya½ vijj±mayo n±ma, payogo pañcamo mato.
249. Samatth± m±raºe y± ca, iddhi kammavip±kaj±;
ayamiddhimayo n±ma, payogo samud²rito.
250. Ekeko duvidho tattha, hot²ti parid²pito;
uddesopi anuddeso, bhedo tesamaya½ pana.
251. Bahusvapi yamuddissa, pah±ra½ deti ce pana;
maraºena ca tasseva, kammun± tena bajjhati.
252. Anuddissa pah±repi, yassa kassaci dehino;
pah±rappaccay± tassa, maraºa½ ce par±jayo.
253. Mate pahaµamatte v±, pacch± mubhayath±pi ca;
hant± pahaµamattasmi½, kammun± tena bajjhati.
254. Eva½ s±hatthiko ñeyyo, tath± ±ºattikopi ca;
ett±vat± sam±sena, dve payog± hi dassit±.
255. Vatthu k±lo ca deso ca, satthañca iriy±patho;
karaºassa visesoti, cha ±ºattiniy±mak±.
256. M±retabbo hi yo tattha, so “vatth³”ti pavuccati;
pubbaºh±di siy± k±lo, satt±na½ yobban±di ca.
257. Deso g±m±di viññeyyo, sattha½ ta½ sattam±raºa½;
m±retabbassa sattassa, nisajj±diriy±patho.
258. Vijjhana½ bhedanañc±pi, chedana½ t±¼anampi v±;
evam±dividhoneko, viseso karaºassa tu.
259. “Ya½ m±reh²”ti ±ºatto, añña½ m±reti ce tato;
“purato paharitv±na, m±reh²”ti ca bh±sito.
260. Pacchato passato v±pi, paharitv±na m±rite;
vatth±ºatti visaªket±, m³laµµho pana muccati.
261. Vatthu½ ta½ avirajjhitv±, yath±ºattiñca m±rite;
ubhayesa½ yath±k±la½, kammabaddho ud²rito.
262. ¾ºatto “ajja pubbaºhe, m±reh²”ti ca yo pana;
so ce m±reti s±yanhe, m³laµµho parimuccati.
263. ¾ºattasseva so vutto;
kammabaddho mahesin±;
k±lassa hi visaªket±;
doso n±º±pakassa so.
264. “Ajja m±rehi pubbaºhe, svev±”ti aniy±mite;
yad± kad±ci pubbaºhe, visaªketo na m±rite.
265. Eteneva up±yena, k±labhedesu sabbaso;
saªketo ca visaªketo, veditabbo vibh±vin±.
266. “Ima½ g±me µhita½ veri½, m±reh²”ti ca bh±sito;
sace so pana m±reti, µhita½ ta½ yattha katthaci.
267. Natthi tassa visaªketo, ubho bajjhanti kammun±;
“g±meyev±”ti ±ºatto, vane v± s±vadh±raºa½.
268. “Vaneyev±”ti v± vutto, g±me m±reti cepi v±;
visaªketo viññ±tabbo, m³laµµho parimuccati.
269. Eteneva up±yena, sabbadesesu bhedato;
saªketo ca visaªketo, veditabbova viññun±.
270. “Satthena pana m±rehi, ±ºatto”ti ca kenaci;
yena kenaci satthena, visaªketo na m±rite.
271. “Imin± v±sin± h²”ti, vutto aññena v±sin±;
“imass±sissa v±pi tva½, dh±r±yet±ya m±raya”.
272. Iti vutto sace veri½, dh±r±ya itar±ya v±;
tharun± v±pi tuº¹ena, visaªketova m±rite.
273. Eteneva up±yena, sabb±vudhakaj±tisu;
saªketo ca visaªketo, veditabbo visesato.
274. “Gacchantamena½ m±rehi”, iti vutto parena so;
m±reti na½ nisinna½ ce, visaªketo na vijjati.
275. “Nisinna½yeva m±rehi”, “gacchanta½yeva v±”ti ca;
vutto m±reti gacchanta½, nisinna½ v± yath±kkama½.
276. Visaªketanti ñ±tabba½, bhikkhun± vinayaññun±;
eseva ca nayo ñeyyo, sabbiriy±pathesu ca.
277. “M±reh²”ti ca vijjhitv±, ±ºatto hi parena so;
vijjhitv±va tam±reti, visaªketo na vijjati.
278. “M±reh²”ti ca vijjhitv±, ±ºatto hi parena so;
chinditv± yadi m±reti, visaªketova hoti so.
279. Eteneva up±yena, sabbesu karaºesupi;
saªkete ca visaªkete, veditabbo vinicchayo.
280. D²gha½ rassa½ kisa½ th³la½, k±¼a½ od±tameva v±;
±ºatto aniy±metv±, m±reh²ti ca kenaci.
281. Sopi ya½ kiñci ±ºatto, sace m±reti t±disa½;
natthi tattha visaªketo, ubhinnampi par±jayo.
282. Manussa½ kiñci uddissa, sace khaºativ±µaka½;
khaºantassa ca op±ta½, hoti ±patti dukkaµa½.
283. Dukkhassuppattiy± tattha, tassa thullaccaya½ siy±;
patitv± ca mate tasmi½, tassa p±r±jika½ bhave.
284. Nipatitv± panaññasmi½, mate doso na vijjati;
anuddissakamop±to, khato hoti sace pana.
285. “Patitv± ettha yo koci, marat³”ti hi yattak±;
maranti nipatitv± ce, dos± hontissa tattak±.
286. ¾nantariyavatthusmi½, ±nantariyaka½ vade;
tath± thullaccay±d²na½, honti thullaccay±dayo.
287. Patitv± gabbhin² tasmi½, sagabbh± ce marissati;
honti p±º±tip±t± dve, ekovekekadha½sane.
288. Anubandhettha corehi, patitv± ce marissati;
op±takhaºakasseva, hoti p±r±jika½ kira.
289. Verino tattha p±tetv±, sace m±renti verino;
patita½ tattha m±renti, n²haritv± sace bahi.
290. Nibbattitv± hi op±te, mat± ce opap±tik±;
asakkont± ca nikkhantu½, sabbattha ca par±jayo.
291. Yakkh±dayo panuddissa, khaºane dukkhasambhave;
dukkaµa½ maraºe vatthu-vas± thullaccay±dayo.
292. Manusseyeva uddissa, khate op±take pana;
an±patti patitv± hi, yakkh±d²su matesupi.
293. Tath± yakkh±dayo p±ºe, khate uddissa bhikkhun±;
nipatitv± marantesu, manussesupyaya½ nayo.
294. “P±ºino ettha bajjhitv±, marant³”ti anuddisa½;
p±sa½ o¹¹eti yo tattha, sace bajjhanti p±ºino.
295. Hatthato muttamattasmi½, tassa p±r±jika½ siy±;
±nantariyavatthusmi½, ±nantariyameva ca.
296. Uddissa hi kate p±se, ya½ panuddissa o¹¹ito;
bandhanesu tadaññesa½, an±patti pak±sit±.
297. M³lena v± mudh± v±pi, dinne p±se parassa hi;
m³laµµhasseva hot²ti, kammabaddho niy±mito.
298. Yena laddho sace lopi, p±samugga¼itampi v±;
thira½ v±pi karoteva½, ubhinna½ kammabandhana½.
299. Yo p±sa½ ugga¼±petv±, y±ti p±pabhay± sace;
ta½ disv± puna aññopi, saºµhapeti hi tattha ca.
300. Baddh± baddh± maranti ce, m³laµµho na ca muccati;
µhapetv± gahitaµµh±ne, p±sayaµµhi½ vimuccati.
301. Gopetv±pi na mokkho hi, p±sayaµµhi½ saya½kata½;
tamañño puna gaºhitv±, saºµhapeti sace pana.
302. Tappaccay± marantesu, m³laµµho na ca muccati;
n±setv± sabbaso v± ta½, jh±petv± v± vimuccati.
303. Ropentassa ca s³la½ v±, sajjentassa ad³hala½;
op±tena ca p±sena, sadisova vinicchayo.
304. An±patti asañcicca, aj±nantassa bhikkhuno;
tath±maraºacittassa, matepyummattak±dino.
305. Manussap±ºimhi ca p±ºasaññit±;
sacassa citta½ maraº³pasa½hita½;
upakkamo tena ca tassa n±so;
pañcettha aªg±ni manussagh±te.

Iti vinayavinicchaye tatiyap±r±jikakath± niµµhit±.