1047. Avaŗŗa½nupasampanna-santike pana bhikkhuno;
asammatassa bhikkhussa, bh±sato yassa kassaci.
1048. S±maŗerassa v± vaŗŗa½, sammat±sammatassapi;
vadato dukkaµa½ hoti, yassa kassaci santike.
1049. Chand±d²na½ vaseneva, karonta½ bhaŗato pana;
an±patti kriy±sesa-manantarasama½ mata½.

Ujjh±panakath±.

1050. Ajjhok±se tu mańc±di½, attano v± parassa v±;
atth±ya santhar±petv±, santharitv±pi v± pana.
1051. Nevuddhareyya saŖghassa, uddhar±peyya v± na ta½;
pakkamanto sace tassa, hoti p±citti bhikkhuno.
1052. Vassike caturo m±se, sace devo na vassati;
ajjhok±se tath± c±pi, µhapetu½ na ca vaµµati.
1053. Yattha vassati hemante, catt±ro aparepi ca;
µhapetu½ tattha mańc±di½, aµµha m±se na vaµµati.
1054. K±k±d²na½ niv±sasmi½, rukkham³le kad±cipi;
mańc±di½ pana saŖghassa, µhapetu½ na ca vaµµati.
1055. Ańńassatth±ya ya½ kińci, santhata½ yadi saŖghika½;
yattha katthaci v± µh±ne, yena kenaci bhikkhun±.
1056. Y±va so na nis²deyya, “gacch±”ti na vadeyya v±;
t±va santh±rakasseva, bh±ro tanti pavuccati.
1057. Sace ta½ s±maŗerena, santhar±peti santhata½;
santhar±pitabhikkhussa, palibodhoti d²pito.
1058. Santhata½ bhikkhun± ta½ ce, bh±ro tasseva t±va ta½;
y±va ±ŗ±pako tattha, ±gantv± na nis²dati.
1059. Bhikkhu½ v± s±maŗera½ v±, ±r±mikamup±saka½;
an±pucch± niyy±tetv±, saŖghika½ sayan±sana½.
1060. Le¹¹upp±tamatikkamma, gacchato paµhame pade;
dukkaµa½, dutiye v±re, p±cittiyamud²rita½.
1061. Żhatv± bhojanas±l±ya½, vatv± yo s±maŗeraka½;
asukasmi½ div±µµh±ne, pańń±peh²ti mańcaka½.
1062. Nikkhamitv± sace tasm±, µh±n± ańńattha gacchati;
p±duddh±rena so bhikkhu, k±retabboti d²pito.
1063. Tikap±cittiya½ vutta½, tik±t²tena satthun±;
tath± puggalike tena, d²pita½ tikadukkaµa½.
1064. Cimili½ taµµika½ camma½, phalaka½ p±dapuńchani½;
bh³mattharaŗaka½ v±pi, uttarattharaŗampi v±.
1065. D±rumattikabhaŗ¹±ni patt±dh±rakameva v±;
abbhok±se µhapetv± ta½, gacchato hoti dukkaµa½.
1066. Sace ±rańńaken±pi, anovasse ca no sati;
laggetv± pana rukkhasmi½, gantabba½ tu yath±sukha½.
1067. Yath± upacik±d²hi, na khajjati na lujjati;
tath± katv±pi ta½ sabba½, gantu½ pana ca vaµµati.
1068. An±pattuddhar±petv±, ±pucchitv±pi gacchato;
attano santake ruddhe, ±pad±supi bhikkhuno.
1069. Samuµµh±n±dayo sabbe, kathinena sam± mat±;
kriy±kriyamida½ vutta-mayameva visesat±.

Paµhamasen±sanakath±.

1070. Bhisicimilik± bh³ma-ttharaŗa½ uttaratthara½;
taµµik± cammakhaŗ¹o ca, paccattharanis²dana½.
1071. Santh±ro tiŗapaŗŗ±na½, seyy± dasavidh± siy±;
sabbacchannaparicchanne, vih±re bhikkhu yo pana.
1072. Eta½ dasavidha½ seyya½, santharitv±pi v± saya½;
anuddharitv±n±pucch±, atikkamati ta½ sace.
1073. ¾r±mass³pac±ra½ v±, parikkhepa½ panassa v±;
paµhame dukkaµa½ p±de, p±citti dutiye siy±.
1074. Sen±sanassa seyy±ya, ubhayesa½ vin±sato;
gacchato santharitvanto-gabbhe p±citti vaŗŗit±.
1075. Upac±re vih±rassa, dukkaµa½ maŗ¹ap±dike;
gacchato santharitv± v±, seyy±matta½ vin±sato.
1076. Tikap±cittiya½ vutta½, saŖghike dasavatthuke;
tath± puggalike tassa, d²pita½ tikadukkaµa½.
1077. An±pattuddharitv± v±, ±puccha½ v±pi gacchato;
palibuddhepi v±ńńena, attano santakepi v±.
1078. S±pekkhova ca gantv± ta½, tattha µhatv±pi pucchati;
samuµµh±n±dayo sabbe, anantarasam± mat±.

Dutiyasen±sanakath±.

1079. Yo pubbupagata½ bhikkhu½, j±na½ anupakhajja ca;
kappeyya saŖghik±v±se, seyya½ p±cittiyassa ce.
1080. P±dadhovanap±s±ŗ±, pavisantassa bhikkhuno;
y±va ta½ mańcap²µha½ v±, nikkhamantassa v± pana.
1081. Mańcap²µhakato y±va, pass±vaµµh±nameva tu;
etthantare ida½ µh±na½, upac±roti vuccati.
1082. Tattha b±dhetuk±massa, upac±re tu bhikkhuno;
dasasvańńatara½ seyya½, santharantassa dukkaµa½.
1083. Nis²dantassa v± tattha, nipajjantassa v± pana;
tath± dvepi karontassa, hoti p±cittiyadvaya½.
1084. Punappuna½ karontassa, payogagaŗan±vas±;
tikap±cittiya½ vutta½, puggale tikadukkaµa½.
1085. Vutt³pac±ra½ muńcitv±, seyya½ santharatopi v±;
vih±rass³pac±re v±, ajjhok±sepi v± pana.
1086. Santhar±payato v±pi, tattha tassa nis²dato;
sabbattha dukkaµa½ vutta½, niv±so ca niv±rito.
1087. An±patti gil±nassa, s²t±dupp²¼itassa v±;
±pad±supi bhikkhussa, tath± ummattak±dino.
1088. Samuµµh±n±dayo sabbe, paµhamantimavatthun±;
sadis±ti ca vińńeyy±, hot²da½ dukkhavedana½.

Anupakhajjakath±.

1089. Vih±r± saŖghik± bhikkhu½, nikka¹¹heyya sace pana;
nikka¹¹h±peyya v± kuddho, tassa p±cittiya½ siy±.
1090. Bahubh³m±pi p±s±d±, payogenekakena yo;
nikka¹¹heti sace tassa, ek± p±citti d²pit±.
1091. Żhapetv± ca µhapetv± ca, nikka¹¹hantassa antar±;
dv±r±na½ gaŗan±yassa, honti p±cittiyo pana.
1092. “Nikkham±”ti vadantassa, v±c±yapi aya½ nayo;
±ŗattiy± khaŗeyeva, ±ŗ±pentassa dukkaµa½.
1093. Sace so sakim±ŗatto, dv±repi bahuke pana;
atikk±meti ek±va, bahuk±ni bah³ni ce.
1094. Tass³paµµh±nas±l±di-vih±rass³pac±rato
k±yenapi ca v±c±ya, tath± nikka¹¹hanepi ca.
1095. Vih±rass³pac±r± v±, vih±r± v±pi cetara½;
nikka¹¹hantassa sabbesa½, parikkh±rampi dukkaµa½.
1096. Asambaddhesu bhikkhussa, parikkh±resu paŗ¹ito;
vatth³na½ gaŗan±yassa, dukkaµa½ parid²paye.
1097. Antev±simalajji½ v±, tath± saddhivih±rika½;
nikka¹¹hantassa ummatta½, saya½ ummattakassa ca.
1098. Attano vasanaµµh±n±, tath± viss±sikassa v±;
parikkh±rańca v± tesa½, an±patti pak±sit±.
1099. SaŖgh±r±m±pi sabbasm±, tath± kalahak±raka½;
ida½ tu tisamuµµh±na½, vedan± dukkhavedan±.

Nikka¹¹hanakath±.

1100. Majjhim±s²saghaµµ±ya, veh±sakuµiy³pari;
±haccap±dake mańce, p²µhe v± pana bhikkhuno.
1101. Nis²dantassa v± tasmi½, nipajjantassa v± pana;
payogagaŗan±yeva, tassa p±cittiyo siyu½.
1102. Tikap±cittiya½ vutta½, puggale tikadukkaµa½;
heµµh± aparibhoge v±, s²saghaµµ±ya v± pana.
1103. Aveh±savih±re v±, attano santakepi v±;
viss±sikavih±re v±, na dosummattak±dino.
1104. Yattha paµ±ŗi v± dinn±, tattha µhatv± lageti v±;
idame¼akalomena, samuµµh±na½ sama½ mata½.

Veh±sakuµikath±.

1105. Y±va dv±rassa kosamh±, agga¼aµµhapan±ya tu;
bhikkhun± limpitabba½ v±, lep±petabbameva v±.
1106. Ńeyyo ±lokasandh²na½, parikammepyaya½ nayo;
chadanassa dvattipariy±ya½, µhitena harite pana.
1107. Adhiµµheyya½ tato uddha½, adhiµµheti sace pana;
tassa p±cittiya½ hoti, dukkaµa½ tattha tiµµhato.
1108. Piµµhiva½se µhito koci, chadanassa mukhavaµµiy±;
yasmi½ µh±ne µhita½ bhikkhu½, olokento na passati.
1109. Tasmi½ µh±ne pana µh±tu½, neva bhikkhussa vaµµati;
vih±rassa patantassa, patanok±sato hi ta½.
1110. Šnakadvattipariy±ye, atirekoti sańńino;
tattha vematikass±pi, hoti ±patti dukkaµa½.
1111. Na doso dvattipariy±ye, leŗe tiŗakuµ²su v±;
samuµµh±n±dayo sabbe, sańcarittasam± mat±.

Dvattipariy±yakath±.

1112. J±na½ sapp±ŗaka½ toya½, tiŗa½ v± mattikampi v±;
yadi sińceyya p±citti, sińc±peyya parehi v±.
1113. Acchinditv± sace dh±ra½, mattika½ sińcato pana;
ekasmimpi ghaµe ek±, p±citti parid²pit±.
1114. Vicchindati sace dh±ra½, payogagaŗan±vas±;
sammukhampi karontassa, m±tika½ sandam±naka½.
1115. Ek±va ce siy±patti, divasampi ca sandatu;
bandhato tattha tatthassa, payogagaŗan± siy±.
1116. Sace sakaµapuŗŗampi, mattika½ tiŗameva v±;
udake pakkhipantassa, ek± p±citti ekato.
1117. Ekeka½ pakkhipantassa, payogagaŗan±ya ce;
khaya½ v± ±vilatta½ v±, jala½ gacchati t±dise.
1118. “Sińc±h²”ti vadantassa, hoti ±patti dukkaµa½;
ek±y±ŗattiy± ek±, divasampi ca sińcato.
1119. App±ŗe udake suddhe, sapp±ŗamiti sańńino;
sabbattha vimatiss±pi, hoti ±patti dukkaµa½.
1120. Sabbatth±p±ŗasańńissa, asańcicc±satissa v±;
aj±nato an±patti, tath± ummattak±dino.
1121. Sapp±ŗakatta½ toyassa, sapp±ŗanti vij±nana½;
vin± vadhakacittena, tiŗ±d²na½ nisecana½.
1122. Catt±revassa aŖg±ni, niddiµµh±ni mahesin±;
adinn±d±natuly±va, samuµµh±n±dayo nay±.
1123. Ida½ paŗŗattivajjańca, ticittańc±ti d²pita½;
idamevettha niddiµµha½, tassa cassa visesana½.

Sapp±ŗakakath±.

Sen±sanavaggo dutiyo.

1124. Bhikkhuss±µµhaŖgayuttassa, bhikkhunov±dasammuti;
idha ńatticatutthena, anuńń±t± mahesin±.