36. Up±lid±rakavatthu

99. [Ida½ vatthu p±ci. 402 ±dayo] tena kho pana samayena r±jagahe sattarasavaggiy± d±rak± sah±yak± honti. Up±lid±rako tesa½ p±mokkho hoti. Atha kho up±lissa m±t±pit³na½ etadahosi– “kena nu kho up±yena up±li amh±ka½ accayena sukhañca j²veyya, na ca kilameyy±”ti? Atha kho up±lissa m±t±pit³na½ etadahosi– “sace kho up±li lekha½ sikkheyya, eva½ kho up±li amh±ka½ accayena sukhañca j²veyya, na ca kilameyy±”ti. Atha kho up±lissa m±t±pit³na½ etadahosi– “sace kho up±li lekha½ sikkhissati, aªguliyo dukkh± bhavissanti. Sace kho up±li gaºana½ sikkheyya, eva½ kho up±li amh±ka½ accayena sukhañca j²veyya, na ca kilameyy±”ti. Atha kho up±lissa m±t±pit³na½ etadahosi– “sace kho up±li gaºana½ sikkhissati, urassa dukkho bhavissati. Sace kho up±li r³pa½ sikkheyya, eva½ kho up±li amh±ka½ accayena sukhañca j²veyya, na ca kilameyy±”ti. Atha kho up±lissa m±t±pit³na½ etadahosi– “sace kho up±li r³pa½ sikkhissati, akkh²ni dukkh± bhavissanti. Ime kho samaº± sakyaputtiy± sukhas²l± sukhasam±c±r±, subhojan±ni bhuñjitv± niv±tesu sayanesu sayanti Sace kho up±li samaºesu sakyaputtiyesu pabbajeyya, eva½ kho up±li amh±ka½ accayena sukhañca j²veyya, na ca kilameyy±”ti.
Assosi kho up±lid±rako m±t±pit³na½ ima½ kath±sall±pa½. Atha kho up±lid±rako yena te d±rak± tenupasaªkami, upasaªkamitv± te d±rake etadavoca– “etha maya½, ayy±, samaºesu sakyaputtiyesu pabbajiss±m±”ti. “Sace kho tva½, ayya, pabbajissasi, eva½ mayampi pabbajiss±m±”ti. Atha kho te d±rak± ekamekassa m±t±pitaro upasaªkamitv± etadavocu½– “anuj±n±tha ma½ ag±rasm± an±g±riya½ pabbajj±y±”ti. Atha kho tesa½ d±rak±na½ m±t±pitaro– “sabbepime d±rak± sam±nacchand± kaly±º±dhipp±y±”ti– anuj±ni½su. Te bhikkh³ upasaªkamitv± pabbajja½ y±ci½su. Te bhikkh³ pabb±jesu½ upasamp±desu½ Te rattiy± pacc³sasamaya½ paccuµµh±ya rodanti– “y±gu½ detha, bhatta½ detha, kh±dan²ya½ deth±”ti. Bhikkh³ evam±ha½su– “±gametha, ±vuso, y±va ratti vibh±yati. Sace y±gu bhavissati pivissatha, sace bhatta½ bhavissati bhuñjissatha, sace kh±dan²ya½ bhavissati kh±dissatha; no ce bhavissati y±gu v± bhatta½ v± kh±dan²ya½ v±, piº¹±ya caritv± bhuñjissath±”ti. Evampi kho te bhikkh³ bhikkh³hi vuccam±n± rodantiyeva “y±gu½ detha, bhatta½ detha, kh±dan²ya½ deth±”ti; sen±sana½ uhadantipi ummihantipi.
Assosi kho bhagav± rattiy± pacc³sasamaya½ paccuµµh±ya d±rakasadda½. Sutv±na ±yasmanta½ ±nanda½ ±mantesi– “ki½ nu kho so, ±nanda, d±rakasaddo”ti? Atha kho ±yasm± ±nando bhagavato etamattha½ ±rocesi…pe… “sacca½ kira, bhikkhave, bhikkh³ j±na½ ³nav²sativassa½ puggala½ upasamp±dent²”ti? “Sacca½, bhagav±”ti. Vigarahi buddho bhagav±…pe… “kathañhi n±ma te, bhikkhave, moghapuris± j±na½ ³nav²sativassa½ puggala½ upasamp±dessanti. Ðnav²sativasso, bhikkhave, puggalo akkhamo hoti s²tassa uºhassa jighacch±ya pip±s±ya ¹a½samakasav±t±tapasar²sapasamphass±na½ durutt±na½ dur±gat±na½ vacanapath±na½ uppann±na½ s±r²rik±na½ vedan±na½ dukkh±na½ tibb±na½ khar±na½ kaµuk±na½ as±t±na½ aman±p±na½ p±ºahar±na½ anadhiv±sakaj±tiko hoti. V²sativassova kho, bhikkhave, puggalo khamo hoti s²tassa uºhassa jighacch±ya pip±s±ya ¹a½samakasav±t±tapasar²sapasamphass±na½ durutt±na½ dur±gat±na½ vacanapath±na½, uppann±na½ s±r²rik±na½ vedan±na½ dukkh±na½ tibb±na½ khar±na½ kaµuk±na½ as±t±na½ aman±p±na½ p±ºahar±na½ adhiv±sakaj±tiko hoti. Neta½, bhikkhave, appasann±na½ v± pas±d±ya, pasann±na½ v± bhiyyobh±v±ya…pe… vigarahitv±…pe… dhammi½ katha½ katv± bhikkh³ ±mantesi– “na, bhikkhave, j±na½ ³nav²sativasso puggalo upasamp±detabbo. Yo upasamp±deyya, yath±dhammo k±retabbo”ti.

Up±lid±rakavatthu niµµhita½.