5. Talasattikasikkh±pada½

454. Tena samayena buddho bhagav± s±vatthiya½ viharati jetavane an±thapiº¹ikassa ±r±me. Tena kho pana samayena chabbaggiy± bhikkh³ kupit± anattaman± sattarasavaggiy±na½ bhikkh³na½ talasattika½ uggiranti. Te pah±rasamuccit± rodanti. Bhikkh³ evam±ha½su– “kissa tumhe, ±vuso, rodath±”ti? “Ime, ±vuso, chabbaggiy± bhikkh³ kupit± anattaman± amh±ka½ talasattika½ uggirant²”ti. Ye te bhikkh³ appicch±…pe… te ujjh±yanti khiyyanti vip±centi– “kathañhi n±ma chabbaggiy± bhikkh³ kupit± anattaman± sattarasavaggiy±na½ bhikkh³na½ talasattika½ uggirissant²”ti…pe… sacca½ kira tumhe, bhikkhave, kupit± anattaman± sattarasavaggiy±na½ bhikkh³na½ talasattika½ uggirath±ti? “Sacca½, bhagav±”ti. Vigarahi buddho bhagav±…pe… kathañhi n±ma tumhe, moghapuris±, kupit± anattaman± sattarasavaggiy±na½ bhikkh³na½ talasattika½ uggirissatha! Neta½, moghapuris±, appasann±na½ v± pas±d±ya…pe… evañca pana, bhikkhave, ima½ sikkh±pada½ uddiseyy±tha–
455. “Yo pana bhikkhu bhikkhussa kupito anattamano talasattika½ uggireyya, p±cittiyan”ti.
456. Yo pan±ti yo y±diso…pe… bhikkh³ti…pe… aya½ imasmi½ atthe adhippeto bhikkh³ti.
Bhikkhuss±ti aññassa bhikkhussa.
Kupito anattamanoti anabhiraddho ±hatacitto khilaj±to.
Talasattika½ uggireyy±ti k±ya½ v± k±yapaµibaddha½ v± antamaso uppalapattampi ucc±reti, ±patti p±cittiyassa.
457. Upasampanne upasampannasaññ² kupito anattamano talasattika½ uggirati, ±patti p±cittiyassa. Upasampanne vematiko kupito anattamano talasattika½ uggirati, ±patti p±cittiyassa. Upasampanne anupasampannasaññ² kupito anattamano talasattika½ uggirati, ±patti p±cittiyassa.
Anupasampannassa kupito anattamano talasattika½ uggirati, ±patti dukkaµassa. Anupasampanne upasampannasaññ², ±patti dukkaµassa. Anupasampanne vematiko, ±patti dukkaµassa. Anupasampanne anupasampannasaññ², ±patti dukkaµassa.
458. An±patti kenaci viheµh²yam±no mokkh±dhipp±yo talasattika½ uggirati, ummattakassa, ±dikammikass±ti.

Talasattikasikkh±pada½ niµµhita½ pañcama½.