4. Pah±rasikkh±padavaŗŗan±

449. Catutthe– pah±ra½ dent²ti “±vuso p²µhaka½ pańńapetha, p±dadhovana½ ±harath±”ti-±d²ni vatv± tath± akaront±na½ pah±ra½ denti.
451. Pah±ra½ deti ±patti p±cittiyass±ti ettha paharituk±mat±ya pah±re dinne sacepi marati p±cittiyameva. Pah±rena hattho v± p±do v± bhijjati, s²sa½ v± bhinna½ hoti, p±cittiyameva. “Yath±ya½ saŖghamajjhe na virocati, tath± na½ karom²”ti eva½ vir³pakaraŗ±dhipp±yena kaŗŗa½ v± n±sa½ v± chindati, dukkaµa½.
452. Anupasampannass±ti gahaµµhassa v± pabbajitassa v± itthiy± v± purisassa v± antamaso tiracch±nagatass±pi pah±ra½ deti, dukkaµa½. Sace pana rattacitto itthi½ paharati, saŖgh±diseso.
453. Kenaci viheµhiyam±noti manussena v± tiracch±nagatena v± viheµhiyam±no. Mokkh±dhipp±yoti tato attano mokkha½ patthayam±no. Pah±ra½ det²ti k±yak±yapaµibaddhanissaggiy±na½ ańńatarena pah±ra½ deti, an±patti. Sacepi antar±magge cora½ v± paccatthika½ v± viheµhetuk±ma½ disv± “up±saka, ettheva tiµµha, m± ±gam²”ti vatv± vacana½ an±diyitv± ±gacchanta½ “gaccha re”ti muggarena v± satthakena v± paharitv± y±ti, so ce tena pah±rena marati, an±pattiyeva. V±¼amigesupi eseva nayo. Sesamettha utt±nameva. Samuµµh±n±d²ni panassa paµhamap±r±jikasadis±ni, ida½ pana dukkhavedananti.

Pah±rasikkh±pada½ catuttha½.