3. Tatiyakathinasikkh±pada½

497. Tena samayena buddho bhagav± s±vatthiya½ viharati jetavane an±thapiº¹ikassa ±r±me. Tena kho pana samayena aññatarassa bhikkhuno ak±lac²vara½ uppanna½ hoti. Tassa ta½ c²vara½ kayiram±na½ nappahoti. Atha kho so bhikkhu ta½ c²vara½ uss±petv± punappuna½ vimajjati. Addas± kho bhagav± sen±sanac±rika½ ±hiº¹anto ta½ bhikkhu½ ta½ c²vara½ uss±petv± punappuna½ vimajjanta½. Disv±na yena so bhikkhu tenupasaªkami; upasaªkamitv± ta½ bhikkhu½ etadavoca– “kissa tva½, bhikkhu, ima½ c²vara½ uss±petv± punappuna½ vimajjas²”ti? “Ida½ me, bhante, ak±lac²vara½ uppanna½. Kayiram±na½ nappahoti. Ten±ha½ ima½ c²vara½ uss±petv± punappuna½ vimajj±m²”ti. “Atthi pana te, bhikkhu, c²varapacc±s±”ti? “Atthi, bhagav±”ti. Atha kho bhagav± etasmi½ nid±ne etasmi½ pakaraºe dhammi½ katha½ katv±, bhikkh³ ±mantesi– “anuj±n±mi, bhikkhave, ak±lac²vara½ paµiggahetv± c²varapacc±s± nikkhipitun”ti.
498. Tena kho pana samayena bhikkh³– “bhagavat± anuññ±ta½ ak±lac²vara½ paµiggahetv± c²varapacc±s± nikkhipitun”ti ak±lac²var±ni paµiggahetv± atirekam±sa½ nikkhipanti. T±ni c²var±ni c²varava½se bhaº¹ik±baddh±ni tiµµhanti. Addas± kho ±yasm± ±nando sen±sanac±rika½ ±hiº¹anto t±ni c²var±ni c²varava½se bhaº¹ik±baddh±ni tiµµhante. Disv±na bhikkh³ ±mantesi– “kassim±ni, ±vuso, c²var±ni c²varava½se bhaº¹ik±baddh±ni tiµµhant²”ti? “Amh±ka½, ±vuso, ak±lac²var±ni c²varapacc±s± nikkhitt±n²”ti. “K²vacira½ pan±vuso, im±ni c²var±ni nikkhitt±n²”ti? “Atirekam±sa½, ±vuso”ti. ¾yasm± ±nando ujjh±yati khiyyati vip±ceti– “kathañhi n±ma bhikkh³ ak±lac²vara½ paµiggahetv± atirekam±sa½ nikkhipissant²”ti! Atha kho ±yasm± ±nando te bhikkh³ anekapariy±yena vigarahitv± bhagavato etamattha½ ±rocesi…pe… “sacca½ kira, bhikkhave, bhikkh³ ak±lac²vara½ paµiggahetv± atirekam±sa½ nikkhipant²”ti? “Sacca½, bhagav±”ti. Vigarahi buddho bhagav±…pe… kathañhi n±ma te, bhikkhave, moghapuris± ak±lac²vara½ paµiggahetv± atirekam±sa½ nikkhipissanti! Neta½, bhikkhave, appasann±na½ v± pas±d±ya…pe… evañca pana, bhikkhave, ima½ sikkh±pada½ uddiseyy±tha–
499. “Niµµhitac²varasmi½ bhikkhun± ubbhatasmi½ kathine bhikkhuno paneva ak±lac²vara½ uppajjeyya, ±kaªkham±nena bhikkhun± paµiggahetabba½. Paµiggahetv± khippameva k±retabba½. Nocassa p±rip³ri, m±saparama½ tena bhikkhun± ta½ c²vara½ nikkhipitabba½ ³nassa p±rip³riy± satiy± pacc±s±ya. Tato ce uttari [uttari½ (s². sy±.)] nikkhipeyya, satiy±pi pacc±s±ya, nissaggiya½ p±cittiyan”ti.
500. Niµµhitac²varasminti bhikkhuno c²vara½ kata½ v± hoti naµµha½ v± vinaµµha½ v± da¹¹ha½ v± c²var±s± v± upacchinn±.
Ubbhatasmi½ kathineti aµµhanna½ m±tik±na½ aññatar±ya m±tik±ya ubbhata½ hoti, saªghena v± antar± ubbhata½ hoti.
Ak±lac²vara½ n±ma anatthate kathine ek±dasam±se uppanna½, atthate kathine sattam±se uppanna½, k±lepi ±dissa dinna½, eta½ ak±lac²vara½ n±ma.
Uppajjeyy±ti uppajjeyya saªghato v± gaºato v± ñ±tito v± mittato v± pa½suk³la½ v± attano v± dhanena.
¾kaªkham±nen±ti iccham±nena paµiggahetabba½.
Paµiggahetv± khippameva k±retabbanti das±h± k±retabba½.
No cassa p±rip³r²ti kayiram±na½ nappahoti.
M±saparama½ tena bhikkhun± ta½ c²vara½ nikkhipitabbanti m±saparamat± nikkhipitabba½.
Ðnassa p±rip³riy±ti ³nassa p±rip³ratth±ya.
Satiy± pacc±s±y±ti pacc±s± hoti saªghato v± gaºato v± ñ±tito v± mittato v± pa½suk³la½ v± attano v± dhanena.
Tato ce uttari nikkhipeyya satiy±pi pacc±s±y±ti tadahuppanne m³lac²vare pacc±s±c²vara½ uppajjati, das±h± k±retabba½. Dv²huppanne m³lac²vare pacc±s±c²vara½ uppajjati, das±h± k±retabba½. T²huppanne m³lac²vare…pe… cat³huppanne… pañc±huppanne… ch±huppanne… satt±huppanne… aµµh±huppanne nav±huppanne… das±huppanne m³lac²vare pacc±s±c²vara½ uppajjati, das±h± k±retabba½ Ek±dase uppanne…pe… dv±dase uppanne… terase uppanne… cuddase uppanne… pannarase uppanne… so¼ase uppanne… sattarase uppanne… aµµh±rase uppanne… ek³nav²se uppanne… v²se uppanne m³lac²vare pacc±s±c²vara½ uppajjati, das±h± k±retabba½. Ekav²se uppanne m³lac²vare pacc±s±c²vara½ uppajjati, nav±h± k±retabba½. Dv±v²se uppanne…pe… tev²se uppanne… catuv²se uppanne… pañcav²se uppanne… chabb²se uppanne… sattav²se uppanne… aµµhav²se uppanne… ek³nati½se uppanne m³lac²vare pacc±s±c²vara½ uppajjati, ek±ha½ k±retabba½… ti½se uppanne m³lac²vare pacc±s±c²vara½ uppajjati tadaheva adhiµµh±tabba½ vikappetabba½ vissajjetabba½. No ce adhiµµheyya v± vikappeyya v± vissajjeyya v±, ekati½se aruºuggamane nissaggiya½ hoti. Nissajjitabba½ saªghassa v± gaºassa v± puggalassa v±. Evañca pana, bhikkhave, nissajjitabba½…pe… ida½ me, bhante, ak±lac²vara½ m±s±tikkanta½ nissaggiya½, im±ha½ saªghassa nissajj±m²ti…pe… dadeyy±ti…pe… dadeyyunti…pe… ±yasmato damm²ti.
Visabh±ge uppanne m³lac²vare pacc±s±c²vara½ uppajjati, rattiyo ca ses± honti, na ak±m± k±retabba½.
501. M±s±tikkante atikkantasaññ², nissaggiya½ p±cittiya½. M±s±tikkante vematiko nissaggiya½ p±cittiya½. M±s±tikkante anatikkantasaññ² nissaggiya½ p±cittiya½. Anadhiµµhite adhiµµhitasaññ²…pe… avikappite vikappitasaññ²… avissajjite vissajjitasaññ²… anaµµhe naµµhasaññ²… avinaµµhe vinaµµhasaññ²… ada¹¹he da¹¹hasaññ²… avilutte viluttasaññ², nissaggiya½ p±cittiya½.
Nissaggiya½ c²vara½ anissajjitv± paribhuñjati, ±patti dukkaµassa. M±s±natikkante atikkantasaññ², ±patti dukkaµassa. M±s±natikkante vematiko, ±patti dukkaµassa. M±s±natikkante anatikkantasaññ², an±patti.
502. An±patti antom±se adhiµµheti, vikappeti, vissajjeti, nassati vinassati, ¹ayhati, acchinditv± gaºhanti, viss±sa½ gaºhanti, ummattakassa, ±dikammikass±ti.

Tatiyakathinasikkh±pada½ niµµhita½.