3. Puººakam±ºavapucch±niddeso

12. Aneja½ m³ladass±vi½, [icc±yasm± puººako]
atthi pañhena ±gama½;
ki½nissit± isayo manuj±, khattiy± br±hmaº± devat±na½;
yaññamakappayi½su puth³dha loke, pucch±mi ta½ bhagav± br³hi meta½.
Aneja½ m³ladass±vinti ej± vuccati taºh±. Yo r±go s±r±go…pe… abhijjh± lobho akusalam³la½ s± ej± taºh± buddhassa bhagavato pah²n± ucchinnam³l± t±l±vatthukat± anabh±va½kat± ±yati½ anupp±dadhamm±. Tasm± buddho anejo. Ej±ya pah²natt± anejo. Bhagav± l±bhepi na iñjati, al±bhepi na iñjati, yasepi na iñjati, ayasepi na iñjati, pasa½s±yapi na iñjati, nind±yapi na iñjati, sukhepi na iñjati, dukkhepi na iñjati na calati na vedhati nappavedhat²ti– aneja½. M³ladass±vinti bhagav± m³ladass±v² hetudass±v² nid±nadass±v² sambhavadass±v² pabhavadass±v² samuµµh±nadass±v² ±h±radass±v² ±rammaºadass±v² paccayadass±v² samudayadass±v².
T²ºi akusalam³l±ni– lobho akusalam³la½, doso akusalam³la½, moho akusalam³la½.
Vuttañheta½ bhagavat±– [passa a. ni. 3.112] “t²ºim±ni, bhikkhave, nid±n±ni kamm±na½ samuday±ya. Katam±ni t²ºi? Lobho nid±na½ kamm±na½ samuday±ya, doso nid±na½ kamm±na½ samuday±ya, moho nid±na½ kamm±na½ samuday±ya. Na, bhikkhave, lobhajena kammena dosajena kammena mohajena kammena dev± paññ±yanti, manuss± paññ±yanti, y± v± panaññ±pi k±ci sugatiyo. Atha kho, bhikkhave, lobhajena kammena dosajena kammena mohajena kammena nirayo paññ±yati, tiracch±nayoni paññ±yati, pettivisayo paññ±yati, y± v± panaññ±pi k±ci duggatiyo niraye tiracch±nayoniy± pettivisaye attabh±v±bhinibbattiy±”. Im±ni t²ºi akusalam³l±n²ti bhagav± j±n±ti passati. Evampi bhagav± m³ladass±v²…pe… samudayadass±v². T²ºi kusalam³l±ni– alobho kusalam³la½, adoso kusalam³la½, amoho kusalam³la½.
Vuttañheta½ bhagavat±– “t²ºim±ni…pe… na, bhikkhave, alobhajena kammena adosajena kammena amohajena kammena nirayo paññ±yati, tiracch±nayoni paññ±yati, pettivisayo paññ±yati, y± v± panaññ±pi k±ci duggatiyo. Atha kho, bhikkhave, alobhajena kammena adosajena kammena amohajena kammena dev± paññ±yanti, manuss± paññ±yanti, y± v± panaññ±pi k±ci sugatiyo deve ca manusse ca attabh±v±bhinibbattiy±”. Im±ni t²ºi kusalam³l±n²ti bhagav± j±n±ti passati. Evampi bhagav± m³ladass±v²…pe… samudayadass±v².
Vuttañheta½ bhagavat±– “ye keci, bhikkhave, dhamm± akusal± akusalabh±giy± akusalapakkhik± sabbe te avijj±m³lak± avijj±samosaraº± avijj±samuggh±t±”. Sabbe te samuggh±ta½ gacchant²ti bhagav± j±n±ti passati. Evampi bhagav± m³ladass±v²…pe… samudayadass±v².
Vuttañheta½ bhagavat±– “ye keci, bhikkhave, dhamm± kusal± kusalabh±giy± kusalapakkhik±, sabbe te appam±dam³lak± appam±dasamosaraº±. Appam±do tesa½ dhamm±na½ aggamakkh±yat²”ti bhagav± j±n±ti passati. Evampi bhagav± m³ladass±v²…pe… samudayadass±v².
Atha v±, bhagav± j±n±ti passati. “Avijj± m³la½ saªkh±r±na½, saªkh±r± m³la½ viññ±ºassa viññ±ºa½ m³la½ n±mar³passa, n±mar³pa½ m³la½ sa¼±yatanassa, sa¼±yatana½ m³la½ phassassa, phasso m³la½ vedan±ya, vedan± m³la½ taºh±ya, taºh± m³la½ up±d±nassa, up±d±na½ m³la½ bhavassa, bhavo m³la½ j±tiy±, j±ti m³la½ jar±maraºass±”ti– bhagav± j±n±ti passati. Evampi bhagav± m³ladass±v²…pe… samudayadass±v².
Atha v±, bhagav± j±n±ti passati. “Cakkhu m³la½ cakkhurog±na½, sota½ m³la½ sotarog±na½, gh±na½ m³la½ gh±narog±na½, jivh± m³la½ jivh±rog±na½, k±yo m³la½ k±yarog±na½, mano m³la½ cetasik±na½ dukkh±nan”ti– bhagav± j±n±ti passati. Evampi bhagav± m³ladass±v² hetudass±v² nid±nadass±v² sambhavadass±v² pabhavadass±v² samuµµh±nadass±v² ±h±radass±v² ±rammaºadass±v² paccayadass±v² samudayadass±v²ti– aneja½ m³ladass±v².
Icc±yasm± puººakoti icc±ti padasandhi…pe… ±yasm± puººako
Atthi pañhena ±gamanti pañhena atthiko ±gatomhi, [pañhatthik±mha ±gat± (bah³su) passa mah±ni. 192] pañha½ pucchituk±mo ±gatomhi, pañha½ sotuk±mo ±gatomh²ti– evampi atthi pañhena ±gama½. Atha v±, pañhatthik±na½ pañha½ pucchituk±m±na½ pañha½ sotuk±m±na½ ±gamana½ abhikkamana½ upasaªkamana½ payirup±sana½ atth²ti– evampi atthi pañhena ±gama½. Atha v±, pañh±gamo tuyha½ atthi, tvampi pahu tvamasi alamatto. May± pucchita½ kathetu½ visajjetu½ vahasseta½ bh±ranti [visajjetu½ sandassetu½ bhaºitunti (sy±.) vahassu + eta½]– evampi atthi pañhena ±gama½.
Ki½ nissit± isayo manuj±ti ki½ nissit± ±sit± all²n± upagat± ajjhosit± adhimutt±. Isayoti isin±mak± ye keci isipabbajja½ pabbajit± ±j²vak± nigaºµh± jaµil± t±pas±. Manuj±ti manuss± vuccant²ti– ki½ nissit± isayo manuj±.
Khattiy± br±hmaº± devat±nanti. Khattiy±ti ye keci khattiyaj±tik±. Br±hmaº±ti ye keci bhov±dik±. Devat±nanti ±j²vakas±vak±na½ ±j²vak± devat±, nigaºµhas±vak±na½ nigaºµh± devat±, jaµilas±vak±na½ jaµil± devat±, paribb±jakas±vak±na½ paribb±jak± devat±, aviruddhakas±vak±na½ aviruddhak± [avaruddhakas±vak±na½ avaruddhak± (sy±.)] devat±, hatthivatik±na½ hatth² devat±, assavatik±na½ ass± devat±, govatik±na½ g±vo devat±, kukkuravatik±na½ kukkur± devat±, k±kavatik±na½ k±k± devat±, v±sudevavatik±na½ v±sudevo devat±, baladevavatik±na½ baladevo devat±, puººabhaddavatik±na½ puººabhaddo devat±, maºibhaddavatik±na½ maºibhaddo devat±, aggivatik±na½ aggi devat±, n±gavatik±na½ n±g± devat±, supaººavatik±na½ supaºº± devat±, yakkhavatik±na½ yakkh± devat±, asuravatik±na½ asur± devat±, gandhabbavatik±na½ gandhabb± devat±, mah±r±javatik±na½ mah±r±j±no devat±, candavatik±na½ cando devat±, s³riyavatik±na½ s³riyo devat±, indavatik±na½ indo devat±, brahmavatik±na½ brahm± devat±, devavatik±na½ devo devat±, dis±vatik±na½ dis± devat±, ye yesa½ dakkhiºeyy± te tesa½ devat±ti– khattiyabr±hmaº± devat±na½.
Yaññamakappayi½su puth³dha loketi yañña½ vuccati deyyadhammo c²varapiº¹ap±tasen±sanagil±napaccayabhesajjaparikkh±ra½ anna½ p±na½ vattha½ y±na½ m±l±gandhavilepana½ [m±l±gandha½ vilepana½ (sy±.) itivu. 75] seyy±vasathapad²peyya½. Yaññamakappayi½s³ti yepi yañña½ esanti gavesanti pariyesanti c²varapiº¹ap±tasen±sanagil±napaccayabhesajjaparikkh±ra½ anna½ p±na½ vattha½ y±na½ m±l±gandhavilepana½ seyy±vasathapad²peyya½, tepi yañña½ kappenti. Yepi yañña½ abhisaªkharonti c²varapiº¹ap±tasen±sanagil±napaccayabhesajjaparikkh±ra½ anna½ p±na½…pe… seyy±vasathapad²peyya½, tepi yañña½ kappenti. Yepi yañña½ denti yajanti pariccajanti c²varapiº¹ap±tasen±sanagil±napaccayabhesajjaparikkh±ra½ anna½ p±na½…pe… seyy±vasathapad²peyya½ tepi yañña½ kappenti. Puth³ti yaññ± v± ete puth³, yaññay±jak± [yaññayajak± (sy±.)] v± ete puth³, dakkhiºeyy± v± ete puth³. Katha½ yaññ± v± ete puth³? Bahuk±na½ ete yaññ± c²varapiº¹ap±tasen±sanagil±napaccayabhesajjaparikkh±r± anna½ p±na½ vattha½ y±na½ m±la½ gandha½ vilepana½ seyy±vasathapad²peyya½– eva½ yaññ± v± ete puth³.
Katha½ yaññay±jak± v± ete puth³? Bahuk± ete yaññay±jak± khattiy± ca br±hmaº± ca vess± ca sudd± ca gahaµµh± ca pabbajit± ca dev± ca manuss± ca– eva½ yaññay±jak± v± ete puth³.
Katha½ dakkhiºeyy± v± ete puth³? Bahuk± ete dakkhiºeyy± puth³ samaºabr±hmaº± kapaºaddhikavanibbakay±cak± [… vaºibbakas±vak± (sy±.) itivu. 75]– eva½ dakkhiºeyy± v± ete puth³. Idha loketi manussaloketi yaññamakappayi½su– puth³dha loke.
Pucch±mi ta½ bhagav± br³hi metanti. Pucch±ti tisso pucch±– adiµµhajotan± pucch±, diµµhasa½sandan± pucch±, vimaticchedan± pucch±. Katam± adiµµhajotan± pucch±? Pakatiy± lakkhaºa½ aññ±ta½ hoti adiµµha½ atulita½ at²rita½ avibh³ta½ avibh±vita½, tassa ñ±º±ya dassan±ya tulan±ya t²raº±ya vibh³tatth±ya vibh±vanatth±ya pañha½ pucchati– aya½ adiµµhajotan± pucch±.
Katam± diµµhasa½sandan± pucch±? Pakatiy± lakkhaºa½ ñ±ta½ hoti diµµha½ tulita½ t²rita½ vibh³ta½ vibh±vita½. Aññehi paº¹itehi saddhi½ sa½sandanatth±ya pañha½ pucchati– aya½ diµµhasa½sandan± pucch±.
Katam± vimaticchedan± pucch±? Pakatiy± sa½sayapakkhando [sa½sayapakkhanno (sy±.)] hoti vimatipakkhando dve¼hakaj±to– “eva½ nu kho, na nu kho, ki½ nu kho, katha½ nu kho”ti! So vimaticchedanatth±ya pañha½ pucchati– aya½ vimaticchedan± pucch±. Im± tisso pucch±.
Apar±pi tisso pucch±– manussapucch±, amanussapucch±, nimmitapucch±. Katam± manussapucch±? Manuss± buddha½ bhagavanta½ upasaªkamitv± pucchanti, bhikkh³ pucchanti, bhikkhuniyo pucchanti, up±sak± pucchanti, up±sik±yo pucchanti, r±j±no pucchanti, khattiy± pucchanti, br±hmaº± pucchanti, vess± pucchanti, sudd± pucchanti, gahaµµh± pucchanti, pabbajit± pucchanti– aya½ manussapucch±.
Katam± amanussapucch±? Amanuss± buddha½ bhagavanta½ upasaªkamitv± pañha½ pucchanti, n±g± pucchanti, supaºº± pucchanti, yakkh± pucchanti, asur± pucchanti, gandhabb± pucchanti, mah±r±j±no pucchanti, ind± pucchanti, brahm±no pucchanti, devat±yo pucchanti– aya½ amanussapucch±.
Katam± nimmitapucch±? Ya½ bhagav± r³pa½ abhinimmin±ti manomaya½ sabbaªgapaccaªga½ ah²nindriya½, so nimmito buddha½ bhagavanta½ upasaªkamitv± pañha½ pucchati; bhagav± visajjeti [vissajjeti (ka.)]– aya½ nimmitapucch±. Im± tisso pucch±.
Apar±pi tisso pucch±– attatthapucch±, paratthapucch±, ubhayatthapucch±. Apar±pi tisso pucch±– diµµhadhammikatthapucch±, sampar±yikatthapucch±, paramatthapucch±. Apar±pi tisso pucch±– anavajjatthapucch±, nikkilesatthapucch±, vod±natthapucch±. Apar±pi tisso pucch±– at²tapucch±, an±gatapucch±, paccuppannapucch±. Apar±pi tisso pucch±– ajjhattapucch±, bahiddh±pucch± ajjhattabahiddh±pucch±. Apar±pi tisso pucch±– kusalapucch±, akusalapucch±, aby±katapucch±. Apar±pi tisso pucch±– khandhapucch±, dh±tupucch±, ±yatanapucch±. Apar±pi tisso pucch±– satipaµµh±napucch±, sammappadh±napucch±, iddhip±dapucch±. Apar±pi tisso pucch±– indriyapucch±, balapucch±, bojjhaªgapucch±. Apar±pi tisso pucch±– maggapucch±, phalapucch±, nibb±napucch±.
Pucch±mi tanti pucch±mi ta½ y±c±mi ta½ ajjhes±mi ta½ pas±demi ta½ “kathayassu me”ti pucch±mi ta½. Bhagav±ti g±rav±dhivacanameta½… sacchik± paññatti– yadida½ bhagav±ti. Br³hi metanti br³hi ±cikkh±hi desehi paññapehi paµµhapehi vivar±hi vibhaj±hi utt±n²karohi pak±seh²ti– pucch±mi ta½ bhagav± br³hi meta½. Ten±ha so br±hmaºo–