Khaggavis±ºasuttaniddeso

Khaggavis±ºasuttaniddesavaººan±

1. Paµhamavaggavaººan±

121. Ito para½ khaggavis±ºasuttaniddesavaººan±ya ok±so anuppatto. Tattha “sabbesu bh³tesu nidh±ya daº¹an”ti ito para½ atirekapadamattameva vaººayiss±ma. Tattha sabbes³ti anavasesesu. Bh³tes³ti sattesu. Ettha bh³tes³ti kiñc±pi bh³tasaddo “bh³tasmi½ p±cittiyan”ti evam±d²su (p±ci. 69) vijjam±ne, “bh³tamida½, s±riputta, samanupassas²”ti evam±d²su khandhapañcake, “catt±ro kho, bhikkhu, mah±bh³t± het³”ti evam±d²su (ma. ni. 3.86) catubbidhe pathav²dh±tv±dir³pe, “yo ca k±laghaso bh³to”ti evam±d²su (j±. 1.2.190) kh²º±save, “sabbeva nikkhipissanti, bh³t± loke samussayan”ti evam±d²su (d². ni. 2.220) sabbasatte, “bh³tag±map±tabyat±y±”ti evam±d²su (p±ci. 90) rukkh±dike, “bh³ta½ bh³tato paj±n±t²”ti evam±d²su (ma. ni. 1.3) c±tumah±r±jik±na½ heµµh± sattanik±ya½ up±d±ya vattati. Idha pana avisesato pathav²pabbat±d²su j±t± satt± bh³t±ti veditabb±. Tesu bh³tesu. Nidh±y±ti nikkhipitv±.
Daº¹anti k±yavac²manodaº¹a½, k±yaduccarit±d²nameta½ adhivacana½. K±yaduccaritañhi daº¹ayat²ti daº¹o, b±dheti anayabyasana½ p±pet²ti vutta½ hoti. Eva½ vac²duccaritañca manoduccaritañca. Paharaºadaº¹o eva v± daº¹o, ta½ nidh±y±tipi vutta½ hoti. Aviheµhayanti aviheµhayanto. Aññataramp²ti ya½ kiñci ekampi. Tesamp²ti tesa½ sabbabh³t±na½. Na puttamiccheyy±ti atrajo khettajo dinnako antev±sikoti imesu cat³su puttesu ya½ kiñci putta½ na iccheyya. Kuto sah±yanti sah±ya½ pana iccheyy±ti kuto eva eta½.
Ekoti pabbajj±saªkh±tena eko, adutiyaµµhena eko, taºh±pah±naµµhena eko, ekantavigatakilesoti eko, eko paccekasambodhi½ abhisambuddhoti eko. Samaºasahassassapi hi majjhe vattam±no gihisaññojanassa chinnatt± eko, eva½ pabbajj±saªkh±tena eko Eko tiµµhati, eko gacchati, eko nis²dati, eko seyya½ kappeti, eko iriyati vattat²ti eko. Eva½ adutiyaµµhena eko.
“Taºh±dutiyo puriso, d²ghamaddh±na sa½sara½;
itthabh±vaññath±bh±va½, sa½s±ra½ n±tivattati.
“Evam±d²nava½ ñatv±, taºha½ dukkhassa sambhava½;
v²tataºho an±d±no, sato bhikkhu paribbaje”ti. (Itivu. 15, 105; mah±ni. 191; c³¼ani. p±r±yan±nug²tig±th±niddesa 107)–

Eva½ taºh±pah±naµµhena eko. Sabbakiles±ssa pah²n± ucchinnam³l± t±l±vatthukat± anabh±va½kat± ±yati½ anupp±dadhamm±ti eva½ ekantavigatakilesoti eko. An±cariyako hutv± sayambh³ s±maññeva paccekasambodhi½ abhisambuddhoti eva½ eko paccekasambodhi½ abhisambuddhoti eko.

Careti y± im± aµµha cariy±yo. Seyyathida½– y± paºidhisampann±na½ cat³su iriy±pathesu iriy±pathacariy±, indriyesu guttadv±r±na½ ajjhattik±yatanesu ±yatanacariy±, appam±davih±r²na½ cat³su satipaµµh±nesu saticariy±, adhicittamanuyutt±na½ cat³su jh±nesu sam±dhicariy±, buddhisampann±na½ cat³su ariyasaccesu ñ±ºacariy±, samm± paµipann±na½ cat³su ariyamaggesu maggacariy±, adhigataphal±na½ cat³su s±maññaphalesu paµipatticariy±, tiººa½ buddh±na½ sabbasattesu lokatthacariy±, tattha padesato paccekabuddhas±vak±nanti. Yath±ha– “cariy±ti aµµha cariy±yo y± iriy±pathacariy±”ti (c³¼ani. khaggavis±ºasuttaniddesa 121; paµi. ma. 1.197; 3.28) vitth±ro. T±hi cariy±hi samann±gato bhaveyy±ti attho. Atha v± y± im± “adhimuccanto saddh±ya carati, paggaºhanto v²riyena carati, upaµµhahanto satiy± carati, avikkhitto sam±dhin± carati, paj±nanto paññ±ya carati, vij±nanto viññ±ºena carati, eva½ paµipannassa kusal± dhamm± ±y±pent²ti ±yatanacariy±ya carati, eva½ paµipanno visesamadhigacchat²ti visesacariy±ya carat²”ti (c³¼ani. khaggavis±ºasuttaniddesa 121; paµi. ma. 1.197; 3.29) eva½ apar±pi aµµha cariy± vutt±. T±hi samann±gato bhaveyy±ti attho. Khaggavis±ºakappoti khaggavis±ºo n±ma khaggamigasiªga½.
Kappa -saddo pan±ya½ abhisaddahanavoh±rak±lapaññatticchedavikappalesasamantabh±vasadis±di-anekattho. Tath± hissa “okappan²yameta½ bhoto gotamassa. Yath± ta½ arahato samm±sambuddhass±”ti evam±d²su (ma. ni. 1.387) abhisaddahanattho. “Anuj±n±mi, bhikkhave, pañcahi samaºakappehi phala½ paribhuñjitun”ti evam±d²su (c³¼ava. 250) voh±ro. “Yena suda½ niccakappa½ vihar±m²”ti evam±d²su (ma. ni. 1.387) k±lo. “Icc±yasm± kappo”ti evam±d²su (su. ni. 1098; c³¼ani. kappam±ºavapucch± 117, kappam±ºavapucch±niddesa 61) paññatti. “Alaªkato kappitakesamass³”ti evam±d²su (j±. 2.22.1368) chedana½. “Kappati dvaªgulakappo”ti evam±d²su (c³¼ava. 446) vikappo. “Atthi kappo nipajjitun”ti evam±d²su (a. ni. 8.80) leso. “Kevalakappa½ ve¼uvana½ obh±setv±”ti evam±d²su (sa½. ni. 1.94) samantabh±vo. “Satthukappena vata kira, bho, s±vakena saddhi½ mantayam±n± na j±nimh±”ti evam±d²su (ma. ni. 1.260) sadiso, paµibh±goti attho. Idha panassa sadiso paµibh±goti attho veditabbo, khaggavis±ºasadisoti vutta½ hoti. Aya½ t±vettha padato atthavaººan±.
Adhipp±y±nusandhito pana eva½ veditabbo– yv±ya½ vuttappak±ro daº¹o bh³tesu pavattiyam±no ahito hoti, ta½ tesu appavattiyam±nesu tappaµipakkhabh³t±ya mett±ya hit³pasa½h±rena ca sabbesu bh³tesu nidh±ya daº¹a½, nihitadaº¹att± eva ca yath± anihitadaº¹± satt± bh³t±ni daº¹ena v± satthena v± p±ºin± v± le¹¹un± v± viheµhenti, tath± aviheµhaya½, aññatarampi tesa½ ima½ mett±kammaµµh±nam±gamma yadeva tattha vedan±gata½ saññ±saªkh±raviññ±ºagata½ tañca tadanus±reneva tadaññañca saªkh±ragata½ vipassitv± ima½ paccekabodhi½ adhigatomh²”ti aya½ t±va adhipp±yo.
Aya½ pana anusandhi– eva½ vutte te amacc± ±ha½su– “id±ni, bhante, kuhi½ gacchath±”ti? Tato tena “pubbapaccekasambuddh± kattha vasant²”ti ±vajjetv± ñatv± “gandham±danapabbate”ti vutte pun±ha½su– “amhe d±ni, bhante, pajahatha, na icchath±”ti. Atha paccekabuddho ±ha– “na puttamiccheyy±”ti sabba½. Tatr±ya½ adhipp±yo– aha½ id±ni atraj±d²su ya½ kiñci puttampi na iccheyya½, kuto pana tumh±disa½ sah±ya½. Tasm± tumhesupi yo may± saddhi½ gantuk±mo m±diso v± hotu½ icchati, so eko care khaggavis±ºakappo. Atha v± tehi “amhe d±ni, bhante, pajahatha, na icchath±”ti vutte so paccekasambuddho “na puttamiccheyya, kuto sah±yan”ti vatv± attano yath±vuttenaµµhena ekacariy±ya guºa½ disv± pamudito p²tisomanassaj±to ima½ ud±na½ ud±nesi (su. ni. aµµha. 1.35).
Tattha tas±ti vip±sakiriy±. Th±var±ti kh²º±sav±. Bhayabherav±ti khudd±nukhuddak± cittutr±s±. Nidh±y±ti cha¹¹etv±. Nidahitv±ti µhapetv±. Oropayitv±ti adhokaritv±. Samoropayitv±ti adhogata½ vissajjetv±. Nikkhipitv±ti tato apanetv±. Paµippassambhitv±ti sannis²d±petv±.
¾lapananti ±dito lapana½. Sallapananti samm± lapana½. Ullapananti uddha½ katv± lapana½. Samullapananti punappuna½ uddha½ katv± lapana½.
Iriy±pathacariy±ti iriy±path±na½ cariy±, pavattananti attho. Sesesupi eseva nayo. ¾yatanacariy± pana ±yatanesu satisampajaññ±na½ cariy±. Patt²ti phal±ni. T±ni hi p±puº²yant²ti “patt²”ti vutt±ni. Sattalokassa diµµhadhammikasampar±yik± atth± lokatth±ti aya½ viseso.
Id±ni t±sa½ cariy±na½ bh³mi½ dassento “cat³su iriy±pathes³”ti-±dim±ha Satipaµµh±nes³ti ±rammaºasatipaµµh±nesupi vuccam±nesu satito anaññ±ni, voh±ravasena pana aññ±ni viya katv± vutta½. Ariyasacces³ti pubbabh±ge lokiyasaccañ±ºena visu½ visu½ saccapariggahavasena vutta½. Ariyamaggesu s±maññaphales³ti ca voh±ravaseneva vutta½. Padesatoti lokatthacariy±ya ekadese. Nippadesato hi lokatthacariya½ buddh± eva karonti. Puna t± eva cariy±yo k±rakapuggalavasena dassento “paºidhisampann±nan”ti-±dim±ha. Tattha paºidhisampann± n±ma iriy±path±na½ santatt± iriy±path±va µhitiy± sampann± akampita-iriy±path± bhikkhubh±v±nur³pena santena iriy±pathena sampann±.
Indriyesu guttadv±r±nanti cakkh±d²su chasu indriyesu attano attano visaye pavatta½ ekekadv±ravasena gutta½ dv±ra½ etesanti guttadv±r±, tesa½ guttadv±r±na½. Dv±ranti cettha uppattidv±ravasena cakkh±dayo eva. Appam±davih±r²nanti s²l±d²su appam±davih±ravata½. Adhicittamanuyutt±nanti vipassan±ya p±dakabh±vena adhicittasaªkh±ta½ sam±dhi½ anuyutt±na½. Buddhisampann±nanti n±mar³pavavatth±na½ ±di½ katv± y±va gotrabhu, t±va pavattena ñ±ºena sampann±na½ Samm± paµipann±nanti catumaggakkhaºe. Adhigataphal±nanti catuphalakkhaºe. Tath±gat±nanti tath± ±gat±na½. Arahant±nanti d³rakiles±na½. Samm±sambuddh±nanti samm± s±mañca sabbadhammabuddh±na½. Imesa½ pad±na½ attho heµµh± pak±sito eva.
Padesato paccekabuddh±nanti paccekasambuddh±na½ ekadesato. S±vak±nanti s±vak±nampi ekadesato. Adhimuccantoti adhimokkha½ karonto. Saddh±ya carat²ti saddh±vasena pavattati. Paggaºhantoti catusammappadh±nav²riyena padahanto. Upaµµhapentoti satiy± ±rammaºa½ upaµµhapento. Avikkhepa½ karontoti sam±dhivasena vikkhepa½ akaronto. Paj±nantoti catusaccaj±nanapaññ±ya pak±rena j±nanto. Vij±nantoti indriyasampayuttajavanapubbaªgamena ±vajjanaviññ±ºena ±rammaºa½ vij±nanto. Viññ±ºacariy±y±ti ±vajjanaviññ±ºacariy±vasena. Eva½ paµipannass±ti sah±vajjan±ya indriyacariy±ya paµipannassa. Kusal± dhamm± ±y±pent²ti samathavipassan±vasena pavatt± kusal± dhamm± bhusa½ y±penti, pavattant²ti attho. ¾yatanacariy±y±ti kusal±na½ dhamm±na½ bhusa½ yatanacariy±ya, pavattanacariy±y±ti vutta½ hoti. Visesamadhigacchat²ti vikkhambhanatadaªgasamucchedapaµippassaddhivasena visesa½ adhigacchati.
Dassanacariy± ca samm±diµµhiy±ti-±d²su samm± passati, samm± v± t±ya passanti, pasaµµh± sundar± v± diµµh²ti samm±diµµhi, tass± samm±diµµhiy± nibb±napaccakkhakaraºena dassanacariy±. Samm± saªkappeti, samm± v± tena saªkappenti, pasaµµho sundaro v± saªkappoti samm±saªkappo. Tassa ±rammaºe cittassa abhiniropanacariy±. Samm± vadati, samm± v± t±ya vadanti, pasaµµh± sundar± v± v±c±ti samm±v±c±, micch±v±c±viratiy± eta½ n±ma½. Tass± catubbidhavac²sa½varapariggahacariy±. Samm± karoti, samm± v± tena karonti, pasaµµha½ sundara½ v± kammanti samm±kamma½, samm±kammameva samm±kammanto, micch±kammantaviratiy± eta½ n±ma½. Tassa tividhak±yasa½varasamuµµh±nacariy±. Samm± ±j²vati, samm± v± tena ±j²vanti, pasaµµho sundaro v± ±j²voti samm±-±j²vo, micch±-±j²vaviratiy± eta½ n±ma½. Tassa vod±nacariy± parisuddhacariy±. Samm± v±yamati, samm± v± tena v±yamanti, pasaµµho sundaro v± v±y±moti samm±v±y±mo, tassa paggahacariy±. Samm± sarati, samm± v± t±ya saranti, pasaµµh± sundar± v± sat²ti samm±sati, tass± upaµµh±nacariy±. Samm± sam±dhiyati, samm± v± tena sam±dhiyanti, pasaµµho sundaro v± sam±dh²ti samm±sam±dhi, tassa avikkhepacariy±.