15. Moghar±jam±ºavasuttaniddesavaººan±

85. Pannarasame moghar±jasutte– dv±hanti dve v±re aha½. So hi pubbe ajitasuttassa (su. ni. 1038 ±dayo) ca tissametteyyasuttassa (su. ni. 1046 ±dayo) ca avas±ne dvikkhattu½ bhagavanta½ pucchi, bhagav± panassa indriyaparip±ka½ ±gamayam±no na by±k±si. Ten±ha– “dv±ha½ sakka½ apucchissan”ti. Y±vatatiyañca dev²si, by±karot²ti me sutanti y±vatatiyañca sahadhammika½ puµµho visuddhidevabh³to isi bhagav± samm±sambuddho by±karot²ti eva½ me suta½. Godh±var²t²reyeva kira so evamassosi. Ten±ha– “by±karot²ti me sutan”ti. Imiss± g±th±ya niddese ya½ vattabba½ siy±, ta½ heµµh± vuttanaya½ eva.
86. Aya½ lokoti manussaloko. Paro lokoti ta½ µhapetv± avaseso. Sadevakoti brahmaloka½ µhapetv± avaseso upapattidevasammutidevayutto. “Brahmaloko sadevako”ti eta½ v± “sadevako loko”ti-±dinayanidassanamatta½. Tena sabbopi tath±vuttappak±raloko veditabbo.
87. Eva½ abhikkantadass±vinti eva½ aggadass±vi½, sadevakassa lokassa ajjh±say±dhimuttigatipar±yaº±d²ni passitu½ samatthanti dasseti.
88. Suññato loka½ avekkhass³ti avasiyapavattasallakkhaºavasena v± tucchasaªkh±rasamanupassan±vasena v±ti dv²h±k±rehi suññato loka½ passa. Att±nudiµµhi½ ³hacc±ti sakk±yadiµµhi½ uddharitv±.
Lujjat²ti bhijjati. Cakkhat²ti cakkhu. Tadeta½ sasambh±racakkhuno setamaº¹alaparikkhittassa kaºhamaº¹alassa majjhe abhimukhe µhit±na½ sar²rasaºµh±nuppattidesabh³te diµµhamaº¹ale cakkhuviññ±º±d²na½ yath±raha½ vatthudv±rabh±va½ s±dhayam±na½ tiµµhati. R³payant²ti r³p±, vaººavik±ram±pajjant± hadayaªgatabh±va½ pak±sent²ti attho. Cakkhuto pavatta½ viññ±ºa½ cakkhussa v± cakkhusannissita½ v± viññ±ºa½ cakkhuviññ±ºa½. Cakkhuto pavatto samphasso cakkhusamphasso. Cakkhusamphassapaccay±ti cakkhuviññ±ºasampayuttaphassapaccay±. Vedayitanti vindana½, vedan±ti attho. Tadeva sukhayat²ti sukha½, yassa uppajjati, ta½ sukhita½ karot²ti attho. Suµµhu v± kh±dati, khanati ca k±yacitt±b±dhanti sukha½. Dukkhayat²ti dukkha½. Yassa uppajjati, ta½ dukkhita½ karot²ti attho. Na dukkha½ na sukhanti adukkhamasukha½. Ma-k±ro sandhipadavasena vutto. So pana cakkhusamphasse attan± sampayutt±ya vedan±ya sahaj±ta-aññamaññanissayavip±ka-±h±rasampayutta-atthi-avigatavasena aµµhadh± paccayo hoti, sampaµicchanasampayutt±ya anantarasamanantar³panissayanatthivigatavasena pañcadh±, sant²raº±disampayutt±na½ upanissayavaseneva paccayo hoti.
Suº±t²ti sota½, ta½ sasambh±rasotabilassa anto tanutambalom±cite aªgulivedhakasaºµh±ne padese sotaviññ±º±d²na½ yath±raha½ vatthudv±rabh±va½ s±dhayam±na½ tiµµhati. Sadd²yant²ti sadd±, ud±har²yant²ti attho. Gh±yat²ti gh±na½, ta½ sasambh±ragh±nabilassa anto ajapadasaºµh±ne padese gh±naviññ±º±d²na½ yath±raha½ vatthudv±rabh±va½ s±dhayam±na½ tiµµhati. Gandhiyant²ti gandh±, attano vatthu½ s³ciyant²ti attho. J²vita½ avh±yat²ti jivh±, s±yanaµµhena v± jivh±. S± sasambh±rajivh±ya ati-aggam³lapass±ni vajjetv± uparimatalamajjhe bhinna-uppaladalaggasaºµh±ne padese jivh±viññ±º±d²na½ yath±raha½ vatthudv±rabh±va½ s±dhayam±n± tiµµhati. Rasanti te satt±ti ras±, ass±dent²ti attho.
Kucchit±na½ ±savadhamm±na½ ±yoti k±yo. ¾yoti uppattideso. So y±vat± imasmi½ k±ye up±dinnapavatti n±ma atthi, tattha yebhuyyena k±yappas±do k±yaviññ±º±d²na½ yath±raha½ vatthudv±rabh±va½ s±dhayam±no tiµµhati. Phusiyant²ti phoµµhabb±. Manat²ti mano, vij±n±t²ti attho. Attano lakkhaºa½ dh±rent²ti dhamm±. Manoti sah±vajjanabhavaªga½. Dhamm±ti nibb±na½ muñcitv± avases± dhamm±rammaºadhamm±. Manoviññ±ºanti javanamanoviññ±ºa½. Manosamphassoti ta½sampayutto phasso, so sampayutt±ya vedan±ya vip±kapaccayavajjehi sesehi sattahi paccayehi paccayo hoti. Anantar±ya teheva ses±na½ upanissayeneva paccayo hoti.
Avasiyapavattasallakkhaºavasena v±ti avaso hutv± pavattasaªkh±re passanavasena olokanavasen±ti attho. R³pe vaso na labbhat²ti r³pasmi½ vasavattibh±vo issarabh±vo na labbhati. Vedan±d²supi eseva nayo.
N±ya½, bhikkhave, k±yo tumh±kanti attani sati attaniya½ n±ma hoti, att±yeva ca natthi. Tasm± “n±ya½, bhikkhave, k±yo tumh±kan”ti ±ha. N±pi aññesanti añño n±ma paresa½ att±. Tasmi½ sati aññesa½ n±ma siy±, sopi natthi. Tasm± “n±pi aññesan”ti ±ha. Pur±ºamida½, bhikkhave, kammanti nayida½ pur±ºakammameva, pur±ºakammanibbatto panesa k±yo. Tasm± paccayavoh±rena eva½ vutto. Abhisaªkhatanti-±di kammavoh±rasseva vasena purimaliªgasabh±vat±ya vutta½. Aya½ panettha attho– abhisaªkhatanti paccayehi katoti daµµhabbo. Abhisañcetayitanti cetan±vatthuko, cetan±m³lakoti daµµhabbo. Vedaniyanti vedan±ya vatth³ti daµµhabbo.
R³pe s±ro na labbhat²ti r³pasmi½ nicc±dis±ro na labbhati. Vedan±d²supi eseva nayo. R³pa½ ass±ra½ niss±ranti r³pa½ ass±ra½ s±ravirahitañca. S±r±pagatanti s±rato apagata½. Niccas±ras±rena v±ti bhaªga½ atikkamitv± pavattam±nena niccas±rena v±. Kassaci niccas±rassa abh±vato niccas±rena s±ro natthi. Sukhas±ras±rena v±ti µhitisukha½ atikkamitv± pavattam±nassa kassaci sukhas±rassa abh±vato sukhas±ras±rena v±. Attas±ras±rena v±ti attattaniyas±ras±rena v±. Niccena v±ti bhaªga½ atikkamitv± pavattam±nassa kassaci niccassa abh±vato niccena v±. Dhuvena v±ti vijjam±nak±lepi paccay±yattavuttit±ya thirassa kassaci abh±vato dhuvena v±. Sassatena v±ti abbocchinnassa sabbak±le vijjam±nassa kassaci abh±vato sassatena v±. Avipariº±madhammena v±ti jar±bhaªgavasena avipariº±mapakatikassa kassaci abh±vato avipariº±madhammena v±.
Cakkhu suñña½ attena v± attaniyena v±ti “k±rako vedako saya½vas²”ti eva½ parikappikena attan± v± att±bh±vatoyeva attano santakena parikkh±rena ca suñña½. Sabba½ cakkh±dilokiyadhammaj±ta½ yasm± att± ca ettha natthi, attaniyañca ettha natthi, tasm± “suññan”ti vuccat²ti attho Lokuttar±pi dhamm± attattaniyehi suññ±yeva, suññ±t²tadhamm± natth²ti vutta½ hoti. Tasmi½ dhamme attattaniyas±rassa natthibh±vo vutto hoti. Loke ca “suñña½ ghara½ suñño ghaµo”ti vutto gharassa ghaµassa ca natthibh±vo na hoti, tasmi½ ghaµe ca aññassa natthibh±vo vutto hoti. Bhagavat± ca iti yampi koci tattha na hoti, tena ta½ suñña½. Ya½ pana tattha avasiµµha½ hoti, ta½ santa½ idamatth²ti paj±n±t²ti ayamevattho vutto. Tath± ñ±yaganthe saddaganthe ca ayamevattho. Iti imasmi½ sutte anattalakkhaºameva kathita½. Anissariyatoti attano issariye avasavattanato. Ak±mak±riyatoti attano ak±ma½ arucikaraºavasena. Ap±puºiyatoti µh±tu½ patiµµh±bh±vato. Avasavattanatoti attano vase avattanato. Paratoti aniccato paccay±yattavuttito. Vivittatoti nissarato.
Suddhanti kevala½ issarak±lapakat²hi vin± kevala½ paccay±yattapavattivasena pavattam±na½ suddha½ n±ma. Attaniyavirahito suddhadhammapuñjoti ca. Suddha½ dhammasamupp±da½, suddha½ saªkh±rasantatinti suddha½ passantassa j±nantassa saªkh±r±na½ santati½ abbocchinnasaªkh±rasantati½. Tatheva suddha½ passantassa saªkh±r±d²ni, ekaµµh±ni ±darena dvattikkhattu½ vutt±ni. Eva½ passantassa maraºamukhe bhaya½ na hoti. G±maº²ti ±lapana½. Tiºakaµµhasama½ lokanti ima½ up±dinnakkhandhasaªkh±ta½ loka½. Yad± tiºakaµµhasama½ paññ±ya passati. Yath± araññe tiºakaµµh±d²su gaºhantesu att±na½ v± attaniya½ v± gaºh±t²ti na hoti, tesu v± tiºakaµµh±d²su sayameva nassantesupi vinassantesupi att± nassati, attaniyo nassat²ti na hoti. Eva½ imasmi½ k±yepi nassante v± vinassante v± att± v± attaniya½ v± bhijjat²ti apassanto paññ±ya tiºakaµµhasama½ passat²ti vuccati. N±ñña½ patthayate kiñci, aññatrappaµisandhiy±ti paµisandhivirahita½ nibb±na½ µhapetv± añña½ bhava½ v± attabh±va½ v± na pattheti.
R³pa½ samannesat²ti r³passa s±ra½ pariyesati. Ahanti v±ti diµµhivasena. Mamanti v±ti taºh±vasena. Asm²ti v±ti m±navasena. Tampi tassa na hot²ti ta½ tividhampi tassa puggalassa na hoti.
Idh±ti des±padese nip±to, sv±ya½ katthaci loka½ up±d±ya vuccati. Yath±ha– “idha tath±gato loke uppajjat²”ti (sa½. ni. 3.78; a. ni. 4.33). Katthaci s±sana½ Yath±ha– “idheva, bhikkhave, samaºo, idha dutiyo samaºo”ti (ma. ni. 1.139; d². ni. 2.214). Katthaci ok±sa½. Yath±ha–
“Idheva tiµµham±nassa, devabh³tassa me sato;
punar±yu ca me laddho, eva½ j±n±hi m±ris±”ti. (D². ni. 2.369).
Katthaci padap³raºamattameva. Yath±ha– “idh±ha½, bhikkhave, bhutt±v² assa½ pav±rito”ti (ma. ni. 1.30). Idha pana loka½ up±d±ya vuttoti veditabbo. Assutav± puthujjanoti ettha pana ±gam±dhigam±bh±v± ñeyyo “assutav±”iti. Yassa hi khandhadh±tu-±yatanapaccay±k±rasatipaµµh±n±d²su uggahaparipucch±vinicchayarahitatt± diµµhipaµisedhako neva ±gamo, paµipattiy± adhigantabbassa anadhigatatt± neva adhigamo atthi, so ±gam±dhigam±bh±v± ñeyyo “assutav±” iti. Sv±ya½–
Puth³na½ janan±d²hi, k±raºehi puthujjano;
puthujjanantogadhatt±, puthuv±ya½ jano iti. (D². ni. aµµha. 1.7; ma. ni. aµµha. 1.2; a. ni. aµµha. 1.1.51; paµi. ma. aµµha. 2.1.130).
So hi puth³na½ n±nappak±r±na½ kiles±d²na½ janan±d²hipi k±raºehi puthujjano. Yath±ha– puthu kilese janent²ti puthujjan± puthu avihatasakk±yadiµµhik±ti puthujjan±, puthu satth±r±na½ mukhullokik±ti puthujjan±, puthu sabbagat²hi avuµµhit±ti puthujjan±, puthu n±n±bhisaªkh±re abhisaªkharont²ti puthujjan±, puthu n±n±-oghehi vuyhant²ti puthujjan±, puthu n±n±sant±pehi santappent²ti puthujjan±, puthu n±n±pari¼±hehi pari¹ayhant²ti puthujjan±, puthu pañcasu k±maguºesu ratt± giddh± gadhit± muñchit± ajjhosann± lagg± laggit± palibuddh±ti puthujjan±, puthu pañcahi n²varaºehi ±vuµ± nivuµ± ovuµ± pihit± paµicchann± paµikujjit±ti puthujjan± (mah±ni. 51, 94), puth³na½ v± gaºanapathamat²t±na½ ariyadhammaparammukh±na½ n²cadhammasam±c±r±na½ jan±na½ antogadhatt±pi puthujjan±, puthuva aya½ visu½yeva saªkhya½ gato, visa½saµµho s²lasut±diguºayuttehi ariyehi janotipi puthujjano. Evametehi “assutav± puthujjano”ti dv²hi padehi ye te–
“Duve puthujjan± vutt±, buddhen±diccabandhun±;
andho puthujjano eko, kaly±ºeko puthujjano”ti. (D². ni. aµµha. 1.7; ma. ni. aµµha. 1.2; sa½. ni. aµµha. 2.2.61; a. ni. aµµha. 1.1.51; paµi. ma. aµµha. 2.1.130; dha. sa. aµµha. 1007)–

Dve puthujjan± vutt±, tesu andhaputhujjano vutto hot²ti veditabbo.

Ariy±na½ adass±v²ti-±d²su ariy±ti ±rakatt± kilesehi, anaye na iriyanato, aye iriyanato, sadevakena ca lokena araº²yato buddh± ca paccekabuddh± ca buddhas±vak± ca vuccanti, buddh± eva v± idha ariy±. Yath±ha– “sadevake, bhikkhave, loke…pe… tath±gato ariyoti vuccat²”ti (sa½. ni. 5.1098).
Sappuris±ti ettha pana paccekabuddh± tath±gatas±vak± ca “sappuris±”ti veditabb±. Te hi lokuttaraguºayogena sobhan± puris±ti sappuris±. Sabbeva v± ete dvidh±pi vutt±. Buddh±pi hi ariy± ca sappuris± ca paccekabuddh±pi buddhas±vak±pi. Yath±ha–
“Yo ve kataññ³ katavedi dh²ro, kaly±ºamitto da¼habhatti ca hoti;
dukhitassa sakkacca karoti kicca½, tath±vidha½ sappurisa½ vadant²”ti. (Ma. ni. aµµha. 1.2; paµi. ma. aµµha. 2.1.130; dha. sa. aµµha. 1007).
“Kaly±ºamitto da¼habhatti ca hot²”ti ett±vat± hi buddhas±vako vutto. Kataññut±d²hi paccekabuddh± buddh±ti, yo imesa½ ariy±na½ adassanas²lo, na ca dassane s±dhuk±r², so ariy±na½ adass±v²ti veditabbo. So cakkhun± adass±v², ñ±ºena adass±v²ti duvidho, tesu ñ±ºena adass±v² idha adhippeto. Ma½sacakkhun± hi dibbacakkhun± v± ariy± diµµh±pi adiµµh±va honti tesa½ cakkhun± vaººamattagahaºato, na ariyabh±vagocarato. Soºasiªg±l±dayopi cakkhun± ariye passanti, na ca te ariy±na½ dass±vino.
Tatrida½ vatthu– cittalapabbatav±sino kira kh²º±savattherassa upaµµh±ko vu¹¹hapabbajito ekadivasa½ therena saddhi½ piº¹±ya caritv± therassa pattac²vara½ gahetv± piµµhito ±gacchanto thera½ pucchi– “ariy± n±ma, bhante, k²dis±”ti? Thero ±ha– “idhekacco mahallako ariy±na½ pattac²vara½ gahetv± vattapaµipatti½ katv± saha carantopi neva ariye j±n±ti, eva½ dujj±n±, ±vuso, ariy±”ti. Eva½ vuttepi so neva aññ±si. Tasm± cakkhun± dassana½ na dassana½, ñ±ºena dassanameva dassana½. Yath±ha– “ala½ te, vakkali, ki½ te imin± p³tik±yena diµµhena, yo kho, vakkali, dhamma½ passati, so ma½ passat²”ti (sa½. ni. 3.87). Tasm± cakkhun± passantopi ñ±ºena ariyehi diµµha½ anicc±dilakkhaºa½ apassanto, ariy±na½ adhigatañca dhamma½ anadhigacchanto, ariyakaradhamm±na½ ariyabh±vassa ca adiµµhatt± “ariy±na½ adass±v²”ti veditabbo.
Ariyadhammassa akovidoti satipaµµh±n±dibhede ariyadhamme akusalo. Ariyadhamme avin²toti ettha pana–
Duvidho vinayo n±ma, ekamekettha pañcadh±;
abh±vato tassa aya½, “avin²to”ti vuccati. (Ma. ni. aµµha. 1.2; su. ni. aµµha. 1.uragasuttavaººan±; paµi. ma. aµµha. 2.1.130; dha. sa. aµµha. 1007).
Ayañhi sa½varavinayo pah±navinayoti duvidho vinayo. Ettha ca duvidhepi vinaye ekamekopi vinayo pañcadh± bhijjati. Sa½varavinayopi hi s²lasa½varo satisa½varo ñ±ºasa½varo khantisa½varo v²riyasa½varoti pañcavidho. Pah±navinayopi tadaªgappah±na½ vikkhambhanappah±na½ samucchedappah±na½ paµippassaddhippah±na½ nissaraºappah±nanti pañcavidho.
Tattha “imin± p±timokkhasa½varena upeto hoti samupeto”ti (vibha. 511) aya½ s²lasa½varo. “Rakkhati cakkhundriya½, cakkhundriye sa½vara½ ±pajjat²”ti (ma. ni. 1.295; sa½. ni. 4.239; a. ni. 3.16) aya½ satisa½varo.
“Y±ni sot±ni lokasmi½, (ajit±ti bhagav±,)
sati tesa½ niv±raºa½;
sot±na½ sa½vara½ br³mi, paññ±yete pidhiyyare”ti. (Su. ni. 1041; c³¼ani. ajitam±ºavapucch±niddesa 4; netti. 11, 45; dha. sa. aµµha. 1007)–

Aya½ ñ±ºasa½varo. “Khamo hoti s²tassa uºhass±”ti (ma. ni. 1.24; a. ni. 4.114; 6.58) aya½ khantisa½varo. “Uppanna½ k±mavitakka½ n±dhiv±set²”ti (ma. ni. 1.26; a. ni. 4.114; 6.58) aya½ v²riyasa½varo. Sabbopi c±ya½ sa½varo yath±saka½ sa½varitabb±na½ vinetabb±nañca k±yaduccarit±d²na½ sa½varaºato “sa½varo”, vinayanato “vinayo”ti vuccati. Eva½ t±va sa½varavinayo pañcadh± bhijjat²ti veditabbo.

Tath± ya½ n±mar³paparicched±d²su vipassan±ñ±ºesu paµipakkhabh±vato d²p±lokeneva tamassa, tena tena vipassan±ñ±ºena tassa tassa anatthassa pah±na½. Seyyathida½– n±mar³pavavatth±nena sakk±yadiµµhiy±, paccayapariggahena ahetuvisamahetudiµµh²na½, tasseva aparabh±gena kaªkh±vitaraºena katha½kath²bh±vassa, kal±pasammasanena “aha½ mam±”ti g±hassa, magg±maggavavatth±nena amagge maggasaññ±ya, udayadassanena ucchedadiµµhiy±, vayadassanena sassatadiµµhiy±, bhayadassanena sabhaye abhayasaññ±ya, ±d²navadassanena ass±dasaññ±ya, nibbid±nupassan±ya abhiratisaññ±ya muñcitukamyat±ñ±ºena amuñcituk±mat±ya, upekkh±ñ±ºena anupekkh±ya, anulomena dhammaµµhitiya½ nibb±ne ca paµilomabh±vassa, gotrabhun± saªkh±ranimittagg±hassa pah±na½. Eta½ tadaªgappah±na½ n±ma.
Ya½ pana upac±rappan±bhedena sam±dhin± pavattibh±vaniv±raºato ghaµappah±reneva udakapiµµhe sev±lassa tesa½ tesa½ n²varaº±didhamm±na½ pah±na½, eta½ vikkhambhanappah±na½ n±ma. Ya½ catunna½ ariyamagg±na½ bh±vitatt± ta½ta½maggavato attano attano sant±ne “diµµhigat±na½ pah±n±y±”ti-±din± (dha. sa. 277; vibha. 628) nayena vuttassa samudayapakkhiyassa kilesagaºassa accanta-appavattibh±vena pah±na½, ida½ samucchedappah±na½ n±ma. Ya½ pana phalakkhaºe paµippassaddhatta½ kiles±na½, eta½ paµippassaddhippah±na½ n±ma. Ya½ sabbasaªkhatanissaµatt± pah²nasabbasaªkhata½ nibb±na½, eta½ nissaraºappah±na½ n±ma. Sabbampi ceta½ pah±na½ yasm± c±gaµµhena pah±na½, vinayanaµµhena vinayo, tasm± “pah±navinayo”ti vuccati. Ta½ ta½ pah±navato v± tassa tassa vinayassa sambhavatopeta½ “pah±navinayo”ti vuccati. Eva½ pah±navinayopi pañcadh± bhijjat²ti veditabbo (ma. ni. aµµha. 1.2; su. ni. aµµha. 1.uragasuttavaººan±; paµi. ma. aµµha. 2.1.130).
Evamaya½ saªkhepato duvidho bhedato ca dasavidho vinayo bhinnasa½varatt±, pah±tabbassa ca appah²natt± yasm± etassa assutavato puthujjanassa natthi, tasm± abh±vato tassa aya½ “avin²to”ti vuccat²ti. Eseva nayo sappuris±na½ adass±v² sappurisadhammassa akovido, sappurisadhamme avin²toti etthapi. Ninn±n±karaºañhi etamatthato. Yath±ha– “yeva te ariy±, teva te sappuris±. Yeva te sappuris±, teva te ariy±. Yo eva so ariy±na½ dhammo, so eva so sappuris±na½ dhammo. Yo eva so sappuris±na½ dhammo, so eva so ariy±na½ dhammo. Yeva te ariyavinay±, teva te sappurisavinay±. Yeva te sappurisavinay±, teva te ariyavinay±. Ariyeti v±, sappuriseti v±, ariyadhammeti v±, sappurisadhammeti v±, ariyavinayeti v±, sappurisavinayeti v± esese eke ekaµµhe same samabh±ge tajj±te taññev±ti (dha. sa. aµµha. 1007; paµi. ma. aµµha. 2.1.130).
R³pa½ attato samanupassat²ti idhekacco r³pa½ attato samanupassati, “ya½ r³pa½, so aha½, yo aha½, ta½ r³pan”ti r³pañca att±nañca advaya½ samanupassati. Seyyath±pi telappad²passa jh±yato “y± acci, so vaººo. Yo vaººo, s± acc²”ti acciñca vaººañca advaya½ samanupassati, evameva idhekacco r³pa½ attato…pe… samanupassat²ti (paµi. ma. 1.130-131) eva½ r³pa½ “att±”ti diµµhipassan±ya passati. R³pavanta½ v± att±nanti ar³pa½ “att±”ti gahetv± ch±y±vanta½ rukkha½ viya ta½ r³pavanta½ “att±”ti samanupassati. Attani v± r³panti ar³pameva “att±”ti gahetv± pupphasmi½ gandha½ viya attani r³pa½ samanupassati. R³pasmi½ v± att±nanti ar³pameva “att±”ti gahetv± karaº¹ake maºi½ viya ta½ att±na½ r³pasmi½ samanupassati. Vedan±d²supi eseva nayo.
Tattha “r³pa½ attato samanupassat²”ti suddhar³pa½yeva “att±”ti kathita½. “R³pavanta½ v± att±na½, attani v± r³pa½, r³pasmi½ v± att±na½. Vedana½ attato… sañña½… saªkh±re… viññ±ºa½ attato samanupassat²”ti (paµi. ma. 1.131) imesu sattasu µh±nesu ar³pa½ “att±”ti kathita½, “vedan±vanta½ v± att±na½, attani v± vedan±, vedan±ya v± att±nan”ti eva½ cat³su khandhesu tiººa½ tiººa½ vasena dv±dasasu µh±nesu r³p±r³pamissako att± kathito. Tattha r³pa½ attato samanupassati. Vedana½… sañña½… saªkh±re… viññ±ºa½ attato samanupassat²ti pañcasu µh±nesu ucchedadiµµhi kathit±. Avasesesu sassatadiµµhi. Evamettha pannarasa bhavadiµµhiyo pañca vibhavadiµµhiyo honti. T± sabb±pi magg±varaº±, na sagg±varaº±, paµhamamaggavajjh±ti veditabb±.
¾raññikoti araññe niv±sa½. Pavaneti mahante gambh²ravane. Caram±noti tahi½ tahi½ vicaram±no. Vissattho gacchat²ti nibbhayo nir±saªko carati. An±p±thagato luddass±ti migaluddassa parammukhagato. Antamak±si m±ranti kilesam±ra½ v± devaputtam±ra½ v± anta½ ak±si. Apada½ vadhitv±ti kilesapada½ hantv± n±setv±. M±racakkhu½ adassana½ gatoti m±rassa adassanavisaya½ patto. An±p±thagatoti m±rassa parammukha½ patto. Sesa½ sabbattha p±kaµameva.
Eva½ bhagav± idampi sutta½ arahattanik³µeneva desesi, desan±pariyos±ne ca vuttasadisoyeva dhamm±bhisamayo ahos²ti.

Saddhammappajjotik±ya c³¼aniddesa-aµµhakath±ya

Moghar±jam±ºavasuttaniddesavaººan± niµµhit±.