Kucchit±na½ kes±d²na½ paµikk³l±na½ ±yatt± ±karatt± k±yoti saŖkha½ gate sar²re gat± pavatt± sati k±yagat±sati, t±disa½ v± k±ya½ gat± sati “k±yagatasat²”ti vattabbe rassa½ akatv± “k±yagat±sat²”ti vutta½. Kes±dikesu k±yakoµµh±sesu paµikk³lanimitt±rammaŗ±ya satiy± eta½ adhivacana½. Upasama½ ±rabbha uppann± anussati. Upasam±nussati, sabbadukkh³pasam±rammaŗ±ya satiy± eta½ adhivacana½.
Vitakkavic±rap²tisukhacittekaggat±sampayutta½ paµhamajjh±na½ bh±vento. P²tisukhacittekaggat±sampayutta½ dutiyajjh±na½ bh±vento. Sukhacittekaggat±sampayutta½ tatiyajjh±na½ bh±vento. Upekkh±cittekaggat±sampayutta½ catutthajjh±na½ bh±vento…pe… nevasańń±n±sańń±yatana½ bh±ventopi k±me parivajjet²ti.
Vikkhambhanappah±na½ dassetv± id±ni samucchedena k±m±na½ pah±na½ dassetu½ “sot±pattimagga½ bh±ventop²”ti-±dim±ha. Tattha maggasotassa ±pajjana½ sot±patti, sot±pattiy± maggo sot±pattimaggo. Ap±yagaman²ye k±meti yehi ap±ya½ gacchanti, te ap±yagaman²ye k±me samucchedato sot±pattimagga½ bh±vento parivajjeti. Paµisandhivasena saki½yeva ima½ loka½ ±gacchat²ti sakad±g±m², tassa maggo sakad±g±mimaggo. Ta½ magga½ bh±vento. O¼±riketi pari¼±happatte. Paµisandhivaseneva k±mabhava½ n±gacchat²ti an±g±m², tassa maggo an±g±mimaggo. Ta½ magga½ bh±vento. Anusahagateti sukhumabh±vappatte. Kilesehi ±rakatt±, kiles±r²na½ hatatt±, sa½s±racakkassa ar±na½ hatatt±, p±pakaraŗe rah±bh±v±, paccay±d²na½ arahatt± ca araha½, arahato bh±vo arahatta½. Ki½ ta½? Arahattaphala½. Arahattassa maggo arahattamaggo. Ta½ arahattamagga½ bh±vento. Sabbena sabbanti sabben±k±rena sabba½. Sabbath± sabbanti sabbappak±rena sabba½. Asesa½ nissesanti niravasesa½ gandhamattampi aµµhapetv±. Atha v± sabbena sabba½ m³lavasena. Sabbath± sabba½ ±k±ranippadesavasena. Asesa½ nissesa½ bh±van±nippadesavasena. Tath± purimena duccarit±bh±vena. Dutiyena pariyuµµh±n±bh±vena. Tatiyena anusay±bh±vena evameke vaŗŗayanti.
Sappo vuccati ah²ti yo koci saranto gacchati. Kenaµµhen±ti kena atthena. Sa½sappanto gacchat²ti yasm± samm± sa½saranto gacchat²ti sappo. Bhujantoti vaŖkavaŖko hutv±. Pannasiroti nipannas²so hutv±. Sirena supat²ti s²sa½ bhogantare katv± supanabh±vena siras± supat²ti sar²sapo. Bile sayat²ti bil±sayo. “Bilasayo”tipi p±¼i, ta½ sundara½. Guh±ya½ set²ti guh±sayo. D±µh± tassa ±vudhoti tassa sappassa duve d±µh± paharaŗasatthasaŖkh±to ±vudho. Visa½ tassa ghoranti tassa sappassa by±pakasaŖkh±ta½ visa½ d±ruŗa½ kakkha¼a½. Jivh± tassa duvidh±ti tassa sappassa dvedh± jivh±. Dv²hi jivh±hi rasa½ s±yat²ti duvidh±hi jivh±hi rasa½ j±n±ti ass±da½ vindati s±diyat²ti. J²vitu½ k±mayat²ti j²vituk±mo. Amaritu½ k±mayat²ti amarituk±mo. Sukha½ k±mayat²ti sukhak±mo. Dukkhappaµikk³loti dukkha½ aniccham±no. P±den±ti attano p±dena. Sappasiranti sappassa s²sa½. Vajjeyy±ti d³rato vajjeyya. Vivajjeyy±ti tassa pam±ŗena. Parivajjeyy±ti samantato. Abhinivajjeyy±ti catutthappam±ŗena. Atha v± purimena s²sato. Dutiyatatiyena dv²hi passehi. Catutthena pacchato. “K±me pana appattassa pariyesanam³ladukkhavatthubh±vena vajjeyya. Pattassa ±rakkham³ladukkhavatthubh±vena vivajjeyya. Ańń±ŗapari¼±hadukkhavatthubh±vena parivajjeyya. Vin±samukhe piyavippayogadukkhavatthubh±vena abhinivajjeyy±”ti evameke vaŗŗayanti.
Rańjanavasena r±go. Balavarańjanaµµhena s±r±go. Visaye satt±na½ anu anu nayanato anunayo. Anurujjhat²ti anurodho, k±met²ti attho. Yattha katthaci bhave satt± et±ya nandant²ti nand², saya½ v± nandat²ti nand². Nand² ca s± rańjanaµµhena r±go c±ti nandir±go. Tattha ekasmi½ ±rammaŗe saki½ uppann± taŗh± nand², punappuna½ uppajjam±n± nandir±goti vuccati. Cittassa s±r±goti yo heµµh± “balavarańjanaµµhena s±r±go”ti vutto, so na sattassa, cittasseva s±r±goti attho.
Icchanti et±ya ±rammaŗ±n²ti icch±. Bahalakilesabh±vena mucchanti et±ya p±ŗinoti mucch±. Gilitv± pariniµµhapetv± gahaŗavasena ajjhos±na½. Imin± satt± gijjhanti gedha½ ±pajjant²ti gedho. Bahalaµµhena v± gedho. “Gedha½ v± pana pavanasaŗ¹an”ti hi bahalaµµheneva vutta½ Anantarapada½ upasaggavasena va¹¹hita½, sabbatobh±gena v± gedhoti paligedho. Sajjanti eten±ti saŖgo. Lagganaµµhena v± saŖgo. Os²danaµµhena paŖko. ¾ka¹¹hanavasena ej±. “Ej± ima½ purisa½ parika¹¹hati tassa tasseva bhavassa abhinibbattiy±”ti hi vutta½. Vańcanaµµhena m±y±. Vaµµasmi½ satt±na½ jananaµµhena janik±. “Taŗh± janeti purisa½, cittamassa vidh±vat²”ti (sa½. ni. 1.55) hi vutta½. Vaµµasmi½ satte dukkhena sa½yojayam±n± janet²ti sańjanan². Ghaµanaµµhena sibbin². Ayańhi vaµµasmi½ satte cutipaµisandhivasena sibbati ghaµeti tunnak±ro viya pilotik±ya pilotika½, tasm± “ghaµanaµµhena sibbin²”ti vutt±. Anekappak±ra½ visayaj±la½ taŗh±vipphanditanivesasaŖkh±ta½ v± j±lamass± atth²ti j±lin².
¾ka¹¹hanaµµhena s²ghasot± sarit± viy±ti sarit±. Allaµµhena v± sarit±. Vuttańheta½ “sarit±ni sinehit±ni ca somanass±ni bhavanti jantuno”ti (dha. pa. 341). All±ni ceva siniddh±ni c±ti ayańhettha attho. Anayabyasan±p±danaµµhena kumm±nubandhasuttaka½ viy±ti sutta½. Vuttańheta½ “suttanti kho, bhikkhave, nandir±gasseta½ adhivacanan”ti (sa½. ni. 2.159). R³p±d²su vitthataµµhena visat±. Tassa tassa paµil±bhatth±ya satte ±y³h±pet²ti ±y³hin². Ukkaŗµhitu½ apad±nato sah±yaµµhena dutiy±. Ayańhi satt±na½ vaµµasmi½ ukkaŗµhitu½ na deti, gatagataµµh±ne piyasah±yo viya abhiram±peti. Teneva vutta½–
“Taŗh±dutiyo puriso, d²ghamaddh±nasa½sara½;
itthabh±vańńath±bh±va½, sa½s±ra½ n±tivattat²”ti. (Itivu. 15; a. ni. 4.9; mah±ni. 191; c³¼ani. p±y±yan±nug²tig±th±niddesa 107).
Paŗidh±nakavasena paŗidhi. Bhavanett²ti bhavarajju. Et±ya hi satt± rajjuy± g²v±ya½ baddh± goŗ± viya icchiticchitaµµh±na½ niyyanti. Ta½ ta½ ±rammaŗa½ vanati bhajati all²yat²ti vana½, vanati y±cat²ti v± vana½. Vanathoti byańjanena pada½ va¹¹hita½. Anatthadukkh±na½ v± samuµµh±panaµµhena gahanaµµhena ca vana½ viy±ti vana½. Balavataŗh±yeta½ n±ma½. Gahanataraµµhena pana tato balavatar± vanatho n±ma. Tena vutta½–
“Vana½ chindatha m± rukkha½, vanato j±yate bhaya½;
chetv± vanańca vanathańca, nibban± hotha bhikkhavo”ti. (Dha. pa. 283).
Santhavanavasena santhavo, sa½saggoti attho. So duvidho– taŗh±santhavo mittasanthavo ca. Tesu idha taŗh±santhavo adhippeto. Sinehavasena sneho. ¾layakaraŗavasena kampam±n± apekkhat²ti apekkh±. Vuttampi ceta½ “im±ni te deva catur±s²ti nagarasahass±ni kus±vat²r±jadh±nippamukh±ni, ettha deva chanda½ janehi j²vite apekkha½ karoh²”ti (d². ni. 2.266). ¾laya½ karoh²ti ayańhettha attho. P±µiyekke p±µiyekke ±rammaŗe bandhat²ti paµibandhu, ń±takaµµhena v± p±µiyekko bandh³tipi paµibandhu. Niccasannissitaµµhenapi satt±na½ taŗh±samo bandhu n±ma natthi. ¾rammaŗ±na½ asanato ±s±. Ajjhottharaŗato ceva titti½ anugantv±va paribhuńjanato c±ti attho. ¾s²sanavasena ±s²san±. ¾s²sitassa bh±vo ±s²sitatta½.
Id±ni tass± pavattiµµh±na½ dassetu½ “r³p±s±”ti-±di vutta½. Tattha ±s²sanavasena ±s±ti ±s±ya attha½ gahetv± r³pe ±s± r³p±s±. Eva½ navapi pad±ni veditabb±ni. Ettha ca purim±ni pańca pańcak±maguŗavasena vutt±ni, parikkh±ralobhavasena chaµµha½. Ta½ visesato pabbajit±na½, tato par±ni t²ŗi atittiyavatthuvasena gahaµµh±na½. Na hi tesa½ dhanaputtaj²vitehi ańńa½ piyatara½ atthi. “Ida½ mayha½, ida½ mayhan”ti v± “asukena me ida½ dinna½, ida½ dinnan”ti v± eva½ satte japp±pet²ti japp±. Parato dve pad±ni upasaggena va¹¹hit±ni, tato para½ ańńen±k±rena vibhajitu½ ±raddhatt± puna “japp±”ti vutta½. Jappan±k±ro jappan±. Jappitassa bh±vo jappitatta½. Punappuna½ visaye lumpati ±ka¹¹hat²ti lolupo, lolupassa bh±vo loluppa½. Loluppan±k±ro lolupp±yan±. LoluppasamaŖgino bh±vo lolupp±yitatta½.
Pucchańjikat±ti y±ya taŗh±ya l±bhaµµh±nesu puccha½ c±layam±n± sunakh± viya kampam±n± vicaranti, ta½ tass± kampanataŗh±ya n±ma½. S±dhu man±paman±pe visaye k±met²ti s±dhuk±mo, tassa bh±vo s±dhukamyat±. M±t±m±tucch±ti-±dike ayuttaµµh±ne r±goti adhammar±go. Yuttaµµh±nepi balav± hutv± uppanno lobho visamalobho. “R±go visaman”ti-±divacanato (vibha. 924) v± yuttaµµh±ne v± ayuttaµµh±ne v± uppanno chandar±go adhammaµµhena adhammar±go. Visamaµµhena visamalobhoti veditabbo. ¾rammaŗ±na½ nik±manavasena nikanti. Nik±man±k±ro nik±man±. Patthayanavasena patthan±. Pih±yanavasena pihan±. Suµµhu patthan± sampatthan±. Pańcasu k±maguŗesu taŗh± k±mataŗh±. R³p±r³pabhavesu taŗh± bhavataŗh±. UcchedasaŖkh±te vibhave taŗh± vibhavataŗh±. Suddhe r³pabhavasmi½yeva taŗh± r³pataŗh±. Ar³pabhave taŗh± ar³pataŗh±. Ucchedadiµµhisahagato r±go, nirodhe taŗh± nirodhataŗh±. R³pe taŗh± r³pataŗh±. Sadde taŗh± saddataŗh±. Gandhataŗh±d²supi eseva nayo. Ogh±dayo vuttatth±va.
Kusaladhamme ±varat²ti ±varaŗa½. Ch±danavasena chadana½. Satte vaµµasmi½ bandhat²ti bandhana½. Citta½ upahantv± kilissati sa½kiliµµha½ karot²ti upakkileso. Th±magataµµhena anu anu set²ti anusayo. Uppajjam±na½ citta½ pariyuµµh±t²ti pariyuµµh±na½, uppajjitu½ apad±nena kusalav±ra½ gaŗh±t²ti attho. “Cor± magge pariyuµµhi½su, dhutt± magge pariyuµµhi½s³”ti-±d²su (c³¼ava. 430) hi magga½ gaŗhi½s³ti attho. Evamidh±pi gahaŗaµµhena pariyuµµh±na½ veditabba½. Paliveµhanaµµhena lat± viy±ti lat±. “Lat± uppajja tiµµhat²”ti (dha. pa. 340) ±gataµµh±nepi aya½ taŗh± lat±ti vutt±. Vividh±ni vatth³ni icchat²ti veviccha½. Vaµµadukkhassa m³lanti dukkham³la½. Tasseva dukkhassa nid±nanti dukkhanid±na½. Ta½ dukkha½ ito pabhavat²ti dukkhappabhavo. Bandhanaµµhena p±so viy±ti p±so, m±rassa p±so m±rap±so. Duruggilanaµµhena ba¼isa½ viy±ti ba¼isa½, m±rassa ba¼isa½ m±raba¼isa½. Taŗh±bhibh³t± m±rassa visaya½ n±tikkamanti, tesa½ upari m±ro vasa½ vattet²ti imin± pariy±yena m±rassa visayoti m±ravisayo. Sandanaµµhena taŗh±va nad² taŗh±nad². Ajjhottharaŗaµµhena taŗh±va j±la½ taŗh±j±la½. Yath± sunakh± gadd³labaddh± yadicchaka½ niyyanti, eva½ taŗh±baddh± satt±ti da¼habandhanaµµhena gadd³la½ viy±ti gadd³la½, taŗh±va gadd³la½ taŗh±gadd³la½. Dupp³raŗaµµhena taŗh±va samuddo taŗh±samuddo. Abhijjh±yanaµµhena abhijjh±. Lubbhanti etena, saya½ v± lubbhati, lubbhanamattameva v± tanti lobho. Sampayuttak±na½ akusal±na½ patiµµhaµµhena m³la½.