14. Tuvaµakasuttaniddesavaŗŗan±

150. Cuddasame tuvaµakasuttaniddese pucch±mi tanti idampi tasmi½yeva mah±samaye “k± nu kho arahattappattiy± paµipatt²”ti uppannacitt±na½ ekacc±na½ devat±na½ tamattha½ pak±setu½ purimanayeneva nimmitabuddhena att±na½ pucch±petv± vutta½.
Tattha ±dipucch±g±th±ya t±va pucch±m²ti ettha adiµµhajotan±divasena pucch± vibhajit±. ¾diccabandh³ti ±diccassa gottabandhu. Viveka½ santipadańc±ti vivekańca santipadańca. Katha½ disv±ti kena k±raŗena disv±, katha½ pavattadassano hutv±ti vutta½ hoti.
Tisso pucch±ti gaŗanaparicchedo. Adiµµhajotan±ti ya½ na diµµha½ na paµividdha½, tassa p±kaµakaraŗatth±ya pucch±. Diµµhasa½sandan±ti ya½ ń±ŗacakkhun± diµµha½, tassa ghaµanatth±ya. Vimaticchedan±ti y± kaŖkh±, tass±cchedanattha½. Pakatiy± lakkhaŗa½ ańń±tanti dhamm±na½ tathalakkhaŗa½ pakatiy± na ń±ta½. Adiµµhanti na diµµha½. “Na niµµhan”tipi p±µho. Atulitanti tul±ya tulita½ viya na tulita½. At²ritanti t²raŗ±ya na t²rita½. Avibh³tanti na p±kaµa½. Avibh±vitanti pańń±ya na va¹¹hita½. Tassa ń±ŗ±y±ti tassa dhammassa lakkhaŗaj±nanatth±ya. Dassan±y±ti dassanatth±ya. Tulan±y±ti tulanatth±ya. T²raŗ±y±ti t²raŗatth±ya. Vibh±van±y±ti vibh±gakaraŗatth±ya. Ańńehi paŗ¹iteh²ti ańńehi buddhisampannehi. Sa½sayapakkhandoti sandeha½ paviµµho.
Manussapucch±ti manuss±na½ pucch±. Amanussapucch±ti n±gasupaŗŗ±d²na½ pucch±. Gahaµµh±ti avasesagahaµµh±. Pabbajit±ti liŖgavasena vutt±. N±g±ti suphass±dayo n±g±. Supaŗŗ±ti supaŗŗasa½yuttavasena (sa½. ni. 3.392 ±dayo). Yakkh±ti yakkhasa½yuttavasena (sa½. ni. 10.235 ±dayo) ca veditabb± Asur±ti pah±r±d±dayo. Gandhabb±ti pańcasikhagandhabbaputt±dayo Mah±r±j±noti catt±ro mah±r±j±no. Ah²nindriyanti saŗµh±navasena avikalindriya½. So nimmitoti so bhagavat± nimmito buddho.
Vod±natthapucch±ti visesadhammapucch±. At²tapucch±ti at²te dhamme ±rabbha pucch±. An±gat±d²supi eseva nayo. Kusalapucch±ti anavajjadhammapucch±. Akusalapucch±ti s±vajjadhammapucch±. Aby±katapucch±ti tadubhayavipar²tadhammapucch±.
Ajjhes±mi tanti ta½ ±ŗ±pemi. Kathayassu meti mayha½ kathehi. Gottań±takoti gottena ń±tako. Gottabandh³ti gottajjhattiko. Eken±k±ren±ti ekena koµµh±sena.
Santipadanti santisaŖkh±ta½ nibb±napada½. Ye dhamm± sant±dhigam±y±ti ye satipaµµh±n±dayo dhamm± nibb±napaµil±bhatth±ya. Santiphusan±y±ti ń±ŗaphassena nibb±naphusanatth±ya. Sacchikiriy±y±ti paccakkhakaraŗatth±ya. Mahanta½ s²lakkhandhanti mahanta½ s²lar±si½. Sam±dhikkhandh±d²supi eseva nayo. S²lakkhandh±dayo lokiyalokuttar±, vimuttiń±ŗadassana½ lokiyameva.
Tamok±yassa pad±lananti avijj±r±sissa viddha½sana½. Vipall±sassa bhedananti catubbidhavipall±sassa bhedana½. Taŗh±sallassa abbuhananti taŗh±kaŗµakassa luńcana½. AbhisaŖkh±rassa v³pasamanti puńń±di-abhisaŖkh±rassa nibb±pana½. Bh±rassa nikkhepananti pańcakkhandhabh±rassa µhapana½. Sa½s±ravaµµassa upacchedananti sa½s±rapavattassa chedana½. Sant±passa nibb±pananti kilesasant±passa nibbuti. Pari¼±hassa paµipassaddhinti kilesadarathassa sannis²dana½. Devadevoti dev±na½ atidevo.
151. Atha bhagav± yasm± yath± passanto kilese uparundhati, tath± disv± tath± pavattadassano hutv± parinibb±ti, tasm± tamattha½ ±vikaronto n±nappak±rena ta½ devaparisa½ kilesappah±ne niyojento “m³la½ papańcasaŖkh±y±”ti ±rabhitv± pańca g±th± abh±si.
Tattha ±dig±th±ya t±va saŖkhepattho– papańcasaŖkh±ti papańc±ti saŖkh±tatt± papańc± eva papańcasaŖkh±. Tass± avijj±dayo kiles± m³la½, ta½ papańcasaŖkh±ya m³la½ asm²ti pavattam±nańca sabba½ mant±ya uparundhe. Y± k±ci ajjhatta½ taŗh± uppajjeyyu½. T±sa½ vinay±ya pah±n±ya sad± sato sikkhe upaµµhitassati hutv± sikkheyy±ti.
Ajjhattasamuµµh±n± v±ti citte uppann± v±. Purebhattanti div±bhattato purek±la½. Accantasa½yogatthe upayogavacana½, atthato pana bhummameva purebhatteti, esa nayo pacch±bhatt±d²su. Pacch±bhattanti div±bhattato pacch±k±la½. Purima½ y±manti rattiy± paµhamakoµµh±sa½. Majjhima½ y±manti rattiy± dutiyakoµµh±sa½. Pacchima½ y±manti rattiy± tatiyakoµµh±sa½. K±¼eti k±¼apakkhe. Juŗheti sukkapakkhe. Vasseti catt±ro vass±nam±se. Hemanteti catt±ro hemantam±se. Gimheti catt±ro gimh±nam±se. Purime vayokhandheti paµhame vayokoµµh±se, paµhamavayeti attho. T²su ca vayesu vassasat±yukassa purisassa ekekasmi½ vaye catum±s±dhik±ni tetti½sa vass±ni honti.
152. Eva½ paµhamag±th±ya t±va t²hi sikkh±hi yutta½ desana½ arahattanik³µena desetv± puna m±nappah±navasena desetu½ “ya½ kińc²”ti g±tham±ha. Tattha ya½ kińci dhammamabhijańń± ajjhattanti ya½ kińci ucc±kul²nat±dika½ attano guŗa½ j±neyya. Atha v±pi bahiddh±ti atha v± bahiddh±pi ±cariyupajjh±y±na½ v± guŗa½ j±neyya. Na tena th±ma½ kubbeth±ti tena guŗena m±na½ na kareyya.
Sat±nanti santaguŗavant±na½. Sant±nanti nibbutasant±na½. Na vutt±ti na kathit±. Nappavutt±ti na vissajjit±.
153. Id±nissa akaraŗavidhi½ dassento “seyyo na ten±”ti g±tham±ha. Tassattho– tena ca m±nena “seyyohan”ti v± “n²cohan”ti v± “sarikkhohan”ti v±pi na mańńeyya. Tehi ca ucc±kul²nat±d²hi guŗehi phuµµho anekar³pehi “aha½ ucc± kul± pabbajito”ti-±din± nayena att±na½ vikappento na tiµµheyy±ti.
154. Eva½ m±nappah±navasenapi desetv± id±ni sabbakiles³pasamavasena desetu½ “ajjhattamev±”ti g±tham±ha. Tattha ajjhattamevupasameti attani eva r±g±disabbakilese upasameyya. Na ańńato bhikkhu santimeseyy±ti µhapetv± ca satipaµµh±n±d²ni ańńena up±yena santi½ na pariyeseyya. Kuto niratt± v±ti niratt± kutoyeva.
Na eseyy±ti s²labbat±d²hi na maggeyya. Na gaveseyy±ti na olokeyya. Na pariyeseyy±ti punappuna½ na ikkheyya.
155. Id±ni ajjhatta½ upasantassa kh²ŗ±savassa t±dibh±va½ dassento “majjhe yath±”ti g±tham±ha. Tassattho– yath± mah±samuddassa upariheµµhimabh±g±na½ vemajjhasaŖkh±te catuyojanasahassappam±ŗe majjhe pabbatantare µhitassa v± majjhe samuddassa ³mi no j±yati, µhitova so hoti avikampam±no, eva½ anejo kh²ŗ±savo l±bh±d²su µhito assa avikampam±no, so t±diso r±g±diussada½ bhikkhu na kareyya kuhińc²ti.
Ubbedhen±ti heµµh±bh±gena. Gambh²roti udakapiµµhito paµµh±ya catur±s²tiyojanasahass±ni gambh²ro. “Ubbedho”tipi p±µho, ta½ na sundara½. Heµµh±ti anto-udaka½. Upar²ti uddha½udaka½. Majjheti vemajjhe. Na kampat²ti µhitaµµh±nato na calati. Na vikampat²ti ito cito ca na calati. Na calat²ti niccala½ hoti. Na vedhat²ti na phandati. Nappavedhat²ti na parivattati. Na sampavedhat²ti na paribbhamati. Aneritoti na erito. Aghaµµitoti akkhobho. Acalitoti na kampito. Alu¼itoti na kalal²bh³to. Tatra ³mi no j±yat²ti tasmi½ µh±ne v²ci na uppajjati.
Sattanna½ pabbat±na½ antarik±s³ti yugandhar±d²na½ sattanna½ pabbat±na½ antarantar±. S²dantar±ti antamaso simbal²t³lampi tesu patitapatita½ s²dat²ti s²d±, pabbatantare j±tatt± antar±. “Antaras²d±”tipi p±µho.
156. Id±ni eva½ arahattanik³µena desita½ dhammadesana½ abbh±numodento tassa ca arahattassa ±dipaµipada½ pucchanto nimmitabuddho “akittay²”ti g±tham±ha. Tattha akittay²ti ±cikkhi. Vivaµacakkh³ti vivaµehi an±varaŗehi pańcahi cakkh³hi samann±gato. Sakkhidhammanti sak±yatta½ saya½ abhińń±ta½ attapaccakkhadhamma½. Parissayavinayanti parissayavinayana½. Paµipada½ vadeh²ti id±ni paµipatti½ vadehi. Bhaddanteti bhadda½ tava atth³ti bhagavanta½ ±lapanto ±ha. Atha v± bhadda½ sundara½ tava paµipada½ vadeh²tipi vutta½ hoti. P±timokkha½ atha v±pi sam±dhinti tameva paµipada½ bhinditv± pucchati. Paµipadanti etena v± magga½ pucchati. Itarehi s²la½ sam±dhińca pucchati.
Ma½sacakkhun±p²ti sasambh±rikama½sacakkhun±pi. Dibbacakkhun±p²ti dibbasadisatt± dibba½. Dev±nańhi sucaritakammanibbatta½ pittasemharuhir±d²hi apalibuddha½ upakkilesavinimuttat±ya d³repi ±rammaŗasampaµicchanasamattha½ dibba½ pas±dacakkhu hoti. Idańc±pi v²riyabh±van±balanibbatta½ ń±ŗacakkhu t±disamev±ti dibbasadisatt± dibba½. Dibbavih±ravasena paµiladdhatt±, attan± ca dibbavih±rasannissitatt±pi dibba½. ¾lokapariggahena mah±jutikatt±pi dibba½. Tirokuµµ±digatar³padassanena mah±gatikatt±pi dibba½. Ta½ sabba½ saddasatth±nus±rena veditabba½. Dassanaµµhena cakkhu, cakkhukiccakaraŗena cakkhumiv±tipi cakkhu, dibbańca ta½ cakkhu c±ti dibbacakkhu. Tena dibbacakkhun±pi vivaµacakkhu. Id±ni pańcavidha½ cakkhu½ vitth±rena kathetu½ “katha½ bhagav± ma½sacakkhun±pi vivaµacakkh³”ti-±dim±ha Ma½sacakkhumhi bhagavato pańcavaŗŗ± sa½vijjant²ti ettha sasambh±r±dikacakkhumhi buddhassa bhagavato pańca koµµh±s± pacceka½ pacceka½ upalabbhanti.
N²lo ca vaŗŗoti um±pupphavaŗŗo. P²tako ca vaŗŗoti kaŗik±rapupphavaŗŗo. Lohitako ca vaŗŗoti indagopakavaŗŗo. Kaŗho ca vaŗŗoti ańjanavaŗŗo. Od±to ca vaŗŗoti osadhit±rakavaŗŗo. Yattha ca akkhilom±ni patiµµhit±n²ti yasmi½ µh±ne akkhilom±ni patiµµhahitv± uµµhit±ni. Ta½ n²la½ hoti sun²lanti ettha n²lanti sabbasaŖg±hakavasena vutta½. Sun²lanti antaravirahita½ suµµhu n²la½. P±s±dikanti pas±dajanaka½. Dassaneyyanti dassan²ya½. Um±pupphasam±nanti dakas²talapupphasadisa½. Tassa paratoti tassa samant± b±hirapasse. P²takanti sabbasaŖg±haka½. Sup²takanti antaravirahita½ suµµhu p²taka½. Ubhayato ca akkhik³µ±n²ti dve ca akkhikoµiyo. Lohitak±n²ti sabbasaŖg±hakavasena vutta½. Sulohitak±n²ti apańń±yam±navivar±ni suµµhu lohitak±ni. Majjhe kaŗhanti akkh²na½ majjhimaµµh±na½ ańjanasadisa½ kaŗha½. Sukaŗhanti antaravirahita½ suµµhu kaŗha½. Al³khanti p±s±dika½. Siniddhanti paŗ²ta½. Bhadd±riµµhakasam±nanti apan²tatacabhadd±riµµhakaphalasadisa½. “Add±riµµhakasam±nan”tipi p±¼i, tass± tintak±kasadisanti attho. Od±tanti sabbasaŖg±hakavasena vutta½. Su-od±tanti antaravirahita½ rajatamaŗ¹alasadisa½ suµµhu od±ta½. Seta½ paŗ¹aranti dv²hipi ati-od±tata½ dasseti. P±katikena ma½sacakkhun±ti pakatima½sacakkhun±. Attabh±vapariy±pannen±ti attabh±vasannissitena. Purimasucaritakamm±bhinibbatten±ti purimesu tattha tatthuppannesu attabh±vesu k±yasucarit±dikammun± upp±ditena. Samant± yojana½ passat²ti samantato catug±vutappam±ŗe yojane tirokuµµ±digata½ r³pa½ ±varaŗavirahita½ pakatima½sacakkhun± dakkhati.