[524] 4. Saªkhap±laj±takavaººan±

Ariy±vak±sos²ti ida½ satth± jetavane viharanto uposathakamma½ ±rabbha kathesi. Tad± hi satth± uposathike up±sake sampaha½setv± “por±ºakapaº¹it± mahati½ n±gasampatti½ pah±ya uposathav±sa½ upavasi½suyev±”ti vatv± tehi y±cito at²ta½ ±hari.
At²te r±jagahe magadhar±j± n±ma rajja½ k±resi. Tad± bodhisatto tassa rañño aggamahesiy± kucchimhi nibbatti, “duyyodhano”tissa n±ma½ kari½su. So vayappatto takkasil±ya½ sabbasipp±ni uggaºhitv± ±gantv± pitu sippa½ dassesi. Atha na½ pit± rajje abhisiñcitv± isipabbajja½ pabbajitv± uyy±ne vasi. Bodhisatto divasassa tikkhattu½ pitu santika½ agam±si. Tassa mah±l±bhasakk±ro udap±di. So teneva palibodhena kasiºaparikammamattampi k±tu½ asakkonto cintesi– “mah± me l±bhasakk±ro, na sakk± may± idha vasantena ima½ jaµa½ chinditu½, puttassa me an±rocetv±va aññattha gamiss±m²”ti. So kañci aj±n±petv± uyy±n± nikkhamitv± magadharaµµha½ atikkamitv± mahisakaraµµhe saªkhap±ladahato n±ma nikkhant±ya kaººaveºº±ya nadiy± nivattane candakapabbata½ upaniss±ya paººas±la½ katv± tattha vasanto kasiºaparikamma½ katv± jh±n±bhiññ± nibbattetv± uñch±cariy±ya y±pesi. Tamena½ saªkhap±lo n±ma n±gar±j± mahantena pariv±rena kaººaveººanadito nikkhamitv± antarantar± upasaªkamati. So tassa dhamma½ desesi. Athassa putto pitara½ daµµhuk±mo gataµµh±na½ aj±nanto anuvic±r±petv± “asukaµµh±ne n±ma vasat²”ti ñatv± tassa dassanatth±ya mahantena pariv±rena tattha gantv± ekamante khandhav±ra½ niv±setv± katipayehi amaccehi saddhi½ assamapad±bhimukho p±y±si.
Tasmi½ khaºe saªkhap±lo mahantena pariv±rena dhamma½ suºanto nis²di. So ta½ r±j±na½ ±gacchanta½ disv± isi½ vanditv± uµµh±y±san± pakk±mi. R±j± pitara½ vanditv± paµisanth±ra½ katv± nis²ditv± pucchi– “bhante, katarar±j± n±mesa tumh±ka½ santika½ ±gato”ti. T±ta, saªkhap±lan±gar±j± n±mesoti. So tassa sampatti½ niss±ya n±gabhavane lobha½ katv± katip±ha½ vasitv± pitu bhikkh±h±ra½ nibaddha½ d±petv± attano nagarameva gantv± cat³su dv±resu d±nas±l±yo k±retv± sakalajambud²pa½ saªkhobhento d±na½ datv± s²la½ rakkhitv± uposathakamma½ katv± n±gabhavana½ patthetv± ±yupariyos±ne n±gabhavane nibbattitv± saªkhap±lan±gar±j± ahosi So gacchante k±le t±ya sampattiy± vippaµis±r² hutv± tato paµµh±ya manussayoni½ patthento uposathav±sa½ vasi. Athassa n±gabhavane vasantassa uposathav±so na sampajjati, s²lavin±sa½ p±puº±ti. So tato paµµh±ya n±gabhavan± nikkhamitv± kaººaveºº±ya nadiy± avid³re mah±maggassa ca ekapadikamaggassa ca antare eka½ vammika½ parikkhipitv± uposatha½ adhiµµh±ya sam±dinnas²lo “mama cammama½s±d²hi atthik± cammama½s±d²ni harant³”ti att±na½ d±namukhe vissajjetv± vammikamatthake nipanno samaºadhamma½ karonto c±tuddase pannarase vasitv± p±µipade n±gabhavana½ gacchati.
Tasmi½ ekadivasa½ eva½ s²la½ sam±diyitv± nipanne paccantag±mav±sino so¼asa jan± “ma½sa½ ±hariss±m±”ti ±vudhahatth± araññe vicarant± kiñci alabhitv± nikkhant± ta½ vammikamatthake nipanna½ disv± “maya½ ajja godh±potakampi na labhimh±, ima½ n±gar±j±na½ vadhitv± kh±diss±m±”ti cintetv± “mah± kho panesa gayham±no pal±yeyya, yath±nipannameva ta½ bhogesu s³lehi vijjhitv± dubbala½ katv± gaºhiss±m±”ti s³l±ni ±d±ya upasaªkami½su. Bodhisattassa sar²ra½ mahanta½ ekadoºikan±vappam±ºa½ vaµµetv± µhapitasumanapupphad±ma½ viya jiñjukaphalasannibhehi akkh²hi jayasumanapupphasadisena ca s²sena samann±gata½ ativiya sobhati. So tesa½ so¼asanna½ jan±na½ padasaddena bhogantarato s²sa½ n²haritv± rattakkh²ni umm²letv± te s³lahatthe ±gacchante disv± cintesi– “ajja mayha½ manoratho matthaka½ p±puºissati, aha½ att±na½ d±namukhe niyy±detv± v²riya½ adhiµµhahitv± nipanno, ime mama sar²ra½ satt²hi koµµetv± chidd±vachidda½ karonte kodhavasena akkh²ni umm²letv± na olokess±m²”ti attano s²labhedabhayena da¼ha½ adhiµµh±ya s²sa½ bhogantareyeva pavesetv± nipajji. Atha na½ te upagantv± naªguµµhe gahetv± ka¹¹hant± bh³miya½ pothetv± tikhiºas³lehi aµµhasu µh±nesu vijjhitv± sakaºµakak±¼avettayaµµhiyo pah±ramukhehi pavesetv± aµµhasu µh±nesu k±jen±d±ya mah±magga½ paµipajji½su, mah±satto s³lehi vijjhanato paµµh±ya ekaµµh±nepi kodhavasena akkh²ni umm²letv± te na olokesi. Tassa aµµhahi k±jehi ±d±ya n²yam±nassa s²sa½ olambetv± bh³miya½ pahari. Atha na½ “s²samassa olambat²”ti mah±magge nipajj±petv± taruºas³lena n±s±puµa½ vijjhitv± rajjuka½ pavesetv± s²sa½ ukkhipitv± k±jakoµiya½ laggitv± punapi ukkhipitv± magga½ paµipajji½su.
Tasmi½ khaºe videharaµµhe mithilanagarav±s² ±¼±ro n±ma kuµumbiko pañca sakaµasat±ni ±d±ya sukhay±nake nis²ditv± gacchanto te bhojaputte bodhisatta½ tath± gaºhitv± gacchante disv± tesa½ so¼asannampi so¼asahi v±hagoºehi saddhi½ pasata½ pasata½ suvaººam±sake sabbesa½ niv±sanap±rupan±ni bhariy±nampi nesa½ vatth±bharaº±ni datv± vissajj±pesi. Atha so n±gabhavana½ gantv± tattha papañca½ akatv± mahantena pariv±rena nikkhamitv± ±¼±ra½ upasaªkamitv± n±gabhavanassa vaººa½ kathetv± ta½ ±d±ya n±gabhavana½ gantv± t²hi n±gakaññ±satehi saddhi½ mahantamassa yasa½ datv± dibbehi k±mehi santappesi. ¾¼±ro n±gabhavane ekavassa½ vasitv± dibbak±me paribhuñjitv± “icch±maha½, samma, pabbajitun”ti n±gar±jassa kathetv± pabbajitaparikkh±re gahetv± n±gabhavanato himavantappadesa½ gantv± pabbajitv± tattha cira½ vasitv± aparabh±ge c±rika½ caranto b±r±ºasi½ patv± r±juyy±ne vasitv± punadivase bhikkh±ya nagara½ pavisitv± r±jadv±ra½ agam±si. Atha na½ b±r±ºasir±j± disv± iriy±pathe pas²ditv± pakkos±petv± paññatt±sane nis²d±petv± n±naggarasabhojana½ bhojetv± aññatarasmi½ n²ce ±sane nisinno vanditv± tena saddhi½ sallapanto paµhama½ g±tham±ha–
143. “Ariy±vak±sosi pasannanetto, maññe bhava½ pabbajito kulamh±;
katha½ nu vitt±ni pah±ya bhoge, pabbaji nikkhamma ghar± sapaññ±”ti.
Tattha ariy±vak±sos²ti niddosasundarasar²r±vak±sosi, abhir³pos²ti attho. Pasannanettoti pañcahi pas±dehi yuttanetto. Kulamh±ti khattiyakul± v± br±hmaºakul± v± seµµhikul± v± pabbajitos²ti maññ±mi. Katha½ n³ti kena k±raºena ki½ ±rammaºa½ katv± dhanañca upabhoge ca pah±ya ghar± nikkhamitv± pabbajitosi sapañña paº¹itapuris±ti pucchati.
Tato para½ t±pasassa ca rañño ca vacanappaµivacanavasena g±th±na½ sambandho veditabbo–
144. “Saya½ vim±na½ naradeva disv±, mah±nubh±vassa mahoragassa;
disv±na puññ±na mah±vip±ka½, saddh±yaha½ pabbajitomhi r±ja.
145. “Na k±mak±m± na bhay± na dos±, v±ca½ mus± pabbajit± bhaºanti;
akkh±hi me pucchito etamattha½, sutv±na me j±yihitippas±do.
146. “V±ºijja raµµh±dhipa gaccham±no, pathe addas±simhi bhojaputte;
pava¹¹hak±ya½ uraga½ mahanta½, ±d±ya gacchante pamodam±ne.
147. “Soha½ sam±gamma janinda tehi, pahaµµhalomo avacamhi bh²to;
kuhi½ aya½ n²yati bh²mak±yo, n±gena ki½ k±hatha bhojaputt±.
148. “N±go aya½ n²yati bhojanatth±, pava¹¹hak±yo urago mahanto;
s±duñca th³lañca muduñca ma½sa½, na tva½ rasaññ±si videhaputta.
149. “Ito maya½ gantv± saka½ niketa½, ±d±ya satth±ni vikopayitv±;
ma½s±ni bhokkh±ma pamodam±n±, mayañhi ve sattavo pannag±na½.
150. “Sace aya½ n²yati bhojanatth±, pava¹¹hak±yo urago mahanto;
dad±mi vo balibadd±ni so¼asa, n±ga½ ima½ muñcatha bandhanasm±.
151. “Addh± hi no bhakkho aya½ man±po, bah³ ca no urag± bhuttapubb±;
karoma te ta½ vacana½ a¼±ra, mittañca no hohi videhaputta.
152. “Tad±ssu te bandhan± mocayi½su, ya½ natthuto paµimokkassa p±se;
mutto ca so bandhan± n±gar±j±, pakk±mi p±c²namukho muhutta½.
153. “Gantv±na p±c²namukho muhutta½, puººehi nettehi palokay² ma½;
tad±ssaha½ piµµhito anvagacchi½, dasaªguli½ añjali½ paggahetv±.
154. “Gaccheva kho tva½ taram±nar³po, m± ta½ amitt± punaraggahesu½;
dukkho hi luddehi pun± sam±gamo, adassana½ bhojaputt±na gaccha.
155. “Agam±si so rahada½ vippasanna½, n²lobh±sa½ ramaº²ya½ sutittha½;
samotata½ jambuhi vetas±hi, p±vekkhi nittiººabhayo pat²to.
156. “So ta½ pavissa nacirassa n±go, dibbena me p±turah³ janinda;
upaµµhah² ma½ pitara½va putto, hadayaªgama½ kaººasukha½ bhaºanto.
157. “Tva½ mesi m±t± ca pit± a¼±ra, abbhantaro p±ºadado sah±yo;
sakañca iddhi½ paµil±bhakosmi, a¼±ra passa me nivesan±ni;
pah³tabhakkha½ bahu-annap±na½, masakkas±ra½ viya v±savass±”ti.
Tattha vim±nanti saªkhap±lan±garañño anekasatan±µakasampattisampanna½ kañcanamaºivim±na½. Puññ±nanti tena katapuññ±na½ mahanta½ vip±ka½ disv± kammañca phalañca paralokañca saddahitv± pavatt±ya saddh±ya aha½ pabbajito. Na k±mak±m±ti na vatthuk±menapi bhayenapi dosenapi mus± bhaºanti. J±yihit²ti, bhante, tumh±ka½ vacana½ sutv± mayhampi pas±do somanassa½ j±yissati. V±ºijjanti v±ºijjakamma½ kariss±m²ti gacchanto. Pathe addas±simh²ti pañcanna½ sakaµasat±na½ purato sukhay±nake nis²ditv± gacchanto mah±magge janapadamanusse addasa½. Pava¹¹hak±yanti va¹¹hitak±ya½. ¾d±y±ti aµµhahi k±jehi gahetv±. Avacamh²ti abh±si½. Bh²mak±yoti bhayajanakak±yo. Bhojaputt±ti luddaputtake piyasamud±c±ren±lapati. Videhaputt±ti videharaµµhav±sit±ya ±¼±ra½ ±lapi½su. Vikopayitv±ti chinditv±. Mayañhi vo sattavoti maya½ pana n±g±na½ verino n±ma. Bhojanatth±ti bhojanatth±ya. Mittañca no hoh²ti tva½ amh±ka½ mitto hohi, kataguºa½ j±na.
Tad±ssu teti, mah±r±ja, tehi bhojaputtehi eva½ vutte aha½ tesa½ so¼asa v±hagoºe niv±sanap±rupan±ni pasata½ pasata½ suvaººam±sake bhariy±nañca nesa½ vatth±laªk±ra½ ad±si½, atha te saªkhap±lan±gar±j±na½ bh³miya½ nipajj±petv± attano kakkha¼at±ya sakaºµakak±¼avettalat±ya koµiya½ gahetv± ±ka¹¹hitu½ ±rabhi½su. Ath±ha½ n±gar±j±na½ kilamanta½ disv± akilamentova asin± t± lat± chinditv± d±rak±na½ kaººavedhato vaµµin²haraºaniy±mena adukkh±pento saºika½ n²hari½, tasmi½ k±le te bhojaputt± ya½ bandhana½ assa natthuto pavesetv± p±se paµimokka½, tasm± bandhan± ta½ uraga½ mocayi½su. Tassa n±sato saha p±sena ta½ rajjuka½ n²hari½s³ti d²peti. Iti te uraga½ vissajjetv± thoka½ gantv± “aya½ urago dubbalo, matak±le na½ gahetv± gamiss±m±”ti nil²yi½su.