158. “M± na½ daharoti uññ±si, apucchitv±na sambhava½;
pucchitv± sambhava½ jaññ±, attha½ dhammañca br±hmaºa.
159. “Yath±pi cando vimalo, gaccha½ ±k±sadh±tuy±;
sabbe t±r±gaºe loke, ±bh±ya atirocati.
160. “Evampi dahar³peto, paññ±yogena sambhavo;
m± na½ daharoti uññ±si, apucchitv±na sambhava½;
pucchitv± sambhava½ jaññ±, attha½ dhammañca br±hmaºa.
161. “Yath±pi rammako m±so, gimh±na½ hoti br±hmaºa;
atevaññehi m±sehi, dumapupphehi sobhati.
162. “Evampi dahar³peto, paññ±yogena sambhavo;
m± na½ daharoti uññ±si, apucchitv±na sambhava½;
pucchitv± sambhava½ jaññ±, attha½ dhammañca br±hmaºa.
163. “Yath±pi himav± brahme, pabbato gandham±dano;
n±n±rukkhehi sañchanno, mah±bh³tagaº±layo;
osadhehi ca dibbehi, dis± bh±ti pav±ti ca.
164. “Evampi dahar³peto, paññ±yogena sambhavo;
m± na½ daharoti uññ±si, apucchitv±na sambhava½;
pucchitv± sambhava½ jaññ±, attha½ dhammañca br±hmaºa.
165. “Yath±pi p±vako brahme, accim±l² yasassim±;
jalam±no vane gacche, analo kaºhavattan².
166. “Ghat±sano dh³maketu, uttam±hevanandaho;
nis²the pabbataggasmi½, pah³tedho virocati.
167. “Evampi dahar³peto, paññ±yogena sambhavo;
m± na½ daharoti uññ±si, apucchitv±na sambhava½;
pucchitv± sambhava½ jaññ±, attha½ dhammañca br±hmaºa.
168. “Javena bhadra½ j±nanti, balibaddañca v±hiye;
dohena dhenu½ j±nanti, bh±sam±nañca paº¹ita½.
169. “Evampi dahar³peto, paññ±yogena sambhavo;
m± na½ daharoti uññ±si, apucchitv±na sambhava½;
pucchitv± sambhava½ jaññ±, attha½ dhammañca br±hmaº±”ti.
Tattha jaññ±ti j±nissasi. Candoti puººacando. Vimaloti abbh±dimalavirahito. Evampi dahar³petoti eva½ sambhavakum±ro daharabh±vena upetopi paññ±yogena sakalajambud²patale avasese paº¹ite atikkamitv± virocati. Rammakoti cittam±so. Atevaññeh²ti ativiya aññehi ek±dasahi m±sehi. Evanti eva½ sambhavopi paññ±yogena sobhati. Himav±ti himap±tasamaye himayuttoti himav±, gimhak±le hima½ vamat²ti himav±. Sampatta½ jana½ gandhena madayat²ti gandham±dano. Mah±bh³tagaº±layoti devagaº±na½ niv±so. Dis± bh±t²ti sabbadis± ekobh±s± viya karoti. Pav±t²ti gandhena sabbadis± v±yati. Evanti eva½ sambhavopi paññ±yogena sabbadis± bh±ti ceva pav±ti ca.
Yasassim±ti tejasampattiy± yasassim±. Accim±l²ti acc²hi yutto. Jalam±no vane gaccheti gacchasaªkh±te mah±vane jalanto carati. Analoti atitto. Gatamaggassa kaºhabh±vena kaºhavattan². Yaññe ±hutivasena ±huta½ ghata½ asn±t²ti ghat±sano. Dh³mo ketukicca½ assa s±dhet²ti dh³maketu. Uttam±hevanandahoti ahevana½ vuccati vanasaº¹o, uttama½ vanasaº¹a½ dahat²ti attho. Nis²theti rattibh±ge. Pabbataggasminti pabbatasikhare. Pah³tedhoti pah³ta-indhano. Virocat²ti sabbadis±su obh±sati. Evanti eva½ mama kaniµµho sambhavakum±ro daharopi paññ±yogena virocati. Bhadranti bhadra½ ass±j±n²ya½ javasampattiy± j±nanti, na sar²rena. V±hiyeti vahitabbabh±re sati bh±ravahat±ya “aha½ uttamo”ti balibadda½ j±nanti. Dohen±ti dohasampattiy± dhenu½ “sukh²r±”ti j±nanti. Bh±sam±nanti ettha “n±bh±sam±na½ j±nanti, missa½ b±lehi paº¹itan”ti sutta½ (sa½. ni. 2.241) ±haritabba½.
Sucirato eva½ tasmi½ sambhava½ vaººente “pañha½ pucchitv± j±niss±m²”ti “kaha½ pana te kum±ra kaniµµho”ti pucchi. Athassa so s²hapañjara½ vivaritv± hattha½ pas±retv± “yo esa p±s±dadv±re antarav²thiy± kum±rakehi saddhi½ suvaººavaººo k²¼ati, aya½ mama kaniµµho, upasaªkamitv± ta½ puccha, buddhal²¼±ya te pañha½ kathessat²”ti ±ha. Sucirato tassa vacana½ sutv± p±s±d± oruyha kum±rassa santika½ agam±si. K±ya vel±y±ti? Kum±rassa nivatthas±µaka½ mocetv± khandhe khipitv± ubhohi hatthehi pa½su½ gahetv± µhitavel±ya. Tamattha½ ±vikaronto satth± g±tham±ha–
170. “Sv±dhipp±g± bh±radv±jo, sambhavassa upantika½;
tamaddasa mah±brahm±, k²¼am±na½ bah²pure”ti.
Tattha bah²pureti bahinivesane.
Mah±sattopi br±hmaºa½ ±gantv± purato µhita½ disv± “t±ta, kenatthen±gatos²”ti pucchitv±, “t±ta, kum±ra aha½ jambud²patale ±hiº¹anto may± pucchita½ pañha½ kathetu½ samattha½ alabhitv± tava santika½ ±gatomh²”ti vutte “sakalajambud²pe kira avinicchito pañho mama santika½ ±gato, aha½ ñ±ºena mahallako”ti hirottappa½ paµilabhitv± hatthagata½ pa½su½ cha¹¹etv± khandhato s±µaka½ ±d±ya niv±setv± “puccha, br±hmaºa, buddhal²¼±ya te kathess±m²”ti sabbaññupav±raºa½ pav±resi. Tato br±hmaºo–
171. “Raññoha½ pahito d³to, korabyassa yasassino;
‘attha½ dhammañca pucchesi’, iccabravi yudhiµµhilo;
ta½ tva½ atthañca dhammañca, sambhavakkh±hi pucchito”ti.–

G±th±ya pañha½ pucchi.

Tassa attho sambhavapaº¹itassa gaganamajjhe puººacando viya p±kaµo ahosi.
Atha na½ “tena hi suºoh²”ti vatv± dhammay±gapañha½ vissajjento g±tham±ha–
172. “Taggha te ahamakkhissa½, yath±pi kusalo tath±;
r±j± ca kho ta½ j±n±ti, yadi k±hati v± na v±”ti.
Tassa antarav²thiya½ µhatv± madhurassarena dhamma½ desentassa saddo dv±dasayojanika½ sakalab±r±ºasinagara½ avatthari. Atha r±j± ca upar±j±dayo ca sabbe sannipati½su. Mah±satto mah±janassa majjhe dhammadesana½ paµµhapesi.
Tattha taggh±ti eka½savacana½. Yath±pi kusaloti yath± atikusalo sabbaññubuddho ±cikkhati, tath± te eka½seneva ahamakkhissanti attho. R±j± ca kho tanti aha½ ta½ pañha½ yath± tumh±ka½ r±j± j±nitu½ sakkoti, tath± kathess±mi. Tato uttari r±j± eva ta½ j±n±ti, yadi karissati v± na v± karissati, karontassa v± akarontassa v± tasseveta½ bhavissati, mayha½ pana doso natth²ti d²peti.
Eva½ im±ya g±th±ya pañhakathana½ paµij±nitv± id±ni dhammay±gapañha½ kathento ±ha–
173. “Ajja suveti sa½seyya, raññ± puµµho suc²rata;
m± katv± avas² r±j±, atthe j±te yudhiµµhilo.
174. “Ajjhattaññeva sa½seyya, raññ± puµµho suc²rata;
kummagga½ na niveseyya, yath± m³¼ho acetaso.
175. “Att±na½ n±tivatteyya, adhamma½ na sam±care;
atitthe nappat±reyya, anatthe na yuto siy±.
176. “Yo ca et±ni µh±n±ni, kattu½ j±n±ti khattiyo;
sad± so va¹¹hate r±j±, sukkapakkheva candim±.
177. “ѱt²nañca piyo hoti, mittesu ca virocati;
k±yassa bhed± sappañño, sagga½ so upapajjat²”ti.
Tattha sa½seyy±ti katheyya. Ida½ vutta½ hoti– t±ta, sucirata sace tumh±ka½ raññ± “ajja d±na½ dema, s²la½ rakkh±ma, uposathakamma½ karom±”ti koci puµµho, “mah±r±ja, ajja t±va p±ºa½ han±ma, k±me paribhuñj±ma, sura½ piv±ma, kusala½ pana kariss±ma suve”ti rañño katheyya, tassa atimahantassapi amaccassa vacana½ katv± tumh±ka½ r±j± yudhiµµhilagotto tath±r³pe atthe j±te ta½ divasa½ pam±dena v²tin±mento m± avasi, tassa vacana½ akatv± uppanna½ kusalacitta½ aparih±petv± kusalapaµisa½yutta½ kamma½ karotuyeva, idamassa katheyy±s²ti. Eva½ mah±satto im±ya g±th±ya–
“Ajjeva kiccam±tappa½, ko jaññ± maraºa½ suve”ti. (Ma. ni. 3.272)–

Bhaddekarattasuttañceva,

“Appam±do amatapada½, pam±do maccuno padan”ti. (Dha. pa. 21)–

Appam±dov±dañca kathesi.

Ajjhattaññev±ti t±ta, sucirata sambhavapaº¹ito tay± dhammay±gapañhe pucchite ki½ kathes²ti raññ± puµµho sam±no tumh±ka½ rañño ajjhattaññeva sa½seyya, niyakajjhattasaªkh±ta½ khandhapañcaka½ hutv± abh±vato aniccanti katheyy±si. Ett±vat± mah±satto–
“Sabbe saªkh±r± anicc±ti, yad± paññ±ya passati”. (Dha. pa. 277)–
“Anicc± vata saªkh±r±, upp±davayadhammino”ti. (D². ni. 2.221)–

Eva½ vibh±vita½ aniccata½ kathes²ti.

Kummagganti, br±hmaºa, yath± m³¼ho acetano andhab±laputhujjano dv±saµµhidiµµhigatasaªkh±ta½ kummagga½ sevati, eva½ tava r±j± ta½ kummagga½ na seveyya, niyy±nika½ dasakusalakammapathamaggameva sevatu, evamassa vadeyy±s²ti.
Att±nanti ima½ sugatiya½ µhita½ attabh±va½ n±tivatteyya, yena kammena tisso kusalasampattiyo sabbak±masagge atikkamitv± ap±ye nibbattanti, ta½ kamma½ na kareyy±ti attho. Adhammanti tividhaduccaritasaªkh±ta½ adhamma½ na sam±careyya. Atittheti dv±saµµhidiµµhisaªkh±te atitthe nappat±reyya na ot±reyya. “Na t±reyy±”tipi p±µho, attano diµµh±nugatim±pajjanta½ jana½ na ot±reyya. Anattheti ak±raºe. Na yutoti yuttapayutto na siy±. Br±hmaºa, yadi te r±j± dhammay±gapañhe vattituk±mo, “imasmi½ ov±de vattat³”ti tassa katheyy±s²ti ayamettha adhipp±yo.
Sad±ti satata½. Ida½ vutta½ hoti– “yo khattiyo et±ni k±raº±ni k±tu½ j±n±ti, so r±j± sukkapakkhe cando viya sad± va¹¹hat²”ti Virocat²ti mitt±macc±na½ majjhe attano s²l±c±rañ±º±d²hi guºehi sobhati virocat²ti.
Eva½ mah±satto gaganatale canda½ uµµh±pento viya buddhal²¼±ya br±hmaºassa pañha½ kathesi. Mah±jano nadanto selento apphoµento s±dhuk±rasahass±ni ad±si, celukkhepe ca aªguliphoµe ca pavattesi, hatthapi¼andhan±d²ni khipi. Eva½ khittadhana½ koµimatta½ ahosi. R±j±pissa tuµµho mahanta½ yasa½ ad±si. Suciratopi nikkhasahassena p³ja½ katv± suvaººapaµµe j±tihiªgulakena pañhavissajjana½ likhitv± indapatthanagara½ gantv± rañño dhammay±gapañha½ kathesi. R±j± tasmi½ dhamme vattitv± saggapura½ p³resi.
Satth± ima½ dhammadesana½ ±haritv± “na, bhikkhave, id±neva, pubbepi tath±gato mah±paññoyev±”ti vatv± j±taka½ samodh±nesi “tad± dhanañcayar±j± ±nando ahosi, sucirato anuruddho, vidhuro kassapo, bhadrak±ro moggall±no, sañcayam±ºavo s±riputto, sambhavapaº¹ito pana ahameva ahosin”ti.

Sambhavaj±takavaººan± pañcam±.