[461] 7. Dasarathaj±takavaººan±

Etha lakkhaºa s²t± c±ti ida½ satth± jetavane viharanto eka½ matapitika½ kuµumbika½ ±rabbha kathesi. So hi pitari k±lakate sok±bhibh³to sabbakicc±ni pah±ya sok±nuvattakova ahosi. Satth± pacc³sasamaye loka½ olokento tassa sot±pattiphal³panissaya½ disv± punadivase s±vatthiya½ piº¹±ya caritv± katabhattakicco bhikkh³ uyyojetv± eka½ pacch±samaºa½ gahetv± tassa geha½ gantv± vanditv± nisinna½ madhuravacanena ±lapanto “ki½ socasi up±sak±”ti vatv± “±ma, bhante, pitusoko ma½ b±dhat²”ti vutte “up±saka, por±ºakapaº¹it± aµµhavidhe lokadhamme tathato j±nant± pitari k±lakate appamattakampi soka½ na kari½s³”ti vatv± tena y±cito at²ta½ ±hari.
At²te b±r±ºasiya½ dasarathamah±r±j± n±ma agatigamana½ pah±ya dhammena rajja½ k±resi. Tassa so¼asanna½ itthisahass±na½ jeµµhik± aggamahes² dve putte ekañca dh²tara½ vij±yi. Jeµµhaputto r±mapaº¹ito n±ma ahosi, dutiyo lakkhaºakum±ro n±ma, dh²t± s²t± dev² n±ma. Aparabh±ge mahes² k±lamak±si. R±j± tass± k±lakat±ya ciratara½ sokavasa½ gantv± amaccehi saññ±pito tass± kattabbaparih±ra½ katv± añña½ aggamahesiµµh±ne µhapesi. S± rañño piy± ahosi man±p±. S±pi aparabh±ge gabbha½ gaºhitv± laddhagabbhaparih±r± putta½ vij±yi, “bharatakum±ro”tissa n±ma½ aka½su. R±j± puttasinehena “bhadde, vara½ te dammi, gaºh±h²”ti ±ha. S± gahitaka½ katv± µhapetv± kum±rassa sattaµµhavassak±le r±j±na½ upasaªkamitv± “deva, tumhehi mayha½ puttassa varo dinno, id±nissa vara½ deth±”ti ±ha. Gaºha, bhaddeti. “Deva, puttassa me rajja½ deth±”ti vutte r±j± acchara½ paharitv± “nassa, vasali, mayha½ dve putt± aggikkhandh± viya jalanti, te m±r±petv± tava puttassa rajja½ y±cas²”ti tajjesi. S± bh²t± sirigabbha½ pavisitv± aññesupi divasesu r±j±na½ punappuna½ rajjameva y±ci.
R±j± tass± ta½ vara½ adatv±va cintesi “m±tug±mo n±ma akataññ³ mittadubbh², aya½ me k³µapaººa½ v± k³µalañja½ v± katv± putte gh±t±peyy±”ti. So putte pakkos±petv± tamattha½ ±rocetv± “t±t±, tumh±ka½ idha vasant±na½ antar±yopi bhaveyya, tumhe s±mantarajja½ v± arañña½ v± gantv± mama maraºak±le ±gantv± kulasantaka½ rajja½ gaºheyy±th±”ti vatv± puna nemittake br±hmaºe pakkos±petv± attano ±yupariccheda½ pucchitv± “aññ±ni dv±dasa vass±ni pavattissat²”ti sutv± “t±t±, ito dv±dasavassaccayena ±gantv± chatta½ uss±peyy±th±”ti ±ha. Te “s±dh³”ti vatv± pitara½ vanditv± rodant± p±s±d± otari½su. S²t± dev² “ahampi bh±tikehi saddhi½ gamiss±m²”ti pitara½ vanditv± rodant² nikkhami. Tayopi jan± mah±pariv±r± nikkhamitv± mah±jana½ nivattetv± anupubbena himavanta½ pavisitv± sampannodake sulabhaphal±phale padese assama½ m±petv± phal±phalena y±pent± vasi½su.
Lakkhaºapaº¹ito ca s²t± ca r±mapaº¹ita½ y±citv± “tumhe amh±ka½ pituµµh±ne µhit±, tasm± assameyeva hotha, maya½ phal±phala½ ±haritv± tumhe posess±m±”ti paµiñña½ gaºhi½su. Tato paµµh±ya r±mapaº¹ito tattheva hoti. Itare dve phal±phala½ ±haritv± ta½ paµijaggi½su. Eva½ tesa½ phal±phalena y±petv± vasant±na½ dasarathamah±r±j± puttasokena navame sa½vacchare k±lamak±si. Tassa sar²rakicca½ k±retv± dev² “attano puttassa bharatakum±rassa chatta½ uss±peth±”ti ±ha. Amacc± pana “chattass±mik± araññe vasant²”ti na ada½su. Bharatakum±ro “mama bh±tara½ r±mapaº¹ita½ araññato ±netv± chatta½ uss±pess±m²”ti pañcar±jakakudhabhaº¹±ni gahetv± caturaªginiy± sen±ya tassa vasanaµµh±na½ patv± avid³re khandh±v±ra½ katv± tattha niv±setv± katipayehi amaccehi saddhi½ lakkhaºapaº¹itassa ca s²t±ya ca arañña½ gatak±le assamapada½ pavisitv± assamapadadv±re µhapitakañcanar³paka½ viya r±mapaº¹ita½ nir±saªka½ sukhanisinna½ upasaªkamitv± vanditv± ekamanta½ µhito rañño pavatti½ ±rocetv± saddhi½ amaccehi p±desu patitv± rodati. R±mapaº¹ito pana neva soci, na paridevi, indriyavik±ramattampissa n±hosi. Bharatassa pana roditv± nisinnak±le s±yanhasamaye itare dve phal±phala½ ±d±ya ±gami½su. R±mapaº¹ito cintesi “ime dahar± mayha½ viya pariggaºhanapaññ± etesa½ natthi, sahas± ‘pit± vo mato’ti vutte soka½ sandh±retu½ asakkont±na½ hadayampi tesa½ phaleyya, up±yena te udaka½ ot±retv± eta½ pavatti½ ±rocess±m²”ti. Atha nesa½ purato eka½ udakaµµh±na½ dassetv± “tumhe aticirena ±gat±, ida½ vo daº¹akamma½ hotu, ima½ udaka½ otaritv± tiµµhath±”ti upa¹¹hag±tha½ t±va ±ha–
84. “Etha lakkhaºa s²t± ca, ubho otarathodakan”ti;
tassattho– etha lakkhaºa s²t± ca ±gacchatha, ubhopi otaratha udakanti.
Te ekavacaneneva otaritv± aµµha½su. Atha nesa½ pitu pavatti½ ±rocento sesa½ upa¹¹hag±tham±ha–
“Ev±ya½ bharato ±ha, r±j± dasaratho mato”ti;
te pitu matas±sana½ sutv±va visaññ± ahesu½; punapi nesa½ kathesi, punapi te visaññ± ahesunti eva½ y±vatatiya½ visaññita½ patte te amacc± ukkhipitv± udak± n²haritv± thale nis²d±petv± laddhass±sesu tesu sabbe aññamañña½ roditv± paridevitv± nis²di½su; tad± bharatakum±ro cintesi– “mayha½ bh±t± lakkhaºakum±ro ca bhagin² ca s²t± dev² pitu matas±sana½ sutv±va soka½ sandh±retu½ na sakkonti, r±mapaº¹ito pana neva socati, na paridevati, ki½ nu kho tassa asocanak±raºa½, pucchiss±mi nan”ti; so ta½ pucchanto dutiya½ g±tham±ha–
85. “kena r±mappabh±vena, socitabba½ na socasi;
pitara½ k±lakata½ sutv±, na ta½ pasahate dukhan”ti.
Tattha pabh±ven±ti ±nubh±vena. Na ta½ pasahate dukhanti evar³pa½ dukkha½ kena k±raºena ta½ na p²¼eti, ki½ te asocanak±raºa½, kathehi t±va nanti.
Athassa r±mapaº¹ito attano asocanak±raºa½ kathento–
86. “Ya½ na sakk± nip±letu½, posena lapata½ bahu½;
sa kissa viññ³ medh±v², att±namupat±paye.
87. “Dahar± ca hi vuddh± ca, ye b±l± ye ca paº¹it±;
a¹¹h± ceva dalidd± ca, sabbe maccupar±yaº±.
88. “Phal±namiva pakk±na½, nicca½ patanato bhaya½;
eva½ j±t±na macc±na½, nicca½ maraºato bhaya½.
89. “S±yameke na dissanti, p±to diµµh± bahujjan±;
p±to eke na dissanti, s±ya½ diµµh± bahujjan±.
90. “Paridevayam±no ce, kiñcidattha½ udabbahe;
samm³¼ho hi½samatt±na½, kayir± ta½ vicakkhaºo.
91. “Kiso vivaººo bhavati, hi½samatt±namattano;
na tena pet± p±lenti, niratth± paridevan±.
92. “Yath± saraºam±ditta½, v±rin± parinibbaye;
evampi dh²ro sutav±, medh±v² paº¹ito naro;
khippamuppatita½ soka½, v±to t³la½va dha½saye.
93. “Macco ekova acceti, ekova j±yate kule;
sa½yogaparam±tveva, sambhog± sabbap±ºina½.
94. “Tasm± hi dh²rassa bahussutassa, sampassato lokamima½ parañca;
aññ±ya dhamma½ hadaya½ manañca, sok± mahant±pi na t±payanti.
95. “Soha½ dassañca bhokkhañca, bhariss±mi ca ñ±take;
sesañca p±layiss±mi, kiccameta½ vij±nato”ti.–

Im±hi dasahi g±th±hi aniccata½ pak±seti.

Tattha nip±letunti rakkhitu½. Lapatanti lapant±na½. Ida½ vutta½ hoti– “t±ta bharata, ya½ satt±na½ j²vita½ bahumpi vilapant±na½ puris±na½ eken±pi m± ucchijj²ti na sakk± rakkhitu½, so d±ni m±diso aµµha lokadhamme tathato j±nanto viññ³ medh±v² paº¹ito maraºapariyos±naj²vitesu sattesu kissa att±namupat±paye, ki½k±raº± anupak±rena sokadukkhena att±na½ sant±peyy±”ti.
Dahar± c±ti g±th± “maccu n±mesa t±ta bharata, neva suvaººar³pakasadis±na½ dahar±na½ khattiyakum±rak±d²na½, na vuddhippatt±na½ mah±yodh±na½, na b±l±na½ puthujjanasatt±na½, na buddh±d²na½ paº¹it±na½, na cakkavatti-±d²na½ issar±na½, na niddhan±na½ dalidd±d²na½ lajjati, sabbepime satt± maccupar±yaº± maraºamukhe sa½bhaggavibhagg± bhavantiyev±”ti dassanattha½ vutt±.
Nicca½ patanatoti ida½ vutta½ hoti– yath± hi t±ta bharata, pakk±na½ phal±na½ pakkak±lato paµµh±ya “id±ni vaºµ± chijjitv± patissanti, id±ni patissant²”ti patanato bhaya½ nicca½ dhuva½ eka½sikameva bhavati, eva½ ±saªkan²yato eva½ j±t±na½ macc±nampi eka½sika½yeva maraºato bhaya½, natthi so khaºo v± layo v± yattha tesa½ maraºa½ na ±saªkitabba½ bhaveyy±ti.
S±yanti vik±le. Imin± rattibh±ge ca diµµh±na½ divasabh±ge adassana½, divasabh±ge ca diµµh±na½ rattibh±ge adassana½ d²peti. Kiñcidatthanti “pit± me, putto me”ti-±d²hi paridevam±nova poso samm³¼ho att±na½ hi½santo kilamento appamattakampi attha½ ±hareyya. Kayir± ta½ vicakkhaºoti atha paº¹ito puriso eva½ parideva½ kareyya, yasm± pana paridevanto mata½ v± ±netu½ añña½ v± tassa va¹¹hi½ k±tu½ na sakkoti, tasm± niratthakatt± paridevitassa paº¹it± na paridevanti.
Att±namattanoti attano attabh±va½ sokaparidevadukkhena hi½santo. Na ten±ti tena paridevena paraloka½ gat± satt± na p±lenti na y±penti. Niratth±ti tasm± tesa½ matasatt±na½ aya½ paridevan± niratthak±. Saraºanti niv±sageha½. Ida½ vutta½ hoti– yath± paº¹ito puriso attano vasan±g±re ±ditte muhuttampi vos±na½ an±pajjitv± ghaµasatena ghaµasahassena v±rin± nibb±payateva, eva½ dh²ro uppatita½ soka½ khippameva nibb±paye. T³la½ viya ca v±to yath± saºµh±tu½ na sakkoti, eva½ dha½saye viddha½seyy±ti attho.
Macco ekova accet²ti ettha t±ta bharata, ime satt± kammassak± n±ma, tath± hi ito paraloka½ gacchanto satto ekova acceti atikkamati, khattiy±dikule j±yam±nopi ekova gantv± j±yati. Tattha tattha pana ñ±timittasa½yogena “aya½ me pit±, aya½ me m±t±, aya½ me mitto”ti sa½yogaparam±tveva sambhog± sabbap±º²na½, paramatthena pana t²supi bhavesu kammassak±vete satt±ti attho.
Tasm±ti yasm± etesa½ satt±na½ ñ±timittasa½yoga½ ñ±timittaparibhogamatta½ µhapetv± ito para½ añña½ natthi, tasm±. Sampassatoti imañca parañca loka½ n±n±bh±vavin±bh±vameva samm± passato. Aññ±ya dhammanti aµµhavidhalokadhamma½ j±nitv±. Hadaya½ manañc±ti ida½ ubhayampi cittasseva n±ma½. Ida½ vutta½ hoti–
“L±bho al±bho yaso ayaso ca, nind± pasa½s± ca sukhañca dukkha½;
ete anicc± manujesu dhamm±, m± soca ki½ socasi poµµhap±d±”ti. (J±. 1.4.114)–

Imesa½ aµµhanna½ lokadhamm±na½ yena kenaci citta½ pariy±d²yati, tassa ca aniccata½ ñatv± µhitassa dh²rassa pituputtamaraº±divatthuk± mahant±pi sok± hadaya½ na t±payant²ti. Eta½ v± aµµhavidha½ lokadhamma½ ñatv± µhitassa hadayavatthuñca manañca mahant±pi sok± na t±payant²ti evampettha attho daµµhabbo.

Soha½ dassañca bhokkhañc±ti g±th±ya– t±ta bharata, andhab±l±na½ satt±na½ viya mama rodanaparidevana½ n±ma na anucchavika½, aha½ pana pitu accayena tassa µh±ne µhatv± kapaº±d²na½ d±n±rah±na½ d±na½, µh±nantar±rah±na½ µh±nantara½, yas±rah±na½ yasa½ dass±mi, pitar± me paribhuttanayena issariya½ paribhuñjiss±mi, ñ±take ca posess±mi, avasesañca antoparijan±dika½ jana½ p±less±mi, dhammikasamaºabr±hmaº±na½ dhammika½ rakkh±varaºagutti½ kariss±m²ti evañhi j±nato paº¹itapurisassa anur³pa½ kiccanti attho.
Paris± ima½ r±mapaº¹itassa aniccat±pak±sana½ dhammadesana½ sutv± nissok± ahesu½. Tato bharatakum±ro r±mapaº¹ita½ vanditv± “b±r±ºasirajja½ sampaµicchath±”ti ±ha. T±ta lakkhaºañca, s²t±deviñca gahetv± gantv± rajja½ anus±sath±ti. Tumhe pana, dev±ti. T±ta, mama pit± “dv±dasavassaccayena ±gantv± rajja½ k±reyy±s²”ti ma½ avoca, aha½ id±neva gacchanto tassa vacanakaro n±ma na homi, aññ±nipi t²ºi vass±ni atikkamitv± ±gamiss±m²ti. “Ettaka½ k±la½ ko rajja½ k±ressat²”ti? “Tumhe k±reth±”ti. “Na maya½ k±ress±m±”ti. “Tena hi y±va mam±gaman± im± p±duk± k±ressant²”ti attano tiºap±duk± omuñcitv± ad±si. Te tayopi jan± p±duk± gahetv± r±mapaº¹ita½ vanditv± mah±janaparivut± b±r±ºasi½ agama½su. T²ºi sa½vacchar±ni p±duk± rajja½ k±resu½. Amacc± tiºap±duk± r±japallaªke µhapetv± a¹¹a½ vinicchinanti. Sace dubbinicchito hoti, p±duk± aññamañña½ paµihaññanti. T±ya saññ±ya puna vinicchinanti. Samm± vinicchitak±le p±duk± nissadd± sannis²danti. R±mapaº¹ito tiººa½ sa½vacchar±na½ accayena araññ± nikkhamitv± b±r±ºasinagara½ patv± uyy±na½ p±visi. Tassa ±gamanabh±va½ ñatv± kum±r± amaccagaºaparivut± uyy±na½ gantv± s²ta½ aggamahesi½ katv± ubhinnampi abhiseka½ aka½su. Eva½ abhisekappatto mah±satto alaªkatarathe µhatv± mahantena pariv±rena nagara½ pavisitv± padakkhiºa½ katv± candakap±s±davarassa mah±tala½ abhiruhi. Tato paµµh±ya so¼asa vassasahass±ni dhammena rajja½ k±retv± ±yupariyos±ne saggapura½ p³resi.
96. “Dasa vassasahass±ni, saµµhi vassasat±ni ca;
kambug²vo mah±b±hu, r±mo rajjamak±ray²”ti.–

Aya½ abhisambuddhag±th± tamattha½ d²peti.

Tattha kambug²voti suvaºº±¼iªgasadisag²vo. Suvaººañhi kamb³ti vuccati.
Satth± ima½ dhammadesana½ ±haritv± sacc±ni pak±setv± j±taka½ samodh±nesi, saccapariyos±ne kuµumbiko sot±pattiphale patiµµhahi. Tad± dasarathamah±r±j± suddhodanamah±r±j± ahosi, m±t± mah±m±y±dev², s²t± r±hulam±t±, bharato ±nando, lakkhaºo s±riputto, paris± buddhaparis±, r±mapaº¹ito pana ahameva ahosinti.

Dasarathaj±takavaººan± sattam±.