[458] 4. Udayaj±takavaººan±

Ek± nisinn±ti ida½ satth± jetavane viharanto eka½ ukkaºµhitabhikkhu½ ±rabbha kathesi. Vatthu kusaj±take (j±. 2.20.1 ±dayo) ±vi bhavissati. Satth± pana ta½ bhikkhu½ “sacca½ kira tva½ ukkaºµhitos²”ti pucchitv± “sacca½, bhante”ti vutte “bhikkhu kasm± kilesavasena evar³pe niyy±nikas±sane pabbajitv± ukkaºµhitosi? Por±ºakapaº¹it± samiddhe dv±dasayojanike surundhananagare rajja½ k±rent± devaccharapaµibh±g±ya itthiy± saddhi½ satta vassasat±ni ekagabbhe vasant±pi indriy±ni bhinditv± lobhavasena na olokesun”ti vatv± at²ta½ ±hari.
At²te k±siraµµhe surundhananagare k±sir±j± rajja½ k±resi, tassa neva putto, na dh²t± ahosi. So attano deviyo “putte pattheth±”ti ±ha. Aggamahes²pi rañño vacana½ sampaµicchitv± tath± ak±si. Tad± bodhisatto brahmalok± cavitv± tasseva rañño aggamahesiy± kucchimhi nibbatti. Athassa mah±janassa hadaya½ va¹¹hetv± j±tabh±vena “udayabhaddo”ti n±ma½ kari½su. Kum±rassa padas± caraºak±le aññopi satto brahmalok± cavitv± tasseva rañño aññatar±ya deviy± kucchimhi kum±rik± hutv± nibbatti, tass±pi “udayabhadd±”ti n±ma½ kari½su. Kum±ro vayappatto sabbasippanipphatti½ p±puºi j±tabrahmac±r² pana ahosi, supinantenapi methunadhamma½ na j±n±ti, na tassa kilesesu citta½ all²yi. R±j± putta½ rajje abhisiñcituk±mo “kum±rassa id±ni rajjasukhasevanak±lo, n±µak±pissa paccupaµµh±pess±m²”ti s±sana½ pesesi. Bodhisatto “na mayha½ rajjenattho, kilesesu me citta½ na all²yat²”ti paµikkhipitv± punappuna½ vuccam±no rattajambunadamaya½ itthir³pa½ k±retv± “evar³pa½ itthi½ labham±no rajja½ sampaµicchiss±m²”ti m±t±pit³na½ pesesi. Te ta½ suvaººar³paka½ sakalajambud²pa½ parih±r±petv± tath±r³pa½ itthi½ alabhant± udayabhadda½ alaªk±retv± tassa santike µhapesu½. S± ta½ suvaººar³paka½ abhibhavitv± aµµh±si. Atha nesa½ aniccham±n±naññeva vem±tika½ bhagini½ udayabhaddakum±ri½ aggamahesi½ katv± bodhisatta½ rajje abhisiñci½su. Te pana dvepi brahmacariyav±sameva vasi½su.
Aparabh±ge m±t±pit³na½ accayena bodhisatto rajja½ k±resi. Ubho ekagabbhe vasam±n±pi lobhavasena indriy±ni bhinditv± aññamañña½ na olokesu½, apica kho pana “yo amhesu paµhamatara½ k±la½ karoti, so nibbattaµµh±nato ±gantv± ‘asukaµµh±ne nibbattosm²’ti ±rocet³”ti saªgaramaka½su. Atha kho bodhisatto abhisekato sattavassasataccayena k±lamak±si. Añño r±j± n±hosi, udayabhadd±yayeva ±º± pavatti. Amacc± rajja½ anus±si½su. Bodhisattopi cutikkhaºe t±vati½sabhavane sakkatta½ patv± yasamahantat±ya satt±ha½ anussaritu½ n±sakkhi. Iti so manussagaºan±ya sattavassasataccayena ±vajjetv± “udayabhadda½ r±jadh²tara½ dhanena v²ma½sitv± s²han±da½ nad±petv± dhamma½ desetv± saªgara½ mocetv± ±gamiss±m²”ti cintesi. Tad± kira manuss±na½ dasavassasahass±yukak±lo hoti. R±jadh²t±pi ta½ divasa½ rattibh±ge pihitesu dv±resu µhapita-±rakkhe sattabh³mikap±s±davaratale alaªkatasirigabbhe ekik±va niccal± attano s²la½ ±vajjam±n± nis²di. Atha sakko suvaººam±sakap³ra½ eka½ suvaººap±ti½ ±d±ya ±gantv± sayanagabbheyeva p±tubhavitv± ekamanta½ µhito t±ya saddhi½ sallapanto paµhama½ g±tham±ha–
37. “Ek± nisinn± suci saññat³r³, p±s±dam±ruyha aninditaªg²;
y±c±mi ta½ kinnaranettacakkhu, imekaratti½ ubhayo vasem±”ti.
Tattha suc²ti sucivatthanivatth±. Saññat³r³ti suµµhu µhapita-³r³, iriy±patha½ saºµhapetv± sucivatth± ekik±va nisinn±s²ti vutta½ hoti. Aninditaªg²ti p±dantato y±va kesagg± aninditasar²r± paramasobhaggappattasar²r±. Kinnaranettacakkh³ti t²hi maº¹alehi pañcahi ca pas±dehi upasobhitatt± kinnar±na½ nettasadisehi cakkh³hi samann±gate. Imekarattinti ima½ ekaratta½ ajja imasmi½ alaªkatasayanagabbhe ekato vaseyy±m±ti y±cati.
Tato r±jadh²t± dve g±th± abh±si–
38. “Okiººantaraparikha½, da¼hamaµµ±lakoµµhaka½;
rakkhita½ khaggahatthehi, duppavesamida½ pura½.
39. “Daharassa yuvino c±pi, ±gamo ca na vijjati;
atha kena nu vaººena, saªgama½ icchase may±”ti.
Tattha okiººantaraparikhanti ida½ dv±dasayojanika½ surundhanapura½ antarantar± udakaparikh±na½ kaddamaparikh±na½ sukkhaparikh±na½ okiººatt± okiººantaraparikha½. Da¼hamaµµ±lakoµµhakanti thiratarehi aµµ±lakehi dv±rakoµµhakehi ca samann±gata½. Khaggahattheh²ti ±vudhahatthehi dasahi yodhasahassehi rakkhita½. Duppavesamida½ puranti ida½ sakalapurampi tassa anto m±pita½ mayha½ niv±sapurampi ubhaya½ kassaci pavisitu½ na sakk±. ¾gamo c±ti idha im±ya vel±ya taruºassa v± yobbanappattassa v± th±masampannayodhassa v± aññassa v± mahantampi paºº±k±ra½ gahetv± ±gacchantassa ±gamo n±ma natthi. Saªgamanti atha tva½ kena k±raºena im±ya vel±ya may± saha sam±gama½ icchas²ti.
Atha sakko catuttha½ g±tham±ha–
40. “Yakkhohamasmi kaly±ºi, ±gatosmi tavantike;
tva½ ma½ nandaya bhaddante, puººaka½sa½ dad±mi te”ti.
Tassattho– kaly±ºi, sundaradassane ahameko devaputto devat±nubh±vena idh±gato, tva½ ajja ma½ nandaya tosehi, aha½ te ima½ suvaººam±sakapuººa½ suvaººap±ti½ dad±m²ti.
Ta½ sutv± r±jadh²t± pañcama½ g±tham±ha–
41. “Deva½va yakkha½ atha v± manussa½, na patthaye udayamaticca añña½;
gaccheva tva½ yakkha mah±nubh±va, m± cassu gantv± punar±vajitth±”ti.
Tassattho– aha½ devar±ja, deva½ v± yakkha½ v± udaya½ atikkamitv± añña½ na patthemi, so tva½ gaccheva, m± idha aµµh±si, na me tay± ±bhatena paºº±k±rena attho, gantv± ca m± ima½ µh±na½ punar±vajitth±ti.
So tass± s²han±da½ sutv± aµµhatv± gatasadiso hutv± tattheva antarahito aµµh±si. So punadivase t±ya vel±yameva suvaººam±sakap³ra½ rajatap±ti½ ±d±ya t±ya saddhi½ sallapanto chaµµha½ g±tham±ha–
42. “Y± s± rati uttam± k±mabhogina½, ya½hetu satt± visama½ caranti;
m± ta½ rati½ j²yi tuva½ sucimhite, dad±mi te r³piya½ ka½sap³ran”ti.
Tassattho bhadde, r±jadh²te y± es± k±mabhogisatt±na½ rat²su methunak±marati n±ma uttam± rati, yass± ratiy± k±raº± satt± k±yaduccarit±divisama½ caranti, ta½ rati½ tva½ bhadde, sucimhite man±pahasite m± j²yi, ahampi ±gacchanto na tucchahattho ±gato, hiyyo suvaººam±sakap³ra½ suvaººap±ti½ ±hari½, ajja r³piyap±ti½, ima½ te aha½ r³piyap±ti½ suvaººap³ra½ dad±m²ti.
R±jadh²t± cintesi “aya½ kath±sall±pa½ labhanto punappuna½ ±gamissati, na d±ni tena saddhi½ kathess±m²”ti. S± kiñci na kathesi.
Sakko tass± akathitabh±va½ ñatv± tattheva antarahito hutv± punadivase t±yameva vel±ya lohap±ti½ kah±paºap³ra½ ±d±ya “bhadde, tva½ ma½ k±maratiy± santappehi, ima½ te kah±paºap³ra½ lohap±ti½ dass±m²”ti ±ha. Ta½ disv± r±jadh²t± sattama½ g±tham±ha–
43. “N±ri½ naro nijjhapaya½ dhanena, ukka½sat² yattha karoti chanda½;
vipaccan²ko tava devadhammo, paccakkhato thokatarena es²”ti.
Tassattho– bho purisa, tva½ ja¼o. Naro hi n±ma n±ri½ kilesaratik±raº± dhanena nijjh±pento saññ±pento yattha n±riy± chanda½ karoti, ta½ ukka½sati vaººetv± thometv± bahutarena dhanena palobheti, tuyha½ paneso devasabh±vo vipaccan²ko, tvañhi may± paccakkhato thokatarena esi, paµhamadivase suvaººap³ra½ suvaººap±ti½ ±haritv±, dutiyadivase suvaººap³ra½ r³piyap±ti½, tatiyadivase kah±paºap³ra½ lohap±ti½ ±haras²ti.
Ta½ sutv± sakko “bhadde r±jakum±ri, aha½ chekav±ºijo na niratthakena attha½ n±semi, sace tva½ ±yun± v± vaººena v± va¹¹heyy±si, aha½ te paºº±k±ra½ va¹¹hetv± ±hareyya½, tva½ pana parih±yaseva, ten±hampi dhana½ parih±pem²”ti vatv± tisso g±th± abh±si–
44. “¾yu ca vaººo ca manussaloke, nih²yati manuj±na½ sugatte;
teneva vaººena dhanampi tuyha½, nih²yati jiººatar±si ajja.
45. “Eva½ me pekkham±nassa, r±japutti yasassini;
h±yateva tava vaººo, ahoratt±namaccaye.
46. “Imin±va tva½ vayas±, r±japutti sumedhase;
brahmacariya½ careyy±si, bhiyyo vaººavat² siy±”ti.
Tattha nih²yat²ti pariss±vane ±sitta-udaka½ viya parih±yati. Manussalokasmiñhi satt± j²vitena vaººena cakkhupas±d±d²hi ca dine dine parih±yanteva. Jiººatar±s²ti mama paµhama½ ±gatadivase pavattañhi te ±yu hiyyo divasa½ na p±puºi, kuµh±riy± chinna½ viya tattheva nirujjhi, hiyyo pavattampi ajjadivasa½ na p±puºi, hiyyova kuµh±riy± chinna½ viya nirujjhi, tasm± ajja jiººatar±si j±t±. Eva½ meti tiµµhatu hiyyo ca parahiyyo ca, ajjeva pana mayha½ eva½ pekkham±nasseva h±yateva tava vaººo. Ahoratt±namaccayeti ito paµµh±ya rattindivesu v²tivattesu ahoratt±na½ accayena apaººattikabh±vameva gamissas²ti dasseti. Imin±v±ti tasm± bhadde, sace tva½ imin± vayeneva imasmi½ suvaººavaººe sar²re raj±ya avilutteyeva seµµhacariya½ careyy±si, pabbajitv± samaºadhamma½ kareyy±si. Bhiyyo vaººavat² siy±ti atirekataravaºº± bhaveyy±s²ti.
Tato r±jadh²t± itara½ g±tham±ha–
47. “Dev± na j²ranti yath± manuss±, gattesu tesa½ valiyo na honti;
pucch±mi ta½ yakkha mah±nubh±va, katha½ nu dev±na sar²radeho”ti.
Tattha sar²radehoti sar²rasaªkh±to deho, dev±na½ sar²ra½ katha½ na j²rati, ida½ aha½ ta½ pucch±m²ti vadati.
Athass± kathento sakko itara½ g±tham±ha–
48. “Dev± na j²ranti yath± manuss±, gattesu tesa½ valiyo na honti;
suve suve bhiyyatarova tesa½, dibbo ca vaººo vipul± ca bhog±”ti.
Tattha yath± manuss±ti yath± manuss± j²rant± r³pena vaººena bhogena cakkhupas±d±d²hi ca j²ranti, na eva½ dev±. Tesañhi gattesu valiyopi na santi, maµµhakañcanapaµµamiva sar²ra½ hoti. Suve suveti divase divase. Bhiyyatarov±ti atirekatarova tesa½ dibbo ca vaººo vipul± ca bhog± honti, manussesu hi r³paparih±ni ciraj±tabh±vassa sakkhi, devesu atirekar³pasampatti ca atirekapariv±rasampatti ca. Eva½ aparih±nadhammo n±mesa devaloko Tasm± tva½ jara½ appatv±va nikkhamitv± pabbaja, eva½ parih±niyasabh±v± manussalok± cavitv± aparih±niyasabh±va½ evar³pa½ devaloka½ gamissas²ti.
S± devalokassa vaººa½ sutv± tassa gamanamagga½ pucchant² itara½ g±tham±ha–
49. “Ki½s³dha bh²t± janat± anek±, maggo ca nek±yatana½ pavutto;
pucch±mi ta½ yakkha mah±nubh±va, katthaµµhito paraloka½ na bh±ye”ti.
Tattha ki½s³dha bh²t±ti devar±ja, aya½ khattiy±dibhed± anek± janat± ki½bh²t± kassa bhayena parih±niyasabh±v± manussalok± devaloka½ na gacchat²ti pucchati. Maggoti devalokag±mimaggo. Idha pana “kin”ti ±haritv± “ko”ti pucch± k±tabb±. Ayañhettha attho “anekatitth±yatanavasena paº¹itehi pavutto devalokamaggo ko kataro”ti vutto. Katthaµµhitoti paraloka½ gacchanto katarasmi½ magge µhito na bh±yat²ti.
Athass± kathento sakko itara½ g±tham±ha–
50. “V±ca½ manañca paºidh±ya samm±, k±yena p±p±ni akubbam±no;
bahunnap±na½ gharam±vasanto, saddho mud³ sa½vibh±g² vadaññ³;
saªg±hako sakhilo saºhav±co, etthaµµhito paraloka½ na bh±ye”ti.
Tassattho– bhadde, udaye v±ca½ manañca samm± µhapetv± k±yena p±p±ni akaronto ime dasa kusalakammapathe sam±d±ya vattanto bahu-annap±ne pah³tadeyyadhamme ghare vasanto “d±nassa vip±ko atth²”ti saddh±ya samann±gato muducitto d±nasa½vibh±gat±ya sa½vibh±g² pabbajit± bhikkh±ya caram±n± vadanti n±ma, tesa½ paccayad±nena tassa v±dassa j±nanato vadaññ³ cat³hi saªgahavatth³hi saªgahat±ya saªg±hako piyav±dit±ya sakhilo maµµhavacanat±ya saºhav±co ettha ettake guºar±simhi µhito paraloka½ gacchanto na bh±yat²ti.
Tato r±jadh²t± ta½ tassa vacana½ sutv± thuti½ karont² itara½ g±tham±ha–
51. “Anus±sasi ma½ yakkha, yath± m±t± yath± pit±;
u¼±ravaººa pucch±mi, ko nu tvamasi subrah±”ti.
Tassattho– yath± m±t±pitaro puttake anus±santi, tath± ma½ anus±sasi. U¼±ravaººa sobhaggappattar³pad±raka ko nu asi tva½ eva½ accuggatasar²roti.
Tato bodhisatto itara½ g±tham±ha–
52. “Udayohamasmi kaly±ºi, saªgaratt± idh±gato;
±manta kho ta½ gacch±mi, muttosmi tava saªgar±”ti.
Tassattho kaly±ºadassane aha½ purimabhave tava s±miko udayo n±ma t±vati½sabhavane sakko hutv± nibbatto, idh±gacchanto na kilesavasen±gato, ta½ v²ma½sitv± pana saªgara½ mocess±m²ti saªgaratt± pubbe saªgarassa katatt± ±gatosmi, id±ni ta½ ±mantetv± gacch±mi, muttosmi tava saªgar±ti.
R±jadh²t± assasitv± “s±mi, tva½ udayabhaddar±j±”ti assudh±r± pavattayam±n± “aha½ tumhehi vin± vasitu½ na sakkomi, yath± tumh±ka½ santike vas±mi, tath± ma½ anus±sath±”ti vatv± itara½ g±tha½ abh±si–
53. “Sace kho tva½ udayosi, saªgaratt± idh±gato;
anus±sa ma½ r±japutta, yath±ssa puna saªgamo”ti.
Atha na½ anus±santo mah±satto catasso g±th± abh±si–
54. “Atipatati vayo khaºo tatheva, µh±na½ natthi dhuva½ cavanti satt±;
parij²yati addhuva½ sar²ra½, udaye m± pam±da carassu dhamma½.
55. “Kasiº± pathav² dhanassa p³r±, ekasseva siy± anaññadheyy±;
ta½ c±pi jahati av²tar±go, udaye m± pam±da carassu dhamma½.
56. “M±t± ca pit± ca bh±taro ca, bhariy± y±pi dhanena hoti k²t±;
te c±pi jahanti aññamañña½, udaye m± pam±da carassu dhamma½.
57. “K±yo parabhojananti ñatv±, sa½s±re sugatiñca duggatiñca;
ittarav±soti j±niy±na, udaye m± pam±da carassu dhamman”ti.
Tattha atipatat²ti ativiya patati, s²gha½ atikkamati. Vayoti paµhamavay±ditividhopi vayo. Khaºo tathev±ti upp±daµµhitibhaªgakkhaºopi tatheva atipatati. Ubhayenapi bhinno imesa½ satt±na½ ±yusaªkh±ro n±ma s²ghasot± nad² viya anivattanto s²gha½ atikkamat²ti dasseti. Ýh±na½ natth²ti “uppann± saªkh±r± abhijjitv± tiµµhant³”ti patthan±yapi tesa½ µh±na½ n±ma natthi, dhuva½ eka½seneva buddha½ bhagavanta½ ±di½ katv± sabbepi satt± cavanti, “dhuva½ maraºa½, addhuva½ j²vitan”ti eva½ maraºassati½ bh±veh²ti d²peti. Parij²yat²ti ida½ suvaººavaººampi sar²ra½ j²rateva, eva½ j±n±hi. M± pam±danti tasm± tva½ udayabhadde m± pam±da½ ±pajji, appamatt± hutv± dasakusalakammapathadhamma½ car±h²ti.
Kasiº±ti sakal±. Ekassev±ti yadi ekasseva rañño, tasmi½ ekasmi½yeva anaññ±dh²n± assa. Ta½ c±pi jahati av²tar±goti taºh±vasiko puggalo ettakenapi yasena atitto maraºak±le av²tar±gova ta½ vijahati. Eva½ taºh±ya ap³raº²yabh±va½ j±n±h²ti d²peti. Te c±p²ti m±t± putta½, putto m±tara½, pit± putta½, putto pitara½, bh±t± bhagini½, bhagin² bh±tara½, bhariy± s±mika½, s±miko bhariyanti ete aññamañña½ jahanti, n±n± honti. Eva½ satt±na½ n±n±bh±vavin±bh±va½ j±n±h²ti d²peti.
Parabhojananti vividh±na½ k±k±d²na½ parasatt±na½ bhojana½. Ittarav±soti y± es± imasmi½ sa½s±re manussabh³t± suggati ca tiracch±nabh³t± duggati ca, eta½ ubhayampi “ittarav±so”ti j±nitv± m± pam±da½, carassu dhamma½. Imesa½ satt±na½ n±n±µh±nato ±gantv± ekasmi½ µh±ne sam±gamo paritto, ime satt± appakasmi½yeva k±le ekato vasanti, tasm± appamatt± hoh²ti.
Eva½ mah±satto tass± ov±damad±si. S±pi tassa dhammakath±ya pas²ditv± thuti½ karont² os±nag±tham±ha–
58. “S±dhu bh±satiya½ yakkho, appa½ macc±na j²vita½;
kasirañca parittañca, tañca dukkhena sa½yuta½;
s±ha½ ek± pabbajiss±mi, hitv± k±si½ surundhanan”ti.
Tattha s±dh³ti “appa½ macc±na j²vitan”ti bh±sam±no aya½ devar±j± s±dhu bh±sati. Ki½k±raº±? Idañhi kasirañca dukkha½ ass±darahita½, parittañca na bahuka½ ittarak±la½. Sace hi kasirampi sam±na½ d²ghak±la½ pavatteyya, parittakampi sam±na½ sukha½ bhaveyya, ida½ pana kasirañceva parittañca sakalena vaµµadukkhena sa½yuta½ sannihita½. S±hanti s± aha½. Surundhananti surundhananagarañca k±siraµµhañca cha¹¹etv± ekik±va pabbajiss±m²ti ±ha.
Bodhisatto tass± ov±da½ datv± sakaµµh±nameva gato. S±pi punadivase amacce rajja½ paµicch±petv± antonagareyeva ramaº²ye uyy±ne isipabbajja½ pabbajitv± dhamma½ caritv± ±yupariyos±ne t±vati½sabhavane bodhisattassa p±daparic±rik± hutv± nibbatti.
Satth± ima½ dhammadesana½ ±haritv± sacc±ni pak±setv± j±taka½ samodh±nesi, saccapariyos±ne ukkaºµhitabhikkhu sot±pattiphale patiµµhahi. Tad± r±jadh²t± r±hulam±t± ahosi, sakko pana ahameva ahosinti.

Udayaj±takavaººan± catutth±.