11. Ek±dasakanip±to

[455] 1. M±tuposakaj±takavaººan±

Tassa n±gassa vippav±sen±ti ida½ satth± jetavane viharanto m±tuposakabhikkhu½ ±rabbha kathesi. Paccuppannavatthu s±maj±takavatthusadisameva. Satth± pana bhikkh³ ±mantetv± “m± bhikkhave, eta½ bhikkhu½ ujjh±yittha, por±ºakapaº¹it± tiracch±nayoniya½ nibbatt±pi m±tar± viyutt± satt±ha½ nir±h±rat±ya sussam±n± r±j±raha½ bhojana½ labhitv±pi ‘m±tar± vin± na bhuñjiss±m±’ti m±tara½ disv±va gocara½ gaºhi½s³”ti vatv± tehi y±cito at²tam±hari.
At²te b±r±ºasiya½ brahmadatte rajja½ k±rente bodhisatto himavantapadese hatthiyoniya½ nibbattitv± sabbaseto ahosi abhir³po dassan²yo p±s±diko lakkhaºasampanno as²tihatthisahassapariv±ro. So jar±jiººa½ m±tara½ posesi, m±t± panassa andh±. So madhuramadhur±ni phal±phal±ni hatth²na½ datv± m±tu santika½ pesesi. Hatth² tass± adatv± attan±va kh±danti. So pariggaºhanto ta½ pavatti½ ñatv± “y³tha½ cha¹¹etv± m±tarameva posess±m²”ti rattibh±ge aññesa½ hatth²na½ aj±nant±na½ m±tara½ gahetv± caº¹oraºapabbatap±da½ gantv± eka½ na¼ini½ upaniss±ya µhit±ya pabbataguh±ya½ m±tara½ µhapetv± posesi. Atheko b±r±ºasiv±s² vanacarako maggam³¼ho disa½ vavatthapetu½ asakkonto mahantena saddena paridevi. Bodhisatto tassa sadda½ sutv± “aya½ puriso an±tho, na kho pana meta½ patir³pa½, ya½ esa mayi µhite idha vinasseyy±”ti tassa santika½ gantv± ta½ bhayena pal±yanta½ disv± “ambho purisa, natthi te ma½ niss±ya bhaya½, m± pal±yi, kasm± tva½ paridevanto vicaras²”ti pucchitv± “s±mi, aha½ maggam³¼ho, ajja me sattamo divaso”ti vutte “bho purisa, m± bh±yi, aha½ ta½ manussapathe µhapess±m²”ti ta½ attano piµµhiya½ nis²d±petv± araññ± n²haritv± nivatti. Sopi p±po “nagara½ gantv± rañño ±rocess±m²”ti rukkhasañña½ pabbatasañña½ karontova nikkhamitv± b±r±ºasi½ agam±si.
Tasmi½ k±le rañño maªgalahatth² k±lamak±si. R±j± “sace kenaci katthaci opavayha½ k±tu½ yuttar³po hatth² diµµho atthi, so ±cikkhat³”ti bheri½ car±pesi. So puriso r±j±na½ upasaªkamitv± “may±, deva, tumh±ka½ opavayho bhavitu½ yuttar³po sabbaseto s²lav± hatthir±j± diµµho, aha½ magga½ dassess±mi, may± saddhi½ hatth±cariye pesetv± ta½ gaºh±peth±”ti ±ha. R±j± “s±dh³”ti “ima½ maggadesaka½ katv± arañña½ gantv± imin± vutta½ hatthin±ga½ ±neth±”ti tena saddhi½ mahantena pariv±rena hatth±cariya½ pesesi. So tena saddhi½ gantv± bodhisatta½ na¼ini½ pavisitv± gocara½ gaºhanta½ passi. Bodhisattopi hatth±cariya½ disv± “ida½ bhaya½ na aññato uppanna½, tassa purisassa santik± uppanna½ bhavissati, aha½ kho pana mah±balo hatthisahassampi viddha½setu½ samattho homi, kujjhitv± saraµµhaka½ sen±v±hana½ n±setu½, sace pana kujjhiss±mi, s²la½ me bhijjissati, tasm± ajja satt²hi koµµiyam±nopi na kujjhiss±m²”ti adhiµµh±ya s²sa½ n±metv± niccalova aµµh±si. Hatth±cariyo padumasara½ otaritv± tassa lakkhaºasampatti½ disv± “ehi putt±”ti rajatad±masadis±ya soº¹±ya gahetv± sattame divase b±r±ºasi½ p±puºi. Bodhisattam±t± pana putte an±gacchante “putto me r±jar±jamah±matt±d²hi n²to bhavissati, id±ni tassa vippav±sena aya½ vanasaº¹o va¹¹hissat²”ti paridevam±n± dve g±th± abh±si–
1. “Tassa n±gassa vippav±sena, vir³¼ho sallak² ca kuµaj± ca;
kuruvindakarav²r± bhisas±m± ca, niv±te pupphit± ca kaºik±r±.
2. “Kocideva suvaººak±yur±, n±gar±ja½ bharanti piº¹ena;
yattha r±j± r±jakum±ro v±, kavacamabhihessati achambhito”ti.
Tattha vir³¼h±ti va¹¹hit± n±ma, natthettha sa½sayoti asa½sayavasenevam±ha. Sallak² ca kuµaj± c±ti indas±larukkh± ca kuµajarukkh± ca. Kuruvindakarav²r± bhisas±m± c±ti kuruvindarukkh± ca karav²ran±mak±ni mah±tiº±ni ca bhis±ni ca s±m±k±ni c±ti attho. Ete ca sabbe id±ni va¹¹hissant²ti paridevati. Niv±teti pabbatap±de. Pupphit±ti mama puttena s±kha½ bhañjitv± akh±diyam±n± kaºik±r±pi pupphit± bhavissant²ti vutta½ hoti. Kocidev±ti katthacideva g±me v± nagare v±. Suvaººak±yur±ti suvaºº±bharaº± r±jar±jamah±matt±. Bharanti piº¹en±ti ajja m±tuposaka½ n±gar±ja½ r±j±rahassa bhojanassa suva¹¹hitena piº¹ena posenti. Yatth±ti yasmi½ n±gar±je r±j± nis²ditv±. Kavacamabhihessat²ti saªg±ma½ pavisitv± pacc±mitt±na½ kavaca½ abhihanissati bhindissati. Ida½ vutta½ hoti– “yattha mama putte nisinno r±j± v± r±jakum±ro v± achambhito hutv± sapatt±na½ kavaca½ hanissati, ta½ me putta½ n±gar±j±na½ suvaºº±bharaº± ajja piº¹ena bharant²”ti.
Hatth±cariyopi antar±maggeva rañño s±sana½ pesesi. Ta½ sutv± r±j± nagara½ alaªk±r±pesi. Hatth±cariyo bodhisatta½ katagandhaparibhaº¹a½ alaªkatapaµiyatta½ hatthis±la½ netv± vicitras±ºiy± parikkhip±petv± rañño ±roc±pesi. R±j± n±naggarasabhojana½ ±d±ya gantv± bodhisattassa d±pesi. So “m±tara½ vin± gocara½ na gaºhiss±m²”ti piº¹a½ na gaºhi. Atha na½ y±canto r±j± tatiya½ g±tham±ha–
3. “Gaºh±hi n±ga kaba¼a½, m± n±ga kisako bhava;
bah³ni r±jakicc±ni, t±ni n±ga karissas²”ti.
Ta½ sutv± bodhisatto catuttha½ g±tham±ha–
4. “S± n³nas± kapaºik±, andh± apariº±yik±;
kh±ºu½ p±dena ghaµµeti, giri½ caº¹oraºa½ pat²”ti.
Tattha s± n³nas±ti mah±r±ja, n³na s± es±. Kapaºik±ti puttaviyogena kapaº±. Kh±ºunti tattha tattha patita½ rukkhakaliªgara½. Ghaµµet²ti paridevam±n± tattha tattha p±dena pothent² n³na p±dena hanati Giri½ caº¹oraºa½ pat²ti caº¹oraºapabbat±bhimukh², pabbatap±de paripphandam±n±ti attho.
Atha na½ pucchanto r±j± pañcama½ g±tham±ha–
5. “K± nu te s± mah±n±ga, andh± apariº±yik±;
kh±ºu½ p±dena ghaµµeti, giri½ caº¹oraºa½ pat²”ti.
Bodhisatto chaµµha½ g±tham±ha–
6. “M±t± me s± mah±r±ja, andh± apariº±yik±;
kh±ºu½ p±dena ghaµµeti, giri½ caº¹oraºa½ pat²”ti.
R±j± chaµµhag±th±ya tamattha½ sutv± muñc±pento sattama½ g±tham±ha–
7. “Muñcatheta½ mah±n±ga½, yoya½ bharati m±tara½;
sametu m±tar± n±go, saha sabbehi ñ±tibh²”ti.
Tattha yoya½ bharat²ti aya½ n±go “aha½, mah±r±ja, andha½ m±tara½ posemi, may± vin± mayha½ m±t± j²vitakkhaya½ p±puºissati, t±ya vin± mayha½ issariyena attho natthi, ajja me m±tu gocara½ alabhantiy± sattamo divaso”ti vadati, tasm± yo aya½ m±tara½ bharati, eta½ mah±n±ga½ khippa½ muñcatha. Sabbehi ñ±tibh²ti saddhi½ esa m±tar± sametu sam±gacchat³ti.
Aµµhamanavam± abhisambuddhag±th± honti–
8. “Mutto ca bandhan± n±go, muttam±d±ya kuñjaro;
muhutta½ ass±sayitv±, agam± yena pabbato.
9. “Tato so na¼ini½ gantv±, s²ta½ kuñjarasevita½;
soº¹±y³dakam±hatv±, m±tara½ abhisiñcath±”ti.
So kira n±go bandhan± mutto thoka½ vissamitv± rañño dasar±jadhammag±th±ya dhamma½ desetv± “appamatto hohi, mah±r±j±”ti ov±da½ datv± mah±janena gandham±l±d²hi p³jiyam±no nagar± nikkhamitv± tadaheva ta½ padumasara½ patv± “mama m±tara½ gocara½ g±h±petv±va saya½ gaºhiss±m²”ti bahu½ bhisamu¼±la½ ±d±ya soº¹ap³ra½ udaka½ gahetv± guh±leºato nikkhamitv± guh±dv±re nisinn±ya m±tuy± santika½ gantv± satt±ha½ nir±h±rat±ya m±tu sar²rassa phassapaµil±bhattha½ upari udaka½ siñci, tamattha½ ±vikaronto satth± dve g±th± abh±si. Bodhisattassa m±t±pi “devo vassat²”ti saññ±ya ta½ akkosant² dasama½ g±tham±ha–
10. “Koya½ anariyo devo, ak±lenapi vassati;
gato me atrajo putto, yo mayha½ paric±rako”ti.
Tattha atrajoti attato j±to.
Atha na½ samass±sento bodhisatto ek±dasama½ g±tham±ha–
11. “Uµµhehi amma ki½ sesi, ±gato ty±hamatrajo;
muttomhi k±sir±jena, vedehena yasassin±”ti.
Tattha ±gato ty±hanti ±gato te aha½. Vedehen±ti ñ±ºasampannena. Yasassin±ti mah±pariv±rena tena raññ± maªgalahatthibh±v±ya gahitopi aha½ mutto, id±ni tava santika½ ±gato uµµhehi gocara½ gaºh±h²ti.
S± tuµµham±nas± rañño anumodana½ karont² os±nag±tham±ha–
12. “Cira½ j²vatu so r±j±, k±s²na½ raµµhava¹¹hano;
yo me putta½ pamocesi, sad± vuddh±pac±yikan”ti.
Tad± r±j± bodhisattassa guºe pas²ditv± na¼iniy± avid³re g±ma½ m±petv± bodhisattassa ca m±tu cassa nibaddha½ vatta½ paµµhapesi. Aparabh±ge bodhisatto m±tari k±lakat±ya tass± sar²raparih±ra½ katv± k±raº¹aka-assamapada½ n±ma gato. Tasmi½ pana µh±ne himavantato otaritv± pañcasat± isayo vasi½su, ta½ vatta½ tesa½ ad±si. R±j± bodhisattassa sam±nar³pa½ sil±paµima½ k±retv± mah±sakk±ra½ pavattesi Sakalajambud²pav±sino anusa½vacchara½ sannipatitv± hatthimaha½ n±ma kari½su.
Satth± ima½ dhammadesana½ ±haritv± sacc±ni pak±setv± j±taka½ samodh±nesi, saccapariyos±ne m±tuposakabhikkhu sot±pattiphale patiµµhahi. Tad± r±j± ±nando ahosi, p±papuriso devadatto, hatth±cariyo s±riputto, m±t± hatthin² mah±m±y±, m±tuposakan±go pana ahameva ahosinti.

M±tuposakaj±takavaººan± paµham±.