[374] 4. C³¼adhanuggahaj±takavaººan±

Sabba½ bhaº¹anti ida½ satth± jetavane viharanto pur±ºadutiyik±palobhana½ ±rabbha kathesi. Tena bhikkhun± “pur±ºadutiyik± ma½, bhante, ukkaºµh±pet²”ti vutte satth± “es± bhikkhu, itth² na id±neva tuyha½ anatthak±rik±, pubbepi te eta½ niss±ya asin± s²sa½ chinnan”ti vatv± bhikkh³hi y±cito at²ta½ ±hari.
At²te b±r±ºasiya½ brahmadatte rajja½ k±rente bodhisatto sakkatta½ k±resi. Tad± eko b±r±ºasiv±s² br±hmaºam±ºavo takkasil±ya½ sabbasipp±ni uggaºhitv± dhanukamme nipphatti½ patto c³¼adhanuggahapaº¹ito n±ma ahosi. Athassa ±cariyo “aya½ may± sadisa½ sippa½ uggaºh²”ti attano dh²tara½ ad±si. So ta½ gahetv± “b±r±ºasi½ gamiss±m²”ti magga½ paµipajji. Antar±magge eko v±raºo eka½ padesa½ suññamak±si, ta½ µh±na½ abhiruhitu½ na koci ussahi. C³¼adhanuggahapaº¹ito manuss±na½ v±rent±naññeva bhariya½ gahetv± aµavimukha½ abhiruhi. Athassa aµavimajjhe v±raºo uµµhahi, so ta½ kumbhe sarena vijjhi. Saro vinivijjhitv± pacch±bh±gena nikkhami. V±raºo tattheva pati, dhanuggahapaº¹ito ta½ µh±na½ khema½ katv± purato añña½ aµavi½ p±puºi. Tatth±pi paññ±sa cor± magga½ hananti. Tampi so manussehi v±riyam±no abhiruyha tesa½ cor±na½ mige vadhitv± maggasam²pe ma½sa½ pacitv± kh±dant±na½ µhitaµµh±na½ p±puºi.
Tad± ta½ cor± alaªkatapaµiyatt±ya bhariy±ya saddhi½ ±gacchanta½ disv± “gaºhiss±ma nan”ti uss±ha½ kari½su. Corajeµµhako purisalakkhaºakusalo, so ta½ oloketv±va “uttamapuriso ayan”ti ñatv± ekassapi uµµhahitu½ n±d±si. Dhanuggahapaº¹ito “gaccha ‘amh±kampi eka½ ma½sas³la½ deth±’ti vatv± ma½sa½ ±har±”ti tesa½ santika½ bhariya½ pesesi. S± gantv± “eka½ kira ma½sas³la½ deth±”ti ±ha. Corajeµµhako “anaggho puriso”ti ma½sas³la½ d±pesi. Cor± “amhehi kira pakka½ kh±ditan”ti apakkama½sas³la½ ada½su. Dhanuggaho att±na½ sambh±vetv± “mayha½ apakkama½sas³la½ dadant²”ti cor±na½ kujjhi. Cor± “ki½ ayameveko puriso, maya½ itthiyo”ti kujjhitv± uµµhahi½su. Dhanuggaho ek³napaññ±sa jane ek³napaññ±sakaº¹ehi vijjhitv± p±tesi. Corajeµµhaka½ vijjhitu½ kaº¹a½ n±hosi. Tassa kira kaº¹an±¼iya½ samapaºº±sayeva kaº¹±ni. Tesu ekena v±raºa½ vijjhi, ek³napaññ±sakaº¹ehi core vijjhitv± corajeµµhaka½ p±tetv± tassa ure nisinno “s²samassa chindiss±m²”ti bhariy±ya hatthato asi½ ±har±pesi. S± taªkhaºaññeva corajeµµhake lobha½ katv± corassa hatthe tharu½, s±mikassa hatthe dh±ra½ µhapesi. Coro tharudaº¹a½ par±masitv± asi½ n²haritv± dhanuggahassa s²sa½ chindi.
So ta½ gh±tetv± itthi½ ±d±ya gacchanto j±tigotta½ pucchi. S± “takkasil±ya½ dis±p±mokkh±cariyassa dh²t±mh²”ti ±ha. “Katha½ tva½ imin± laddh±”ti. Mayha½ pit± “aya½ may± sadisa½ katv± sippa½ sikkh²”ti tussitv± imassa ma½ ad±si, s±ha½ tayi sineha½ katv± attano kuladattiya½ s±mika½ m±r±pesinti. Corajeµµhako “kuladattiya½ t±ves± s±mika½ m±resi, añña½ paneka½ disv± mampi evameva½ karissati, ima½ cha¹¹etu½ vaµµat²”ti cintetv± gacchanto antar±magge eka½ kunnadi½ utt±natala½ taªkhaºodakap³ra½ disv± “bhadde, imissa½ nadiya½ susum±r± kakkha¼±, ki½ karom±”ti ±ha. “S±mi, sabba½ ±bharaºabhaº¹a½ mama uttar±saªgena bhaº¹ika½ katv± parat²ra½ netv± puna ±gantv± ma½ gahetv± gacch±”ti. So “s±dh³”ti sabba½ ±bharaºabhaº¹a½ ±d±ya nadi½ otaritv± taranto viya parat²ra½ patv± ta½ cha¹¹etv± p±y±si. S± ta½ disv± “s±mi, ki½ ma½ cha¹¹etv± viya gacchasi, kasm± eva½ karosi, ehi mampi ±d±ya gacch±”ti tena saddhi½ sallapant² paµhama½ g±tham±ha–
128. “Sabba½ bhaº¹a½ sam±d±ya, p±ra½ tiººosi br±hmaºa;
pacc±gaccha lahu½ khippa½, mampi t±rehi d±nito”ti.
Tattha lahu½ khippanti lahu½ pacc±gaccha, khippa½ mampi t±rehi d±ni itoti attho.
Coro ta½ sutv± parat²re µhitoyeva dutiya½ g±tham±ha–
129. “Asanthuta½ ma½ cirasanthutena, nim²ni bhot² adhuva½ dhuvena;
may±pi bhot² nimineyya añña½, ito aha½ d³ratara½ gamissan”ti.

S± heµµh± vuttatth±yeva–

Coro pana “ito aha½ d³ratara½ gamissa½, tiµµha tvan”ti vatv± tass± viravantiy±va ±bharaºabhaº¹ika½ ±d±ya pal±to. Tato s± b±l± atricchat±ya evar³pa½ byasana½ patt± an±th± hutv± avid³re eka½ e¼agal±gumba½ upagantv± rodam±n± nis²di. Tasmi½ khaºe sakko devar±j± loka½ olokento ta½ atricchat±hata½ s±mik± ca j±r± ca parih²na½ rodam±na½ disv± “eta½ niggaºhitv± lajj±petv± ±gamiss±m²”ti m±taliñca pañcasikhañca ±d±ya tattha gantv± nad²t²re µhatv± “m±tali, tva½ maccho bhava, pañcasikha tva½ sakuºo bhava, aha½ pana siªg±lo hutv± mukhena ma½sapiº¹a½ gahetv± etiss± sammukhaµµh±na½ gamiss±mi, tva½ mayi tattha gate udakato ullaªghitv± mama purato pata, ath±ha½ mukhena gahitama½sapiº¹a½ cha¹¹etv± maccha½ gahetu½ pakkhandiss±mi, tasmi½ khaºe tva½, pañcasikha, ta½ ma½sapiº¹a½ gahetv± ±k±se uppata, tva½ m±tali, udake pat±”ti ±º±pesi. “S±dhu, dev±”ti, m±tali, maccho ahosi, pañcasikho sakuºo ahosi. Sakko siªg±lo hutv± ma½sapiº¹a½ mukhen±d±ya tass± sammukhaµµh±na½ agam±si. Maccho udak± uppatitv± siªg±lassa purato pati. So mukhena gahitama½sapiº¹a½ cha¹¹etv± macchassatth±ya pakkhandi. Maccho uppatitv± udake pati, sakuºo ma½sapiº¹a½ gahetv± ±k±se uppati, siªg±lo ubhopi alabhitv± e¼agal±gumba½ olokento dummukho nis²di. S± ta½ disv± “aya½ atricchat±hato neva ma½sa½, na maccha½ labh²”ti kuµa½ bhindant² viya mah±hasita½ hasi. Ta½ sutv± siªg±lo tatiya½ g±tham±ha–
130. “K±ya½ e¼agal±gumbe, karoti ahuh±siya½;
nay²dha naccag²ta½ v±, t±¼a½ v± susam±hita½;
anamhik±le susoºi, kinnu jagghasi sobhane”ti.
Tattha k±yanti k± aya½. E¼agal±gumbeti kambojigumbe. Ahuh±siyanti dantavida½saka½ mah±hasita½ vuccati, ta½ k± es± etasmi½ gumbe karot²ti pucchati. Nay²dha naccag²ta½ v±ti imasmi½ µh±ne kassaci naccantassa nacca½ v± g±yantassa g²ta½ v± hatthe susam±hite katv± v±dentassa susam±hita½ hatthat±¼a½ v± natthi, ka½ disv± tva½ haseyy±s²ti d²peti. Anamhik±leti rodanak±le. Susoº²ti sundarasoºi. Ki½ nu jagghas²ti kena k±raºena tva½ roditu½ yuttak±le arodam±n±va mah±hasita½ hasasi. Sobhaneti ta½ pasa½santo ±lapati.
Ta½ sutv± s± catuttha½ g±tham±ha–
131. “Siªg±la b±la dummedha, appapaññosi jambuka;
j²no macchañca pesiñca, kapaºo viya jh±yas²”ti.
Tattha j²noti j±nippatto hutv±. Pesinti ma½sapesi½. Kapaºo viya jh±yas²ti sahassabhaº¹ika½ par±jito kapaºo viya jh±yasi socasi cintesi.
Tato siªg±lo pañcama½ g±tham±ha–
132. “Sudassa½ vajjamaññesa½, attano pana duddasa½;
j²n± patiñca j±rañca, maññe tvaññeva jh±yas²”ti.
Tattha tvaññeva jh±yas²ti p±padhamme duss²le aha½ t±va mama gocara½ na labhiss±mi, tva½ pana atricchat±ya hat± ta½muhuttadiµµhake core paµibaddhacitt± hutv± tañca j±ra½ kuladattiyañca pati½ j²n±, ma½ up±d±ya sataguºena sahassaguºena kapaºatar± hutv± jh±yasi rodasi paridevas²ti lajj±petv± vippak±ra½ p±pento mah±satto evam±ha.
S± tassa vacana½ sutv± g±tham±ha–
133. “Evameta½ migar±ja, yath± bh±sasi jambuka;
s± n³n±ha½ ito gantv±, bhattu hessa½ vas±nug±”ti.
Tattha n³n±ti eka½satthe nip±to. S± aha½ ito gantv± puna añña½ bhatt±ra½ labhitv± eka½seneva tassa bhattu vas±nug± vasavattin² bhaviss±m²ti.
Athass± an±c±r±ya duss²l±ya vacana½ sutv± sakko devar±j± os±nag±tham±ha–
134. “Yo hare mattika½ th±la½, ka½sath±lampi so hare;
kata½yeva tay± p±pa½, punapeva½ karissas²”ti.
Tassattho an±c±re ki½ kathesi, yo mattika½ th±la½ harati, suvaººath±larajatath±l±dippabheda½ ka½sath±lampi so harateva, idañca tay± p±pa½ katameva, na sakk± tava saddh±tu½, s± tva½ punapi eva½ karissasiyev±ti. Eva½ so ta½ lajj±petv± vippak±ra½ p±petv± sakaµµh±nameva agam±si.
Satth± ima½ dhammadesana½ ±haritv± sacc±ni pak±setv± j±taka½ samodh±nesi, saccapariyos±ne ukkaºµhitabhikkhu sot±pattiphale patiµµhahi.
Tad± dhanuggaho ukkaºµhitabhikkhu ahosi, s± itth² pur±ºadutiyik±, sakko devar±j± pana ahameva ahosinti.

C³¼adhanuggahaj±takavaººan± catutth±.