[334] 4. R±jov±daj±takavaººan±

Gava½ ce taram±n±nanti ida½ satth± jetavane viharanto r±jov±da½ ±rabbha kathesi. Vatthu tesakuºaj±take (j±. 2.17.1 ±dayo) ±vi bhavissati. Idha pana satth± “mah±r±ja, por±ºakar±j±nopi paº¹it±na½ katha½ sutv± dhammena samena rajja½ k±rent± saggapura½ p³rayam±n± gami½s³”ti vatv± raññ± y±cito at²ta½ ±hari.
At²te b±r±ºasiya½ brahmadatte rajja½ k±rente bodhisatto br±hmaºakule nibbattitv± vayappatto sikkhitasabbasippo isipabbajja½ pabbajitv± abhiññ± ca sam±pattiyo ca nibbattetv± ramaº²ye himavantapadese vanam³laphal±h±ro vih±si. Atha r±j± aguºapariyesako hutv± “atthi nu kho me koci aguºa½ kathento”ti pariyesanto antojane ca bahijane ca antonagare ca bahinagare ca kañci attano avaººav±di½ adisv± “janapade nu kho kathan”ti aññ±takavesena janapada½ cari. Tatr±pi avaººav±di½ apassanto attano guºakathameva sutv± “himavantapadese nu kho kathan”ti arañña½ pavisitv± vicaranto bodhisattassa assama½ patv± ta½ abhiv±detv± katapaµisanth±ro ekamanta½ nis²di.
Tad± bodhisatto araññato paripakk±ni nigrodhaphal±ni ±haritv± paribhuñji, t±ni honti madhur±ni ojavant±ni sakkharacuººasamaras±ni. So r±j±nampi ±mantetv± “ima½ mah±puñña, nigrodhapakkaphala½ kh±ditv± p±n²ya½ piv±”ti ±ha. R±j± tath± katv± bodhisatta½ pucchi “ki½ nu kho, bhante, ima½ nigrodhapakka½ ati viya madhuran”ti? “Mah±puñña, n³na r±j± dhammena samena rajja½ k±reti, teneta½ madhuranti. Rañño adhammikak±le amadhura½ nu kho, bhante, hot²”ti. “¾ma, mah±puñña, r±j³su adhammikesu telamadhuph±ºit±d²nipi vanam³laphal±nipi amadhur±ni honti niroj±ni, na kevala½ et±ni, sakalampi raµµha½ niroja½ kasaµa½ hoti. Tesu pana dhammikesu sabb±ni t±ni madhur±ni honti ojavant±ni, sakalampi raµµha½ ojavantameva hot²”ti. R±j± “eva½ bhavissati, bhante”ti attano r±jabh±va½ aj±n±petv±va bodhisatta½ vanditv± b±r±ºasi½ gantv± “t±pasassa vacana½ v²ma½siss±m²”ti adhammena rajja½ k±retv± “id±ni j±niss±m²”ti kiñci k±la½ v²tin±metv± puna tattha gantv± ta½ vanditv± ekamanta½ nis²di.
Bodhisattopissa tatheva vatv± nigrodhapakka½ ad±si, ta½ tassa tittakarasa½ ahosi. R±j± “amadhura½ nirasan”ti saha khe¼ena cha¹¹etv± “tittaka½, bhante”ti ±ha. Bodhisatto “mah±puñña, n³na r±j± adhammiko bhavissati. R±j³nañhi adhammikak±le araññe phal±phala½ ±di½ katv± sabba½ amadhura½ niroja½ j±tan”ti vatv± im± g±th± abh±si–
133. “Gave ce taram±n±na½, jimha½ gacchati puªgavo;
sabb± t± jimha½ gacchanti, nette jimha½ gate sati.
134. “Evameva manussesu, yo hoti seµµhasammato;
so ce adhamma½ carati, pageva itar± paj±;
sabba½ raµµha½ dukha½ seti, r±j± ce hoti adhammiko.
135. “Gava½ ce taram±n±na½, uju½ gacchati puªgavo;
sabb± g±v² uju½ yanti, nette uju½ gate sati.
136. “Evameva manussesu, yo hoti seµµhasammato;
so sace dhamma½ carati, pageva itar± paj±;
sabba½ raµµha½ sukha½ seti, r±j± ce hoti dhammiko”ti.
Tattha gavanti gunna½. Taram±n±nanti nadi½ otarant±na½. Jimhanti kuµila½ vaªka½. Netteti n±yake gahetv± gacchante gavajeµµhake usabhe puªgave. Pageva itar± paj±ti itare satt± puretarameva adhamma½ carant²ti attho. Dukha½ set²ti na kevala½ seti, cat³supi iriy±pathesu dukkhameva vindati. Adhammikoti yadi r±j± chand±di-agatigamanavasena adhammiko hoti. Sukha½ set²ti sace r±j± agatigamana½ pah±ya dhammiko hoti, sabba½ raµµha½ cat³su iriy±pathesu sukhappattameva hot²ti.
R±j± bodhisattassa dhamma½ sutv± attano r±jabh±va½ j±n±petv± “bhante, pubbe nigrodhapakka½ ahameva madhura½ katv± tittaka½ ak±si½, id±ni puna madhura½ kariss±m²”ti bodhisatta½ vanditv± nagara½ gantv± dhammena rajja½ k±rento sabba½ paµip±katika½ ak±si.
Satth± ima½ dhammadesana½ ±haritv± j±taka½ samodh±nesi– “tad± r±j± ±nando ahosi, t±paso pana ahameva ahosin”ti.

R±jov±daj±takavaººan± catutth±.