[195] 5. Pabbat³pattharaj±takavaººan±

Pabbat³patthare rammeti ida½ satth± jetavane viharanto kosalar±j±na½ ±rabbha kathesi. Kosalarañño kira eko amacco antepure padussi. R±j±pi pariv²ma½sam±no ta½ tathato ñatv± “satthu ±rocess±m²”ti jetavana½ gantv± satth±ra½ vanditv± “bhante, amh±ka½ antepure eko amacco padussi, tassa ki½ k±tu½ vaµµat²”ti pucchi. Atha na½ satth± “upak±rako te, mah±r±ja, so ca amacco s± ca itth² piy±”ti pucchitv± “±ma, bhante, ativiya upak±rako sakala½ r±jakula½ sandh±reti, s±pi me itth² piy±”ti vutte “mah±r±ja, ‘attano upak±rakesu sevakesu piy±su ca itth²su dubbhitu½ na sakk±’ti pubbepi r±j±no paº¹it±na½ katha½ sutv± majjhatt±va ahesun”ti vatv± tena y±cito at²ta½ ±hari.
At²te b±r±ºasiya½ brahmadatte rajja½ k±rente bodhisatto amaccakule nibbattitv± vayappatto tassa atthadhamm±nus±sako ahosi. Athassa rañño eko amacco antepure padussi. R±j± na½ tathato ñatv± “amaccopi me bah³pak±ro, aya½ itth²pi me piy±, dvepi ime n±setu½ na sakk± paº¹it±macca½ pañha½ pucchitv± sace sahitabba½ bhavissati, sahiss±mi, no ce, na sahiss±m²”ti bodhisatta½ pakkos±petv± ±sana½ datv± “paº¹ita, pañha½ pucchiss±m²”ti vatv± “pucchatha, mah±r±ja, vissajjess±m²”ti vutte pañha½ pucchanto paµhama½ g±tham±ha–
89. “Pabbat³patthare ramme, j±t± pokkharaº² siv±;
ta½ siªg±lo ap±p±yi, j±na½ s²hena rakkhitan”ti.
Tattha pabbat³patthare rammeti himavantapabbatap±de pattharitv± µhite aªgaºaµµh±neti attho. J±t± pokkharaº² siv±ti siv± s²tal± madhurodak± pokkharaº² nibbatt±, apica kho pokkharasañchann± nad²pi pokkharaº²yeva. Ap±p±y²ti apa-iti upasaggo, ap±y²ti attho. J±na½ s²hena rakkhitanti s± pokkharaº² s²haparibhog± s²hena rakkhit±, sopi na½ siªg±lo “s²hena rakkhit± ayan”ti j±nantova ap±yi. Ta½ ki½ maññati, b±lo siªg±lo s²hassa abh±yitv± piveyya evar³pa½ pokkharaºinti ayametth±dhipp±yo.
Bodhisatto “addh± etassa antepure eko amacco paduµµho bhavissat²”ti ñatv± dutiya½ g±tham±ha–
90. “Pivanti ce mah±r±ja, s±pad±ni mah±nadi½;
na tena anad² hoti, khamassu yadi te piy±”ti.
Tattha s±pad±n²ti na kevala½ siªg±lova, avases±ni sunakhapasadabi¼±ramig±d²ni sabbas±pad±ni ta½ pokkharasañchannatt± “pokkharaº²”ti laddhan±ma½ nadi½ pivanti ce. Na tena anad² hot²ti nadiyañhi dvipadacatuppad±pi ahimacch±pi sabbe pip±sit± p±n²ya½ pivanti, na s± tena k±raºena anad² n±ma hoti, n±pi ucchiµµhanad². Kasm±? Sabbesa½ s±dh±raºatt±. Yath± nad² yena kenaci p²t± na dussati, eva½ itth²pi kilesavasena s±mika½ atikkamitv± aññena saddhi½ sa½v±sa½ gat± neva anitth² hoti. Kasm±? Sabbesa½ s±dh±raºabh±vena. N±pi ucchiµµhitth². Kasm±? Odakantikat±ya suddhabh±vena. Khamassu yadi te piy±ti yadi pana te s± itth² piy±, so ca amacco bah³pak±ro, tesa½ ubhinnampi khamassu majjhattabh±vena tiµµh±h²ti.
Eva½ mah±satto rañño ov±da½ ad±si. R±j± tassa ov±de µhatv± “puna evar³pa½ p±pakamma½ m± karitth±”ti vatv± ubhinnampi khami. Tato paµµh±ya te orami½su. R±j±pi d±n±d²ni puññ±ni katv± j²vitapariyos±ne saggapura½ p³resi. Kosalar±j±pi ima½ dhammadesana½ sutv± tesa½ ubhinnampi khamitv± majjhatto ahosi.
Satth± ima½ dhammadesana½ ±haritv± j±taka½ samodh±nesi– “tad± r±j± ±nando ahosi, paº¹it±macco pana ahameva ahosin”ti.

Pabbat³pattharaj±takavaººan± pañcam±.