[183] 3. V±lodakaj±takavaººan±

V±lodaka½ apparasa½ nih²nanti ida½ satth± jetavane viharanto pañcasate vigh±s±de ±rabbha kathesi. S±vatthiya½ kira pañcasat± up±sak± ghar±v±sapalibodha½ puttad±rassa niyy±detv± satthu dhammadesana½ suºant± ekatova vicaranti. Tesu keci sot±pann±, keci sakad±g±mino, keci an±g±mino, ekopi puthujjano n±ma natthi, satth±ra½ nimantent±pi te up±sake antokaritv±va nimantenti. Tesa½ pana dantakaµµhamukhodakavatthagandham±lad±yak± pañcasat± c³¼upaµµh±k± vigh±s±d± hutv± vasanti. Te bhuttap±tar±s± nidd±yitv± uµµh±ya aciravati½ gantv± nad²t²re unnadant± mallayuddha½ yujjhanti. Te pana pañcasat± up±sak± appasadd± appanigghos± paµisall±namanuyuñjanti. Satth± tesa½ vigh±s±d±na½ ucc±sadda½ sutv± “ki½ eso, ±nanda, saddo”ti thera½ pucchitv± “vigh±s±dasaddo, bhante”ti vutte “na kho, ±nanda, ime vigh±s±d± id±neva vigh±sa½ kh±ditv± unnadanti, pubbepi unnadantiyeva, imepi up±sak± na id±neva sannisinn±, pubbepi sannisinn±yev±”ti vatv± therena y±cito at²ta½ ±hari.
At²te b±r±ºasiya½ brahmadatte rajja½ k±rente bodhisatto amaccakule nibbattitv± vayappatto rañño atthadhamm±nus±sako ahosi. Athekasmi½ k±le so r±j± “paccanto kupito”ti sutv± pañcasate sindhave kapp±petv± caturaªginiy± sen±ya gantv± paccanta½ v³pasametv± b±r±ºasimeva pacc±gantv± “sindhav± kilant± allarasameva nesa½ muddikap±na½ deth±”ti ±º±pesi. Sindhav± gandhap±na½ pivitv± assas±la½ gantv± attano attano µh±nesu aµµha½su. Tesa½ pana dinn±vasiµµhaka½ apparasa½ bahukasaµa½ ahosi. Manuss± “ida½ ki½ karom±”ti r±j±na½ pucchi½su. R±j± udakena madditv± makacipilotik±hi pariss±vetv± “ye gadrabh± sindhav±na½ niv±pa½ pahi½su, tesa½ d±peth±”ti d±pesi. Gadrabh± kasaµa-udaka½ pivitv± matt± hutv± viravant± r±jaªgaºe vicari½su. R±j± mah±v±tap±na½ vivaritv± r±jaªgaºa½ olokayam±no sam²pe µhita½ bodhisatta½ ±mantetv± “passa, ime gadrabh± kasaµodaka½ pivitv± matt± hutv± viravant± uppatant± vicaranti, sindhavakule j±tasindhav± pana gandhap±na½ pivitv± nissadd± sannisinn± na uppilavanti, ki½ nu kho k±raºan”ti pucchanto paµhama½ g±tham±ha–
65. “V±lodaka½ apparasa½ nih²na½, pitv± mado j±yati gadrabh±na½;
imañca pitv±na rasa½ paº²ta½, mado na sañj±yati sindhav±nan”ti.
Tattha v±lodakanti makaciv±lehi pariss±vita-udaka½. “V±ludakan”tipi p±µho. Nih²nanti nih²narasabh±vena nih²na½. Na sañj±yat²ti sindhav±na½ mado na j±yati, ki½ nu kho k±raºanti pucchi.
Athassa k±raºa½ ±cikkhanto bodhisatto dutiya½ g±tham±ha–
66. “Appa½ pivitv±na nih²najacco, so majjat² tena janinda puµµho;
dhorayhas²l² ca kulamhi j±to, na majjat² aggarasa½ pivitv±”ti.
Tattha tena janinda puµµhoti janinda uttamar±ja yo nih²najacco, tena nih²najaccabh±vena puµµho majjati pamajjati. Dhorayhas²l²ti dhorayhas²lo dhuravahanaka-±c±rena sampanno j±tisindhavo. Aggarasanti sabbapaµhama½ gahita½ muddikarasa½ pivitv±pi na majjati.
R±j± bodhisattassa vacana½ sutv± gadrabhe r±jaªgaº± n²har±petv± tasseva ov±de µhito d±n±d²ni puññ±ni katv± yath±kamma½ gato.
Satth± ima½ dhammadesana½ ±haritv± j±taka½ samodh±nesi– “tad± pañcasat± gadrabh± ime vigh±s±d± ahesu½, pañcasat± sindhav± ime up±sak±, r±j± ±nando, paº¹it±macco pana ahameva ahosin”ti.

V±lodakaj±takavaººan± tatiy±.