[170] 10. Kakaºµakaj±takavaººan±

N±ya½ pure uººamat²ti ida½ kakaºµakaj±taka½ mah±-umaªgaj±take (j±. 2.22.590 ±dayo) ±vibhavissati.

Kakaºµakaj±takavaººan± dasam±.

Santhavavaggo dutiyo.

Tassudd±na½–
Indasam±nagottañca, santhava½ sus²ma½ gijjha½;
nakula½ upas±¼aka½, samiddhi ca sakuºagghi;
arakañca kakaºµaka½.

3. Kaly±ºavaggo

[171] 1. Kaly±ºadhammaj±takavaººan±

Kaly±ºadhammoti ida½ satth± jetavane viharanto eka½ badhirasassu½ ±rabbha kathesi. S±vatthiyañhi eko kuµumbiko saddho pasanno tisaraºagato pañcas²lena samann±gato. So ekadivasa½ bah³ni sappi-±d²ni bhesajj±ni ceva pupphagandhavatth±d²ni ca gahetv± “jetavane satthu santike dhamma½ soss±m²”ti agam±si. Tassa tattha gatak±le sassu kh±dan²yabhojan²ya½ gahetv± dh²tara½ daµµhuk±m± ta½ geha½ agam±si, s± ca thoka½ badhiradh±tuk± hoti. S± dh²tar± saddhi½ bhuttabhojan± bhattasammada½ vinodayam±n± dh²tara½ pucchi– “ki½, amma, bhatt± te sammodam±no avivadam±no piyasa½v±sa½ vasat²”ti. “Ki½, amma, kathetha y±diso tumh±ka½ j±m±t± s²lena ceva ±c±rasampad±ya ca, t±diso pabbajitopi dullabho”ti. Up±sik± dh²tu vacana½ s±dhuka½ asallakkhetv± “pabbajito”ti padameva gahetv± “amma, kasm± te bhatt± pabbajito”ti mah±sadda½ ak±si. Ta½ sutv± sakalagehav±sino “amh±ka½ kira kuµumbiko pabbajito”ti viravi½su. Tesa½ sadda½ sutv± dv±rena sañcarant± “ki½ n±ma kiretan”ti pucchi½su. “Imasmi½ kira gehe kuµumbiko pabbajito”ti. Sopi kho kuµumbiko dasabalassa dhamma½ sutv± vih±r± nikkhamma nagara½ p±visi.
Atha na½ antar±maggeyeva eko puriso disv± “samma, tva½ kira pabbajitoti tava gehe puttad±raparijano paridevat²”ti ±ha. Athassa etadahosi– “aya½ apabbajitameva kira ma½ ‘pabbajito’ti vadati, uppanno kho pana me kaly±ºasaddo na antaradh±petabbo, ajjeva may± pabbajitu½ vaµµat²”ti tatova nivattitv± satthu santika½ gantv± “ki½ nu kho, up±saka, id±neva buddhupaµµh±na½ katv± gantv± id±neva pacc±gatos²”ti vutte tamattha½ ±rocetv± “bhante, kaly±ºasaddo n±ma uppanno na antaradh±petu½ vaµµati, tasm± pabbajituk±mo hutv± ±gatomh²”ti ±ha. So pabbajjañca upasampadañca labhitv± samm± paµipanno nacirasseva arahatta½ p±puºi. Ida½ kira k±raºa½ bhikkhusaªghe p±kaµa½ j±ta½. Athekadivasa½ dhammasabh±ya½ bhikkh³ katha½ samuµµh±pesu½– “±vuso, asuko n±ma kuµumbiko ‘uppanno kaly±ºasaddo na antaradh±petabbo’ti pabbajitv± id±ni arahatta½ patto”ti. Satth± ±gantv± “k±ya nuttha, bhikkhave, etarahi kath±ya sannisinn±”ti pucchitv± “im±ya n±m±”ti vutte “bhikkhave, por±ºakapaº¹it±pi ‘uppanno kaly±ºasaddo vir±dhetu½ na vaµµat²’ti pabbaji½suyev±”ti vatv± at²ta½ ±hari.
At²te b±r±ºasiya½ brahmadatte rajja½ k±rente bodhisatto seµµhikule nibbattitv± vayappatto pitu accayena seµµhiµµh±na½ p±puºi. So ekadivasa½ nivesan± nikkhamitv± r±jupaµµh±na½ agam±si. Athassa sassu “dh²tara½ passiss±m²”ti ta½ geha½ agam±si, s± thoka½ badhiradh±tuk±ti sabba½ paccuppannavatthusadisameva. Ta½ pana r±jupaµµh±na½ gantv± attano ghara½ ±gacchanta½ disv± eko puriso “tumhe kira pabbajit±ti tumh±ka½ gehe mah±paridevo pavattat²”ti ±ha. Bodhisatto “uppanno kaly±ºasaddo n±ma na antaradh±petu½ vaµµat²”ti tatova nivattitv± rañño santika½ gantv± “ki½, mah±seµµhi, id±neva gantv± puna ±gatos²”ti vutte “deva, gehajano kira ma½ apabbajitameva ‘pabbajito’ti vatv± paridevati, uppanno kho pana kaly±ºasaddo na antaradh±petabbo, pabbajiss±maha½, pabbajja½ me anuj±n±h²”ti etamattha½ pak±setu½ im± g±th± ±ha–
41. “Kaly±ºadhammoti yad± janinda, loke samañña½ anup±puº±ti;
tasm± na hiyyetha naro sapañño, hiriy±pi santo ghuram±diyanti.
42. “S±ya½ samaññ± idha majja patt±, kaly±ºadhammoti janinda loke;
t±ha½ samekkha½ idha pabbajissa½, na hi matthi chando idha k±mabhoge”ti.
Tattha kaly±ºadhammoti sundaradhammo. Samañña½ anup±puº±t²ti yad± s²lav± kaly±ºadhammo pabbajitoti ida½ paññattivoh±ra½ p±puº±ti. Tasm± na hiyyeth±ti tato s±maññato na parih±yetha. Hiriy±pi santo dhuram±diyant²ti, mah±r±ja, sappuris± n±ma ajjhattasamuµµhit±ya hiriy± bahiddhasamuµµhitena ottappenapi eta½ pabbajitadhura½ gaºhanti. Idha majja patt±ti idha may± ajja patt±. T±ha½ samekkhanti ta½ aha½ guºavasena laddhasamañña½ samekkhanto passanto. Na hi matthi chandoti na hi me atthi chando. Idha k±mabhogeti imasmi½ loke kilesak±mavatthuk±maparibhogehi.
Bodhisatto eva½ vatv± r±j±na½ pabbajja½ anuj±n±petv± himavantapadesa½ gantv± isipabbajja½ pabbajitv± abhiññ± ca sam±pattiyo ca nibbattetv± brahmalokapar±yaºo ahosi.
Satth± ima½ dhammadesana½ ±haritv± j±taka½ samodh±nesi– “tad± r±j± ±nando ahosi, b±r±ºasiseµµhi pana ahameva ahosin”ti.

Kaly±ºadhammaj±takavaººan± paµham±.