[295] 5. Antaj±takavaººan±

Usabhasseva te khandhoti ida½ satth± jetavane viharanto teyeva dve jane ±rabbha kathesi. Paccuppannavatthu purimasadisameva.
At²te b±r±ºasiya½ brahmadatte rajja½ k±rente bodhisatto ekasmi½ g±m³pac±re eraº¹arukkhadevat± hutv± nibbatti. Tad± ekasmi½ g±make mata½ jaraggava½ nikka¹¹hitv± g±madv±re eraº¹avane cha¹¹esu½. Eko siªg±lo ±gantv± tassa ma½sa½ kh±di. Eko k±ko ±gantv± eraº¹e nil²no ta½ disv± “ya½n³n±ha½ etassa abh³taguºakatha½ kathetv± ma½sa½ kh±deyyan”ti cintetv± paµhama½ g±tham±ha–
133. “Usabhasseva te khandho, s²hasseva vijambhita½;
migar±ja namo tyatthu, api kiñci labh±mase”ti.

Tattha namo tyatth³ti namo te atthu.

Ta½ sutv± siªg±lo dutiya½ g±tham±ha–
134. “Kulaputtova j±n±ti, kulaputta½ pasa½situ½;
may³rag²vasaªk±sa, ito pariy±hi v±yas±”ti.
Tattha ito pariy±h²ti eraº¹ato otaritv± ito yen±ha½, ten±gantv± ma½sa½ kh±d±ti vadati.
Ta½ tesa½ kiriya½ disv± rukkhadevat± tatiya½ g±tham±ha–
135. “Mig±na½ siªg±lo anto, pakkh²na½ pana v±yaso;
eraº¹o anto rukkh±na½, tayo ant± sam±gat±”ti.
Tattha antoti h²no l±mako.
Satth± ima½ dhammadesana½ ±haritv± j±taka½ samodh±nesi– “tad± siªg±lo devadatto ahosi, k±ko kok±liko, rukkhadevat± pana ahameva ahosin”ti.

Antaj±takavaººan± pañcam±.