[286] 6. S±l³kaj±takavaººan±

s±l³kassa pihay²ti ida½ satth± jetavane viharanto thullakum±rik±palobhana½ ±rabbha kathesi. Ta½ c³¼an±radakassapaj±take (j±. 1.13.40 ±dayo) ±vibhavissati. Ta½ pana bhikkhu½ satth± pakkos±petv± “sacca½ kira tva½, bhikkhu, ukkaºµhitos²”ti pucchi. “Eva½, bhante”ti. “Ko ta½ ukkaºµh±pet²”ti? “Thullakum±rik±, bhante”ti. Satth± “es± te bhikkhu anatthak±rik±, pubbepi tva½ etiss± viv±hatth±ya ±gataparis±ya uttaribhaªgo ahos²”ti vatv± bhikkh³hi y±cito at²ta½ ±hari.
At²te b±r±ºasiya½ brahmadatte rajja½ k±rente bodhisatto mah±lohitagoºo n±ma ahosi, kaniµµhabh±t± panassa c³¼alohito n±ma. Ubhopi goº± g±make ekasmi½ kule kamma½ karonti. Tassa kulassa ek± vayappatt± kum±rik± atthi, ta½ aññakula½ v±resi. Atha na½ kula½ “viv±hak±le uttaribhaªgo bhavissat²”ti s±l³ka½ n±ma s³kara½ y±gubhattena paµijaggi, so heµµh±mañce sayati. Athekadivasa½ c³¼alohito bh±tara½ ±ha– “bh±tika, maya½ imasmi½ kule kamma½ karoma, amhe niss±ya ima½ kula½ j²vati, atha ca panime manuss± amh±ka½ tiºapal±lamatta½ denti, ima½ s³kara½ y±gubhattena posenti, heµµh±mañce say±penti, ki½ n±mesa etesa½ karissat²”ti. Mah±lohito “t±ta, m± tva½ etassa y±gubhatta½ patthaya, etiss± kum±rik±ya viv±hadivase eta½ uttaribhaªga½ k±tuk±m± ete ma½sassa th³labh±vakaraºattha½ posenti, katip±haccayena ta½ passissasi heµµh±mañcato nikkh±metv± vadhitv± khaº¹±khaº¹ika½ chinditv± ±gantukabhatta½ kariyam±nan”ti vatv± purim± dve g±th± samuµµh±pesi–
106. “M± s±l³kassa pihayi, ±turann±ni bhuñjati;
appossukko bhusa½ kh±da, eta½ d²gh±yulakkhaºa½.
107. “Id±ni so idh±gantv±, atith² yuttasevako;
atha dakkhasi s±l³ka½, sayanta½ musaluttaran”ti.
Tatth±ya½ saªkhepattho– t±ta, tva½ m± s±l³kas³karabh±va½ patthayi, ayañhi ±turann±ni maraºabhojan±ni bhuñjati, y±ni bhuñjitv± nacirasseva maraºa½ p±puºissati, tva½ pana appossukko nir±layo hutv± attan± laddha½ ima½ pal±lamissaka½ bhusa½ kh±da, eta½ d²gh±yubh±vassa lakkhaºa½ sañj±nananimitta½. Id±ni katip±hasseva so vev±hikapuriso mahatiy± paris±ya yutto yuttasevako idha atithi hutv± ±gato bhavissati, atheta½ s±l³ka½ musalasadisena uttaroµµhena samann±gatatt± musaluttara½ m±rita½ sayanta½ dakkhas²ti.
Tato katip±hasseva vev±hikesu ±gatesu s±l³ka½ m±retv± uttaribhaªgamaka½su. Ubho goº± ta½ tassa vipatti½ disv± “amh±ka½ bhusameva varan”ti cintayi½su. Satth± abhisambuddho hutv± tadatthajotika½ tatiya½ g±tham±ha–
108. “Vikanta½ s³kara½ disv±, sayanta½ musaluttara½;
jaraggav± vicintesu½, varamh±ka½ bhus±miv±”ti.
Tattha bhus±miv±ti bhusameva amh±ka½ vara½ uttamanti attho.
Satth± ima½ dhammadesana½ ±haritv± sacc±ni pak±setv± j±taka½ samodh±nesi, saccapariyos±ne so bhikkhu sot±pattiphale patiµµhahi. “Tad± kum±rik± etarahi thullakum±rik± ahosi, s±l³ko ukkaºµhitabhikkhu, c³¼alohito ±nando, mah±lohito pana ahameva ahosin”ti.

S±l³kaj±takavaººan± chaµµh±.