[257] 7. G±maºicandaj±takavaººan±

N±ya½ ghar±na½ kusaloti ida½ satth± jetavane viharanto paññ±pasa½sana½ ±rabbha kathesi. Dhammasabh±yañhi bhikkh³ dasabalassa pañña½ pasa½sant± nis²di½su– “±vuso, tath±gato mah±pañño puthupañño h±sapañño javanapañño tikkhapañño nibbedhikapañño sadevaka½ loka½ paññ±ya atikkamat²”ti. Satth± ±gantv± “k±ya nuttha, bhikkhave, etarahi kath±ya sannisinn±”ti pucchitv± “im±ya n±m±”ti vutte “na, bhikkhave, id±neva, pubbepi tath±gato paññav±yev±”ti vatv± at²ta½ ±hari.
At²te b±r±ºasiya½ janasandho n±ma r±j± rajja½ k±resi. Bodhisatto tassa aggamahesiy± kucchimhi nibbatti. Tassa mukha½ suparimajjitakañcan±d±satala½ viya parisuddha½ ahosi atisobhaggappatta½, tenassa n±maggahaºadivase “±d±samukham±ro”ti n±ma½ aka½su. Ta½ sattavassabbhantareyeva pana pit± tayo vede ca sabbañca loke kattabb±kattabba½ sikkh±petv± tassa sattavassikak±le k±lamak±si. Amacc± mahantena sakk±rena rañño sar²rakicca½ katv± matakad±na½ datv± sattame divase r±jaªgaºe sannipatitv± “kum±ro atidaharo, na sakk± rajje abhisiñcitu½, v²ma½sitv± na½ abhisiñciss±m±”ti ekadivasa½ nagara½ alaªk±r±petv± vinicchayaµµh±na½ sajjetv± pallaªka½ paññapetv± kum±rassa santika½ gantv± “vinicchayaµµh±na½, deva, gantu½ vaµµat²”ti ±ha½su. Kum±ro “s±dh³”ti mahantena pariv±rena gantv± pallaªke nis²di.
Tassa nisinnak±le amacc± eka½ dv²hi p±dehi vicaraºamakkaµa½ vatthuvijj±cariyavesa½ g±h±petv± vinicchayaµµh±na½ netv± “deva, aya½ puriso pitu mah±r±jassa k±le vatthuvijj±cariyo paguºavijjo antobh³miya½ sattaratanaµµh±ne guºadosa½ passati, eteneva gahita½ r±jakul±na½ gehaµµh±na½ hoti, ima½ devo saªgaºhitv± µh±nantare µhapet³”ti ±ha½su. Kum±ro ta½ heµµh± ca uparica oloketv± “n±ya½ manusso, makkaµo eso”ti ñatv± “makkaµ± n±ma kata½ kata½ viddha½setu½ j±nanti, akata½ pana k±tu½ v± vic±retu½ v± na j±nant²”ti cintetv± amacc±na½ paµhama½ g±tham±ha–
19. “N±ya½ ghar±na½ kusalo, lolo aya½ val²mukho;
kata½ kata½ kho d³seyya, eva½ dhammamida½ kulan”ti.
Tattha n±ya½ ghar±na½ kusaloti aya½ satto na ghar±na½ kusalo, ghar±ni vic±retu½ v± k±tu½ v± cheko na hoti. Loloti lolaj±tiko. Val²mukhoti valiyo mukhe ass±ti val²mukho. Eva½ dhammamida½kulanti ida½ makkaµakula½ n±ma kata½ kata½ d³setabba½ vin±setabbanti eva½ sabh±vanti.
Ath±macc± “eva½ bhavissati, dev±”ti ta½ apanetv± ek±hadv²haccayena puna tameva alaªkaritv± vinicchayaµµh±na½ ±netv± “aya½, deva, pitu mah±r±jassa k±le vinicchay±macco, vinicchayasuttamassa supavattita½, ima½ saªgaºhitv± vinicchayakamma½ k±retu½ vaµµat²”ti ±ha½su. Kum±ro ta½ oloketv± “cittavato manussassa loma½ n±ma evar³pa½ na hoti, aya½ nicittako v±naro vinicchayakamma½ k±tu½ na sakkhissat²”ti ñatv± dutiya½ g±tham±ha–
20. “Nayida½ cittavato loma½, n±ya½ ass±siko migo;
siµµha½ me janasandhena, n±ya½ kiñci vij±nat²”ti.
Tattha nayida½ cittavato lomanti ya½ ida½ etassa sar²re pharusaloma½, ida½ vic±raºapaññ±ya sampayuttacittavato na hoti. P±katikacittena pana acittako n±ma tiracch±nagato natthi. N±ya½ ass±sikoti aya½ avassayo v± hutv± anus±sani½ v± datv± añña½ ass±setu½ asamatthat±ya na ass±siko. Migoti makkaµa½ ±ha. Siµµha½ me janasandhen±ti mayha½ pitar± janasandhena eta½ siµµha½ kathita½, “makkaµo n±ma k±raº±k±raºa½ na j±n±t²”ti eva½ anus±san² dinn±ti d²peti. N±ya½ kiñci vij±nat²ti tasm± aya½ v±naro na kiñci j±n±t²ti niµµhamettha gantabba½. P±¼iya½ pana “n±ya½ kiñci na d³saye”ti likhita½, ta½ aµµhakath±ya½ natthi.
Amacc± imampi g±tha½ sutv± “eva½ bhavissati, dev±”ti ta½ apanetv± punapi ekadivasa½ tameva alaªkaritv± vinicchayaµµh±na½ ±netv± “aya½, deva, puriso pitu mah±r±jassa k±le m±t±pitu-upaµµh±nak±rako, kulejeµµh±pac±yikakammak±rako, ima½ saªgaºhitu½ vaµµat²”ti ±ha½su. Kum±ro ta½ oloketv± “makkaµ± n±ma calacitt±, evar³pa½ kamma½ k±tu½ na samatth±”ti cintetv± tatiya½ g±tham±ha–
21. “Na m±tara½ pitara½ v±, bh±tara½ bhagini½ saka½;
bhareyya t±diso poso, siµµha½ dasarathena me”ti.
Tattha bh±tara½ bhagini½ sakanti attano bh±tara½ v± bhagini½ v±. P±¼iya½ pana “sakhan”ti likhita½, ta½ pana aµµhakath±ya½ “sakanti vutte sakabh±tikabhaginiyo labbhanti, sakhanti vutte sah±yako labbhat²”ti vic±ritameva. Bhareyy±ti poseyya. T±diso posoti y±diso esa dissati, t±diso makkaµaj±tiko satto na bhareyya. Siµµha½ dasarathena meti eva½ me pitar± anusiµµha½. Pit± hissa jana½ cat³hi saªgahavatth³hi sandahanato “janasandho”ti vuccati, dasahi rathehi kattabb±kattabba½ attano ekeneva rathena karaºato “dasaratho”ti. Tassa santik± evar³passa ov±dassa sutatt± evam±ha.
Amacc± “eva½ bhavissati, dev±”ti makkaµa½ apanetv± “paº¹ito kum±ro, sakkhissati rajja½ k±retun”ti bodhisatta½ rajje abhisiñcitv± “±d±samukharañño ±º±”ti nagare bheri½ car±pesu½. Tato paµµh±ya bodhisatto dhammena rajja½ k±resi, paº¹itabh±vopissa sakalajambud²pa½ pattharitv± gato.
Paº¹itabh±vad²panattha½ panassa im±ni cuddasa vatth³ni ±bhat±ni–
“Goºo putto hayo ceva, na¼ak±ro g±mabhojako;
gaºik± taruº² sappo, migo tittiradevat±;
n±go tapassino ceva, atho br±hmaºam±ºavo”ti.
Tatr±ya½ anupubb²kath±– bodhisattasmiñhi rajje abhisiñcite eko janasandharañño p±dam³liko n±mena g±maºicando n±ma eva½ cintesi– “ida½ rajja½ n±ma sam±navayehi saddhi½ sobhati, ahañca mahallako, dahara½ kum±ra½ upaµµh±tu½ na sakkhiss±mi, janapade kasikamma½ katv± j²viss±m²”ti, so nagarato tiyojanamatta½ gantv± ekasmi½ g±make v±sa½ kappesi. Kasikammatth±ya panassa goº±pi natthi, so deve vuµµhe eka½ sah±yaka½ dve goºe y±citv± sabbadivasa½ kasitv± tiºa½ kh±d±petv± goºe s±mikassa niyy±detu½ geha½ agam±si. So tasmi½ khaºe bhariy±ya saddhi½ gehamajjhe nis²ditv± bhatta½ bhuñjati. Goº±pi paricayena geha½ pavisi½su, tesu pavisantesu s±miko th±laka½ ukkhipi, bhariy± th±laka½ apanesi. G±maºicando “bhattena ma½ nimanteyyun”ti olokento goºe aniyy±detv±va gato. Cor± ratti½ vaja½ bhinditv± teyeva goºe hari½su. Goºas±miko p±tova vaja½ paviµµho te goºe adisv± corehi haµabh±va½ j±nantopi “g±maºicandassa g²va½ kariss±m²”ti ta½ upasaªkamitv± “bho goºe, me deh²”ti ±ha. “Nanu goº± geha½ paviµµh±”ti. “Ki½ pana te mayha½ niyy±dit±”ti? “Na niyy±dit±”ti. “Tena hi aya½ te r±jad³to, eh²”ti ±ha. Tesu hi janapadesu ya½kiñci sakkhara½ v± kap±lakhaº¹a½ v± ukkhipitv± “aya½ te r±jad³to, eh²”ti vutte yo na gacchati, tassa r±j±ºa½ karoti, tasm± so “r±jad³to”ti sutv±va nikkhami.
So tena saddhi½ r±jakula½ gacchanto eka½ sah±yakassa vasanag±ma½ patv± “bho, atich±tomhi, y±va g±ma½ pavisitv± ±h±rakicca½ katv± ±gacch±mi, t±va idheva hoh²”ti vatv± sah±yageha½ p±visi. Sah±yo panassa gehe natthi, sah±yik± disv± “s±mi, pakk±h±ro natthi, muhutta½ adhiv±sehi, id±neva pacitv± dass±m²”ti nisseºiy± vegena taº¹ulakoµµhaka½ abhiruhant² bh³miya½ pati, taªkhaºaññeva tass± sattam±siko gabbho patito. Tasmi½ khaºe tass± s±miko ±gantv± ta½ disv± “tva½ me bhariya½ paharitv± gabbha½ p±tesi, aya½ te r±jad³to, eh²”ti ta½ gahetv± nikkhami. Tato paµµh±ya dve jan± g±maºi½ majjhe katv± gacchanti.
Athekasmi½ g±madv±re eko assagopako assa½ nivattetu½ na sakkoti, assopi tesa½ santikena gacchati. Assagopako g±maºicanda½ disv± “m±tula g±maºicanda, eta½ t±va assa½ kenacideva paharitv± nivatteh²”ti ±ha. So eka½ p±s±ºa½ gahetv± khipi, p±s±ºo assassa p±de paharitv± eraº¹adaº¹aka½ viya bhindi. Atha na½ assagopako “tay± me assassa p±do bhinno, aya½ te r±jad³to”ti vatv± gaºhi.
So t²hi janehi n²yam±no cintesi– “ime ma½ rañño dassessanti, aha½ goºam³lampi d±tu½ na sakkomi, pageva gabbhap±tanadaº¹a½, assam³la½ pana kuto labhiss±mi, mata½ me seyyo”ti. So gacchanto antar±magge aµaviya½ maggasam²peyeva eka½ ekato pap±ta½ pabbata½ addasa, tassa ch±y±ya dve pit±putt± na¼ak±r± ekato kilañja½ cinanti. G±maºicando “bho, sar²rakicca½ k±tuk±momhi, thoka½ idheva hotha, y±va ±gacch±m²”ti vatv± pabbata½ abhiruhitv± pap±tapasse patam±no pituna¼ak±rassa piµµhiya½ pati, na¼ak±ro ekappah±reneva j²vitakkhaya½ p±puºi. G±maºi uµµh±ya aµµh±si. Na¼ak±raputto “tva½ me pitugh±takacoro, aya½ te r±jad³to”ti vatv± ta½ hatthe gahetv± gumbato nikkhami “ki½ etan”ti ca vutte “pitugh±takacoro me”ti ±ha. Tato paµµh±ya g±maºi½ majjhe katv± catt±ro jan± pariv±retv± nayi½su.
Ath±parasmi½ g±madv±re eko g±mabhojako g±maºicanda½ disv± “m±tula g±maºicanda, kaha½ gacchas²”ti vatv± “r±j±na½ passitun”ti vutte “addh± tva½ r±j±na½ passissasi, aha½ rañño s±sana½ d±tuk±mo, harissas²”ti ±ha. “¾ma, hariss±m²”ti. “Aha½ pakatiy± abhir³po dhanav± yasasampanno arogo, id±ni panamhi duggato ceva paº¹urog² ca, tattha ki½ k±raºanti r±j±na½ puccha, r±j± kira paº¹ito, so te kathessati, tassa s±sana½ puna mayha½ katheyy±s²”ti. So “s±dh³”ti sampaµicchi.
Atha na½ purato aññatarasmi½ g±madv±re ek± gaºik± disv± “m±tula g±maºicanda, kaha½ gacchas²”ti vatv± “r±j±na½ passitun”ti vutte “r±j± kira paº¹ito, mama s±sana½ har±”ti vatv± evam±ha– “pubbe aha½ bahu½ bhati½ labh±mi, id±ni pana tambulamattampi na labh±mi, koci me santika½ ±gato n±ma natthi, tattha ki½ k±raºanti r±j±na½ pucchitv± pacc±gantv± mayha½ katheyy±s²”ti.
Atha na½ purato aññatarasmi½ g±madv±re ek± taruºitth² disv± tatheva pucchitv± “aha½ neva s±mikassa gehe vasitu½ sakkomi, na kulagehe, tattha ki½ k±raºanti r±j±na½ pucchitv± pacc±gantv± mayha½ katheyy±s²”ti ±ha.
Atha na½ tato parabh±ge mah±maggasam²pe ekasmi½ vammike vasanto sappo disv± “g±maºicanda, kaha½ y±s²”ti pucchitv± “r±j±na½ passitun”ti vutte “r±j± kira paº¹ito, s±sana½ me har±”ti vatv± “aha½ gocaratth±ya gamanak±le ch±tajjhatto mil±tasar²ro vammikato nikkhamanto sar²rena bila½ p³retv± sar²ra½ ka¹¹hento kicchena nikkham±mi, gocara½ caritv± ±gato pana suhito th³lasar²ro hutv± pavisanto bilapass±ni aphusanto sahas±va pavis±mi, tattha ki½ k±raºanti r±j±na½ pucchitv± mayha½ katheyy±s²”ti ±ha.
Atha na½ purato eko migo disv± tatheva pucchitv± “aha½ aññattha tiºa½ kh±ditu½ na sakkomi, ekasmi½yeva rukkham³le sakkomi, tattha ki½ k±raºanti r±j±na½ puccheyy±s²”ti ±ha.