[92] 2. Mah±s±raj±takavaººan±

Ukkaµµhe s³ramicchant²ti ida½ satth± jetavane viharanto ±yasmanta½ ±nandatthera½ ±rabbha kathesi. Ekasmiñhi samaye kosalarañño itthiyo cintayi½su “buddhupp±do n±ma dullabho, tath± manussapaµil±bho, paripuºº±yatanat± ca. Mayañca ima½ dullabha½ khaºasamav±ya½ labhitv±pi attano ruciy± vih±ra½ gantv± dhamma½ v± sotu½ buddhap³ja½ v± k±tu½ d±na½ v± d±tu½ na labh±ma, mañj³s±ya pakkhitt± viya vas±ma, rañño kathetv± amh±ka½ dhamma½ desetu½ anucchavika½ eka½ bhikkhu½ pakkos±petv± tassa santike dhamma½ soss±ma, tato ya½ sakkhiss±ma, ta½ uggaºhiss±ma, d±n±d²ni ca puññ±ni kariss±ma. Eva½ no aya½ khaºapaµil±bho saphalo bhavissat²”ti. T± sabb±pi r±j±na½ upasaªkamitv± attan± cintitak±raºa½ kathayi½su. R±j± “s±dh³”ti sampaµicchi.
Athekadivasa½ r±j± uyy±nak²¼a½ k²¼ituk±mo uyy±nap±la½ pakkos±petv± “uyy±na½ sodheh²”ti ±ha. Uyy±nap±lo uyy±na½ sodhento satth±ra½ aññatarasmi½ rukkham³le nisinna½ disv± rañño santika½ gantv± “suddha½, deva, uyy±na½, apicettha aññatarasmi½ rukkham³le bhagav± nisinno”ti ±ha. R±j± “s±dhu, samma, satthu santike dhammampi soss±m±”ti alaªkataratha½ abhiruhitv± uyy±na½ gantv± satthu santika½ agam±si.
Tasmiñca samaye chattap±ºi n±meko an±g±m² up±sako satthu santike dhamma½ suºam±no nisinno hoti. R±j± ta½ disv± ±saªkam±no muhutta½ µhatv± puna “sac±ya½ p±pako bhaveyya, na satthu santike nis²ditv± dhamma½ suºeyya, ap±pakena imin± bhavitabban”ti cintetv± satth±ra½ upasaªkamitv± vanditv± ekamanta½ nis²di. Up±sako buddhag±ravena rañño paccuµµh±na½ v± vandana½ v± na ak±si, tenassa r±j± anattamano ahosi. Satth± tassa anattamanabh±va½ ñatv± up±sakassa guºa½ kathesi “aya½, mah±r±ja, up±sako bahussuto ±gat±gamo k±mesu v²tar±go”ti r±j± “na imin± orakena bhavitabba½, yassa satth± guºa½ vaººet²”ti cintetv± “up±saka, vadeyy±si yena te attho”ti ±ha. Up±sako “s±dh³”ti sampaµicchi. R±j± satthu santike dhamma½ sutv± satth±ra½ padakkhiºa½ katv± pakk±mi.
So ekadivasa½ uparip±s±de mah±v±tap±na½ vivaritv± µhito ta½ up±saka½ bhuttap±tar±sa½ chattam±d±ya jetavana½ gacchanta½ disv± pakkos±petv± evam±ha “tva½ kira, up±saka, bahussuto, amh±kañca itthiyo dhamma½ sotuk±m± ceva uggahetuk±m± ca, s±dhu vatassa sace t±sa½ dhamma½ v±ceyy±s²”ti. “Deva, gih²na½ n±ma r±jantepure dhamma½ desetu½ v± v±cetu½ v± nappatir³pa½, ayy±na½ eva patir³pan”ti. R±j± “sacca½ esa vadat²”ti uyyojetv± itthiyo pakkos±petv± “bhadde, aha½ tumh±ka½ dhammadesanatth±ya ca dhammav±canatth±ya ca satthu santika½ gantv± eka½ bhikkhu½ y±c±mi, as²tiy± mah±s±vakesu katara½ y±c±m²”ti ±ha. T± sabb±pi mantetv± dhammabhaº¹±g±rika½ ±nandattherameva ±rocesu½. R±j± satthu santika½ gantv± vanditv± ekamanta½ nisinno evam±ha “bhante, amh±ka½ gehe itthiyo ±nandattherassa santike dhamma½ sotuñca uggaºhituñca icchanti, s±dhu vata sace thero amh±ka½ gehe dhamma½ deseyya ceva v±ceyya c±”ti. Satth± “s±dh³”ti sampaµicchitv± thera½ ±º±pesi. Tato paµµh±ya rañño itthiyo therassa santike dhamma½ suºanti ceva uggaºhanti ca.
Athekadivasa½ rañño c³¼±maºi naµµho. R±j± tassa naµµhabh±va½ sutv± amacce ±º±pesi “sabbe antova¼añjanake manusse gahetv± c³¼±maºi½ ±har±peth±”ti. Amacc± m±tug±me ±di½ katv± c³¼±maºi½ paripucchant± adisv± mah±jana½ kilamenti. Ta½ divasa½ ±nandatthero r±janivesana½ paviµµho. Yath± t± itthiyo pubbe thera½ disv±va haµµhatuµµh± dhamma½ suºanti ceva uggaºhanti ca, tath± akatv± sabb± domanassappatt±va ahesu½. Tato therena “kasm± tumhe ajja evar³p± j±t±”ti pucchit± evam±ha½su “bhante, rañño c³¼±maºi½ pariyes±m±ti amacc± m±tug±me up±d±ya antova¼añjanake kilamenti, na j±n±ma kassa ‘ki½ bhavissat²’ti, tenamha domanassappatt±”ti. Thero “m± cintayitth±”ti t± samass±setv± rañño santika½ gantv± paññatt±sane nis²ditv± “maºi kira te, mah±r±ja, naµµho”ti pucchi. “¾ma, bhante”ti. “Asakkhi pana ta½ ±har±petun”ti. “Bhante, sabba½ antojana½ gahetv± kilamentopi na sakkomi ±har±petun”ti. “Mah±r±ja, mah±jana½ akilametv±va ±haraº³p±yo atth²”ti. “Kataro, bhante”ti? “Piº¹ad±na½, mah±r±j±”ti. “Katara½ piº¹ad±na½, bhante”ti? “Mah±r±ja, yattakesu ±saªk± atthi, te gahetv± ekekassa ekeka½ pal±lapiº¹a½ v± mattik±piº¹a½ v± datv± ‘ima½ pacc³sak±le ±haritv± asukaµµh±ne n±ma p±teth±’ti vattabba½. Yena gahito bhavissati, so tasmi½ pakkhipitv± ±harissati. Sace paµhamadivaseyeva p±tenti, icceta½ kusala½. No ce p±tenti, dutiyadivasepi tatiyadivasepi tatheva k±tabba½. Eva½ mah±jano ca na kilamissati, maºiñca labhissas²”ti eva½ vatv± thero agam±si.
R±j± vuttanayeneva tayo divase d±pesi, neva maºi½ ±hari½su. Thero tatiyadivase ±gantv± “ki½, mah±r±ja, p±tito maº²”ti pucchi. “Na p±tenti, bhante”ti. “Tena hi, mah±r±ja, mah±talasmi½yeva paµicchannaµµh±ne mah±c±µi½ µhap±petv± udakassa p³r±petv± s±ºi½ parikkhip±petv± ‘sabbe antova¼añjanakamanuss± ca itthiyo ca uttar±saªga½ katv± ekekova antos±ºi½ pavisitv± hattha½ dhovitv± ±gacchant³’ti vadeh²”ti thero ima½ up±ya½ ±cikkhitv± pakk±mi. R±j± tath± k±resi. Maºicoro cintesi “dhammabhaº¹±g±riko ima½ adhikaraºa½ ±d±ya maºi½ adassetv± osakkissat²ti aµµh±nameta½, p±tetu½ d±ni vaµµat²”ti maºi½ paµicchanna½ katv± ±d±ya antos±ºi½ pavisitv± c±µiya½ p±tetv± nikkhami. Sabbesa½ nikkhantak±le udaka½ cha¹¹etv± maºi½ addasa½su. R±j± “thera½ niss±ya mah±jana½ akilametv±va me maºi laddho”ti tussi, antova¼añjanakamanuss±pi “thera½ niss±ya mah±dukkhato muttamh±”ti tussi½su. “Therass±nubh±vena rañño c³¼±maºi laddho”ti therass±nubh±vo sakalanagare ceva bhikkhusaªghe ca p±kaµo j±to.
Dhammasabh±ya½ sannisinn± bhikkh³ therassa guºa½ vaººayi½su “±vuso, ±nandatthero attano bahussutat±ya paº¹iccena up±yakusalat±ya mah±jana½ akilametv± up±yeneva rañño maºi½ dasses²”ti. Satth± ±gantv± “k±ya nuttha, bhikkhave, etarahi kath±ya sannisinn±”ti pucchitv± “im±ya n±m±”ti vutte “na, bhikkhave, id±ni ±nandeneva parahatthagata½ bhaº¹a½ dassita½, pubbepi paº¹it± mah±jana½ akilametv± up±yeneva tiracch±nahatthagata½ bhaº¹a½ dassayi½s³”ti vatv± at²ta½ ±hari.
At²te b±r±ºasiya½ brahmadatte rajja½ k±rente bodhisatto sabbasippesu nipphatti½ patto tasseva amacco ahosi. Athekadivasa½ r±j± mahantena pariv±rena uyy±na½ gantv± vanantar±ni vicaritv± udakak²¼a½ k²¼ituk±mo maªgalapokkharaºi½ otaritv± itth±g±rampi pakkosi. Itthiyo attano attano s²s³pagag²v³pag±d²ni ±bharaº±ni omuñcitv± uttar±saªgesu pakkhipitv± samuggapiµµhesu µhapetv± d±siyo paµicch±petv± pokkharaºi½ otari½su. Athek± uyy±namakkaµ² s±khantare nisinn± devi½ pi¼andhan±ni omuñcitv± uttar±saªge pakkhipitv± samuggapiµµhe µhapayam±na½ disv± tass± mutt±h±ra½ pi¼andhituk±m± hutv± d±siy± pam±da½ olokayam±n± nis²di, d±s²pi ta½ rakkham±n± taha½ taha½ oloketv± nisinn±yeva nidd±yitu½ ±rabhi. Makkaµ² tass± pam±dabh±va½ ñatv± v±tavegena otaritv± mah±mutt±h±ra½ g²v±ya paµimuñcitv± v±tavegena uppatitv± s±khantare nis²ditv± aññ±sa½ makkaµ²na½ dassanabhayena ekasmi½ rukkhasusiraµµh±ne µhapetv± upasant³pasant± viya ta½ rakkham±n± nis²di.
S±pi kho d±s² paµibujjhitv± mutt±h±ra½ apassant² kampam±n± añña½ up±ya½ adisv± “puriso deviy± mutt±h±ra½ gahetv± pal±to”ti mah±virava½ viravi. ¾rakkhamanuss± tato tato sannipatitv± tass± vacana½ sutv± rañño ±rocayi½su. R±j± “cora½ gaºhath±”ti ±ha. Puris± uyy±n± nikkhamitv± “cora½ gaºhatha, cora½ gaºhath±”ti ito cito ca olokenti. Atheko j±napado balik±rakapuriso ta½ sadda½ sutv± kampam±no pal±yi. Ta½ disv± r±japuris± “aya½ coro bhavissat²”ti anubandhitv± ta½ gahetv± pothetv± “are, duµµhacora, eva½ mah±s±ra½ n±ma pi¼andhana½ avaharissas²”ti paribh±si½su. So cintesi “sac±ha½ ‘na gaºh±m²’ti vakkh±mi, ajja me j²vita½ natthi, pothent±yeva ma½ m±ressanti, sampaµicch±mi nan”ti. So “±ma, s±mi, gahita½ me”ti ±ha. Atha na½ bandhitv± rañño santika½ ±nayi½su. R±j±pi na½ pucchi “gahita½ te mah±s±rapi¼andhanan”ti? “¾ma, dev±”ti “Id±ni ta½ kahan”ti. “Deva, may± mah±s±ra½ n±ma mañcap²µhampi na diµµhapubba½, seµµhi pana ma½ mah±s±rapi¼andhana½ gaºh±pesi, soha½ ta½ gahetv±va tassa ad±si½, so na½ j±n±t²”ti.
R±j± seµµhi½ pakkos±petv± “gahita½ te imassa hatthato mah±s±rapi¼andhanan”ti pucchi. “¾ma, dev±”ti. “Kaha½ tan”ti. “Purohitassa me dinnan”ti. Purohitampi pakkos±petv± tatheva pucchi, sopi sampaµicchitv± “gandhabbassa me dinnan”ti ±ha. Tampi pakkos±petv± “purohitassa hatthato te mah±s±rapi¼andhana½ gahitan”ti pucchi. “¾ma, dev±”ti. “Kaha½ tan”ti. “Kilesavasena me vaººad±siy± dinnan”ti. Tampi pakkos±petv± pucchi, s± “na gaºh±m²”ti ±ha. Te pañca jane pucchant±naññeva s³riyo attha½ gato. R±j± “id±ni vik±lo j±to, sve j±niss±m±”ti te pañca jane amacc±na½ datv± nagara½ p±visi.
Bodhisatto cintesi– “ida½ pi¼andhana½ antova¼añje naµµha½, ayañca gahapatiko bahiva¼añjo, dv±repi balav±rakkho, tasm± antova¼añjanak±nampi ta½ gahetv± pal±yitu½ na sakk±. Eva½ neva bahiva¼añjanak±na½, na anto, uyy±ne va¼añjanak±na½ gahaº³p±yo dissati. Imin± duggatamanussena ‘seµµhissa me dinnan’ti kathentena attano mokkhatth±ya kathita½ bhavissati, seµµhin±pi ‘purohitassa me dinnan’ti kathentena ‘ekato hutv± nitthariss±m²’ti cintetv± kathita½ bhavissati, purohiten±pi ‘gandhabbassa me dinnan’ti kathentena ‘bandhan±g±re gandhabba½ niss±ya sukhena vasiss±m±’ti cintetv± kathita½ bhavissati, gandhabben±pi ‘vaººad±siy± me dinnan’ti kathentena ‘ekantena anukkaºµhit± bhaviss±m±’ti cintetv± kathita½ bhavissati, imehi pañcahipi corehi na bhavitabba½, uyy±ne makkaµ± bah³, pi¼andhanena ekiss± makkaµiy± hatthe ±ru¼hena bhavitabban”ti. So r±j±na½ upasaªkamitv± “mah±r±ja, core amh±ka½ niyy±detha, maya½ ta½ kicca½ sodhess±m±”ti ±ha. R±j± “s±dhu, paº¹ita, sodheh²”ti tassa niyy±desi.
Bodhisatto attano d±sapurise pakkos±petv± te pañca jane ekasmi½yeva µh±ne vas±petv± samant± ±rakkha½ katv± kaººa½ datv± “ya½ te aññamañña½ kathenti, ta½ mayha½ ±roceth±”ti vatv± pakk±mi. Te tath± aka½su. Tato manuss±na½ sannisinnavel±ya seµµhi ta½ gahapatika½ ±ha– “are, duµµhagahapati, tay± aha½, may± v± tva½ kaha½ diµµhapubbo, kad± te mayha½ pi¼andhana½ dinnan”ti ±ha. So “s±mi mah±seµµhi, aha½ mah±s±ra½ n±ma rukkhas±rap±daka½ mañcap²µhampi na j±n±mi, ‘ta½ niss±ya pana mokkha½ labhiss±m²’ti eva½ avaca½, m± me kujjha, s±m²”ti ±ha. Purohitopi seµµhi½ ±ha “mah±seµµhi, tva½ imin± attano adinnakameva mayha½ katha½ ad±s²”ti? “Mayampi dve issar±, amh±ka½ ekato hutv± µhitak±le kamma½ khippa½ nipphajjissat²”ti kathesinti. Gandhabbopi purohita½ ±ha “br±hmaºa, kad± tay± mayha½ pi¼andhana½ dinnan”ti? “Aha½ ta½ niss±ya vasanaµµh±ne sukha½ vasiss±m²”ti kathesinti. Vaººad±s²pi gandhabba½ ±ha “are duµµhagandhabba, aha½ kad± tava santika½ gatapubb±, tva½ v± mama santika½ ±gatapubbo, kad± te mayha½ pi¼andhana½ dinnan”ti? Bhagini ki½k±raº± kujjhasi, “amhesu pañcasu ekato vasantesu ghar±v±so bhavissati, anukkaºµham±n± sukha½ vasiss±m±”ti kathesinti. Bodhisatto payojitamanuss±na½ santik± ta½ katha½ sutv± tesa½ tathato acorabh±va½ ñatv± “makkaµiy± gahitapi¼andhana½ up±yeneva p±tess±m²”ti geº¹umay±ni bah³ni pi¼andhan±ni k±retv± uyy±ne makkaµiyo g±h±petv± hatthap±dag²v±su geº¹upi¼andhan±ni pi¼andh±petv± vissajjesi. Itar± makkaµ² pi¼andhana½ rakkham±n± uyy±ne eva nis²di.
Bodhisatto manusse ±º±pesi “gacchatha tumhe, uyy±ne sabb± makkaµiyo upadh±retha, yass± ta½ pi¼andhana½ passatha, ta½ utt±setv± pi¼andhana½ gaºhath±”ti. T±pi kho makkaµiyo “pi¼andhana½ no laddhan”ti tuµµhapahaµµh± uyy±ne vicarantiyo tass± santika½ gantv± “passa amh±ka½ pi¼andhanan”ti ±ha½su. S± makkaµ² asaham±n± “ki½ imin± geº¹upi¼andhanen±”ti mutt±h±ra½ pi¼andhitv± nikkhami. Atha na½ te puris± disv± pi¼andhana½ cha¹¹±petv± ±haritv± bodhisattassa ada½su. So ta½ ±d±ya rañño dassetv± “ida½ te deva pi¼andhana½, te pañcapi acor±, ida½ pana uyy±ne makkaµiy± ±bhatan”ti ±ha. “Katha½ pana te, paº¹ita, makkaµiy± hattha½ ±ru¼habh±vo ñ±to, katha½ te gahitan”ti? So sabba½ ±cikkhi. R±j± tuµµham±naso “saªg±mas²s±d²su n±ma s³r±dayo icchitabb± hont²”ti bodhisattassa thuti½ karonto ima½ g±tham±ha–
92. “Ukkaµµhe s³ramicchanti, mant²su akut³hala½;
piyañca annap±namhi, atthe j±te ca paº¹itan”ti.
Tattha ukkaµµheti upakaµµhe, ubhatoby³¼he saªg±me sampah±re vattam±neti attho. S³ramicchant²ti asaniy±pi matthake patam±n±ya apal±yina½ s³ra½ icchanti, tasmi½ khaºe evar³po saªg±mayodho patthetabbo hoti. Mant²su akut³halanti kattabb±kattabbakicca½ sammantanak±le uppanne mant²su yo akut³halo avikiººav±co manta½ na bhindati, ta½ icchanti, t±diso tesu µh±nesu patthetabbo hoti. Piyañca annap±namh²ti madhure annap±ne paccupaµµhite sahaparibhuñjanatth±ya piyapuggala½ patthenti, t±diso tasmi½ k±le patthetabbo hoti. Atthe j±te ca paº¹itanti atthagambh²re dhammagambh²re kismiñcideva k±raºe v± pañhe v± uppanne paº¹ita½ vicakkhaºa½ icchanti. Tath±r³po hi tasmi½ samaye patthetabbo hot²ti.
Eva½ r±j± bodhisatta½ vaººetv± thometv± ghanavassa½ vassento mah±megho viya satt±hi ratanehi p³jetv± tassov±de µhatv± d±n±d²ni puññ±ni katv± yath±kamma½ gato, bodhisattopi yath±kamma½ gato.
Satth± ima½ dhammadesana½ ±haritv± therassa guºa½ kathetv± j±taka½ samodh±nesi– “tad± r±j± ±nando ahosi, paº¹it±macco pana ahameva ahosin”ti.

Mah±s±raj±takavaººan± dutiy±.