6. Nimir±jacariy±vaººan±

40. Chaµµhe mithil±ya½ puruttameti mithil±n±make videh±na½ uttamanagare. Nimi n±ma mah±r±j±ti nemi½ ghaµento viya uppanno “nim²”ti laddhan±mo, mahantehi d±nas²l±diguºavisesehi mahat± ca r±j±nubh±vena samann±gatatt± mahanto r±j±ti mah±r±j±. Paº¹ito kusalatthikoti attano ca paresañca puññatthiko.
At²te kira videharaµµhe mithil±nagare amh±ka½ bodhisatto maghadevo n±ma r±j± ahosi. So catur±s²ti vassasahass±ni kum±rak²¼a½ k²¼itv± catur±s²ti vassahass±ni uparajja½ k±retv± catur±s²ti vassasahass±ni rajja½ k±rento “yad± me sirasmi½ palit±ni passeyy±si, tad± me ±roceyy±s²”ti kappakassa vatv± aparabh±ge tena palit±ni disv± ±rocite suvaººasaº¹±sena uddhar±petv± hatthe patiµµh±petv± palita½ oloketv± “p±tubh³to kho mayha½ devad³to”ti sa½vegaj±to “id±ni may± pabbajitu½ vaµµat²”ti cintetv± satasahassuµµh±naka½ g±mavara½ kappakassa datv± jeµµhakum±ra½ pakkos±petv± tassa–
“Uttamaªgaruh± mayha½, ime j±t± vayohar±;
p±tubh³t± devad³t±, pabbajj±samayo mam±”ti. (J±. 1.1.9)–

Vatv± s±dhuka½ rajje samanus±sitv± yadipi attano aññ±nipi catur±s²ti vassasahass±ni ±yu atthi, eva½ santepi maccuno santike µhita½ viya att±na½ maññam±no sa½viggahadayo pabbajja½ roceti. Tena vutta½–

“Sirasmi½ palita½ disv±, maghadevo disampati;
sa½vega½ alabh² dh²ro, pabbajja½ samarocay²”ti. (Ma. ni. aµµha. 2.309).
So putta½ “imin±va n²h±rena vatteyy±si yath± may± paµipanna½, m± kho tva½ antimapuriso ahos²”ti ovaditv± nagar± nikkhamma bhikkhupabbajja½ pabbajitv± catur±s²ti vassasahass±ni jh±nasam±patt²hi v²tin±metv± ±yupariyos±ne brahmalokapar±yano ahosi. Puttopissa bah³ni vassasahass±ni dhammena rajja½ k±retv± teneva up±yena pabbajitv± brahmalokapar±yano ahosi. Tath± tassa putto, tath± tassa puttoti eva½ dv²hi ³n±ni catur±s²ti khattiyasahass±ni s²se palita½ disv±va pabbajit±ni. Atha bodhisatto brahmaloke µhitova “pavattati nu kho may± manussaloke kata½ kaly±ºa½ na pavattat²”ti ±vajjento addasa “ettaka½ addh±na½ pavatta½, id±ni nappavattissat²”ti. So “na kho pan±ha½ mayha½ paveºiy± ucchijjitu½ dass±m²”ti attano va½se j±tarañño eva aggamahesiy± kucchimhi paµisandhi½ gaºhitv± attano va½sassa nemi½ ghaµento viya nibbatto. Tena vutta½ “nemi½ ghaµento viya uppannoti nim²ti laddhan±mo”ti.
Tassa hi n±maggahaºadivase pitar± ±n²t± lakkhaºap±µhak±. Lakkhaº±ni oloketv± “mah±r±ja, aya½ kum±ro tumh±ka½ va½sa½ paggaºh±ti, pitupit±mahehipi mah±nubh±vo mah±puñño”ti by±kari½su. Ta½ sutv± r±j± yath±vuttenatthena “nim²”tissa n±ma½ ak±si, so daharak±lato paµµh±ya s²le uposathakamme ca yuttappayutto ahosi. Athassa pit± purimanayeneva palita½ disv± kappakassa g±mavara½ datv± putta½ rajje samanus±sitv± nagar± nikkhamma pabbajitv± jh±n±ni nibbattetv± brahmalokapar±yano ahosi.
Nimir±j± pana d±najjh±sayat±ya cat³su nagaradv±resu nagaramajjhe c±ti pañca d±nas±l±yo k±retv± mah±d±na½ pavattesi. Ekek±ya d±nas±l±ya satasahassa½ satasahassa½ katv± devasika½ pañcasatasahass±ni pariccaji, pañca s²l±ni rakkhi, pakkhadivasesu uposathakamma½ sam±diyi mah±janampi d±n±d²su puññesu sam±dapesi, saggamagga½ ±cikkhi, nirayabhayena tajjesi, p±pato niv±resi. Tassa ov±de µhatv± mah±jano d±n±d²ni puññ±ni katv± tato cuto devaloke nibbatti, devaloko parip³ri, nirayo tuccho viya ahosi. Tad± pana attano d±najjh±sayassa u¼±rabh±va½ savisesa½ d±nap±ramiy± p³ritabh±vañca pavedento satth±–
41. “Tad±ha½ m±payitv±na, catuss±la½ catummukha½;
tattha d±na½ pavattesi½, migapakkhinar±dinan”ti.– ¾dim±ha.
Tattha tad±ti tasmi½ nimir±jak±le. M±payitv±n±ti k±r±petv±. Catuss±lanti cat³su dis±su sambandhas±la½. Catummukhanti cat³su dis±su cat³hi dv±rehi yutta½. D±nas±l±ya hi mahantabh±vato deyyadhammassa y±cakajanassa ca bahubh±vato na sakk± ekeneva dv±rena d±nadhamma½ pariyanta½ k±tu½ deyyadhammañca pariyos±petunti s±l±ya cat³su dis±su catt±ri mah±dv±r±ni k±r±pesi. Tattha dv±rato paµµh±ya y±va koº± deyyadhammo r±sikato tiµµhati. Aruºugga½ ±di½ katv± y±va pakatiy± sa½vesanak±lo, t±va d±na½ pavatteti. Itarasmimpi k±le anekasat± pad²p± jh±yanti. Yad± yad± atthik± ±gacchanti, tad± tad± d²yateva. Tañca d±na½ na kapaºaddhikavanibbakay±cak±naññeva atha kho a¹¹h±na½ mah±bhog±nampi upakappanavasena mah±sudassanad±nasadisa½ u¼±ratarapaº²tatar±na½ deyyadhamm±na½ pariccajanato sabbepi sakalajambud²pav±sino manuss± paµiggahesuñceva paribhuñji½su ca. Sakalajambud²pañhi unnaªgala½ katv± mah±puriso tad± mah±d±na½ pavattesi. Yath± ca manuss±na½, eva½ migapakkhike ±di½ katv± tiracch±nagat±nampi d±nas±l±ya bahi ekamante tesa½ upakappanavasena d±na½ pavattesi. Tena vutta½– “tattha d±na½ pavattesi½, migapakkhinar±dinan”ti. Na kevalañca tiracch±n±nameva, pet±nampi divase divase patti½ d±pesi. Yath± ca ekiss± d±nas±l±ya, eva½ pañcasupi d±nas±l±su d±na½ pavattittha. P±¼iya½ pana “tad±ha½ m±payitv±na, catuss±la½ catummukhan”ti eka½ viya vutta½, ta½ nagaramajjhe d±nas±la½ sandh±ya vutta½.
42. Id±ni tattha deyyadhamma½ ekadesena dassento “acch±danañca sayana½, anna½ p±nañca bhojanan”ti ±ha.
Tattha acch±dananti khomasukhum±din±n±vidhaniv±sanap±rupana½. Sayananti mañcapallaªk±diñceva gonakacittak±diñca anekavidha½ sayitabbaka½, ±sanampi cettha sayanaggahaºeneva gahitanti daµµhabba½. Anna½ p±nañca bhojananti tesa½ tesa½ satt±na½ yath±bhirucita½ n±naggarasa½ annañceva p±nañca avasiµµha½ n±n±vidhabhojanavikatiñca. Abbocchinna½ karitv±n±ti ±rambhato paµµh±ya y±va ±yupariyos±n± ahoratta½ avicchinna½ katv±.
43-4. Id±ni tassa d±nassa samm±sambodhi½ ±rabbha d±nap±ramibh±vena pavattitabh±va½ dassento yath± tad± attano ajjh±sayo pavatto, ta½ upam±ya dassetu½ “yath±pi sevako”ti-±dim±ha. Tassattho– yath± n±ma sevakapuriso attano s±mika½ k±l±nuk±la½ sevanavasena upagato laddhabbadhanahetu k±yena v±c±ya manas± sabbath±pi k±yavac²manokammehi yath± so ±r±dhito hoti, eva½ ±r±dhan²ya½ ±r±dhanameva esati gavesati, tath± ahampi bodhisattabh³to sadevakassa lokassa s±mibh³ta½ anuttara½ buddhabh±va½ sevetuk±mo tassa ±r±dhanattha½ sabbabhave sabbasmi½ nibbattanibbattabhave d±nap±ramiparip³raºavasena d±nena sabbasatte santappetv± bodhisaªkh±tato ariyamaggañ±ºato j±tatt± “bodhijan”ti laddhan±ma½ sabbaññutaññ±ºa½ parato sabbath± n±n³p±yehi esiss±mi gavesiss±mi, ta½ uttama½ bodhi½ samm±sambodhi½ j²vitaparicc±g±di½ ya½kiñci katv± icch±mi abhipatthem²ti.
Evamidha d±najjh±sayassa u¼±rabh±va½ dassetu½ d±nap±ramivaseneva desan± kat±. J±takadesan±ya½ panassa s²lap±rami-±d²nampi parip³raºa½ vibh±vitameva, tath± hissa heµµh± vuttanayeneva s²l±diguºehi att±na½ alaªkaritv± mah±jana½ tattha patiµµhapentassa ov±de µhatv± nibbattadevat± sudhamm±ya½ devasabh±ya½ sannipatit± “aho amh±ka½ nimir±j±na½ niss±ya maya½ ima½ sampatti½ patt±, evar³p±pi n±ma anuppanne buddhe mah±janassa buddhakicca½ s±dhayam±n± acchariyamanuss± loke uppajjant²”ti mah±purisassa guºe vaººent± abhitthavi½su. Tena vutta½–
“Acchera½ vata lokasmi½, uppajjanti vicakkhaº±;
yad± ahu nimir±j±, paº¹ito kusalatthiko”ti. (J±. 2.22.421)–

¾di.

Ta½ sutv± sakka½ dev±naminda½ ±di½ katv± sabbe dev± bodhisatta½ daµµhuk±m± ahesu½. Athekadivasa½ mah±purisassa uposathikassa uparip±s±davaragatassa pacchimay±me pallaªka½ ±bhujitv± nisinnassa eva½ cetaso parivitakko udap±di “d±na½ nu kho vara½, ud±hu brahmacariyan”ti. So ta½ attano kaªkha½ chinditu½ n±sakkhi. Tasmi½ khaºe sakkassa bhavana½ uºh±k±ra½ dassesi. Sakko ta½ k±raºa½ ±vajjento bodhisatta½ tath± vitakkenta½ disv± “handassa vitakka½ chindiss±m²”ti ±gantv± purato µhito tena “kosi tvan”ti puµµho attano devar±jabh±va½ ±rocetv± “ki½, mah±r±ja, cintes²”ti vutte tamattha½ ±rocesi. Sakko brahmacariyameva uttama½ katv± dassento–
“H²nena brahmacariyena, khattiye upapajjati;
majjhimena ca devatta½, uttamena visujjhati.
“Na hete sulabh± k±y±, y±cayogena kenaci;
ye k±ye upapajjanti, anag±r± tapassino”ti. (J±. 2.22.429-430)–

¾ha.

Tattha puthutitth±yatanesu methunaviratimatta½ h²na½ brahmacariya½ n±ma, tena khattiyakule upapajjati. Jh±nassa upac±ramatta½ majjhima½ n±ma, tena devatta½ upapajjati. Aµµhasam±pattinibbattana½ pana uttama½ n±ma, tena brahmaloke nibbattati. Tañhi b±hirak± “nibb±nan”ti kathenti. Ten±ha “visujjhat²”ti. S±sane pana parisuddhas²lassa bhikkhuno aññatara½ devanik±ya½ patthentassa brahmacariyacetan± h²nat±ya h²na½ n±ma, tena yath±patthite devaloke nibbattati. Parisuddhas²lassa aµµhasam±pattinibbattana½ majjhima½ n±ma, tena brahmaloke nibbattati. Parisuddhas²lassa pana vipassana½ va¹¹hetv± arahattappatti uttama½ n±ma, tena visujjhat²ti. Iti sakko “mah±r±ja, d±nato brahmacariyav±sova sataguºena sahassaguºena satasahassaguºena mahapphalo”ti vaººesi. K±y±ti brahmagaº±. Y±cayogen±ti y±canayuttena. “Y±jayogen±”tipi p±¼i, yajanayuttena, d±nayutten±ti attho. Tapassinoti tapanissitak±. Im±yapi g±th±ya brahmacariyav±sasseva mah±nubh±vata½ d²peti. Evañca pana vatv± “kiñc±pi, mah±r±ja, d±nato brahmacariyameva mahapphala½, dvepi panete mah±purisakattabb±va Dv²supi appamatto hutv± d±nañca dehi s²lañca rakkh±h²”ti vatv± ta½ ovaditv± sakaµµh±nameva gato.
Atha na½ devagaºo “mah±r±ja, kuhi½ gatatth±”ti ±ha. Sakko “mithil±ya½ nimirañño kaªkha chinditun”ti tamattha½ pak±setv± bodhisattassa guºe vitth±rato vaººesi. Ta½ sutv± dev± “mah±r±ja, mayha½ nimir±j±na½ daµµhuk±mamh±, s±dhu na½ pakkos±peh²”ti vadi½su. Sakko “s±dh³”ti sampaµicchitv± m±tali½ ±mantesi– “gaccha nimir±j±na½ vejayanta½ ±ropetv± ±neh²”ti So “s±dh³”ti sampaµicchitv± rathena gantv± tattha mah±satta½ ±ropetv± tena y±cito yath±kamma½ p±pakamm²na½ puññakamm²nañca µh±n±ni ±cikkhanto anukkamena devaloka½ nesi Dev±pi kho “nimir±j± ±gato”ti sutv± dibbagandhav±sapupphahatth± y±va cittak³µadv±rakoµµhak± paccuggantv± mah±satta½ dibbagandh±d²hi p³jent± sudhamma½ devasabha½ ±nayi½su. R±j± rath± otaritv± devasabha½ pavisitv± sakkena saddhi½ ek±sane nis²ditv± tena dibbehi k±mehi nimantiyam±no “ala½, mah±r±ja, mayha½ imehi y±citak³pamehi k±meh²”ti paµikkhipitv± anekapariy±yena dhamma½ desetv± manussagaºan±ya satt±hameva µhatv± “gacch±maha½ manussaloka½, tattha d±n±d²ni puññ±ni kariss±m²”ti ±ha. Sakko “nimir±j±na½ mithila½ neh²”ti m±tali½ ±º±pesi. So ta½ vejayantaratha½ ±ropetv± p±c²nadis±bh±gena mithila½ p±puºi. Mah±jano dibbaratha½ disv± rañño paccuggamana½ ak±si. M±tali s²hapañjare mah±satta½ ot±retv± ±pucchitv± sakaµµh±nameva gato. Mah±janopi r±j±na½ pariv±retv± “k²diso, deva, devaloko”ti pucchi. R±j± devalokasampatti½ vaººetv± “tumhepi d±n±d²ni puññ±ni karotha, eva½ tasmi½ devaloke uppajjissath±”ti dhamma½ desesi. So aparabh±ge pubbe vuttanayena palita½ disv± puttassa rajja½ paµicch±petv± k±me pah±ya pabbajitv± catt±ro brahmavih±re bh±vetv± brahmalok³pago ahosi.
Tad± sakko anuruddho ahosi. M±tali ±nando. Catur±s²ti r±jasahass±ni buddhaparis±. Nimir±j± lokan±tho.
Tassa idh±pi heµµh± vuttanayeneva bodhisambh±r± niddh±retabb±. Tath± brahmalokasampatti½ pah±ya pubbe attan± pavattita½ kaly±ºavatta½ anuppabandhess±m²ti mah±karuº±ya manussaloke nibbattana½, u¼±ro d±najjh±sayo, tadanur³p± d±n±d²su paµipatti, mah±janassa ca tattha patiµµh±pana½, y±va devamanuss±na½ patthaµayasat±, sakkassa devar±jassa upasaªkamane ativimhayat±, tena dibbasampattiy± nimantiyam±nopi ta½ analaªkaritv± puññasambh±raparibr³hanattha½ puna manussav±s³pagamana½, l±bhasampatt²su sabbattha alaggabh±voti evam±dayo guº±nubh±v± niddh±retabb±ti.

Nimir±jacariy±vaººan± niµµhit±.