Api ca yath± n±ma koci puriso kassaci santike g±ma½ v± janapada½ v± keºiy± gahetv± kamma½ karonto attano antev±sik±na½ v± pam±dena p³tibh³ta½ dhana½ dh±reyya, tamena½ so g±h±petv± bandhan±g±ra½ paveseyya. Tassa evamassa “aha½ kho imassa rañño kamma½ karonto ettaka½ n±ma dhana½ dh±remi, ten±ha½ raññ± bandhan±g±re pavesito, sac±ha½ idheva homi, att±nañca j²yeyya, puttad±rakammakaraporis± ca me j²vik±pagat± mahanta½ anayabyasana½ ±pajjeyyu½. Ya½n³n±ha½ rañño ±rocetv± attano putta½ v± kaniµµhabh±tara½ v± idha µhapetv± nikkhameyya½ Ev±ha½ ito bandhanato mutto nacirasseva yath±mitta½ yath±sandiµµha½ dhana½ sa½haritv± rañño datv± tampi bandhanato mocemi, appamattova hutv± uµµh±nabalena attano sampatti½ paµip±katika½ kariss±m²”ti. So tath± kareyya. Eva½ sampadamida½ daµµhabba½.
Tatrida½ opammasa½sandana½– r±j± viya kamma½, bandhan±g±ro viya sa½s±ro, raññ± bandhan±g±re µhapitapuriso viya kammavasena sa½s±rac±rake µhito mah±puriso, tassa bandhan±g±re µhitapurisassa tattha puttassa v± bh±tuno v± par±dh²nabh±vakaraºena tesa½ attano ca dukkhappamocana½ viya mah±purisassa attano putt±dike paresa½ datv± sabbaññutaññ±ºappaµil±bhena sabbasatt±na½ vaµµadukkhappamocana½, tassa vigatadukkhassa tehi saddhi½ yath±dhippetasampattiya½ patiµµh±na½ viya mah±purisassa arahattamaggena apagatavaµµadukkhassa buddhabh±vena dasabal±disabbaññutaññ±ºasampattisamann±gamo attano vacanak±rak±na½ vijjattay±disampattisamann±gamo c±ti eva½ anavajjasabh±vo eva mah±puris±na½ puttad±raparicc±go. Eteneva nayena nesa½ aªgaj²vitaparicc±ge y± codan±, s±pi visodhit±ti veditabb±ti.
Eva½ pana mah±sattena maddideviy± dinn±ya sakko acchariyabbhutacittaj±to hutv±–
“Sabbe jit± te pacc³h±, ye dibb± ye ca m±nus±;
ninn±dit± te pathav², saddo te tidiva½ gato. (J±. 2.22.2283-2284).
“Duddada½ dadam±n±na½, dukkara½ kamma kubbata½;
asanto n±nukubbanti, sata½ dhammo durannayo.
“Tasm± satañca asata½, n±n± hoti ito gati;
asanto niraya½ yanti, santo saggapar±yan±”ti. (J±. 2.22.2286-2287)–

¾din± nayena mah±purisassa d±n±numodanavasena thuti½ ak±si.

Tattha pacc³h±ti paccatthik±. Dibb±ti dibbayasapaµib±hak±. M±nus±ti manussayasapaµib±hak±. Ke pana teti? Macchariyadhamm±, te sabbe puttad±ra½ dentena mah±sattena jit±ti dasseti. Duddadanti puttad±r±diduddada½ dadam±n±na½ tameva dukkara½ kubbata½ tumh±dis±na½ kamma½ aññe s±vakapaccekabodhisatt± n±nukubbanti, pageva asanto maccharino. Tasm± sata½ dhammo durannayo s±dh³na½ mah±bodhisatt±na½ paµipattidhammo aññehi duranugamo.
Eva½ sakko mah±purisassa anumodanavasena thuti½ katv± maddidevi½ niyy±tento–
“Dad±mi bhoto bhariya½, maddi½ sabbaªgasobhana½;
tvañceva maddiy± channo, madd² ca patino tav±”ti. (J±. 2.22.2289)–

Vatv± ta½ maddi½ paµidatv± dibbattabh±vena jalanto taruºas³riyo viya ±k±se µhatv± att±na½ ±cikkhanto–

“Sakkohamasmi devindo, ±gatosmi tavantike;
vara½ varassu r±jisi, vare aµµha dad±mi te”ti. (J±. 2.22.2292)–

Vatv± varehi nimantesi. Mah±sattopi “pit± ma½ punadeva rajje patiµµh±petu, vajjhappatta½ vadhato moceyya½, sabbasatt±na½ avassayo bhaveyya½, parad±ra½ na gaccheyya½, itth²na½ vasa½ na gaccheyya½, putto me d²gh±yuko siy±, annap±n±dideyyadhammo bahuko siy±, tañca aparikkhaya½ pasannacitto dadeyya½, eva½ mah±d±n±ni pavattetv± devaloka½ gantv± tato idh±gato sabbaññuta½ p±puºeyyan”ti ime aµµha vare y±ci. Sakko “nacirasseva pit± sañjayamah±r±j± idheva ±gantv± ta½ gahetv± rajje patiµµh±pessati, itaro ca sabbo te manoratho matthaka½ p±puºissati, m± cintayi, appamatto hoh²”ti ovaditv± sakaµµh±nameva gato. Bodhisatto ca maddidev² ca sammodam±n± sakkadattiye assame vasi½su.

J³jakepi kum±re gahetv± gacchante devat± ±rakkhamaka½su. Divase divase ek± devadh²t± rattibh±ge ±gantv± maddivaººena kum±re paµijaggi. So devat±viggahito hutv± “kaliªgaraµµha½ gamiss±m²”ti a¹¹ham±sena jetuttaranagarameva samp±puºi. R±j± vinicchaye nisinno br±hmaºena saddhi½ d±rake r±jaªgaºena gacchante disv± sañj±nitv± br±hmaºena saddhi½ te pakkos±petv± ta½ pavatti½ sutv± bodhisattena kathitaniy±meneva dhana½ datv± kum±re kiºitv± nh±petv± bhojetv± sabb±laªk±rapaµimaº¹ite katv± r±j± d±raka½ phussatidev² d±rika½ ucchaªge katv± bodhisattassa r±japuttiy± ca pavatti½ suºi½su.
Ta½ sutv± r±j± “bh³nahacca½ vata may± katan”ti sa½viggam±naso t±vadeva dv±dasa-akkhobhan²parim±ºa½ sena½ sannayhitv± vaªkapabbat±bhimukho p±y±si saddhi½ phussatideviy± ceva d±rakehi ca. Anukkamena gantv± puttena ca suºis±ya ca sam±gañchi. Vessantaro piyaputte disv± soka½ sandh±retu½ asakkonto visaññ² hutv± tattheva pati, tath± madd² m±t±pitaro sahaj±t± saµµhisahass± ca amacc±. Ta½ k±ruñña½ passantesu ekopi sakabh±vena sandh±retu½ n±sakkhi, sakala½ assamapada½ yugandharav±tapamaddita½ viya s±lavana½ ahosi. Sakko devar±j± tesa½ visaññibh±vavinodanattha½ pokkharavassa½ vass±pesi, temetuk±m± tementi, pokkhare patitavassa½ viya vinivattitv± udaka½ gacchati. Sabbe sañña½ paµilabhi½su. Tad±pi pathavikamp±dayo heµµh± vuttappak±r± acchariy± p±turahesu½. Tena vutta½–
120. “Pun±para½ brah±raññe, m±t±pitusam±game;
karuºa½ paridevante, sallapante sukha½ dukha½.
121. “Hirottappena garun±, ubhinna½ upasaªkami;
tad±pi pathav² kampi, sineruvanavaµa½sak±”ti.
Tattha karuºa½ paridevanteti m±t±pitaro ±di½ katv± sabbasmi½ ±gatajane karuºa½ paridevam±ne. Sallapante sukha½ dukhanti sukhadukkha½ pucchitv± paµisanth±ravasena ±l±pasall±pa½ karonte. Hirottappena garun± ubhinnanti ime siv²na½ vacana½ gahetv± ad³saka½ dhamme µhita½ ma½ pabb±jayi½s³ti cittappakopa½ akatv± ubhosu etesu m±t±pit³su dhammag±ravasamussitena hirottappeneva yath±r³pe upasaªkami. Tena me dhammatejena tad±pi pathav² kampi.
Atha sañjayamah±r±j± bodhisatta½ kham±petv± rajja½ paµicch±petv± taªkhaºaññeva kesamassukamm±d²ni k±r±petv± nh±petv± sabb±bharaºavibh³sita½ devar±j±namiva virocam±na½ saha maddideviy± rajje abhisiñcitv± t±vadeva ca tato paµµh±ya dv±dasa-akkhobhan²parim±º±ya caturaªginiy± sen±ya ca putta½ pariv±rayitv± vaªkapabbatato y±va jetuttaranagar± saµµhiyojanamagga½ alaªk±r±petv± dv²hi m±sehi sukheneva nagara½ pavesesi. Mah±jano u¼±ra½ p²tisomanassa½ paµisa½vedesi. Celukkhep±dayo pavatti½su. Nagare ca nandibheri½ car±pesu½. Antamaso bi¼±re up±d±ya sabbesa½ bandhane µhit±na½ bandhanamokkho ahosi. So nagara½ paviµµhadivaseyeva pacc³sak±le cintesi– “sve vibh±t±ya rattiy± mam±gatabh±va½ sutv± y±cak± ±gamissanti, tes±ha½ ki½ dass±m²”ti. Tasmi½ khaºe sakkassa ±sana½ uºh±k±ra½ dassesi. So ±vajjento ta½ k±raºa½ ñatv± t±vadeva r±janivesanassa purimavatthu½ pacchimavatthuñca kaµippam±ºa½ p³rento ghanamegho viya sattaratanavassa½ vass±pesi. Sakalanagare jaººuppam±ºa½ vass±pes²ti. Tena vutta½–
122. “Pun±para½ brah±raññ±, nikkhamitv± sañ±tibhi;
pavis±mi pura½ ramma½, jetuttara½ puruttama½.
123. “Ratan±ni satta vassi½su, mah±megho pavassatha;
tad±pi pathav² kampi, sineruvanavaµa½sak±.
124. “Acetan±ya½ pathav², aviññ±ya sukha½ dukha½;
s±pi d±nabal± mayha½, sattakkhattu½ pakampath±”ti.
Eva½ sattaratanavasse vuµµhe punadivase mah±satto “yesa½ kul±na½ purimapacchimavatth³su vuµµhadhana½, tesaññeva hot³”ti d±petv± avasesa½ ±har±petv± attano gehavatthusmi½ dhanena saddhi½ koµµh±g±resu okir±petv± mah±d±na½ pavattesi. Acetan±ya½ pathav²ti cetan±rahit± aya½ mah±bh³t± pathav², devat± pana cetan±sahit±. Aviññ±ya sukha½ dukhanti acetanatt± eva sukha½ dukkha½ aj±nitv±. Satipi sukhadukkhapaccayasa½yoge ta½ n±nubhavant². S±pi d±nabal± mayhanti eva½bh³t±pi s± mah±pathav² mama d±napuññ±nubh±vahetu. Sattakkhattu½ pakampath±ti aµµhavassikak±le hadayama½s±d²nipi y±cak±na½ dadeyyanti d±najjh±sayupp±de maªgalahatthid±ne pabb±janak±le pavattitamah±d±ne puttad±ne bhariy±d±ne vaªkapabbate ñ±tisam±game nagara½ paviµµhadivase ratanavassak±leti imesu µh±nesu sattav±ra½ akampittha. Eva½ ekasmi½yeva attabh±ve sattakkhattu½ mah±pathavikampan±di-acchariyap±tubh±vahetubh³t±ni y±vat±yuka½ mah±d±n±ni pavattetv± mah±satto ±yupariyos±ne tusitapure uppajji. Ten±ha bhagav±–
“Tato vessantaro r±j±, d±na½ datv±na khattiyo;
k±yassa bhed± sappañño, sagga½ so upapajjath±”ti. (J±. 2.22.2440).
Tad± j³jako devadatto ahosi, amittat±pan± ciñcam±ºavik± cetaputto channo, accutat±paso s±riputto, sakko anuruddho, madd² r±hulam±t±, j±likum±ro r±hulo, kaºh±jin± uppalavaºº±, m±t±pitaro mah±r±jakul±ni, sesaparis± buddhaparis±, vessantaro r±j± lokan±tho.
Idh±pi heµµh± vuttanayeneva yath±raha½ sesap±ramiyo niddh±retabb±. Tath± mah±satte kucchigate m±tu devasika½ chasatasahass±ni vissajjetv± d±na½ d±tuk±mat±doha¼o, tath± d²yam±nepi dhanassa parikkhay±bh±vo, j±takkhaºe eva hattha½ pas±retv± “d±na½ dass±mi, atthi kiñc²”ti v±c±nicch±raºa½, catupañcavassikak±le attano alaªk±rassa dh±t²na½ hatthagatassa puna aggahetuk±mat±, aµµhavassikak±le hadayama½s±dikassa attano sar²r±vayavassa d±tuk±mat±ti evam±dik± sattakkhattu½ mah±pathavikampan±di-anekacchariyap±tubh±vahetubh³t± idha mah±purisassa guº±nubh±v± vibh±vetabb±. Teneta½ vuccati–
“Eva½ acchariy± hete, abbhut± ca mahesino…pe…;
tesu cittappas±dopi, dukkhato parimocaye;
pagev±nukiriy± tesa½, dhammassa anudhammato”ti.

Vessantaracariy±vaººan± niµµhit±.