12. Padumuttarabuddhava½so

1. N±radassa aparena, sambuddho dvipaduttamo;
padumuttaro n±ma jino, akkhobho s±gar³pamo.
2. Maŗ¹akappova so ±si, yamhi buddho aj±yatha;
ussannakusal± janat±, tamhi kappe aj±yatha.
3. Padumuttarassa bhagavato, paµhame dhammadesane;
koµisatasahass±na½, dhamm±bhisamayo ahu.
4. Tato parampi vassante, tappayante ca p±ŗine;
sattati½sasatasahass±na½, dutiy±bhisamayo ahu.
5. Yamhi k±le mah±v²ro, ±nanda½ upasaŖkami;
pitusantika½ upagantv±, ±han² amatadundubhi½.
6. ¾hate amatabherimhi, vassante dhammavuµµhiy±;
pańń±sasatasahass±na½, tatiy±bhisamayo ahu.
7. Ov±dako vińń±pako, t±rako sabbap±ŗina½;
desan±kusalo buddho, t±resi janata½ bahu½.
8. Sannip±t± tayo ±su½, padumuttarassa satthuno;
koµisatasahass±na½, paµhamo ±si sam±gamo.
9. Yad± buddho asamasamo, vasi vebh±rapabbate;
navutikoµisahass±na½, dutiyo ±si sam±gamo.
10. Puna c±rika½ pakkante, g±manigamaraµµhato;
as²tikoµisahass±na½, tatiyo ±si sam±gamo.
11. Aha½ tena samayena, jaµilo n±ma raµµhiko;
sambuddhappamukha½ saŖgha½, sabhatta½ dussamad±saha½.
12. Sopi ma½ buddho by±k±si, saŖghamajjhe nis²diya;
“satasahassito kappe, aya½ buddho bhavissati.
13. “Padh±na½ padahitv±na…pe… hess±ma sammukh± ima½”;
14. tass±pi vacana½ sutv±, uttari½ vatamadhiµµhahi½;
ak±si½ uggada¼ha½ dhiti½, dasap±ramip³riy±.
15. By±hat± titthiy± sabbe, viman± dumman± tad±;
na tesa½ keci paricaranti, raµµhato nicchubhanti te.
16. Sabbe tattha sam±gantv±, upagacchu½ buddhasantike;
tuva½ n±tho mah±v²ra, saraŗa½ hohi cakkhuma.
17. Anukampako k±ruŗiko, hites² sabbap±ŗina½;
sampatte titthiye sabbe, pańcas²le patiµµhapi.
18. Eva½ nir±kula½ ±si, suńńata½ titthiyehi ta½;
vicitta½ arahantehi, vas²bh³tehi t±dihi.
19. Nagara½ ha½savat² n±ma, ±nando n±ma khattiyo;
suj±t± n±ma janik±, padumuttarassa satthuno.
20. Dasavassasahass±ni, ag±ra½ ajjha so vasi;
narav±hano yaso vasavatt² [n±riv±hano yasavat² (sy±. ka½.)], tayo p±s±damuttam±.
21. Ticatt±r²sasahass±ni, n±riyo samalaŖkat±;
vasudatt± n±ma n±r², uttamo n±ma atrajo.
22. Nimitte caturo disv±, p±s±den±bhinikkhami;
satt±ha½ padh±nac±ra½, acar² purisuttamo.
23. Brahmun± y±cito santo, padumuttaro vin±yako;
vatti cakka½ mah±v²ro, mithiluyy±namuttame.
24. Devalo ca suj±to ca, ahesu½ aggas±vak±;
sumano n±mupaµµh±ko, padumuttarassa mahesino.
25. Amit± ca asam± ca, ahesu½ aggas±vik±;
bodhi tassa bhagavato, salaloti pavuccati.
26. Vitiŗŗo ceva [amito ceva (sy±.)] tisso ca, ahesu½ aggupaµµhak±;
haµµh± ceva vicitt± ca, ahesu½ aggupaµµhik±.
27. Aµµhapaŗŗ±saratana½, accuggato mah±muni;
kańcanagghiyasaŖk±so, dvatti½savaralakkhaŗo.
28. Kuµµ± kav±µ± bhitt² ca, rukkh± nagasiluccay±;
na tass±varaŗa½ atthi, samant± dv±dasayojane.
29. Vassasatasahass±ni, ±yu vijjati t±vade;
t±vat± tiµµham±no so, t±resi janata½ bahu½.
30. Sant±retv± bahujana½, chinditv± sabbasa½saya½;
jalitv± aggikkhandhova nibbuto so sas±vako.
31. Padumuttaro jino buddho, nand±r±mamhi nibbuto;
tatthevassa th³pavaro, dv±dasubbedhayojanoti.

Padumuttarassa bhagavato va½so dasamo.