11. N±radabuddhava½so

1. Padumassa aparena, sambuddho dvipaduttamo;
n±rado n±ma n±mena, asamo appaµipuggalo.
2. So buddho cakkavattissa, jeµµho dayita-oraso;
±mukkam±l±bharaŗo, uyy±na½ upasaŖkami.
3. Tatth±si rukkho yasavipulo, abhir³po brah± suci;
tamajjhapatv± upanis²di, mah±soŗassa heµµhato.
4. Tattha ń±ŗavaruppajji, ananta½ vajir³pama½;
tena vicini saŖkh±re, ukkujjamavakujjaka½ [kujjata½ (sy±. ka½.)].
5. Tattha sabbakiles±ni, asesamabhiv±hayi;
p±puŗ² kevala½ bodhi½, buddhań±ŗe ca cuddasa.
6. P±puŗitv±na sambodhi½, dhammacakka½ pavattayi;
koµisatasahass±na½, paµham±bhisamayo ahu.
7. Mah±doŗa½ n±gar±ja½, vinayanto mah±muni;
p±µihera½ tad±k±si, dassayanto sadevake.
8. Tad± devamanuss±na½, tamhi dhammappak±sane;
navutikoµisahass±ni, tari½su sabbasa½saya½.
9. Yamhi k±le mah±v²ro, ovad² sakamatraja½;
as²tikoµisahass±na½, tatiy±bhisamayo ahu.
10. Sannip±t± tayo ±su½, n±radassa mahesino;
koµisatasahass±na½, paµhamo ±si sam±gamo.
11. Yad± buddho buddhaguŗa½, sanid±na½ pak±sayi;
navutikoµisahass±ni, sami½su vimal± tad±.
12. Yad± verocano n±go, d±na½ dad±ti satthuno;
tad± sami½su jinaputt±, as²tisatasahassiyo.
13. Aha½ tena samayena, jaµilo uggat±pano;
antalikkhacaro ±si½, pańc±bhińń±su p±rag³.
14. Tad±p±ha½ asamasama½, sasaŖgha½ saparijjana½;
annap±nena tappetv±, candanen±bhip³jayi½.
15. Sopi ma½ tad± by±k±si, n±rado lokan±yako;
“aparimeyyito kappe, aya½ buddho bhavissati.
16. “Padh±na½ padahitv±na…pe… hess±ma sammukh± ima½”;
17. tass±pi vacana½ sutv±, bhiyyo h±setva m±nasa½;
adhiµµhahi½ vata½ ugga½, dasap±ramip³riy±.
18. Nagara½ dhańńavat² n±ma, sudevo n±ma khattiyo;
anom± n±ma janik±, n±radassa mahesino.
19. Navavassasahass±ni ag±ra½ ajjha so vasi;
jito vijit±bhir±mo, tayo p±s±damuttam±.
20. Ticatt±r²sasahass±ni, n±riyo samalaŖkat±;
vijitasen± n±ma n±r², nanduttaro n±ma atrajo.
21. Nimitte caturo disv±, padas± gamanena nikkhami;
satt±ha½ padh±nac±ra½, acar² purisuttamo [lokan±yako (s². ka.)].
22. Brahmun± y±cito santo, n±rado lokan±yako;
vatti cakka½ mah±v²ro, dhanańcuyy±namuttame.
23. Bhaddas±lo jitamitto, ahesu½ aggas±vak±;
v±seµµho n±mupaµµh±ko, n±radassa mahesino.
24. Uttar± phaggun² ceva, ahesu½ aggas±vik±;
bodhi tassa bhagavato, mah±soŗoti vuccati.
25. Uggarindo vasabho ca, ahesu½ aggupaµµhak±;
ind±var² ca vaŗ¹² [und² (s².), gaŗ¹² (sy±. ka½.)] ca, ahesu½ aggupaµµhik±.
26. Aµµh±s²tiratan±ni accuggato mah±muni;
kańcanagghiyasaŖk±so, dasasahass² virocati.
27. Tassa by±mappabh± k±y±, niddh±vati disodisa½;
nirantara½ div±ratti½, yojana½ pharate sad±.
28. Na keci tena samayena, samant± yojane jan±;
ukk±pad²pe ujj±lenti, buddhara½s²hi otthaµ±.
29. Navutivassasahass±ni, ±yu vijjati t±vade;
t±vat± tiµµham±no so, t±resi janata½ bahu½.
30. Yath± u¼³hi gagana½, vicitta½ upasobhati;
tatheva s±sana½ tassa, arahantehi sobhati.
31. Sa½s±rasota½ taraŗ±ya, sesake paµipannake;
dhammasetu½ da¼ha½ katv±, nibbuto so nar±sabho.
32. Sopi buddho asamasamo, tepi kh²ŗ±sav± atulatej±;
sabba½ tamantarahita½, nanu ritt± sabbasaŖkh±r±.
33. N±rado jinavasabho, nibbuto sudassane pure;
tatthevassa th³pavaro, catuyojanamuggatoti.

N±radassa bhagavato va½so navamo.