2. Sumedhapatthan±kath±vaººan±

Id±ni
1-2. “Kappe ca satasahasse, caturo ca asaªkhiye;
amara½ n±ma nagara½, dassaneyya½ manoraman”ti.–

¾dinayappavatt±ya buddhava½savaººan±ya ok±so anuppatto. S± panes± buddhava½savaººan± yasm± suttanikkhepa½ vic±retv± vuccam±n± p±kaµ± hoti, tasm± suttanikkhepavic±raº± t±va veditabb±. Catt±ro hi suttanikkhep± attajjh±sayo parajjh±sayo pucch±vasiko aµµhuppattikoti. Tattha y±ni sutt±ni bhagav± parehi anajjhiµµho kevala½ attano ajjh±sayena kathesi. Seyyathida½– ±kaªkheyyasutta½ (ma. ni. 1.64 ±dayo) vatthasuttanti (ma. ni. 1.70 ±dayo) evam±d²ni, tesa½ attajjh±sayo nikkhepo.

Y±ni v± pana “paripakk± kho r±hulassa vimuttiparip±can²y± dhamm±, ya½n³n±ha½ r±hula½ uttari½ ±sav±na½ khaye vineyyan”ti (sa½. ni. 4.121) eva½ paresa½ ajjh±saya½ khanti½ mana½ bujjhanakabh±vañca oloketv± parajjh±sayavasena kathit±ni. Seyyathida½– r±hulov±dasutta½ dhammacakkappavattanasuttanti (sa½. ni. 5.1081; mah±va. 13 ±dayo; paµi. ma. 2.30) evam±d²ni, tesa½ parajjh±sayo nikkhepo.
Bhagavanta½ upasaªkamitv± te te devamanuss± pañha½ pucchanti. Eva½ puµµhena pana bhagavat± y±ni kathit±ni devat±sa½yutta (sa½. ni. 1.1 ±dayo) bojjhaªgasa½yutt±d²ni (sa½. ni. 5.182 ±dayo) tesa½ pucch±vasiko nikkhepo.
Y±ni v± pana uppanna½ k±raºa½ paµicca desit±ni dhammad±y±da- (ma. ni. 1.29 ±dayo) puttama½s³pam±d²ni (sa½. ni. 2.63), tesa½ aµµhuppattiko nikkhepo. Evametesu cat³su suttanikkhepesu imassa buddhava½sassa pucch±vasiko nikkhepo. Pucch±vasena hi bhagavat± aya½ nikkhitto. Kassa pucch±vasena? ¾yasmato s±riputtattherassa. Vuttañheta½ asmi½ nid±nasmi½ eva–
“S±riputto mah±pañño, sam±dhijjh±nakovido;
paññ±ya p±ramippatto, pucchati lokan±yaka½;
k²diso te mah±v²ra, abhin²h±ro naruttam±”ti. (Bu. va½. 1.74-75)–
¾di. Tenes± buddhava½sadesan± pucch±vasik±ti veditabb±.
Tattha kappe ca satasahasseti ettha kappa-saddo pan±ya½ abhisaddahanavoh±rak±lapaññattichedanavikappanalesasamantabh±va-±yukappamah±kapp±d²su dissati. Tath± hi “okappan²yameta½ bhoto gotamassa. Yath± ta½ arahato samm±sambuddhass±”ti-±d²su (ma. ni. 1.387) abhisaddahane dissati. “Anuj±n±mi, bhikkhave, pañcahi samaºakappehi phala½ paribhuñjitun”ti evam±d²su (c³¼ava. 250) voh±re. “Yena suda½ niccakappa½ vihar±m²”ti-±d²su (ma. ni. 1.387) k±le. “Icc±yasm± kappo”ti (su. ni. 1098; c³¼ani. kappam±ºavapucch± 117; kappam±ºavapucch±niddesa 61) ca, “nigrodhakappo iti tassa n±ma½, tay± kata½ bhagav± br±hmaºass±”ti ca evam±d²su (su. ni. 346) paññattiya½. “Alaªkato kappitakesamass³”ti evam±d²su (j±. 2.22.1368) chedane. “Kappati dvaªgulakappo”ti-±d²su (c³¼ava. 446) vikappe. “Atthi kappo nipajjitun”ti-±d²su (a. ni. 8.80) lese. “Kevalakappa½ jetavana½ obh±setv±”ti-±d²su samantabh±ve. “Tiµµhatu, bhante, bhagav± kappa½, tiµµhatu sugato kappan”ti (d². ni. 2.178; ud±. 51) ettha ±yukappe. “K²va d²gho nu kho, bhante, kappo”ti (sa½. ni. 2.128-129) ettha mah±kappe. ¾disaddena “satthukappena vata kira, bho, maya½ s±vakena saddhi½ mantayam±n± na j±nimh±”ti (ma. ni. 1.260) ettha paµibh±ge. “Kappo naµµho hoti. Kappakatok±so jiººo hot²”ti (p±ci. 371) ettha vinayakappe. Idha pana mah±kappe daµµhabbo. Tasm± kappe ca satasahasseti mah±kapp±na½ satasahass±nanti attho (d². ni. aµµha. 1.29; 3.275; sa½. ni. aµµha. 1.1.1; a. ni. aµµha. 2.3.128; khu. p±. aµµha. 5.maªgalasutta, evamicc±dip±µhavaººan±; su. ni. aµµha. 2.maªgalasuttavaººan±; cariy±. aµµha. nid±nakath±.1; c³¼ani. aµµha. khaggavis±ºasuttaniddesavaººan±). Caturo ca asaªkhiyeti “catunna½ asaªkhyeyy±na½ matthake”ti vacanaseso daµµhabbo. Kappasatasahass±dhik±na½ catunna½ asaªkhyeyy±na½ matthaketi attho. Amara½ n±ma nagaranti “amaran”ti ca “amaravat²”ti ca laddhan±ma½ nagara½ ahosi. Keci panettha aññen±pi pak±rena vaººayanti, ki½ tehi, n±mamatta½ paneta½ tassa nagarassa. Dassaneyyanti suvibhattavicitra-caccaradv±ra-catukkasiªgh±µika-p±k±ra-parikkhepap±s±da- hammiya-bhavana-samalaªkatatt± dassan²ya½. Manoramanti samasuciparamaramaº²yabh³mibh±gatt± ch±y³dakasampannatt± sulabh±h±ratt± sabbopakaraºayuttatt± ca samiddhatt± devamanuss±d²na½ mano ramayat²ti manorama½.
Dasahi saddehi avivittanti hatthisaddena assasaddena rathasaddena bherisaddena saªkhasaddena mudiªgasaddena v²º±saddena g²tasaddena sammat±¼asaddena “bhuñjatha pivatha kh±dath±”ti dasamena sadden±ti; imehi dasahi saddehi avivitta½ ahosi, sabbak±la½ anupamussavasamajjan±µak± k²¼ant²ti attho. Annap±nasam±yutanti annena catubbidhen±h±rena ca p±nena ca suµµhu ±yuta½ annap±nasam±yuta½, imin± subhikkhat± dassit±, bahu-annap±nasam±yutanti attho.
Id±ni te dasa sadde vatthuto dassanattha½–
“Hatthisadda½ assasadda½, bherisaªkharath±ni ca;
kh±datha pivatha ceva, annap±nena ghositan”ti.– Vutta½.
Tattha hatthisaddanti hatth²na½ koñcan±dasaddena, karaºatthe upayogavacana½ daµµhabba½. Esa nayo sesapadesupi. Bherisaªkharath±ni c±ti bherisaddena ca saªkhasaddena ca rathasaddena c±ti attho. Liªgavipariy±sena vutta½, ‘kh±datha pivath±’ti evam±dinayappavattena annap±napaµisa½yuttena ghosita½ abhin±ditanti attho. Etth±ha– tesa½ pana sadd±na½ ekadesova dassito, na sakaloti? Na ekadeso sakalo dasavidho dassitova. Katha½? Bherisaddena mudiªgasaddo saªgahito, saªkhasaddena v²º±g²tasammat±¼asadd± saªgahit±ti daseva dassit±.
Eva½ ekena pariy±yena nagarasampatti½ vaººetv± puna tameva dassetu½–
3. “Nagara½ sabbaªgasampanna½, sabbakammamup±gata½, sattaratanasampanna½, n±n±janasam±kula½;
samiddha½ devanagara½va, ±v±sa½ puññakamminan”ti.– Vutta½.
Tattha sabbaªgasampannanti p±k±ragopuraµµ±lak±disabbanagar±vayavasampanna½, paripuººasabbavitt³pakaraºadhanadhaññatiºakaµµhodakanti v± attho. Sabbakammamup±gatanti sabbakammantena upagata½, samupagatasabbakammantanti attho. Sattaratanasampannanti paripuººamutt±disattaratana½, cakkavattiniv±sabh³mito v± hatthiratan±d²hi sattaratanehi sampanna½. N±n±janasam±kulanti n±n±vidhadesabh±sehi janehi sam±kula½. Samiddhanti manussopabhogasabbopakaraºehi samiddha½ ph²ta½. Devanagara½ v±ti devanagara½ viya ±lakamand± viya amaravat² samiddhanti vutta½ hoti. ¾v±sa½ puññakamminanti ±vasanti ettha puññakammino jan±ti ±v±so. “¾v±so”ti vattabbe “±v±san”ti liªgabheda½ katv± vuttanti veditabba½. Paññ±yati ten±ti puñña½, kular³pamah±bhogissariyavasena paññ±yat²ti attho. Pun±t²ti v± puñña½. Sabbakusalamalaraj±pav±hakatt± puñña½ kamma½ yesa½ atthi te puññakammino, tesa½ puññakammina½ ±v±sabh³tanti attho.
Tattha sumedho n±ma br±hmaºo paµivasati ubhato suj±to m±tito ca pitito ca, sa½suddhagahaºiko y±va sattam± kulaparivaµµ± akkhitto anupakuµµho j±tiv±dena, abhir³po dassan²yo p±s±diko param±ya vaººapokkharat±ya samann±gato, so tiººa½ ved±na½ p±rag³ ahosi sanighaº¹ukeµubh±na½ s±kkharappabhed±na½ itih±sapañcam±na½ padako veyy±karaºo anavayo lok±yatamah±purisalakkhaºesu. Tassa pana daharak±leyeva m±t±pitaro k±lamaka½su. Athassa r±siva¹¹hako amacco ±yapotthaka½ ±haritv± suvaººarajatamaºimutt±divividharatanabharite gabbhe vivaritv±– “etthaka½ te, kum±ra, m±tu santaka½, etthaka½ pitu santaka½, etthaka½ ayyakapayyak±nan”ti y±va sattam± kulaparivaµµ± dhana½ ±cikkhitv±– “eta½ paµipajj±h²”ti niyy±tesi. So “s±dh³”ti sampaµicchitv± puññ±ni karonto ag±ra½ ajjh±vasi. Tena vutta½–
4. “Nagare amaravatiy±, sumedho n±ma br±hmaºo;
anekakoµisannicayo, pah³tadhanadhaññav±.
5. “Ajjh±yako mantadharo, tiººa½ ved±na p±rag³;
lakkhaºe itih±se ca, sadhamme p±rami½ gato”ti.
Tattha nagare amaravatiy±ti amaravat²saªkh±te nagare. Sumedho n±m±ti ettha “medh±”ti paññ± vuccati. S± tassa sundar± pasatth±ti sumedhoti paññ±yittha. Br±hmaºoti brahma½ aºati sikkhat²ti br±hmaºo, mante sajjh±yat²ti attho Akkharacintak± pana “brahmuno apacca½ br±hmaºo”ti vadanti. Ariy± pana b±hitap±patt± br±hmaº±ti. Anekakoµisannicayoti koµ²na½ sannicayo koµisannicayo, aneko koµisannicayo yassa soya½ anekakoµisannicayo, anekakoµi dhanasannicayoti attho. Pah³tadhanadhaññav±ti bahuladhanadhaññav±. Purima½ bh³migatagabbhagatadhanadhaññavasena vutta½, ida½ niccaparibhog³pagatadhanadhaññavasena vuttanti veditabba½.
Ajjh±yakoti na jh±yat²ti ajjh±yako, jh±nabh±van±rahitoti attho. Vuttañheta½– “na d±nime jh±yant²ti. Na d±nime jh±yant²ti kho, v±seµµha, ‘ajjh±yak± ajjh±yak±’ tveva tatiya½ akkhara½ upanibbattan”ti (d². ni. 3.132) eva½ paµhamakappikak±le jh±navirahit±na½ br±hmaº±na½ garahavacana½ uppanna½. Id±ni manta½ jh±yat²ti ajjh±yako, mante parivattet²ti imin± atthena pasa½savacana½ katv± voharanti. Mante dh±ret²ti mantadharo. Tiººa½ ved±nanti iruvedayajuvedas±maved±na½ tiººa½ ved±na½. Aya½ pana veda-saddo ñ±ºasomanassaganthesu dissati. Tath± hesa– “ya½ br±hmaºa½ vedagum±bhijaññ±, akiñcana½ k±mabhave asattan”ti-±d²su (su. ni. 1065) ñ±ºe dissati. “Ye vedaj±t± vicaranti loke”ti-±d²su (a. ni. 4.57) somanasse. “Tiººa½ ved±na½ p±rag³ sanighaº¹ukeµubh±nan”ti-±d²su (d². ni. 1.256) ganthe. Idh±pi ganthe (ma. ni. aµµha. 1.75). P±rag³ti tiººa½ ved±na½ oµµhapahatakaraºamattena p±ra½ gatoti p±rag³. Lakkhaºeti itthilakkhaºapurisalakkhaºamah±purisalakkhaº±dike lakkhaºe. Itih±seti itiha ±sa, itiha ±s±ti ²disavacanapaµisa½yutte pur±ºasaªkh±te ganthavisese. Sadhammeti br±hmaº±na½ sake dhamme, sake ±cariyake v±. P±rami½ gatoti p±ra½ gato, dis±p±mokkho ±cariyo ahos²ti attho.
Athekadivasa½ so dasaguºagaº±r±dhitapaº¹ito sumedhapaº¹ito uparip±s±davaratale rahogato hutv± pallaªka½ ±bhujitv± nisinno cintesi– “punabbhave paµisandhiggahaºa½ n±ma dukkha½, tath± nibbattanibbattaµµh±ne sar²rabhedana½, ahañca j±tidhammo, jar±dhammo, by±dhidhammo, maraºadhammo, eva½bh³tena may± aj±ti½ ajara½ aby±dhi½ amaraºa½ sukha½ siva½ nibb±na½ pariyesitu½ vaµµati, avassa½ bhavac±rakato muccitv± nibb±nag±min± ekena maggena bhavitabban”ti. Tena vutta½–