Sumedhakath±

Kappasatasahass±dhik±nañhi catunna½ asaªkhyeyy±na½ matthake dasahi saddehi avivitta½ “amaravat²”ti ca “amaran”ti ca laddhan±ma½ nagara½ ahosi, ya½ sandh±ya buddhava½se vutta½–
“Kappe ca satasahasse, caturo ca asaªkhiye;
amara½ n±ma nagara½, dassaneyya½ manorama½;
dasahi saddehi avivitta½, annap±nasam±yutan”ti. (Bu. va½. 2.1-2).
Tattha dasahi saddehi avivittanti hatthisaddena assasaddena rathasaddena bherisaddena mudiªgasaddena v²º±saddena g²tasaddena saªkhasaddena sammasaddena t±¼asaddena “asn±tha pivatha kh±dath±”ti dasamena sadden±ti imehi dasahi saddehi avivitta½ ahosi. Tesa½ pana sadd±na½ ekadesameva gahetv±–
“Hatthisadda½ assasadda½, bherisaªkharath±ni ca;
kh±datha pivatha ceva, annap±nena ghositan”ti.–

Buddhava½se (bu. va½. 2.3-5) ima½ g±tha½ vatv±–

“Nagara½ sabbaªgasampanna½, sabbakammamup±gata½;
sattaratanasampanna½, n±n±janasam±kula½;
samiddha½ devanagara½va, ±v±sa½ puññakammina½.
“Nagare amaravatiy±, sumedho n±ma br±hmaºo;
anekakoµisannicayo, pah³tadhanadhaññav±.
“Ajjh±yako mantadharo, tiººa½ ved±na p±rag³;
lakkhaºe itih±se ca, sadhamme p±rami½ gato”ti.– Vutta½.
Athekadivasa½ so sumedhapaº¹ito uparip±s±davaratale rahogato hutv± pallaªka½ ±bhujitv± nisinno eva½ cintesi– “punabbhave, paº¹ita, paµisandhiggahaºa½ n±ma dukkha½, tath± nibbattanibbattaµµh±ne sar²rassa bhedana½, ahañca j±tidhammo, jar±dhammo, by±dhidhammo, maraºadhammo, eva½bh³tena may± aj±ti½ ajara½ aby±dhi½ amaraºa½ adukkha½ sukha½ s²tala½ amatamah±nibb±na½ pariyesitu½ vaµµati. Avassa½ bhavato muccitv± nibb±nag±min± ekena maggena bhavitabban”ti. Tena vutta½–
“Rahogato nis²ditv±, eva½ cintesaha½ tad±;
dukkho punabbhavo n±ma, sar²rassa ca bhedana½.
“J±tidhammo jar±dhammo, by±dhidhammo saha½ tad±;
ajara½ amara½ khema½, pariyesiss±mi nibbuti½.
“Ya½n³nima½ p³tik±ya½, n±n±kuºapap³rita½;
cha¹¹ayitv±na gaccheyya½, anapekkho anatthiko.
“Atthi hehiti so maggo, na so sakk± na hetuye;
pariyesiss±mi ta½ magga½, bhavato parimuttiy±”ti.
Tato uttaripi eva½ cintesi– “yath± hi loke dukkhassa paµipakkhabh³ta½ sukha½ n±ma atthi, eva½ bhave sati tappaµipakkhena vibhaven±pi bhavitabba½. Yath± ca uºhe sati tassa v³pasamabh³ta½ s²talampi atthi, eva½ r±gaggi-±d²na½ v³pasamena nibb±nen±pi bhavitabba½. Yath± n±ma p±passa l±makassa dhammassa paµipakkhabh³to kaly±ºo anavajjabh³to dhammopi atthiyeva, evameva p±pik±ya j±tiy± sati sabbaj±tikhepanato aj±tisaªkh±tena nibb±nen±pi bhavitabbamev±”ti. Tena vutta½–
“Yath±pi dukkhe vijjante, sukha½ n±mapi vijjati;
eva½ bhave vijjam±ne, vibhavopicchitabbako.
“Yath±pi uºhe vijjante, apara½ vijjati s²tala½;
eva½ tividhaggi vijjante, nibb±nampicchitabbaka½.
“Yath±pi p±pe vijjante, kaly±ºamapi vijjati;
evameva j±ti vijjante, aj±tipicchitabbakan”ti.
Aparampi cintesi– “yath± n±ma g³thar±simhi nimuggena purisena d³ratova pañcavaººapadumasañchanna½ mah±ta¼±ka½ disv± ‘katarena nu kho maggena ettha gantabban’ti ta½ ta¼±ka½ gavesitu½ yutta½. Ya½ tassa agavesana½, na so ta¼±kassa doso, purisasseva doso. Eva½ kilesamaladhovane amatamah±nibb±nata¼±ke vijjante ya½ tassa agavesana½, na so amatamah±nibb±nata¼±kassa doso, purisasseva doso. Yath± ca corehi sampariv±rito puriso pal±yanamagge vijjam±nepi sace na pal±yati, na so maggassa doso, purisasseva doso. Evameva kilesehi pariv±retv± gahitassa purisassa vijjam±neyeva nibb±nag±mimhi sive magge maggassa agavesana½ n±ma na maggassa doso, purisasseva doso. Yath± ca by±dhip²¼ito puriso vijjam±ne by±dhitikicchake vejje sace ta½ vejja½ gavesitv± by±dhi½ na tikicch±peti, na so vejjassa doso, purisasseva doso. Evameva yo kilesaby±dhip²¼ito kilesav³pasamamaggakovida½ vijjam±nameva ±cariya½ na gavesati, tasseva doso, na kilesavin±sakassa ±cariyassa doso”ti. Tena vutta½–
“Yath± g³thagato puriso, ta¼±ka½ disv±na p³rita½;
na gavesati ta½ ta¼±ka½, na doso ta¼±kassa so.
“Eva½ kilesamaladhove, vijjante amatanta¼e;
na gavesati ta½ ta¼±ka½, na doso amatanta¼e.
“Yath± ar²hi pariruddho, vijjante gamanampathe;
na pal±yati so puriso, na doso añjasassa so.
“Eva½ kilesapariruddho, vijjam±ne sive pathe;
na gavesati ta½ magga½, na doso sivamañjase.
“Yath±pi by±dhito puriso, vijjam±ne tikicchake;
na tikicch±peti ta½ by±dhi½, na doso so tikicchake.
“Eva½ kilesaby±dh²hi, dukkhito parip²¼ito;
na gavesati ta½ ±cariya½, na doso so vin±yake”ti.
Aparampi cintesi– “yath± maº¹anakaj±tiko puriso kaºµhe ±satta½ kuºapa½ cha¹¹etv± sukha½ gaccheyya, eva½ may±pi ima½ p³tik±ya½ cha¹¹etv± anapekkhena nibb±nanagara½ pavisitabba½. Yath± ca naran±riyo ukk±rabh³miya½ ucc±rapass±va½ katv± na ta½ ucchaªgena v± ±d±ya, dussantena v± veµhetv± gacchanti, jiguccham±n± pana anapekkh±va, cha¹¹etv± gacchanti, eva½ may±pi ima½ p³tik±ya½ anapekkhena cha¹¹etv± amatanibb±nanagara½ pavisitu½ vaµµati. Yath± ca n±vik± n±ma jajjara½ n±va½ anapekkh±va cha¹¹etv± gacchanti, eva½ ahampi ima½ navahi vaºamukhehi paggharanta½ k±ya½ cha¹¹etv± anapekkho nibb±napura½ pavisiss±mi. Yath± ca puriso n±n±ratan±ni ±d±ya corehi saddhi½ magga½ gacchanto attano ratanan±sabhayena te cha¹¹etv± khema½ magga½ gaºh±ti, eva½ ayampi karajak±yo ratanavilopakacorasadiso. Sac±ha½ ettha taºha½ kariss±mi, ariyamaggakusaladhammaratana½ me nassissati, tasm± may± ima½ corasadisa½ k±ya½ cha¹¹etv± amatamah±nibb±nanagara½ pavisitu½ vaµµat²”ti. Tena vutta½–
“Yath±pi kuºapa½ puriso, kaºµhe baddha½ jigucchiya;
mocayitv±na gaccheyya, sukh² ser² saya½vas².
“Tathevima½ p³tik±ya½, n±n±kuºapasañcaya½;
cha¹¹ayitv±na gaccheyya½, anapekkho anatthiko.
“Yath± ucc±raµµh±namhi, kar²sa½ naran±riyo;
cha¹¹ayitv±na gacchanti, anapekkh± anatthik±.
“Evamev±ha½ ima½ k±ya½, n±n±kuºapap³rita½;
cha¹¹ayitv±na gacchissa½, vacca½ katv± yath± kuµi½.
“Yath±pi jajjara½ n±va½, palugga½ udag±hini½;
s±m² cha¹¹etv± gacchanti, anapekkh± anatthik±.
“Evamev±ha½ ima½ k±ya½, navacchidda½ dhuvassava½;
cha¹¹ayitv±na gacchissa½, jiººan±va½va s±mik±.
“Yath±pi puriso corehi, gacchanto bhaº¹am±diya;
bhaº¹acchedabhaya½ disv±, cha¹¹ayitv±na gacchati.
“Evameva aya½ k±yo, mah±corasamo viya;
pah±yima½ gamiss±mi, kusalacchedan± bhay±”ti.
Eva½ sumedhapaº¹ito n±n±vidh±hi upam±hi ima½ nekkhamm³pasa½hita½ attha½ cintetv± sakanivesane aparimitabhogakkhandha½ heµµh± vuttanayena kapaºaddhik±d²na½ vissajjetv± mah±d±na½ datv± vatthuk±me ca kilesak±me ca pah±ya amaranagarato nikkhamitv± ekakova himavante dhammika½ n±ma pabbata½ niss±ya assama½ katv± tattha paººas±lañca caªkamañca m±petv± pañcahi n²varaºadosehi vajjita½ “eva½ sam±hite citte”ti-±din± nayena vuttehi aµµhahi k±raºaguºehi samupeta½ abhiññ±saªkh±ta½ bala½ ±haritu½ tasmi½ assamapade navadosasamann±gata½ s±µaka½ pajahitv±, dv±dasaguºasamann±gata½ v±kac²ra½ niv±setv±, isipabbajja½ pabbaji. Eva½ pabbajito aµµhadosasam±kiººa½ ta½ paººas±la½ pah±ya dasaguºasamann±gata½ rukkham³la½ upagantv± sabba½ dhaññavikati½ pah±ya pavattaphalabhojano hutv± nisajjaµµh±nacaªkamanavaseneva padh±na½ padahanto satt±habbhantareyeva aµµhanna½ sam±patt²na½ pañcannañca abhiññ±na½ l±bh² ahosi. Eva½ ta½ yath±patthita½ abhiññ±bala½ p±puºi. Tena vutta½–
“Ev±ha½ cintayitv±na, nekakoµisata½ dhana½;
n±th±n±th±na½ datv±na, himavantamup±gami½.
“Himavantass±vid³re, dhammiko n±ma pabbato;
assamo sukato mayha½, paººas±l± sum±pit±.
“Caªkama½ tattha m±pesi½, pañcadosavivajjita½;
aµµhaguºasamupeta½, abhiññ±balam±hari½.
“S±µaka½ pajahi½ tattha, navadosamup±gata½;
v±kac²ra½ niv±sesi½, dv±dasaguºamup±gata½.
“Aµµhadosasam±kiººa½, pajahi½ paººas±laka½;
up±gami½ rukkham³la½, guºe dasahup±gata½.
“V±pita½ ropita½ dhañña½, pajahi½ niravasesato;
anekaguºasampanna½, pavattaphalam±diyi½.
“Tatthappadh±na½ padahi½, nisajjaµµh±nacaªkame;
abbhantaramhi satt±he, abhiññ±bala p±puºin”ti.
Tattha “assamo sukato mayha½, paººas±l± sum±pit±”ti im±ya pana p±¼iy± sumedhapaº¹itena assamapaººas±lacaªkam± sahatth± m±pit± viya vutt±. Aya½ panettha attho– mah±sattañhi “himavanta½ ajjhog±hetv± ajja dhammikapabbata½ pavisissat²”ti disv± sakko vissakammadevaputta½ ±mantesi– “t±ta, aya½ sumedhapaº¹ito ‘pabbajiss±m²’ti nikkhanto, etassa vasanaµµh±na½ m±peh²”ti. So tassa vacana½ sampaµicchitv± ramaº²ya½ assama½, sugutta½ paººas±la½, manorama½ caªkamañca m±pesi. Bhagav± pana tad± attano puññ±nubh±vena nipphanna½ ta½ assamapada½ sandh±ya “s±riputta, tasmi½ dhammikapabbate–
“Assamo sukato mayha½, paººas±l± sum±pit±;
caªkama½ tattha m±pesi½, pañcadosavivajjita”n’ti.–

¾ha. Tattha sukato mayhanti suµµhu kato may±. Paººas±l± sum±pit±ti paººacchadanas±l±pi me sum±pit± ahosi.

Pañcadosavivajjitanti pañcime caªkamados± n±ma thaddhavisamat±, antorukkhat±, gahanacchannat± atisamb±dhat±, ativis±lat±ti. Thaddhavisamabh³mibh±gasmiñhi caªkame caªkamantassa p±d± rujjanti, phoµ± uµµhahanti, citta½ ekaggata½ na labhati, kammaµµh±na½ vipajjati. Mudusamatale pana ph±suvih±ra½ ±gamma kammaµµh±na½ sampajjati. Tasm± thaddhavisamabh³mibh±gat± eko dosoti veditabbo. Caªkamassa anto v± majjhe v± koµiya½ v± rukkhe sati pam±dam±gamma caªkamantassa nal±µa½ v± s²sa½ v± paµihaññat²ti antorukkhat± dutiyo doso. Tiºalat±digahanacchanne caªkame caªkamanto andhak±ravel±ya½ urag±dike p±ºe akkamitv± v± m±reti, tehi v± daµµho dukkha½ ±pajjat²ti gahanacchannat± tatiyo doso. Atisamb±dhe caªkame vitth±rato ratanike v± a¹¹haratanike v± caªkamantassa paricchede pakkhalitv± nakh±pi aªguliyopi bhijjant²ti atisamb±dhat± catuttho doso. Ativis±le caªkame caªkamantassa citta½ vidh±vati, ekaggata½ na labhat²ti ativis±lat± pañcamo doso. Puthulato pana diya¹¹haratana½ dv²su passesu ratanamatta½ anucaªkama½ d²ghato saµµhihattha½ mudutala½ samavippakiººav±luka½ caªkama½ vaµµati cetiyagirimhi d²pappas±dakamah±mahindattherassa caªkama½ viya, t±disa½ ta½ ahosi. Ten±ha– “caªkama½ tattha m±pesi½, pañcadosavivajjitan”ti.
Aµµhaguºasamupetanti aµµhahi samaºasukhehi upeta½. Aµµhim±ni samaºasukh±ni n±ma dhanadhaññapariggah±bh±vo, anavajjapiº¹ap±tapariyesanabh±vo, nibbutapiº¹ap±tabhuñjanabh±vo, raµµha½ p²¼etv± dhanas±ra½ v± s²sakah±paº±d²ni v± gaºhantesu r±jakulesu raµµhap²¼anakiles±bh±vo, upakaraºesu nicchandar±gabh±vo, coravilope nibbhayabh±vo, r±jar±jamah±mattehi asa½saµµhabh±vo, cat³su dis±su appaµihatabh±voti Ida½ vutta½ hoti– “yath± tasmi½ assame vasantena sakk± honti im±ni aµµha sukh±ni vinditu½, eva½ aµµhaguºasamupeta½ ta½ assama½ m±pesin”ti.
Abhiññ±balam±harinti pacch± tasmi½ assame vasanto kasiºaparikamma½ katv± abhiññ±nañca sam±patt²nañca upp±danatth±ya aniccato ca dukkhato ca vipassana½ ±rabhitv± th±mappatta½ vipassan±bala½ ±hari½. Yath± tasmi½ vasanto ta½ bala½ ±haritu½ sakkomi, eva½ ta½ assama½ abhiññatth±ya vipassan±balassa anucchavika½ katv± m±pesinti attho.
S±µaka½ pajahi½ tattha, navadosamup±gatanti etth±ya½ anupubbikath±. Tad± kira kuµileºacaªkam±dipaµimaº¹ita½ pupph³pagaphal³pagarukkhasañchanna½ ramaº²ya½ madhurasalil±saya½ apagatav±¼amigabhi½sanakasakuºa½ pavivekakkhama½ assama½ m±petv± alaªkatacaªkamassa ubhosu antesu ±lambanaphalaka½ sa½vidh±ya nis²danatth±ya caªkamavemajjhe samatala½ muggavaººasila½ m±petv± anto paººas±l±ya jaµ±maº¹alav±kac²ratidaº¹akuº¹ik±dike t±pasaparikkh±re maº¹ape p±n²yaghaµap±n²yasaªkhap±n²yasar±v±ni, aggis±l±ya½ aªg±rakapallad±ru-±d²n²ti eva½ ya½ ya½ pabbajit±na½ upak±r±ya sa½vattati, ta½ sabba½ m±petv± paººas±l±ya bhittiya½– “ye keci pabbajituk±m± ime parikkh±re gahetv± pabbajant³”ti akkhar±ni chinditv± devalokameva gate vissakammadevaputte sumedhapaº¹ito himavantap±de girikandar±nus±rena attano niv±s±nur³pa½ ph±sukaµµh±na½ olokento nad²nivattane vissakammanimmita½ sakkadattiya½ ramaº²ya½ assama½ disv± caªkamanakoµi½ gantv± padava¼añja½ apassanto “dhuva½ pabbajit± dhurag±me bhikkha½ pariyesitv± kilantar³p± ±gantv± paººas±la½ pavisitv± nisinn± bhavissant²”ti cintetv± thoka½ ±gametv± “ativiya cir±yanti, j±niss±m²”ti paººas±ladv±ra½ vivaritv± anto pavisitv± ito cito ca olokento mah±bhittiya½ akkhar±ni v±cetv± “mayha½ kappiyaparikkh±r± ete, ime gahetv± pabbajiss±m²”ti attan± nivatthap±ruta½ s±µakayuga½ pajahi. Ten±ha “s±µaka½ pajahi½ tatth±”ti. Eva½ paviµµho aha½, s±riputta, tassa½ paººas±l±ya½ s±µaka½ pajahi½.
Navadosamup±gatanti s±µaka½ pajahanto nava dose disv± pajahinti d²peti. T±pasapabbajja½ pabbajit±nañhi s±µakasmi½ nava dos± upaµµhahanti. Mahagghabh±vo eko doso, parapaµibaddhat±ya uppajjanabh±vo eko, paribhogena lahu½ kilissanabh±vo eko, kiliµµho hi dhovitabbo ca rajitabbo ca hoti, paribhogena j²raºabh±vo eko, jiººassa hi tunna½ v± agga¼ad±na½ v± k±tabba½ hoti, puna pariyesan±ya durabhisambhavabh±vo eko, t±pasapabbajj±ya as±ruppabh±vo eko, paccatthik±na½ s±dh±raºabh±vo eko, yath± hi na½ paccatthik± na gaºhanti, eva½ gopetabbo hoti, paribhuñjantassa vibh³sanaµµh±nabh±vo eko, gahetv± vicarantassa khandhabh±ramahicchabh±vo ekoti.
V±kac²ra½ niv±sesinti tad±ha½, s±riputta, ime nava dose disv± s±µaka½ pah±ya v±kac²ra½ niv±sesi½, muñjatiºa½ h²ra½ h²ra½ katv± ganthetv± kata½ v±kac²ra½ niv±sanap±rupanatth±ya ±diyinti attho.
Dv±dasa guºamup±gatanti dv±dasahi ±nisa½sehi samann±gata½. V±kac²rasmiñhi dv±dasa ±nisa½s±– appaggha½ sundara½ kappiyanti aya½ t±va eko ±nisa½so, sahatth± k±tu½ sakk±ti aya½ dutiyo, paribhogena saºika½ kilissati, dhoviyam±nepi papañco natth²ti aya½ tatiyo, paribhogena jiººepi sibbitabb±bh±vo catuttho, puna pariyesantassa sukhena karaºabh±vo pañcamo, t±pasapabbajj±ya s±ruppabh±vo chaµµho, paccatthik±na½ nirupabhogabh±vo sattamo, paribhuñjantassa vibh³sanaµµh±n±bh±vo aµµhamo, dh±raºe sallahukabh±vo navamo, c²varapaccaye appicchabh±vo dasamo, v±kuppattiy± dhammika-anavajjabh±vo ek±dasamo, v±kac²re naµµhepi anapekkhabh±vo dv±dasamoti.
Aµµhadosasam±kiººa½, pajahi½ paººas±lakanti katha½ pajahi½? So kira varas±µakayuga½ omuñcanto c²varava½se laggita½ anojapupphad±masadisa½ ratta½ v±kac²ra½ gahetv± niv±setv± tass³pari apara½ suvaººavaººa½ v±kac²ra½ paridahitv± punn±gapupphasantharasadisa½ sakhura½ ajinacamma½ eka½sa½ katv± jaµ±maº¹ala½ paµimuñcitv± c³¼±ya saddhi½ niccalabh±vakaraºattha½ s±ras³ci½ pavesetv± mutt±j±lasadis±ya sikk±ya pav±¼avaººa½ kuº¹ika½ odahitv± t²su µh±nesu vaªka½ k±ja½ ±d±ya ekiss± k±jakoµiy± kuº¹ika½, ekiss± aªkusapacchitidaº¹ak±d²ni olaggetv± kh±rik±ja½ a½se katv± dakkhiºena hatthena kattaradaº¹a½ gahetv± paººas±lato nikkhamitv± saµµhihatthe mah±caªkame apar±para½ caªkamanto attano vesa½ oloketv±– “mayha½ manoratho matthaka½ patto, sobhati vata me pabbajj±, buddhapaccekabuddh±d²hi sabbehi dh²rapurisehi vaººit± thomit± aya½ pabbajj± n±ma, pah²na½ me gihibandhana½, nikkhantosmi nekkhamma½, laddh± me uttamapabbajj±, kariss±mi samaºadhamma½, labhiss±mi maggaphalasukhan”ti uss±haj±to kh±rik±ja½ ot±retv± caªkamavemajjhe muggavaººasil±paµµe suvaººapaµim± viya nisinno divasabh±ga½ v²tin±metv± s±yanhasamaya½ paººas±la½ pavisitv± bidalamañcakapasse kaµµhattharik±ya nipanno sar²ra½ utu½ g±h±petv± balavapacc³se pabujjhitv± attano ±gamana½ ±vajjesi– “aha½ ghar±v±se ±d²nava½ disv± amitabhoga½ anantayasa½ pah±ya arañña½ pavisitv± nekkhammagavesako hutv± pabbajito. Ito d±ni paµµh±ya pam±dac±ra½ caritu½ na vaµµati, pavivekañhi pah±ya vicaranta½ micch±vitakkamakkhik± kh±danti, id±ni may± vivekamanubr³hetu½ vaµµati, ahañhi ghar±v±sa½ palibodhato disv± nikkhanto, ayañca man±p± paººas±l±, beluvapakkavaºº± paribhaº¹akat± bh³mi, rajatavaºº± setabhittiyo, kapotap±davaººa½ paººacchadana½, vicittattharaºavaººo bidalamañcako, niv±saph±suka½ vasanaµµh±na½, na etto atirekatar± viya me gehasampad± paññ±yat²”ti paººas±l±ya dose vicinanto aµµha dose passi.
Paººas±laparibhogasmiñhi aµµha ±d²nav±– mah±sam±rambhena dabbasambh±re samodh±netv± karaºapariyesanabh±vo eko ±d²navo, tiºapaººamattik±su patit±su t±sa½ punappuna½ µhapetabbat±ya nibaddhajagganabh±vo dutiyo, sen±sana½ n±ma mahallakassa p±puº±ti, avel±ya vuµµh±piyam±nassa cittekaggat± na hot²ti uµµh±pan²yabh±vo tatiyo, s²tuºh±dipaµigh±tena k±yassa sukhum±lakaraºabh±vo catuttho geha½ paviµµhena ya½kiñci p±pa½ sakk± k±tunti garah±paµicch±danabh±vo pañcamo, “mayhan”ti pariggahakaraºabh±vo chaµµho, gehassa atthibh±vo n±mesa sadutiyakav±so viy±ti sattamo, ³k±maªgulagharago¼ik±d²na½ s±dh±raºat±ya bahus±dh±raºabh±vo aµµhamo. Iti ime aµµha ±d²nave disv± mah±satto paººas±la½ pajahi. Ten±ha– “aµµhadosasam±kiººa½, pajahi½ paººas±lakan”ti.
Up±gami½ rukkham³la½, guºe dasahup±gatanti channa½ paµikkhipitv± dasahi guºehi upeta½ rukkham³la½ upagatosm²ti vadati. Tatrime dasa guº±– appasam±rambhat± eko guºo, upagamanamattakameva hi tattha hot²ti. Appaµijagganat± dutiyo, tañhi sammaµµhampi asammaµµhampi paribhogaph±suka½ hotiyeva. Anuµµh±pan²yabh±vo tatiyo. Garaha½ nappaµicch±deti, tattha hi p±pa½ karonto lajjat²ti garah±ya appaµicchannabh±vo catuttho. Abbhok±sav±so viya k±ya½ na santhambhet²ti k±yassa asanthambhanabh±vo pañcamo, pariggahakaraº±bh±vo chaµµho, geh±layapaµikkhepo sattamo. Bahus±dh±raºe gehe viya “paµijaggiss±mi na½, nikkhamath±”ti n²haraºak±bh±vo aµµhamo, vasantassa sapp²tikabh±vo navamo, rukkham³lasen±sanassa gatagataµµh±ne sulabhat±ya anapekkhabh±vo dasamoti ime dasaguºe disv± rukkham³la½ upagatosm²ti vadati.
Im±ni hi ettak±ni k±raº±ni sallakkhetv± mah±satto punadivase bhikkh±ya g±ma½ p±visi. Athassa sampattag±me manuss± mahantena uss±hena bhikkha½ ada½su. So bhattakicca½ niµµh±petv± assama½ ±gamma nis²ditv± cintesi– “n±ha½ ‘±h±ra½ labh±m²’ti pabbajito, siniddh±h±ro n±mesa m±namadapurisamade va¹¹heti, ±h±ram³lakassa ca dukkhassa anto natthi, ya½n³n±ha½ v±pitaropitadhaññanibbattaka½ ±h±ra½ pajahitv± pavattaphalabhojano bhaveyyan”ti. So tato paµµh±ya tath± katv± ghaµento v±yamanto satt±habbhantareyeva aµµha sam±pattiyo pañca ca abhiññ±yo nibbattesi. Tena vutta½–
“V±pita½ ropita½ dhañña½, pajahi½ niravasesato;
anekaguºasampanna½, pavattaphalam±diyi½.
“Tatthappadh±na½ padahi½, nisajjaµµh±nacaªkame;
abbhantaramhi satt±he, abhiññ±bala p±puºin”ti.