12. So¼asanip±to

1. Puºº±ther²g±th±vaººan±

So¼asanip±te udah±r² aha½ s²teti-±dik± puºº±ya theriy± g±th±. Ayampi purimabuddhesu kat±dhik±r± tattha tattha bhave vivaµµ³panissaya½ kusala½ upacinant² vipassissa bhagavato k±le kulagehe nibbattitv± viññuta½ patv± hetusampannat±ya sañj±tasa½veg± bhikkhun²na½ santika½ gantv± dhamma½ sutv± laddhappas±d± pabbajitv± parisuddhas²l± t²ºi piµak±ni uggahetv± bahussut± dhammadhar± dhammakathik± ca ahosi. Yath± ca vipassissa bhagavato s±sane, eva½ sikhissa vessabhussa kakusandhassa koº±gamanassa kassapassa ca bhagavato s±sane pabbajitv± s²lasampann± bahussut± dhammadhar± dhammakathik± ca ahosi. M±nadh±tukatt± pana kilese samucchinditu½ n±sakkhi. M±nopanissayavasena kammassa katatt± imasmi½ buddhupp±de an±thapiº¹ikassa seµµhino gharad±siy± kucchimhi nibbatti, puºº±tiss± n±ma½ ahosi. S± s²han±dasuttantadesan±ya (ma. ni. 1.146 ±dayo) sot±pann± hutv± pacch± udakasuddhika½ br±hmaºa½ dametv± seµµhin± sambh±vit± hutv± tena bhujissabh±va½ p±pit± ta½ pabbajja½ anuj±n±petv± pabbajitv± vipassan±ya kamma½ karont² na cirasseva saha paµisambhid±hi arahatta½ p±puºi. Tena vutta½ apad±ne (apa. ther² 2.4.184-203)–
“Vipassino bhagavato, sikhino vessabhussa ca;
kakusandhassa munino, koº±gamanat±dino.
“Kassapassa ca buddhassa, pabbajitv±na s±sane;
bhikkhun² s²lasampann±, nipak± sa½vutindriy±.
“Bahussut± dhammadhar±, dhammatthapaµipucchik±;
uggahet± ca dhamm±na½, sot± payirup±sit±.
“Desent² janamajjheha½, ahosi½ jinas±sane;
b±husaccena ten±ha½, pesal± abhimaññisa½.
“Pacchime ca bhave d±ni, s±vatthiya½ puruttame;
an±thapiº¹ino gehe, j±t±ha½ kumbhad±siy±.
“Gat± udakah±riya½, sotthiya½ dijamaddasa½;
s²taµµa½ toyamajjhamhi, ta½ disv± idamabravi½.
“Udah±r² aha½ s²te, sad± udakamotari½;
ayy±na½ daº¹abhayabh²t±, v±c±dosabhayaµµit±.
“Kassa br±hmaºa tva½ bh²to, sad± udakamotari;
vedham±nehi gattehi, s²ta½ vedayase bhusa½.
“J±nant² vata ma½ bhoti, puººike paripucchasi;
karonta½ kusala½ kamma½, rundhanta½ katap±paka½.
“Yo ca vu¹¹ho daharo v±, p±pakamma½ pakubbati;
dak±bhisecan± sopi, p±pakamm± pamuccati.
“Uttarantassa akkh±si½, dhammatthasa½hita½ pada½;
tañca sutv± sa sa½viggo, pabbajitv±rah± ahu.
“P³rent² ³nakasata½, j±t± d±sikule yato;
tato puºº±ti n±ma½ me, bhujissa½ ma½ aka½su te.
“Seµµhi½ tatonuj±netv±, pabbaji½ anag±riya½;
na cireneva k±lena, arahattamap±puºi½.
“Iddh²su ca vas² homi, dibb±ya sotadh±tuy±;
cetopariyañ±ºassa, vas² homi mah±mune.
“Pubbeniv±sa½ j±n±mi, dibbacakkhu visodhita½;
sabb±savaparikkh²º±, natthi d±ni punabbhavo.
“Atthadhammanirutt²su, paµibh±ne tatheva ca;
ñ±ºa½ me vimala½ suddha½, buddhaseµµhassa v±has±.
“Bh±van±ya mah±paññ±, suteneva sut±vin²;
m±nena n²cakulaj±, na hi kamma½ vinassati.
“Kiles± jh±pit± mayha½…pe… kata½ buddhassa s±sanan”ti;
arahatta½ pana patv± attano paµipatti½ paccavekkhitv± ud±navasena–
236. “udah±r² aha½ s²te, sad± udakamotari½;
ayy±na½ daº¹abhayabh²t±, v±c±dosabhayaµµit±.
237. “Kassa br±hmaºa tva½ bh²to, sad± udakamotari;
vedham±nehi gattehi, s²ta½ vedayase bhusa½.
238. “J±nant² vata ma½ bhoti, puººike paripucchasi;
karonta½ kusala½ kamma½, rundhanta½ katap±paka½.
239. “Yo ca vu¹¹ho daharo v±, p±pakamma½ pakubbati;
dak±bhisecan± sopi, p±pakamm± pamuccati.
240. “Ko nu te idamakkh±si, aj±nantassa aj±nako;
‘dak±bhisecan± n±ma, p±pakamm± pamuccati’.
241. “Sagga½ n³na gamissanti, sabbe maº¹³kakacchap±;
n±g± ca susum±r± ca, ye caññe udake car±.
242. “Orabbhik± s³karik±, macchik± migabandhak±;
cor± ca vajjhagh±t± ca, ye caññe p±pakammino;
dak±bhisecan± tepi, p±pakamm± pamuccare.
243. “Sace im± nadiyo te, p±pa½ pubbe kata½ vahu½;
puññampi m± vaheyyu½ te, tena tva½ parib±hiro.
244. “Yassa br±hmaºa tva½ bh²to, sad± udakamotari;
tameva brahme m±k±si, m± te s²ta½ chavi½ hane.
245. “Kummaggapaµipanna½ ma½, ariyamagga½ sam±nayi;
dak±bhisecan± bhoti, ima½ s±µa½ dad±mi te.
246. “Tuyheva s±µako hotu, n±hamicch±mi s±µaka½;
sace bh±yasi dukkhassa, sace te dukkhamappiya½.
247. “M±k±si p±paka½ kamma½, ±vi v± yadi v± raho;
sace ca p±paka½ kamma½, karissasi karosi v±.
248. “Na te dukkh± pamutyatthi, upecc±pi pal±yato;
sace bh±yasi dukkhassa, sace te dukkhamappiya½.
249. “Upehi saraºa½ buddha½, dhamma½ saªghañca t±dina½;
sam±diy±hi s²l±ni, ta½ te atth±ya hehiti.
250. “Upemi saraºa½ buddha½, dhamma½ saªghañca t±dina½;
sam±diy±mi s²l±ni, ta½ me atth±ya hehiti.
251. “Brahmabandhu pure ±si½, ajjamhi saccabr±hmaºo;
tevijjo vedasampanno, sottiyo camhi nh±tako”ti.–

Im± g±th± abh±si.

Tattha udah±r²ti ghaµena udaka½ v±hik±. S²te tad± udakamotarinti s²tak±lepi sabbad± rattindiva½ udaka½ otari½. Yad± yad± ayyak±na½ udakena attho, tad± tad± udaka½ p±visi½, udakamotaritv± udaka½ upanesinti adhipp±yo. Ayy±na½ daº¹abhayabh²t±ti ayyak±na½ daº¹abhayena bh²t±. V±c±dosabhayaµµit±ti vac²daº¹abhayena ceva dosabhayena ca aµµit± p²¼it±, s²tepi udakamotarinti yojan±.
Athekadivasa½ puºº± d±s² ghaµena udaka½ ±netu½ udakatittha½ gat±. Tattha addasa aññatara½ br±hmaºa½ udakasuddhika½ himap±tasamaye mahati s²te vattam±ne p±tova udaka½ otaritv± sas²sa½ nimujjitv± mante jappitv± udakato uµµhahitv± allavattha½ allakesa½ pavedhanta½ dantav²ºa½ v±dayam±na½. Ta½ disv± karuº±ya sañcoditam±nas± tato na½ diµµhigat± vivecetuk±m± “kassa, br±hmaºa, tva½ bh²to”ti g±tham±ha. Tattha kassa, br±hmaºa, tva½ kuto ca n±ma bhayahetuto bh²to hutv± sad± udakamotari sabbak±la½ s±ya½ p±ta½ udaka½ otari. Otaritv± ca vedham±nehi kampam±nehi gattehi sar²r±vayavehi s²ta½ vedayase bhusa½ s²tadukkha½ ativiya dussaha½ paµisa½vedayasi paccanubhavasi.
J±nant² vata ma½ bhot²ti, bhoti puººike, tva½ ta½ upacita½ p±pakamma½ rundhanta½ niv±raºasamattha½ kusala½ kamma½ imin± udakorohanena karonta½ ma½ j±nant² vata paripucchasi.
Nanu ayamattho loke p±kaµo eva. Kath±pi maya½ tuyha½ vad±m±ti dassento “yo ca vu¹¹ho”ti g±tham±ha. Tassattho– vu¹¹ho v± daharo v± majjhimo v± yo koci hi½s±dibheda½ p±pakamma½ pakubbati ativiya karoti, sopi bhusa½ p±pakammanirato dak±bhisecan± sin±nena tato p±pakamm± pamuccati accantameva vimuccat²ti.
Ta½ sutv± puººik± tassa paµivacana½ dent² “ko nu te”ti-±dim±ha. Tattha ko nu te idamakkh±si, aj±nantassa aj±nakoti kammavip±ka½ aj±nantassa te sabbena sabba½ kammavip±ka½ aj±nato aj±nako aviddasu b±lo udak±bhisecanahetu p±pakammato pamuccat²ti, ida½ atthaj±ta½ ko nu n±ma akkh±si, na so saddheyyavacano, n±pi ceta½ yuttanti adhipp±yo.
Id±nissa tameva yutti-abh±va½ vibh±vent² “sagga½ n³na gamissant²”ti-±dim±ha. Tattha n±g±ti vijjhas±. Susum±r±ti kumbh²l±. Ye caññe udake car±ti ye caññepi v±rigocar± macchamakaranandiy±vatt±dayo ca, tepi sagga½ n³na gamissanti devaloka½ upapajjissanti maññe, udak±bhisecan± p±pakammato mutti hoti ceti attho.
Orabbhik±ti urabbhagh±tak±. S³karik±ti s³karagh±tak±. Macchik±ti kevaµµ±. Migabandhak±ti m±gavik±. Vajjhagh±t±ti vajjhagh±takamme niyutt±.
Puññampi m± vaheyyunti im± aciravati-±dayo nadiyo yath± tay± pubbe kata½ p±pa½ tattha udak±bhisecanena sace vahu½ n²hareyyu½, tath± tay± kata½ puññampi im± nadiyo vaheyyu½ pav±heyyu½. Tena tva½ parib±hiro assa tath± sati tena puññakammena tva½ parib±hiro virahitova bhaveyy±ti na ceta½ yuttanti adhipp±yo. Yath± v± udakena udakorohakassa puññapav±hana½ na hoti, eva½ p±papav±hanampi na hoti eva. Kasm±? Nh±nassa p±pahet³na½ appaµipakkhabh±vato. Yo ya½ vin±seti, so tassa paµipakkho. Yath± ±loko andhak±rassa, vijj± ca avijj±ya, na eva½ nh±na½ p±passa. Tasm± niµµhamettha gantabba½ “na udak±bhisecan± p±pato parimutt²”ti. Ten±ha bhagav±–
“Na udakena suc² hoti, bahvettha nh±yat² jano;
yamhi saccañca dhammo ca, so suc² so ca br±hmaºo”ti. (Ud±. 9; netti. 104).
Id±ni yadi p±pa½ pav±hetuk±mosi, sabbena sabba½ p±pa½ m± karoh²ti dassetu½ “yassa, br±hmaº±”ti g±tham±ha. Tattha tameva brahme m±k±s²ti yato p±pato tva½ bh²to, tameva p±pa½ brahme, br±hmaºa, tva½ m± ak±si. Udakorohana½ pana ²dise s²tak±le kevala½ sar²rameva b±dhati Ten±ha– “m± te s²ta½ chavi½ hane”ti, ²dise s²tak±le udak±bhisecanena j±tas²ta½ tava sar²racchavi½ m± haneyya m± b±dhes²ti attho.
Kummaggapaµipanna½ manti “udak±bhisecanena suddhi hot²”ti ima½ kummagga½ micch±g±ha½ paµipanna½ paggayha µhita½ ma½. Ariyamagga½ sam±nay²ti “sabbap±passa akaraºa½, kusalassa upasampad±”ti (d². ni. 2.90; dha. pa. 183; netti. 30, 116, 124; peµako. 29) ima½ buddh±d²hi ariyehi gatamagga½ sam±nayi, sammadeva upanesi, tasm± bhoti ima½ s±µaka½ tuµµhid±na½ ±cariyabh±ga½ tuyha½ dad±mi, ta½ paµiggaºh±ti attho.
S± ta½ paµikkhipitv± dhamma½ kathetv± saraºesu s²lesu ca patiµµh±petu½ “tuyheva s±µako hotu, n±hamicch±mi s±µakan”ti vatv± “sace bh±yasi dukkhass±”ti-±dim±ha. Tassattho– yadi tuva½ sakal±p±yike sugatiyañca aph±sukat±dobhaggat±dibhed± dukkh± bh±yasi. Yadi te ta½ appiya½ na iµµha½. ¾vi v± paresa½ p±kaµabh±vena appaµicchanna½ katv± k±yena v±c±ya p±º±tip±t±divasena v± yadi v± raho ap±kaµabh±vena paµicchanna½ katv± manodv±reyeva abhijjh±divasena v± aºumattampi p±paka½ l±maka½ kamma½ m±k±si m± kari. Atha pana ta½ p±pakamma½ ±yati½ karissasi, etarahi karosi v±, “niray±d²su cat³su ap±yesu manussesu ca tassa phalabh³ta½ dukkha½ ito etto v± pal±yante mayi n±nubandhissat²”ti adhipp±yena upecca sañcicca pal±yatopi te tato p±pato mutti mokkh± natthi, gatik±l±dipaccayantarasamav±ye sati vipaccate ev±ti attho. “Uppacc±”ti v± p±µho, uppatitv±ti attho. Eva½ p±passa akaraºena dukkh±bh±va½ dassetv± id±ni puññassa karaºenapi ta½ dassetu½ “sace bh±yas²”ti-±di vutta½. Tattha t±dinanti diµµh±d²su t±dibh±vappatta½. Yath± v± purimak± samm±sambuddh± passitabb±, tath± passitabbato t±di, ta½ buddha½ saraºa½ upeh²ti yojan±. Dhammasaªghesupi eseva nayo. T±d²na½ varabuddh±na½ dhamma½, aµµhanna½ ariyapuggal±na½ saªgha½ sam³hanti yojan±. Tanti saraºagamana½ s²l±na½ sam±d±nañca. Hehit²ti bhavissati.
So br±hmaºo saraºesu s²lesu ca patiµµh±ya aparabh±ge satthu santike dhamma½ sutv± paµiladdhasaddho pabbajitv± ghaµento v±yamanto na cirasseva tevijjo hutv± attano paµipatti½ paccavekkhitv± ud±nento “brahmabandh³”ti g±tham±ha.
Tassattho– aha½ pubbe br±hmaºakule uppattimattena brahmabandhu n±m±si½. Tath± irubbed±d²na½ ajjhen±dimattena tevijjo vedasampanno sottiyo nh±tako ca n±m±si½. Id±ni sabbaso b±hitap±pat±ya saccabr±hmaºo paramatthabr±hmaºo, vijjattay±dhigamena tevijjo, maggañ±ºasaªkh±tena vedena samann±gatatt± vedasampanno, nittharasabbap±pat±ya nh±tako ca amh²ti. Ettha ca br±hmaºena vuttag±th±pi attan± vuttag±th±pi pacch± theriy± pacceka½ bh±sit±ti sabb± theriy± g±th± eva j±t±ti.

Puºº±ther²g±th±vaººan± niµµhit±.

So¼asanip±tavaººan± niµµhit±.