3. Khem±ther²g±th±vaººan±

Dahar± tva½ r³pavat²ti-±dik± khem±ya theriy± g±th±. Aya½ kira padumuttarassa bhagavato k±le ha½savat²nagare par±dh²navuttik± paresa½ d±s² ahosi. S± paresa½ veyy±vaccakaraºena j²vika½ kappent² ekadivasa½ padumuttarassa samm±sambuddhassa aggas±vaka½ suj±tatthera½ piº¹±ya caranta½ disv± tayo modake datv± ta½divasameva attano kese vissajjetv± therassa d±na½ datv± “an±gate mah±paññ± buddhassa s±vik± bhaveyyan”ti patthana½ katv± y±vaj²va½ kusalakamme appamatt± hutv± devamanussesu sa½sarant² anukkamena chak±masagge, tesa½ tesa½ devar±j³na½ mahesibh±vena upapann±, manussalokepi anekav±ra½ cakkavatt²na½ maº¹alar±j³nañca mahesibh±va½ upagat± mah±sampattiyo anubhavitv± vipassissa bhagavato k±le manussaloke uppajjitv± viññuta½ patv±, satthu santike dhamma½ sutv± paµiladdhasa½veg± pabbajitv± dasavassasahass±ni brahmacariya½ carant² bahussut± dhammakathik± hutv± bahujanassa dhammakathan±din± paññ±sa½vattaniyakamma½ katv± tato cavitv± sugat²suyeva sa½sarant² imasmi½ kappe bhagavato ca kakusandhassa bhagavato ca koº±gamanassa k±le vibhavasampanne kule nibbattitv± viññuta½ patv± mahanta½ saªgh±r±ma½ k±retv± buddhappamukhassa bhikkhusaªghassa niyy±desi.
Bhagavato pana kassapadasabalassa k±le kikissa k±sirañño sabbajeµµhik± samaº² n±ma dh²t± hutv±, satthu santike dhamma½ sutv± paµiladdhasa½veg± ag±reyeva µhit±, v²sati vassasahass±ni kom±ribrahmacariya½ carant² samaºagutt±d²hi attano bhagin²hi saddhi½ ramaº²ya½ pariveºa½ k±retv± buddhappamukhassa bhikkhusaªghassa niyy±desi. Evameva tattha tattha bhave ±yatanagata½ u¼±ra½ puññakamma½ katv± sugat²suyeva sa½saritv± imasmi½ buddhupp±de maddaraµµhe s±kalanagare r±jakule nibbatti. Khem±tiss± n±ma½ ahosi, suvaººavaºº± kañcanasannibhattac±. S± vayappatt± bimbis±rarañño geha½ gat±. Satthari ve¼uvane viharante r³pamatt± hutv± “r³pe dosa½ dasset²”ti satthu dassan±ya na gacchati.
R±j± manussehi ve¼uvanassa vaººe pak±s±petv± deviy± vih±radassan±ya citta½ upp±desi. Atha dev² “vih±ra½ passiss±m²”ti r±j±na½ paµipucchi. R±j± “vih±ra½ gantv± satth±ra½ adisv± ±gantu½ na labhissas²”ti vatv± puris±na½ sañña½ ad±si– “balakk±renapi devi½ dasabala½ dasseth±”ti. Dev² vih±ra½ gantv± divasabh±ga½ khepetv± nivattent² satth±ra½ adisv±va gantu½ ±raddh±. Atha na½ r±japuris± anicchantimpi satthu santika½ nayi½su. Satth± ta½ ±gacchanti½ disv± iddhiy± devacchar±sadisa½ itthi½ nimminitv± t±lapaººa½ gahetv± b²jayam±na½ ak±si. Khem± dev² ta½ disv± cintesi– “evar³p± n±ma devaccharapaµibh±g± itthiyo bhagavato avid³re tiµµhanti, aha½ et±sa½ paric±rikat±yapi nappahomi, manampi nikk±raº± p±pacittassa vasena naµµh±”ti nimitta½ gahetv± tameva itthi½ olokayam±n± aµµh±si. Athass± passantiy±va satthu adhiµµh±nabalena s± itth² paµhamavaya½ atikkamma majjhimavayampi atikkamma pacchimavaya½ patv± khaº¹adant± palitakes± valittac± hutv± saddhi½ t±lapaººena parivattitv± pati Tato khem± kat±dhik±ratt± eva½ cintesi– “eva½vidhampi sar²ra½ ²disa½ vipatti½ p±puºi, mayhampi sar²ra½ eva½gatikameva bhavissat²”ti. Athass± citt±c±ra½ ñatv± satth±–
“Ye r±garatt±nupatanti sota½, saya½ kata½ makkaµakova j±la½;
etampi chetv±na paribbajanti, anapekkhino k±masukha½ pah±y±”ti.–

G±tham±ha S± g±th±pariyos±ne saha paµisambhid±hi arahatta½ p±puº²ti aµµhakath±su ±gata½. Apad±ne pana “ima½ g±tha½ sutv± sot±pattiphale patiµµhit± r±j±na½ anuj±n±petv± pabbajitv± arahatta½ p±puº²”ti ±gata½. Tatth±ya½ apad±nap±¼i (apa. ther² 2.2.289-383)–

“Padumuttaro n±ma jino, sabbadhammesu cakkhum±;
ito satasahassamhi, kappe uppajji n±yako.
“Tad±ha½ ha½savatiya½, j±t± seµµhikule ahu½;
n±n±ratanapajjote, mah±sukhasamappit±.
“Upetv± ta½ mah±v²ra½, assosi½ dhammadesana½;
tato j±tappas±d±ha½, upemi saraºa½ jina½.
“M±tara½ pitara½ c±ha½, ±y±citv± vin±yaka½;
nimantayitv± satt±ha½, bhojayi½ sahas±vaka½.
“Atikkante ca satt±he, mah±paññ±namuttama½;
bhikkhuni½ etadaggamhi, µhapesi naras±rathi.
“Ta½ sutv± mudit± hutv±, puno tassa mahesino;
k±ra½ katv±na ta½ µh±na½, paºipacca paº²dahi½.
“Tato mama jino ±ha, sijjhata½ paºidh² tava;
sasaªghe me kata½ k±ra½, appameyyaphala½ tay±.
“Satasahassito kappe, okk±kakulasambhavo;
gotamo n±ma gottena, satth± loke bhavissati.
“Tassa dhammesu d±y±d±, oras± dhammanimmit±;
etadaggamanuppatt±, khem± n±ma bhavissati.
“Tena kammena sukatena, cetan±paºidh²hi ca;
jahitv± m±nusa½ deha½, t±vati½s³pag± aha½.
“Tato cut± y±mamaga½, tatoha½ tusita½ gat±;
tato ca nimm±narati½, vasavattipura½ tato.
“Yattha yatth³papajj±mi, tassa kammassa v±has±;
tattha tattheva r±j³na½, mahesittamak±rayi½.
“Tato cut± manussatte, r±j³na½ cakkavattina½;
maº¹al²nañca r±j³na½, mahesittamak±rayi½.
“Sampatti½ anubhotv±na, devesu manujesu ca;
sabbattha sukhit± hutv±, nekakappesu sa½sari½.
“Ekanavutito kappe, vipass² lokan±yako;
uppajji c±rudassano, sabbadhammavipassako.
“Tamaha½ lokan±yaka½, upetv± naras±rathi½;
dhamma½ bhaºita½ sutv±na, pabbaji½ anag±riya½.
“Dasavassasahass±ni, tassa v²rassa s±sane;
brahmacariya½ caritv±na, yuttayog± bahussut±.
“Paccay±k±rakusal±, catusaccavis±rad±;
nipuº± cittakathik±, satthus±sanak±rik±.
“Tato cut±ha½ tusita½, upapann± yasassin²;
abhibhomi tahi½ aññe, brahmac±r²phalenaha½.
“Yattha yatth³papann±ha½, mah±bhog± mahaddhan±;
medh±vin² s²lavat², vin²taparis±pi ca.
“Bhav±mi tena kammena, yogena jinas±sane;
sabb± sampattiyo mayha½, sulabh± manaso piy±.
“Yopi me bhavate bhatt±, yattha yattha gat±yapi;
vim±neti na ma½ koci, paµipattibalena me.
“Imamhi bhaddake kappe, brahmabandhu mah±yaso;
n±mena koº±gamano, uppajji vadata½ varo.
“Tad± hi b±r±ºasiya½, susamiddhakulappaj±;
dhanañj±n² sumedh± ca, ahampi ca tayo jan±.
“Saªgh±r±mamad±simha, d±nasah±yik± pure;
saªghassa ca vih±rampi, uddissa k±rik± maya½.
“Tato cut± maya½ sabb±, t±vati½s³pag± ahu½;
yasas± aggata½ patt±, manussesu tatheva ca.
“Imasmi½yeva kappamhi, brahmabandhu mah±yaso;
kassapo n±ma gottena, uppajji vadata½ varo.
“Upaµµh±ko mahesissa, tad± ±si narissaro;
k±sir±j± kik² n±ma, b±r±ºasipuruttame.
“Tass±si½ jeµµhik± dh²t±, samaº² iti vissut±;
dhamma½ sutv± jinaggassa, pabbajja½ samarocayi½.
“Anuj±ni na no t±to, ag±reva tad± maya½;
v²savassasahass±ni, vicarimha atandit±.
“Kom±ribrahmacariya½, r±jakaññ± sukhedhit±;
buddhopaµµh±nanirat±, mudit± satta dh²taro.
“Samaº² samaºagutt± ca, bhikkhun² bhikkhud±yik±;
dhamm± ceva sudhamm± ca, sattam² saªghad±yik±.
“Aha½ uppalavaºº± ca, paµ±c±r± ca kuº¹al±;
kis±gotam² dhammadinn±, vis±kh± hoti sattam².
“Kad±ci so nar±dicco, dhamma½ desesi abbhuta½;
mah±nid±nasuttanta½, sutv± ta½ pariy±puºi½.
“Tehi kammehi sukatehi, cetan±paºidh²hi ca;
jahitv± m±nusa½ deha½, t±vati½samagacchaha½.
“Pacchime ca bhave d±ni, s±kal±ya puruttame;
rañño maddassa dh²t±mhi, man±p± dayit± piy±.
“Saha me j±tamattamhi, khema½ tamhi pure ahu;
tato khem±ti n±ma½ me, guºato upapajjatha.
“Yad±ha½ yobbana½ patt±, r³pal±vaññabh³sit±;
tad± ad±si ma½ t±to, bimbis±rassa r±jino.
“Tass±ha½ suppiy± ±si½, r³pakel±yane rat±;
r³p±na½ dosav±d²ti, na upesi½ mah±daya½.
“Bimbis±ro tad± r±j±, mam±nuggahabuddhiy±;
vaººayitv± ve¼uvana½, g±yake g±pay² mama½.
“Ramma½ ve¼uvana½ yena, na diµµha½ sugat±laya½;
na tena nandana½ diµµha½, iti maññ±mase maya½.
“Yena ve¼uvana½ diµµha½, naranandananandana½;
sudiµµha½ nandana½ tena, amarindasunandana½.
“Vih±ya nandana½ dev±, otaritv± mah²tala½;
ramma½ ve¼uvana½ disv±, na tappanti suvimhit±.
“R±japuññena nibbatta½, buddhapuññena bh³sita½;
ko vatt± tassa nissesa½, vanassa guºasañcaya½.
“Ta½ sutv± vanasamiddha½, mama sotamanohara½;
daµµhuk±m± tamuyy±na½, rañño ±rocayi½ tad±.
“Mahat± pariv±rena, tad± ca so mah²pati;
ma½ pesesi tamuyy±na½, dassan±ya samussuka½.
“Gaccha passa mah±bhoge, vana½ nettaras±yana½;
ya½ sad± bh±ti siriy±, sugat±bh±nurañjita½.
“Yad± ca piº¹±ya muni, giribbajapuruttama½;
paviµµhoha½ tad±yeva, vana½ daµµhumup±gami½.
“Tad± ta½ phullavipina½, n±n±bhamarak³jita½;
kokil±g²tasahita½, may³ragaºanaccita½.
“Appasaddaman±kiººa½, n±n±caªkamabh³sita½;
kuµimaº¹apasa½kiººa½, yog²varavir±jita½.
“Vicarant² amaññissa½, saphala½ nayana½ mama;
tatth±pi taruºa½ bhikkhu½, yutta½ disv± vicintayi½.
“¿dise vipine ramme, µhitoya½ navayobbane;
vasantamiva kantena, r³pena ca samanvito.
“Nisinno rukkham³lamhi, muº¹o saªgh±µip±ruto;
jh±yate vataya½ bhikkhu, hitv± visayaja½ rati½.
“Nanu n±ma gahaµµhena, k±ma½ bhutv± yath±sukha½;
pacch± jiººena dhammoya½, caritabbo subhaddako.
“Suññakanti viditv±na, gandhageha½ jin±laya½;
upetv± jinamaddakkha½, udayanta½ va bh±kara½.
“Ekaka½ sukham±s²na½, b²jam±na½ varitthiy±;
disv±neva½ vicintesi½, n±ya½ l³kho nar±sabho.
“S± kaññ± kanak±bh±s±, padum±nanalocan±;
bimboµµh² kundadasan±, manonettaras±yan±.
“Hemadol±bhasavan±, kalik±k±rasutthan²;
vedimajjh±va sussoº², rambhoru c±rubh³san±.
“Ratta½sakupasa½by±n± n²lamaµµhaniv±san±;
atappaneyyar³pena, h±sabh±vasamanvit±.
“Disv± tameva½ cintesi½, ahoyamabhir³pin²;
na may±nena nettena, diµµhapubb± kud±cana½.
“Tato jar±bhibh³t± s±, vivaºº± vikat±nan±;
bhinnadant± setasir±, sal±l± vadan±suci.
“Sa½khittakaºº± setakkh², lamb±subhapayodhar±;
valivitatasabbaªg², sir±vitatadehin².
“Nataªg± daº¹adutiy±, upph±sulikat± kis±;
pavedham±n± patit±, nissasant² muhu½ muhu½.
“Tato me ±si sa½vego, abbhuto lomaha½sano;
dhiratthu r³pa½ asuci½, ramante yattha b±lis±.
“Tad± mah±k±ruºiko, disv± sa½viggam±nasa½;
udaggacitto sugato, im± g±th± abh±satha.
“¾tura½ asuci½ p³ti½, passa kheme samussaya½;
uggharanta½ paggharanta½, b±l±na½ abhinandita½.
“Asubh±ya citta½ bh±vehi, ekagga½ susam±hita½;
sati k±yagat± tyatthu, nibbid± bahul± bhava.
“Yath± ida½ tath± eta½, yath± eta½ tath± ida½;
ajjhattañca bahiddh± ca, k±ye chanda½ vir±jaya.
“Animittañca bh±vehi, m±n±nusayamujjaha;
tato m±n±bhisamay±, upasant± carissasi.
“Ye r±garatt±nupatanti sota½, saya½ kata½ makkaµakova j±la½;
etampi chetv±na paribbajanti, anapekkhino k±masukha½ pah±ya.
“Tato kallitacitta½ ma½, ñatv±na naras±rathi;
mah±nid±na½ desesi, suttanta½ vinay±ya me.
“Sutv± suttantaseµµha½ ta½, pubbasaññamanussari½;
tattha µhit±vaha½ sant², dhammacakkhu½ visodhayi½.
“Nipatitv± mahesissa, p±dam³lamhi t±vade;
accaya½ desanatth±ya, ida½ vacanamabravi½.
“Namo te sabbadass±vi, namo te karuº±kara;
namo te tiººasa½s±ra, namo te amata½ dada.
“Diµµhigahanapakkhand±, k±mar±gavimohit±;
tay± samm± up±yena, vin²t± vinaye rat±.
“Adassanena vibhog±, t±dis±na½ mahesina½;
anubhonti mah±dukkha½, satt± sa½s±ras±gare.
“Yad±ha½ lokasaraºa½, araºa½ araºantagu½;
n±ddas±mi ad³raµµha½, desay±mi tamaccaya½.
“Mah±hita½ varadada½, ahitoti visaªkit±;
nopesi½ r³panirat±, desay±mi tamaccaya½.
“Tad± madhuranigghoso, mah±k±ruºiko jino;
avoca tiµµha khemeti, siñcanto amatena ma½.
“Tad± pakamya siras±, katv± ca na½ padakkhiºa½;
gantv± disv± narapati½, ida½ vacanamabravi½.
“Aho samm± up±yo te, cintitoyamarindama;
vanadassanak±m±ya, diµµho nibb±nato muni.
“Yadi te ruccate r±ja, s±sane tassa t±dino;
pabbajiss±mi r³peha½, nibbinn± muniv±ºin±.
“Añjali½ paggahetv±na, tad±ha sa mah²pati;
anuj±n±mi te bhadde, pabbajj± tava sijjhatu.
“Pabbajitv± tad± c±ha½, addham±se upaµµhite;
d²podayañca bhedañca, disv± sa½viggam±nas±.
“Nibbinn± sabbasaªkh±re, paccay±k±rakovid±;
caturoghe atikkamma, arahattamap±puºi½.
“Iddh²su ca vas² ±si½, dibb±ya sotadh±tuy±;
cetopariyañ±ºassa, vas² c±pi bhav±maha½.
“Pubbeniv±sa½ j±n±mi, dibbacakkhu visodhita½;
sabb±savaparikkh²º±, natthi d±ni punabbhavo.
“Atthadhammanirutt²sa, paµibh±ne tatheva ca;
parisuddha½ mama ñ±ºa½, uppanna½ buddhas±sane.
“Kusal±ha½ visuddh²su, kath±vatthuvis±rad±;
abhidhammanayaññ³ ca, vasippatt±mhi s±sane.
“Tato toraºavatthusmi½, raññ± kosalas±min±;
pucchit± nipuºe pañhe, by±karont² yath±tatha½.
“Tad± sa r±j± sugata½, upasaªkamma pucchatha;
tatheva buddho by±k±si, yath± te by±kat± may±.
“Jino tasmi½ guºe tuµµho, etadagge µhapesi ma½;
mah±paññ±namagg±ti, bhikkhun²na½ naruttamo.
“Kiles± jh±pit± mayha½…pe… kata½ buddhassa s±sanan”ti; (apa. ther² 2.2.289-383);
arahatta½ pana patv± phalasukhena nibb±nasukhena ca viharantiy± imiss± theriy± satipi aññ±sa½ kh²º±savatther²na½ paññ±vepullappattiya½ tattha pana kat±dhik±rat±ya mah±paññ±bh±vo p±kaµo ahosi; tath± hi na½ bhagav± jetavanamah±vih±re ariyagaºamajjhe nisinno paµip±µiy± bhikkhuniyo µh±nantare µhapento “etadagga½, bhikkhave, mama s±vik±na½ bhikkhun²na½ mah±paññ±na½ yadida½ khem±”ti (a. ni. 1.235-236) mah±paññat±ya aggaµµh±ne µhapesi; ta½ ekadivasa½ aññatarasmi½ rukkham³le div±vih±ra½ nisinna½ m±ro p±pim± taruºar³pena upasaªkamitv± k±mehi palobhento–
139. “dahar± tva½ r³pavat², ahampi daharo yuv±;
pañcaªgikena turiyena, ehi kheme ram±mase”ti.– G±tham±ha
Tassattho– kheme, tva½ taruºappatt±, yobbane µhit± r³pasampann±, ahampi taruºo yuv±, tasm± maya½ yobbañña½ akhepetv± pañcaªgikena turiyena vajjam±nena ehi k±makhi¹¹±ratiy± ram±ma k²¼±m±ti.
Ta½ sutv± s± k±mesu sabbadhammesu ca attano virattabh±va½ tassa ca m±rabh±va½ att±bhinivesesu sattesu attano th±magata½ appas±da½ katakiccatañca pak±sent²–
140. “Imin± p³tik±yena, ±turena pabhaªgun±;
aµµiy±mi har±y±mi, k±mataºh± sam³hat±.
141. “Sattis³l³pam± k±m±, khandh±sa½ adhikuµµan±;
ya½ tva½ k±marati½ br³si, arat² d±ni s± mama.
142. “Sabbattha vihat± nand², tamokhandho pad±lito;
eva½ j±n±hi p±pima, nihato tvamasi antaka.
143. “Nakkhatt±ni namassant±, aggi½ paricara½ vane;
yath±bhuccamaj±nant±, b±l± suddhimamaññatha.
144. “Ahañca kho namassant², sambuddha½ purisuttama½;
pamutt± sabbadukkhehi, satthus±sanak±rik±”ti.– Im± g±th± abh±si.
Tattha aggi½ paricara½ vaneti tapovane aggihutta½ paricaranto. Yath±bhuccamaj±nant±ti pavattiyo yath±bh³ta½ aparij±nant±. Sesamettha heµµh± vuttanayatt± utt±nameva.

Khem±ther²g±th±vaººan± niµµhit±.