10. Paµ±c±r±ther²g±th±vaººan±

Naªgalehi kasa½ khettanti-±dik± paµ±c±r±ya theriy± g±th±. Ayampi padumuttarassa bhagavato k±le ha½savat²nagare kulagehe nibbattitv± viññuta½ patv±, ekadivasa½ satthu santike dhamma½ suºant² satth±ra½ eka½ bhikkhuni½ vinayadhar±na½ aggaµµh±ne µhapenta½ disv±, adhik±rakamma½ katv± ta½ µh±nantara½ patthesi. S± y±vaj²va½ kusala½ katv± devamanussesu sa½sarant² kassapabuddhak±le kikissa k±sirañño gehe paµisandhi½ gahetv± sattanna½ bhagin²na½ abbhantar± hutv± v²sati vassasahass±ni brahmacariya½ caritv± bhikkhusaªghassa pariveºa½ ak±si. S± tato cut± devaloke nibbatt±, eka½ buddhantara½ dibbasampatti½ anubhavitv± imasmi½ buddhupp±de s±vatthiya½ seµµhigehe nibbattitv± vayappatt± attano gehe ekena kammak±rena saddhi½ kilesasanthava½ ak±si. Ta½ m±t±pitaro samaj±tikassa kum±rassa d±tu½ divasa½ saºµhapesu½. Ta½ ñatv± s± hatthas±ra½ gahetv± tena katasanthavena purisena saddhi½ aggadv±rena nikkhamitv± ekasmi½ g±make vasant² gabbhin² ahosi. S± paripakke gabbhe “ki½ idha an±thav±sena, kulageha½ gacch±ma, s±m²”ti vatv± tasmi½ “ajja gacch±ma, sve gacch±m±”ti k±lakkhepa½ karonte “n±ya½ b±lo ma½ nessat²”ti tasmi½ bahi gate gehe paµis±metabba½ paµis±metv± “kulaghara½ gat±ti mayha½ s±mikassa katheth±”ti paµivissakagharav±s²na½ ±cikkhitv± “ekik±va kulaghara½ gamiss±m²”ti magga½ paµipajji So ±gantv± gehe ta½ apassanto paµivissake pucchitv± “kulaghara½ gat±”ti sutv± “ma½ niss±ya kuladh²t± an±th± j±t±”ti pad±nupada½ gantv± samp±puºi. Tass± antar±magge eva gabbhavuµµh±na½ ahosi. S± pasutak±lato paµµh±ya paµippassaddhagamanussukk± s±mika½ gahetv± nivatti. Dutiyav±rampi gabbhin² ahos²ti-±di sabba½ purimanayeneva vitth±retabba½.
Aya½ pana viseso– yad± tass± antar±magge kammajav±t± cali½su, tad± mah±-ak±lamegho udap±di. Samantato vijjulat±hi ±ditta½ viya meghathanitehi bhijjam±na½ viya ca udakadh±r±nip±tanirantara½ nabha½ ahosi. S± ta½ disv±, “s±mi, me anovassaka½ µh±na½ j±n±h²”ti ±ha. So ito cito ca olokento eka½ tiºasañchanna½ gumba½ disv± tattha gantv± hatthagat±ya v±siy± tasmi½ gumbe daº¹ake chindituk±mo tiºehi sañch±ditavammikas²sante uµµhitarukkhadaº¹aka½ chindi. T±vadeva ca na½ tato vammikato nikkhamitv± ghoraviso ±s²viso ¹a½si. So tattheva patitv± k±lamak±si. S± mah±dukkha½ anubhavant² tassa ±gamana½ olokent² dvepi d±rake v±tavuµµhi½ asaham±ne viravante urantare katv±, dv²hi j±ºukehi dv²hi hatthehi ca bh³mi½ upp²¼etv± yath±µhit±va ratti½ v²tin±metv± vibh±t±ya rattiy± ma½sapesivaººa½ eka½ putta½ pilotikacumbaµake nipajj±petv± hatthehi urehi ca pariggahetv±, itara½ “ehi, t±ta, pit± te ito gato”ti vatv± s±mikena gatamaggena gacchant² ta½ vammikasam²pe k±laªkata½ nisinna½ disv± “ma½ niss±ya mama s±miko mato”ti rodant² paridevant² sakalaratti½ devena vuµµhatt± jaººukappam±ºa½ thanappam±ºa½ udaka½ savanti½ antar±magge nadi½ patv±, attano mandabuddhit±ya dubbalat±ya ca dv²hi d±rakehi saddhi½ udaka½ otaritu½ avisahant² jeµµhaputta½ orimat²re µhapetv± itara½ ±d±ya parat²ra½ gantv± s±kh±bhaªga½ attharitv± tattha pilotikacumbaµake nipajj±petv± “itarassa santika½ gamiss±m²”ti b±laputtaka½ pah±tu½ asakkont² punappuna½ nivattitv± olokayam±n± nadi½ otarati.
Athass± nad²majjha½ gatak±le eko seno ta½ d±raka½ disv± “ma½sapes²”ti saññ±ya ±k±sato bhassi. S± ta½ disv± ubho hatthe ukkhipitv± “s³s³”ti tikkhattu½ mah±sadda½ nicch±resi. Seno d³rabh±vena ta½ an±diyanto kum±ra½ gahetv± veh±sa½ uppati. Orimat²re µhito putto ubho hatthe ukkhipitv± mah±sadda½ nicch±rayam±na½ disv± “ma½ sandh±ya vadat²”ti saññ±ya vegena udake pati. Iti b±laputtako senena, jeµµhaputtako udakena hato. S± “eko me putto senena gahito, eko udakena v³¼ho, panthe me pati mato”ti rodant² paridevant² gacchant² s±vatthito ±gacchanta½ eka½ purisa½ disv± pucchi– “kattha v±sikosi, t±t±”ti? “S±vatthiv±sikomhi, amm±”ti. “S±vatthiya½ asukav²thiya½ asukakula½ n±ma atthi, ta½ j±n±si, t±t±”ti? “J±n±mi, amma, ta½ pana m± pucchi, añña½ pucch±”ti. “Aññena me payojana½ natthi, tadeva pucch±mi, t±t±”ti. “Amma, tva½ attano an±cikkhitu½ na desi, ajja te sabbaratti½ devo vassanto diµµho”ti? “Diµµho me, t±ta, mayhameva so sabbaratti½ vuµµho, ta½ k±raºa½ pacch± kathess±mi, etasmi½ t±va me seµµhigehe pavatti½ katheh²”ti. “Amma, ajja rattiya½ seµµhi ca bhariy± ca seµµhiputto c±ti tayopi jane avattharam±na½ geha½ pati, te ekacitak±ya½ jh±yanti, sv±ya½ dh³mo paññ±yati, amm±”ti. S± tasmi½ khaºe nivatthavatthampi patam±na½ na sañj±ni. Sokummattatta½ patv± j±tar³peneva–
“Ubho putt± k±laªkat±, panthe mayha½ pat² mato;
m±t± pit± ca bh±t± ca, ekacitamhi ¹ayhare”ti. (Apa. ther² 2.2.498)–

Vilapant² paribbhamati.

Tato paµµh±ya tass± niv±sanamattenapi paµena acaraºato patit±c±ratt± paµ±c±r±tveva samaññ± ahosi. Ta½ disv± manuss± “gaccha, ummattike”ti keci kacavara½ matthake khipanti, aññe pa½su½ okiranti, apare le¹¹u½ khipanti. Satth± jetavane mah±paris±majjhe nis²ditv± dhamma½ desento ta½ tath± paribbhamanti½ disv± ñ±ºaparip±kañca oloketv± yath± vih±r±bhimukh² ±gacchati, tath± ak±si. Paris± ta½ disv± “imiss± ummattik±ya ito ±gantu½ m±datth±”ti ±ha. “Bhagav± m± na½ v±rayitth±”ti vatv± avid³raµµh±na½ ±gatak±le “sati½ paµilabha bhagin²”ti ±ha. S± t±vadeva buddh±nubh±vena sati½ paµilabhitv± nivatthavatthassa patitabh±va½ sallakkhetv± hirottappa½ paccupaµµhapetv± ukkuµika½ upanisajj±ya nis²di. Eko puriso uttaras±µaka½ khipi. S± ta½ niv±setv± satth±ra½ upasaªkamitv± pañcapatiµµhitena vanditv±, “bhante, avassayo me hotha, eka½ me putta½ seno gaºhi, eko udakena v³¼ho, panthe pati mato, m±t±pitaro bh±t± ca gehena avatthaµ± mat± ekacitakasmi½ jh±yant²”ti s± sokak±raºa½ ±cikkhi. Satth± “paµ±c±re, m± cintayi, tava avassayo bhavitu½ samatthasseva santika½ ±gat±si. Yath± hi tva½ id±ni putt±d²na½ maraºanimitta½ ass³ni pavattesi, eva½ anamatagge sa½s±re putt±d²na½ maraºahetu pavattita½ assu catunna½ mah±samudd±na½ udakato bahutaran”ti dassento–
“Cat³su samuddesu jala½ parittaka½, tato bahu½ assujala½ anappaka½;
dukkhena phuµµhassa narassa socan±, ki½ k±raº± amma tuva½ pamajjas²”ti. (Dha. pa. aµµha. 1.112 paµ±c±r±ther²vatthu)–

G±tha½ abh±si.

Eva½ satthari anamataggapariy±yakatha½ (sa½. ni. 2.125-126) kathente tass± soko tanutarabh±va½ agam±si. Atha na½ tanubh³tasoka½ ñatv± “paµ±c±re, putt±dayo n±ma paraloka½ gacchantassa t±ºa½ v± leºa½ v± saraºa½ v± bhavitu½ na sakkont²”ti vijjam±n±pi te na santi eva, tasm± paº¹itena attano s²la½ visodhetv± nibb±nag±mimaggoyeva s±dhetabboti dassento–
“Na santi putt± t±º±ya, na pit± n±pi bandhav±;
antaken±dhipannassa, natthi ñ±t²su t±ºat±.
“Etamatthavasa½ ñatv±, paº¹ito s²lasa½vuto;
nibb±nagamana½ magga½, khippameva visodhaye”ti. (Dha. pa. 288-289)–

Im±hi g±th±hi dhamma½ desesi. Desan±vas±ne paµ±c±r± sot±pattiphale patiµµhahitv± satth±ra½ pabbajja½ y±ci. Satth± ta½ bhikkhun²na½ santika½ netv± pabb±jesi. S± laddh³pasampad± uparimaggatth±ya vipassan±ya kamma½ karont² ekadivasa½ ghaµena udaka½ ±d±ya p±de dhovant² udaka½ ±siñci. Ta½ thoka½ µh±na½ gantv± pacchijji, dutiyav±ra½ ±sitta½ tato d³ra½ agam±si, tatiyav±ra½ ±sitta½ tatopi d³ratara½ agam±si. S± tadeva ±rammaºa½ gahetv± tayo vaye paricchinditv± “may± paµhama½ ±sitta-udaka½ viya ime satt± paµhamavayepi maranti, tato d³ra½ gata½ dutiyav±ra½ ±sitta½ udaka½ viya majjhimavayepi, tato d³ratara½ gata½ tatiyav±ra½ ±sitta½ udaka½ viya pacchimavayepi marantiyev±”ti cintesi. Satth± gandhakuµiya½ nisinnova obh±sa½ pharitv± tass± sammukhe µhatv± kathento viya “evameta½, paµ±c±re, sabbepime satt± maraºadhamm±, tasm± pañcanna½ khandh±na½ udayabbaya½ apassantassa vassasata½ j²vato ta½ passantassa ek±hampi ekakkhaºampi j²vita½ seyyo”ti imamattha½ dassento–

“Yo ca vassasata½ j²ve, apassa½ udayabbaya½;
ek±ha½ j²vita½ seyyo, passato udayabbayan”ti. (Dha. pa. 113)–

G±tham±ha. G±th±pariyos±ne paµ±c±r± saha paµisambhid±hi arahatta½ p±puºi. Tena vutta½ apad±ne (apa. ther² 2.2.468-511)–

“Padumuttaro n±ma jino, sabbadhamm±na p±rag³;
ito satasahassamhi, kappe uppajji n±yako.
“Tad±ha½ ha½savatiya½, j±t± seµµhikule ahu½;
n±n±ratanapajjote, mah±sukhasamappit±.
“Upetv± ta½ mah±v²ra½, assosi½ dhammadesana½;
tato j±tapas±d±ha½, upesi½ saraºa½ jina½.
“Tato vinayadh±r²na½, agga½ vaººesi n±yako;
bhikkhuni½ lajjini½ t±di½, kapp±kappavis±rada½.
“Tad± muditacitt±ha½, ta½ µh±namabhikaªkhin²;
nimantetv± dasabala½, sasaªgha½ lokan±yaka½.
“Bhojayitv±na satt±ha½, daditv±va tic²vara½;
nipacca siras± p±de, ida½ vacanamabravi½.
“Y± tay± vaººit± v²ra, ito aµµhamake muni;
t±dis±ha½ bhaviss±mi, yadi sijjhati n±yaka.
“Tad± avoca ma½ satth±, bhadde m± bh±yi assasa;
an±gatamhi addh±ne, lacchase ta½ manoratha½.
“Satasahassito kappe, okk±kakulasambhavo;
gotamo n±ma gottena, satth± loke bhavissati.
“Tassa dhammesu d±y±d±, oras± dhammanimmit±;
paµ±c±r±ti n±mena, hessati satthu s±vik±.
“Tad±ha½ mudit± hutv±, y±vaj²va½ tad± jina½;
mettacitt± paricari½, sasaªgha½ lokan±yaka½.
“Tena kammena sukatena, cetan±paºidh²hi ca;
jahitv± m±nusa½ deha½, t±vati½samagacchaha½.
“Imamhi bhaddake kappe, brahmabandhu mah±yaso;
kassapo n±ma gottena, uppajji vadata½ varo.
“Upaµµh±ko mahesissa, tad± ±si narissaro;
k±sir±j± kik² n±ma, b±r±ºasipuruttame.
“Tass±si½ tatiy± dh²t±, bhikkhun² iti vissut±;
dhamma½ sutv± jinaggassa, pabbajja½ samarocayi½.
“Anuj±ni na no t±to, ag±reva tad± maya½;
v²savassasahass±ni, vicarimha atandit±.
“Kom±ribrahmacariya½, r±jakaññ± sukhedhit±;
buddhopaµµh±nanirat±, mudit± sattadh²taro.
“Samaº² samaºagutt± ca, bhikkhun² bhikkhud±yik±;
dhamm± ceva sudhamm± ca, sattam² saªghad±yik±.
“Aha½ uppalavaºº± ca, khem± bhadd± ca bhikkhun²;
kis±gotam² dhammadinn±, vis±kh± hoti sattam².
“Tehi kammehi sukatehi, cetan±paºidh²hi ca;
jahitv± m±nusa½ deha½, t±vati½samagacchaha½.
“Pacchime ca bhave d±ni, j±t± seµµhikule aha½;
s±vatthiya½ puravare, iddhe ph²te mahaddhane.
“Yad± ca yobban³pet±, vitakkavasag± aha½;
nara½ j±rapati½ disv±, tena saddhi½ agacchaha½.
“Ekaputtapas³t±ha½, dutiyo kucchiy± mama;
tad±ha½ m±t±pitaro, okkh±m²ti sunicchit±.
“N±rocesi½ pati½ mayha½, tad± tamhi pav±site;
ekik± niggat± geh±, gantu½ s±vatthimuttama½.
“Tato me s±mi ±gantv±, sambh±vesi pathe mama½;
tad± me kammaj± v±t±, uppann± atid±ruº±.
“Uµµhito ca mah±megho, pas³tisamaye mama;
dabbatth±ya tad± gantv±, s±mi sappena m±rito.
“Tad± vij±tadukkhena, an±th± kapaº± aha½;
kunnadi½ p³rita½ disv±, gacchant² sakul±laya½.
“B±la½ ±d±ya atari½, p±rak³le ca ekaka½;
s±yetv± b±laka½ putta½, itara½ taraº±yaha½.
“Nivatt± ukkuso h±si, taruºa½ vilapantaka½;
itarañca vah² soto, s±ha½ sokasamappit±.
“S±vatthinagara½ gantv±, assosi½ sajane mate;
tad± avoca½ sokaµµ±, mah±sokasamappit±.
“Ubho putt± k±laªkat±, panthe mayha½ pat² mato;
m±t± pit± ca bh±t± ca, ekacitamhi ¹ayhare.
“Tad± kis± ca paº¹u ca, an±th± d²nam±nas±;
ito tato bhamant²ha½, addasa½ naras±rathi½.
“Tato avoca ma½ satth±, putte m± soci assasa;
att±na½ te gavesassu, ki½ nirattha½ vihaññasi.
“Na santi putt± t±º±ya, na ñ±t² n±pi bandhav±;
antaken±dhipannassa, natthi ñ±t²su t±ºat±.
“Ta½ sutv± munino v±kya½, paµhama½ phalamajjhaga½;
pabbajitv±na nacira½, arahattamap±puºi½.
“Iddh²su ca vas² homi, dibb±ya sotadh±tuy±;
paracitt±ni j±n±mi, satthus±sanak±rik±.
“Pubbeniv±sa½ j±n±mi, dibbacakkhu visodhita½;
khepetv± ±save sabbe, visuddh±si½ sunimmal±.
“Tatoha½ vinaya½ sabba½, santike sabbadassino;
uggahi½ sabbavitth±ra½, by±hariñca yath±tatha½.
“Jino tasmi½ guºe tuµµho, etadagge µhapesi ma½;
agg± vinayadh±r²na½, paµ±c±r±va ekik±.
“Pariciººo may± satth±, kata½ buddhassa s±sana½;
ohito garuko bh±ro, bhavanetti sam³hat±.
“Yassatth±ya pabbajit±, ag±rasm±nag±riya½;
so me attho anuppatto, sabbasa½yojanakkhayo.
“Kiles± jh±pit± mayha½…pe… kata½ buddhassa s±sanan”ti;
arahatta½ pana patv± sekkhak±le attano paµipatti½ paccavekkhitv± uparivisesassa nibbattit±k±ra½ vibh±vent² ud±navasena–
112. “naªgalehi kasa½ khetta½, b²j±ni pavapa½ cham±;
puttad±r±ni posent±, dhana½ vindanti m±ºav±.
113. “Kimaha½ s²lasampann±, satthus±sanak±rik±;
nibb±na½ n±dhigacch±mi, akus²t± anuddhat±.
114. “P±de pakkh±layitv±na, udakesu karomaha½;
p±dodakañca disv±na, thalato ninnam±gata½.
115. “Tato citta½ sam±dhesi½, assa½ bhadra½vaj±niya½;
tato d²pa½ gahetv±na, vih±ra½ p±visi½ aha½;
seyya½ olokayitv±na, mañcakamhi up±visi½.
116. “Tato s³ci½ gahetv±na, vaµµi½ okassay±maha½;
pad²passeva nibb±na½, vimokkho ahu cetaso”ti.– Im± g±th± abh±si.
Tattha kasanti kasant± kasikamma½ karont±. Bahutthe hi ida½ ekavacana½. Pavapanti b²j±ni vapant±. Cham±ti cham±ya½. Bhummatthe hi ida½ paccattavacana½. Ayañhettha saªkhepattho– ime m±ºav± satt± naªgalehi ph±lehi khetta½ kasant± yath±dhipp±ya½ khettabh³miya½ pubbaºº±paraººabhed±ni b²j±ni vapant± ta½hetu ta½nimitta½ att±na½ puttad±r±d²ni posent± hutv± dhana½ paµilabhanti. Eva½ imasmi½ loke yoniso payutto paccattapurisak±ro n±ma saphalo sa-udayo.
Tattha kimaha½ s²lasampann±, satthus±sanak±rik±. Nibb±na½ n±dhigacch±mi, akus²t± anuddhat±ti aha½ suvisuddhas²l± ±raddhav²riyat±ya akus²t± ajjhatta½ susam±hitacittat±ya anuddhat± ca hutv± catusaccakammaµµh±nabh±van±saªkh±ta½ satthu s±sana½ karont² kasm± nibb±na½ n±dhigacch±mi, adhigamiss±mi ev±ti.
Eva½ pana cintetv± vipassan±ya kamma½ karont² ekadivasa½ p±dadhovana-udake nimitta½ gaºhi. Ten±ha “p±de pakkh±layitv±n±”ti-±di Tassattho– aha½ p±de dhovant² p±dapakkh±lanahetu tikkhattu½ ±sittesu udakesu thalato ninnam±gata½ p±dodaka½ disv± nimitta½ karomi.
“Yath± ida½ udaka½ khayadhamma½ vayadhamma½, eva½ satt±na½ ±yusaªkh±r±”ti eva½ aniccalakkhaºa½, tadanus±rena dukkhalakkhaºa½, anattalakkhaºañca upadh±retv± vipassana½ va¹¹hent² tato citta½ sam±dhesi½, assa½ bhadra½vaj±niyanti yath± assa½ bhadra½ ±j±niya½ kusalo s±rathi sukhena s±reti, eva½ mayha½ citta½ sukheneva sam±dhesi½, vipassan±sam±dhin± sam±hita½ ak±si½. Eva½ pana vipassana½ va¹¹hent² utusapp±yanijigis±ya ovaraka½ pavisant² andhak±ravidhamanattha½ d²pa½ gahetv± gabbha½ pavisitv± d²pa½ µhapetv± mañcake nisinnamatt±va d²pa½ vijjh±petu½ agga¼as³ciy± d²pavaµµi½ ±ka¹¹hi½, t±vadeva utusapp±yal±bhena tass± citta½ sam±hita½ ahosi, vipassan±v²thi½ otari, maggena ghaµµesi. Tato maggapaµip±µiy± sabbaso ±sav±na½ khayo ahosi. Tena vutta½– “tato d²pa½ gahetv±na…pe… vimokkho ahu cetaso”ti. Tattha seyya½ olokayitv±n±ti d²p±lokena seyya½ passitv±.
S³cinti agga¼as³ci½. Vaµµi½ okassay±m²ti d²pa½ vijjh±petu½ tel±bhimukha½ d²pavaµµi½ ±ka¹¹hemi. Vimokkhoti kilesehi vimokkho. So pana yasm± paramatthato cittassa santati, tasm± vutta½ “cetaso”ti. Yath± pana vaµµitel±dike paccaye sati uppajjan±raho pad²po tadabh±ve anuppajjanato nibbutoti vuccati, eva½ kiles±dipaccaye sati uppajjan±raha½ citta½ tadabh±ve anuppajjanato vimuttanti vuccat²ti ±ha– “pad²passeva nibb±na½, vimokkho ahu cetaso”ti.

Paµ±c±r±ther²g±th±vaººan± niµµhit±.