8. R±hulattherag±th±vaººan±

Ubhayen±ti-±dik± ±yasmato r±hulattherassa g±th±. K± uppatti? Ayampi purimabuddhesu kat±dhik±ro tattha tattha bhave puññ±ni upacinanto padumuttarassa bhagavato k±le kulagehe nibbattitv± viññuta½ patto satth±ra½ eka½ bhikkhu½ sikkh±k±m±na½ aggaµµh±ne µhapenta½ disv± sayampi ta½ µh±nantara½ patthetv± sen±sanavisodhanavijjotan±dika½ u¼±ra½ puñña½ katv± paºidh±namak±si. So tato cavitv± devamanussesu sa½saranto imasmi½ buddhupp±de amh±ka½ bodhisatta½ paµicca yasodhar±ya deviy± kucchimhi nibbattitv± r±huloti laddhan±mo mahat± khattiyapariv±rena va¹¹hi, tassa pabbajj±vidh±na½ khandhake (mah±va. 105) ±gatameva. So pabbajitv± satthu santike anekehi suttapadehi suladdhov±do paripakkañ±ºo vipassana½ ussukk±petv± arahatta½ p±puºi. Tena vutta½ apad±ne (apa. thera 1.2.68-85)–
“Padumuttarassa bhagavato, lokajeµµhassa t±dino;
sattabh³mamhi p±s±de, ±d±sa½ santhari½ aha½.
“Kh²º±savasahassehi, parikiººo mah±muni;
up±gami gandhakuµi½, dvipadindo nar±sabho.
“Virocento gandhakuµi½, devadevo nar±sabho;
bhikkhusaªghe µhito satth±, im± g±th± abh±satha.
“Yen±ya½ jotit± seyy±, ±d±sova susanthato;
tamaha½ kittayiss±mi, suº±tha mama bh±sato.
“Soººamay± r³pimay±, atho ve¼uriy±may±;
nibbattissanti p±s±d±, ye keci manaso piy±.
“Catusaµµhikkhattu½ devindo, devarajja½ karissati;
sahassakkhattu½ cakkavatt², bhavissati anantar±.
“Ekav²satikappamhi, vimalo n±ma khattiyo;
c±turanto vijit±v², cakkavatt² bhavissati.
“Nagara½ reºuvat² n±ma, iµµhak±hi sum±pita½;
±y±mato t²ºi sata½, caturassasam±yuta½.
“Sudassano n±ma p±s±do, vissakammena m±pito;
k³µ±g±ravar³peto, sattaratanabh³sito.
“Dasasadd±vivitta½ ta½, vijj±dharasam±kula½;
sudassana½va nagara½, devat±na½ bhavissati.
“Pabh± niggacchate tassa, uggacchanteva s³riye;
virocessati ta½ nicca½, samant± aµµhayojana½.
“Kappasatasahassamhi, okk±kakulasambhavo;
gotamo n±ma gottena, satth± loke bhavissati.
“Tusit± so cavitv±na, sukkam³lena codito;
gotamassa bhagavato, atrajo so bhavissati.
“Sacevaseyya ag±ra½, cakkavatt² bhaveyya so;
aµµh±nameta½ ya½ t±d², ag±re ratimajjhag±.
“Nikkhamitv± ag±ramh±, pabbajissati subbato;
r±hulo n±ma n±mena, arah± so bhavissati.
“Kik²va aº¹a½ rakkheyya, c±mar² viya v±ladhi½;
nipako s²lasampanno, mama½ rakkhi mah±muni.
“Tass±ha½ dhammamaññ±ya, vih±si½ s±sane rato;
sabb±save pariññ±ya, vihar±mi an±savo.
“Kiles± jh±pit± mayha½…pe… kata½ buddhassa s±sanan”ti;
arahatta½ pana patv± attano paµipatti½ paccavekkhitv± añña½ by±karonto–
295. “ubhayeneva sampanno, r±hulabhaddoti ma½ vid³;
yañcamhi putto buddhassa, yañca dhammesu cakkhum±.
296. “Yañca me ±sav± kh²º±, yañca natthi punabbhavo;
arah± dakkhiºeyyomhi, tevijjo amataddaso.
297. “K±mandh± j±lapacchann±, taºh±chadanach±dit±;
pamattabandhun± baddh±, macch±va kumin±mukhe.
298. “Ta½ k±ma½ ahamujjhitv±, chetv± m±rassa bandhana½;
sam³la½ taºhamabbuyha, s²tibh³tosmi nibbuto”ti.–

Catasso g±th± abh±si.

Tattha ubhayeneva sampannoti j±tisampad±, paµipattisampad±ti ubhayasampattiy±pi sampanno samann±gato. R±hulabhaddoti ma½ vid³ti “r±hulabhaddo”ti ma½ sabrahmac±rino sañj±nanti. Tassa hi j±tas±sana½ sutv± bodhisattena “r±hu j±to, bandhana½ j±tan”ti vuttavacana½ up±d±ya suddhodanamah±r±j± “r±hulo”ti n±ma½ gaºhi. Tattha ±dito pitar± vuttapariy±yameva gahetv± ±ha– “r±hulabhaddoti ma½ vid³”ti. Bhaddoti ca pasa½s±vacanameta½.
Id±ni ta½ ubhayasampatti½ dassetu½ “yañcamh²”ti-±di vutta½. Tattha yanti yasm±. Ca-saddo samuccayattho. Amhi putto buddhass±ti samm±sambuddhassa orasaputto amhi. Dhammes³ti lokiyesu lokuttaresu ca dhammesu, catusaccadhammes³ti attho. Cakkhum±ti maggapaññ±cakkhun± cakkhum± ca amh²ti yojetabba½.
Puna apar±parehipi pariy±yehi attani ubhayasampatti½ dassetu½– “yañca me ±sav± kh²º±”ti g±tham±ha. Tattha dakkhiºeyyoti dakkhiº±raho. Amataddasoti nibb±nassa dass±v². Sesa½ suviññeyyameva.
Id±ni y±ya vijj±sampattiy± ca vimuttisampattiy± ca abh±vena sattak±yo kumine bandhamacch± viya sa½s±re parivattati, ta½ ubhayasampatti½ attani dassetu½ “k±mandh±”ti g±th±dvayam±ha. Tattha k±mehi k±mesu v± andh±ti k±mandh±. “Chando r±go”ti-±divibh±gehi (c³¼ani. ajitam±ºavapucch±niddesa 8) kilesak±mehi r³p±d²su vatthuk±mesu an±d²navadassit±ya andh²kat±. J±lapacchann±ti sakala½ bhavattaya½ ajjhottharitv± µhitena visattik±j±lena pak±rato chann± paliguºµhit±. Taºh±chadanach±dit±ti tato eva taºh±saªkh±tena chadanena ch±dit± nivut± sabbaso paµikujjit±. Pamattabandhun± baddh±, macch±va kumin±mukheti kumin±mukhe macchabandh±na½ macchapasibbakamukhe baddh± macch± viya pamattabandhun± m±rena yena k±mabandhanena baddh± ime satt± tato na nigacchanti antobandhanagat±va honti.
Ta½ tath±r³pa½ k±ma½ bandhanabh³ta½ ujjhitv± pubbabh±gapaµipattiy± pah±ya kilesam±rassa bandhana½ chetv±, puna ariyamaggasatthena anavasesato samucchinditv± tato eva avijj±saªkh±tena m³lena sam³la½, k±mataºh±dika½ taºha½ abbuyha uddharitv± sabbakilesadarathapari¼±h±bh±vato, s²tibh³to sa-up±dises±ya nibb±nadh±tuy± nibbuto, aha½ asmi hom²ti attho.

R±hulattherag±th±vaººan± niµµhit±.